( مر السحاب وراح من غير وبلي00)

[محمد الشراري]

ملاحظة/ البيت الاول والثاني من هذه القصيده كانت قد نشرت
قبل سنوات في احدى الصحف المحليه
وهي مسابقة اكمل البيتين من قبل المنتدى الشعبي بالشرقيه
وحاولت المشاركه بهذه القصيده 00
حلم السنابل


( مـر السحاب وراح من غير وبلي = على الحقول ومات حلم السنابل
واخذت مشعابي و دوهت لإبلي = في حروة البرق البعيد المقابل)

ابا اتبع اسلاف ٍ تنصوه قبلي = لعل به لمخايل البرق وابل
انا بدوي للعز دقيت طبلي = موتي ولا شبعة بقايـا توابل
ان امحلت شامٍ تيّممت قبلي = على ثرى غصنٍ من الجود ذابل
اعيش بالدنيا كرامه ونبلي = واجلس على البيداء بليا حنابل
ومن مرهف الاحساس ربي وهب لـي = احب شوف المـاء وصوت البلابل
حنـا بدو00 سيف، ومحاله، وحبلي = نفخر بهن قدام عصر القنابل
الشيخ منـا ليـث، والشاب شبلي = والطفل يكسر باللقـا جيش بابل
صديقنا مسرور والضد مبلي = نقضي ، ونمضي، بين رافض وقابل
مانقبل التخصيص جب لك، وجب لي = ولا نقبل التشويش بين الكيابل
ننهض الى منه سقط كل خبلي = ولا قطعنـا يـوم للخيـر سـابل
انا بدوي والذل ماينتسب لي = يوم ارتضىَ بالذل عفن السرابل
راي السعد والحق ياما كسب لي = باللين والشده وفتل المحابل
أرد عند اللي بصوته ندب لي = ان خيبوا ضنه شباه الزنابل
ولا حسبت حساب من لاحسب لي = كان اختلط بالوضع حابل ونابل
مَـر السحاب وراح من غير وبلي = وبهمتي حققت حلم السنابل

محمد عطاالله الشراري
القريـات

[سلطان الشمري]

حـــــــــــــــــــلم السنابل..




الله الله يامحمد..



رائع فعلاً..



صح لسانك يالغالي..


وماهي غريبه عليك..


دمت بخير..

[بو رائد]

رائع رائع رائع

عطاء متدفق وقلب صافي

وحرص على العادات القبليه الشريفه الطاهره

والله انك لتسمو بهذا المضيف الى قمم النجوم شكرا على هذا

الشعر الذي يلامس القلب والوجدان لك كل الحب والتقدييييييييييييييييير

[سلمان النبهان]

انـا بـدوي للعـز دقيـت طبلـي =موتـي ولا شبعـة بقايـا تـوابـل
ان امحلـت شـامٍ تيّممـت قبلـي =على ثرى غصنٍ من الجـود ذابـل
اعيـش بالدنيـا كرامـه ونبـلـي =واجلس على البيـداء بليـا حنابـل
ومن مرهف الاحساس ربي وهب لي =احب شوف الماء وصـوت البلابـل
حنا بدو00 سيف، ومحاله، وحبلـي =نفخر بهـن قـدام عصـر القنابـل
الشيخ منا ليـث، والشـاب شبلـي =والطفل يكسر باللقـا جيـش بابـل
صديقنـا مسـرور والضـد مبلـي =نقضي ، ونمضي، بين رافض وقابل
مانقبل التخصيص جب لك، وجب لي =ولا نقبل التشويـش بيـن الكيابـل
***************************************

صح لسانك مليون وحقيقة تصوير رائع جميل
غير مستغرب من شاعرنا الاصيل / محمد الشراري
تسلم ويعطيك مليون عافيه على امتعنا بهذه الرائعه ..

[عبدالله الجعيثن]

انا بـدوي والـذل ماينتسـب لـي
يوم ارتضىَ بالذل عفـن السرابـل

محمد الشراري

صح لسانك

قصيده رائعه من رائع

[محمد الشراري]

الاخ العزيز /نبراااس
شكرا لك على الوفاء الدائم
والكرم المتواصل
والتشجيع المشرف
مرورك اسعدني كثيرا
لاهنت وماعليك زود ياالطيب
لك تحياتي

[محمد الشراري]

الاخ الكريم /بو رائد
شكرا لمرورك العذب
وكلماتك الطيبه المشرفه
والمضايف تسمو بكم وبنجومها الكرام
شكرا لك لاهنت وما عليك زود يالطيب
لك تحياتي

[محمد الشراري]

الاخ الكريم / سلمان النبهان
مرورك اسعدني كثيرا
شكرا لتشجيعك المشرف
لاهنت وماعليك زود يالطيب
لك تحياتي

[محمد الشراري]

الاخ الكريم / الغازي
حياك الله
واشكر لك زيارتك لصفحتي
وكلماتك الطيبه
لاهنت وماعليك زود يالطيب
لك تحياتي

[سنجار]

محمد الشراري

صح لسانك

على هذه الشامخه


انـا بـدوي للعـز دقيـت طبلـي موتـي ولا شبعـة بقايـا تـوابـل
ان امحلـت شـامٍ تيّممـت قبلـي على ثرى غصنٍ من الجـود ذابـل

[ضحوي الاسلمي]

كم يسعدني هذا الحضور




.



أتشرف بتوقيع إسمي هناااا


.





شاعرنا ..


محمد الشراري



الف صح لسانك



ولاهنت ..


.


اخوك


ض
ح
و
ي

[الأدهم]

صح لسانك محمد الشراري ويعطيك العافيه والمزيد
(يامن يوصل مالك القلب خطي*****ويخفيه عن أهل القلوب المريضه)
وتقبل تحياتي

[محمد الشراري]

الاخ الشاعر المبدع / ضحوي الاسلمي
سعيد جدا لتفلضك بالمرور وزيارة صفحتي
وتوقيع اسمك يشرفني واعتبره وسام اضعه على صدري وأباهي به00
حباك الله ياضحوي
لاهنت وماعليك زود يالطيب
لك تحياتي

[محمد الشراري]

اقتباس من رد الاخ /الادهم
الكاتب الاصلي الادهم 00
صح لسانك محمد الشراري ويعطيك العافيه والمزيد
(يامن يوصل مالك القلب خطي*****ويخفيه عن أهل القلوب المريضه)
وتقبل تحياتي



الاخ العزيز /الادهم 00 حفظك الله

حياك الله يالغالي بين إخوتك في هذا الصرح الشامخ(موقع المضايف)
وشكرا لك على المرور العذب وزيارتك لصفحتي
وشكرا لك على تذكيري وكتابتك لهذا البيت من
قصيدتي القديمه جدا 00واليك ما اتذكره منها :-

يامن يودي مالك القلب خطي =ويخفيه عن هيل القلوب البغيضه
ياليت لو بس بيدينه يحطّي=والى وصل00 ربي وربه حفيضه
يمكن الى منه قراه إبتبطّي=يشفق00 ويأسف00 ويتذكر مريضه
قلبي على وصله كثير التعطي= والمشكله - ماكل واحد يعيضه
يازين حبك بالضماير مسطّي = واعرف ترى بعدك عليّه غميضه
همي بعد فرقاك ليّه مغطي= وصارت لي البلوى طويله- عريضه
الى ذكرتك واهج الكبد شطّي= وانهض تقل ماني على حد ريضه
قلبي تمطيته بهمك إتمطّي= وعين ٍ تشقّت فيك ماهي حظيظه
نوب ٍ تعلّي بي ونوباً توّطي = ومع كل هذا رضاك مثل الفريضه

اخوك/
محمد عطاالله الشراري
القريات

[خلـيف الجهيلي]

الشاعر /

محمد عطالله الشراري

صح لسانك وكفووووووو

الله يعطيك العافيه على الراااااااائعه

والشامخه بقلمك المميز 00

اعجبتني كثير يامحمد

وتصويرك للبداوه

اكثر من راااااائع 00

انتم هل الابل يالشرارات

ولا على هذا غبار 00

تقبل خالص

تحيــــــــــــــــاتي


اخوك / خليف الجهيلي

[محمد الشراري]

الا خ الكريم /سنجار حفظك الله

حياك الله
وشكرا لك على مرورك العذب
وكرمك المتواصل
وتشجيعك المستمر
لاهنت وماعليك زود
لك تحياتي

[محمد الشراري]

الاخ الكريم / خليف الجهيلي

شرفتني بزيارتك لصفحتي
شكرا لك على مرورك العذب
وتشجيعك لي المستمر
وكرمك المتواصل
لاهنت وما عليكم زود يالطيب
لك تحياتي