سلام يا الاصمعي يا الشاعر الوافي

[ساري^الليل]

سلام يا الاصمعي يا الشاعر الوافي = يا المشرف اللي صعد في راس مشرافي
و الشاعر اللي يجيد النظم للقافي = يموت الارهاب و تعيش السعودية
.
.
.
جيت أنشّد عنك و آقول وين الاصمعي = يا عميلي قوم ما بالمنام الا الملام
في جدار المجد اببني و ابي تبني معي = مير لا مني دعيتك تعال و لا تنام

[الاصمعي]

أهلاً وسهلاً بساري ، ساري الحربي=الي لبدع القوافي مندفع طربي

الله يسهل لنا وياه ذا الدربي=يموت الارهـاب و تعيـش السعوديـة
.
.
.
.
.


هو محامي ساري الليل ولا مدعي=يطلب انزال العقوبة على حسب النظام

نطلب الله يقبل أعمالنا وايضا السعي=والعذر صاحبك له سفرةٍ يابن الكرام

شديد إعتذاري وأسفي أخي الكريم فلا أستطيع أن أواصل معك لغيابي الأيام القادمة.

إذا أكملتها مع أحد الأخوان خير على خير وهذا الأفضل ، وإذا أردت الإنتظار فيسعدني اللعب معك :hala1:

[ساري^الليل]

أخوي الاصمعي الله يوفقك و أنا بانتظارك و ما عليك الا أن تخبرني عند عودتك و أنا اتشرف باللعب معك و ان شاء الله نكملها بعد عودتك


تروح و ترجع بالسلامة

اخوك ساري الليل

[ساري^الليل]

يا اللي تهلي بنا يا مرحبا فيكم = ماني يا راع الوفا و الله بجافيكم
خذ صافي العلم و أبغى منك صافيكم = و يموت الاهاب و تعيش السعودية
2
2
2
جيت ابغني بصوتي و ابطرب مسمعي = ليتنا يا ابن الاجاويد نمشي بانتظام
جعلها مقبولة وجعل سعيك من وعي = من يبي جنات ربه يجيب أحلا الكلام

[الاصمعي]

خلوووووووووووها
حياك يا ساري الليل

تبغى تعس الحيا واتبع مفاليكم=ولا اتّحرى العشا لين انه يجيكم
انت المخير وانا ماني بشانيكم=ويموت الارهاب وتعيش السعودية
.
.
.
.
اطربينا يا طيور العْز بصوتك وغني واسجعي=لاجل ناصل للنهاية وحنا بانسجام
.
لدار طيبة انتجعنا وطاب المنجعي=ثم كملنا المناسِك في البيت الحرام

[ساري^الليل]

الاصمعي قالوا انه من بني آدم = لكن من أيات قوم الله هو العالم
يا صاحبي لا تمد التمر للصايم = يموت الاهاب و تعيش السعودية
3
3
3
الجواد اللي عن الدرب جنب مسرعي = امسكه يا الاصمعي جوّد بيدك الزمام
من يضل الدرب يتبع طريق الشافعي = و كل بيتٍ ما يسيس بقوة للهدام

[الاصمعي]

إييييييييييييييه خلوهاااااااا

يا صاحبي كيف نعرفكم ولا تعرف=والامر واضح وسهلٍ ماهوه مكلف
يلي قبل تنجح التمرة تبي تخرف=يموت الارهاب وتعيش السعودية
.
.
.
.
سالم الأربع جوادي ولاهو يضلعي=والفشق يبن الحمولة ترى ملي الحزام
.
من يضل الدرب عمداً لزومٍ يقمعي=وان رجع للحق نبغى نقله يا سلام

[متفاائل]

تقبل الله

تسلموا واصلوا نحن متابعين بالصفوف

[ساري^الليل]

هات القبيلة وقول من أنت يالغالي = تراي ما اعرف أحد في دارك العالي
غريب عنكم و مالي فيكم اخوالي = و يموت الاهاب و تعيش السعودية
4
4
4
جب لنا شيخٍ يحكّم و هات الالمعي = خله يقول الحلال وينبه للحرام
أدري أنك شاعر وفيك والله مطمعي = و الدروع دروع تحمي من أنواع السهام

[الاصمعي]

حياك الله أخي متفاءل
لاهنت على المتابعة والتشجيع
امسك لي الصف وازهل الحربي:wink:

استلم يا ساري الليل



يالي تنشّد تذكر قول الخلاوي=كبار الصحون وطعونه ماله مداوي
سم لكبود العدا وللجار كالجاوي=يموت الارهاب وتعيش السعودية
.
.
.
.
ابغي اصدع بالحقيقة وانته اصدعي=ولا نحوج لحكم قاضي ولا يكثر خصام
.
من طمع فينا قديمٍ مفلس يرجعي=ومن بغاها بالمحبة يبي يلقى المرام

[الأصيل]

جيت ماشوف القاع

أبي أقظب الصف الثاني .

تابعووووووووووو

[ساري^الليل]

يا الله بمشي لكم ما قلت يا خالي = و ادبك مع الناس و ابنظم لك اقوالي
و الخير في كل مسلم دوم همالي = و يموت الارهاب و تعيش السعودية
5
5
5
يا طيور الشعر يا الله تعالي و اسمعي = نكسر الابيات و نرقع الكسر بلحام
يا شياطين اهجعي يا شياطين اهجعي = يا محبة رددي بهوا سجع الحمام

[الاصمعي]

انشد جدك وأبوك وانشد العالم=واسأل مزينة عنه واسأل بني سالم
ما يجحد الحق إلا الجاهل الظالم=يموت الإرهاب وتعيش السعودية
.
.
.
.
من ادعى من دون أدلة صحيحة تقنعي=كذبه قاضيه لو جاب له أكبر محام
.
عارفٍ دربي ومن وين يا سالي سنعي=وعارفٍ للورد وقته وأوقات الحسام

عزيزي ساري الليل أسعدني اللعب معك ونلتقي على المحبة مراتٍ أُخر

شكراً للأصيل ومتفاءل وجميع من تابع ونقول للمشرفين نوم العوافي:wink:

[ساري^الليل]

أنته عزيزٍ و ماني ناشدٍ غيرك = تحمل اللي يبي يعل من حيرك
أنا جهلت و سألتك هات لي خيرك = و يموت الاهاب و تعيش السعودية
6
6
6
لا تروّح ما أنت مسموح ابي تسري معي = لا تشير بكل لحظة و لحظة للختام
المحاور فيه شدة و يا عين أجزعي = ولع النيران و أترك عدوك للحطام

[الاصمعي]

حياك ، لكن يقال الشاعر إعلامي=يعرف علوم العرب ويعرف الاسامي
وشلون جيران بيتٍ عنهم شامي=يموت الارهاب وتعيش السعودية
6
6
6
قريت تعقيبٍ هنالك وحرك مضجعي= قلت با يسري ساري قبل وقت الزحام
المحاور أجوديٍ ولا هو بُعبعي= ولا يكرر قاف لو راددك عشرين عام

[ساري^الليل]

الشاعر يعرف لكن فاتته حاجة = و الجهل ماله سوى سؤال لعلاجه
ماني على كل خلق الله صناجة = و يموت الاهاب و تعيش السعودية
7
7
7
لا تحسب أنك بقولك تنزل مدمعي = أنت تعرف كيف تمسك مواقفنا الزمام
قالوا أهل العرف يحرم بعد سبع النعي = وانت تنعى ميتٍ مات والعالم صيام

[الاصمعي]

مادام للحين تجهل مابك عباية=وشلون ناصل بعد مسرى الى غاية
لكن أقول إلك سلم سلم الراية= و يموت الاهاب و تعيش السعودية
7
7
7
كني أشوفك يا ساري مخالف مرمعي=وانا قاصد ردك الي على بعض الفئام
أحسبك واهم واثرك لغلطك تشرّعي=يا مطوع حرب مالناس يالغالي نيام

[ساري^الليل]

خلاص يا هيه يكفي كل ما قلته = أنته من المتعب و يكفيك ما شلته
بالفلسفة جبتها و أنا ماني فلته = و يموت الاهاب و تعيش السعودية
8
8
8
قبلنا زيد العضيلة رعى وسط الرعي = وقبلنا صياف و المورقي نعم الهمام
جيت أرقعها و عميت وزادت بالعمي = غمض عيونك و فوت و مشه للأمام

[ساري^الليل]

يالله حي الاصيل


تراني ماشفتك يالاصيل الا الحين الاصمعي يحاسبني على كل شيء ما عدت أشوف حتى الضيوف ( جاك الموت يا تارك الصلاة )
الله يكفينا شرك يالاصمعي


يالله حيه

[الاصمعي]

طيب يا ساري يا بو دم شرباتي=صاحبك من شمرٍ من شان ما تحاتي
وان كان به مصلحة برسل بياناتي= يموت الاهاب و تعيش السعودية
8
8
8
ما اعترف كود بسميي أنا العية ياعي=هو فقيه الملعبة وقاضيه وراع السنام
لغلطة الأصحاب ياخي ماني مشنّعي=وانت فارس وان كبا لحظةٍ لابد قام



ساري الليل بيدت حيلي وعييت تبيد ما شاء الله عليك ، لكن
اغديك تحول على المشعل الي جاي وما براسه علايق

تحياتي مع أطيب أُمنياتي

[ساري^الليل]

و النعم في شمر أهل العز و الرفعه = عن كل ما شابها يا ناس مرتفعه
أهل الكرم و الوفا والعدل و الفزعه = و يموت الاهاب و تعيش السعودية
9
9
9
قافي اللي قلت فيه العمى ما يرقعي = مير طيبك يا الخوي حال دون الانتقام
يا قوافينا تعالي بحبٍ شعشعي = والختام يكون مسكٍ وعنبر واحترام



أخوي الاصمعي تشرفت بمحاورتك و لك مني جزيل الشكر و مكسبي من هذي المحاورة مكسبين معرفتك و معرفة طيب أخلاقك و سعة صدرك

على فكرة ترى فيصل العية كان بمحاورة مع المورقي

ببداية المحاورة كان بيت ترحيب للمورقي يقول فيه

============== نيابة عن رياجيل محكحكة معادنها

و فيه نهاية المحاورة جاب العية

============= يجيك الحل من ناس محكحة معادنها

و الامثلة كثيرة يقال في حالة أضطر الشاعر لقافية سرت فأنها يجوز له أن يأخذ من قوافي مضى عليها أكثر من سبع أبيات و هذا ضعف في الشاعر لكنه قد يكون ضروري


هذا ما هو دفاع عن نفسي فأنا شويعر بينكم لكن حبيت أوضح اللي كان براسي و الا أنا ترى مشهور بالكسر و سريان القوافي


أخوكم ساري الليل

[متفاائل]

http://www.jw2r.com/vb/images/smilies/alam%2030.gif http://http://www.jw2r.com/vb/images/smilies/alam%2030.gif http://http://www.jw2r.com/vb/images/smilies/alam%2030.gif
تسلموا ماقصرتوا فيكم الخير
http://www.jw2r.com/vb/images/smilies/alam%2030.gif

[بتول آل علي]

صح لساااااااااااااانكم

الأصمعي و ساري^الليل

أمتعتووونا بصرااااحه


و ننتظر محاورات مماثلة في القريب العاجل إن شاء الله


الدهور

[ساري^الليل]

صح بدنك أختي الدهور



و أن شاء الله يكون القادم أفضل



ساري الليل

[صلفيق ابو قناة]

يعطيكم العافية

[الاصمعي]

أشكرك أخي ساري ولا قصرت :thumb:
أخي متفاءل شكراً لحضورك الطيب :hala1:
أختي الدهور شكراً لمتابعتك وتشجيعك :hala1:
أخي صلفيق شكراً للحضور والتشجيع :hala1:

تحياتي :)