حيّاك يا الأصمعي!!

[متأمل]

تلقيت دعوة كريمة من أخي الفاضل الأصمعي للمحاوره...في هذا المضيف

و لم تسمح لي الظروف وقتها... و آثرت تأجيل لقاءه ..

و الآن أراني ألبي دعوته..

استلم..



أنا نفسي لشوف أهل الوفا و الجود مسترّه=سلام الله عليكم ردّة تغني عن الزادي
علام الأصمعي لابس قميص(ن) منقطع زرّه=ترك سلم الرجال الطيبين بجهل و عنادي

الصفوف يا عيال..

[حمود الشمري]

ياسلام يامتامل ابداع

ومداعبه جميله

[الاصمعي]

بعد شهرين تذكرت الدعوة:wink:

يالله ماشي الحال بس واصل لاتنقطع وأظهر إسمك على شان أدري إنك موجود.

إييييييييه خوها


سلامٍ واجبٍ رده ولو النفس ماسره=لأني عارفٍ ماهو ب ماشي سلم الاجوادي
ترى السارق وقع بيدي وجابه واضح الجره=أبو وجهين ماهو لي رفيقٍ والله الهادي

[الأصيل]

أنا أخو العيال ،،

دخنته واصله للسما ،،

هذا حنا للحين بالبدايه ،،

ميه بالميه مولعه ، :)

[متأمل]

استلم..أيها العميل


بلشني من دعاني يوم أزوره زايدٍ شره=علامه ورعكم يا ناس عن طبع العرب غادي
زمانك سايره وقت الحلا و اصبر على مره=و لا تلبس ثياب العيد الى فاتن الأعيادي


وين الصفوف..

[الاصمعي]

إيييييه خلوها

الا يا مخفيٍ إسمه ورسمه ظاهرٍ بره=علامك مستحي لاتشاف كنك غض الانهادي

تبين وانزع قناعك ووجهك يافتى وره=ولعبك خله مباشر نشف ريقي وانا انادي



الليلة إحضر بدري وخل تصفحك مكشوف ونبيها مباشرة أيها العميل:wink:

[متأمل]

خلوووها...


تخيل البرق بعيونك و قلبك منعمي مره=و كن يحدّك اعن الحق و الدرب السنع حادي
أنا ما أضغط على المسكين لينه ينكشف ضره=معي قدره و لي منهج سوات السيف جلادي

علام الدار خاليه...

[الاصمعي]

إييييييه خلوها

ماودك تشيل القناع على شان نعرف تواجدك أيها العميل :)




تحسب إنك شجاعٍ يوم تطعن دوم بالغرة=ولا تدري بأن الفعل هذا فعلة ربادي

لقيت أنا الذي يشبهك ذاك مدربي الصرة=هذاك الي يجيه الموت لا أروح ريحة الكادي

[ثامر]

الله الله درر من شعار كبار والله العظيم تستحق المتابعه محاوره تستاهل التثبيت بعد الانتهاء
صح لسانك ابو عمر وصح لسانك ابو خالد سجلوني ضمن الصفووووووووف

[متأمل]

استلم...


يبا لبس البشوت اللي نسى قبعته و غترّه=و لا له صيرمٍ يطعم عدوه سم الأكبادي
تركته لأجل عين الناس خوفٍ ينفضح سره=و أثره اللي كما النار الضعيفه عند وقّادي

[الاصمعي]

إييييييه خلوها :)


أنا داعيك يوم إنه ركبك هناك أخو مرة=وقمت تشغل التشويش على محطة الرادي

أبي تعرف بأنك ما تساوي بالشعر ذرة=ولونك موذي وتشبه خبيث الذكر القرادي

ركز على الشعر وخل عنك النثر وأنت البادي :hala1:

[متأمل]

النثر أبياتك...طال عمرك

استلم..


أنا ما همني بيت الكريم ان ضاقت حجرّه=و لا لك فضل في بنيه و لا عمر الخبل سادي
أشوف اللي تصوّر بالخلا و أحترقت صورّه=سوات مقابل الهيجا بليا درع و سنادي

الصفوف يا عيال...وينكم يا النشاما

[حمود الشمري]

الاخ متامل والاخ الاصمعي

كما تعرفون المحاوره تبتني على ثلاث اشيا مهمه

الوزن= والقاف والمعنا بنسبه المعنا مختلفين عليه

وتبون اتوضحون المعنى الى المتصفح ونا اعتقد
ان هاذا مايجوز العب يكون حر والبادي هو صاحب الموضوع
والي يرد يرد على نفس الموضوع بدون حساسيه والفاض ماتليق امقامكم ونا الي طلب اخوي تنهون المحاوره الله لايهينكم

[متفاائل]

السلام عليكم

الاصمعي -- متأمل :hala1:

متابعين لكم

بالصفوف

تراى مكاين الديزل تعجبك كل ما امتره=اذا السواق يعرف نفسها تعطيه مارادي
اذا شغلتها تبرد لو انه قبل محتره=بعكس اللي اذا شغلتها انبيرها ازدادي

[الاصمعي]

إييييييه خلوها :)





وأنا ذيبٍ ولا هم الذيابه كل مجترة=ولو صاحت ولو ناحت تصاد لزوم تنصادي

خليت الي ما يعرف سالفتنا حيل يتشره=وهو ما يعرف اعلومٍ قديمة إلك وجدادي

[بتول آل علي]

>>>> بالصف بس بوقف عند الباب

يكون إذا صارت خناقة أهرررب على طووول


صح لسااانكم و ما عليك يا حمود الشمري

شعراءنا صدوووورهم شماااالية :awink:



صح لسااانكم و استمروووا

الدهور

[متأمل]

مشرفنا الغالي...دخولك يشرفنا

الدهور..صدقتي..صدورنا شماليه...و الامور كلها سهالات و مزح..

استلم... يا وجه الخير


أنا وشلون أفهّم واحدٍ موجته مفترّه=أمشّيه السهول الراكده و يحوّل الوادي
تعبنا من جدال اللي تساوي خمسه عشرّه=ما ينفع معه كود نكتّف المجنون بقيادي

مع تحياتي..

[الاصمعي]

الأخوة الكرام ثامر و الأصيل ومتفاءل وحمود والدهور شكراً لكم جميعاً على المتابعة والحضور :)

ولكل واحد باقةٌ من الزهور والصدور إن شاء الله شمالية شرقية:wink: ولا يمكن نقع في المحضور :hala1:

إيييييه خلوها :thumb:




الا يالرجلي الحافي نطيحك راكب شْمرّه=وهو ما حدر الوادي ومشيه دوم بسنادي
-------
خلاص الي مضى يكفي ولو كررته نكره=نبي تلميذنا الشاطر يقدر فعل الإستادي

[متأمل]

استلم...



تبعّج موترك و من العواصف طاحت نمرّه=و ضاع رويتبك ما بين سمكرجي و حدّادي
تصدّد من طبيبك يوم حط السم ف اوبرّه=و لالك حيل لو جسمك سوات الثور..وش عادي

الصفوف...وينها

تحياتي..

[الاصمعي]

إيييييه خلوها





يزين الليد ليا منا خزمنا خشمه بسره=وليا منا حشمنا الليد قام يصيح ويدادي

--------------

الا يمعالج المرضى ورى عينيك محمره=إشّارب شي أو مرضان ولا من عرب فادي

[بتول آل علي]

هههههههههههههه حلوووووووه

استمروووووووا و معاااكم :thumb:

[ساري^الليل]

الله عليكم إبداع في إبداع



اخوكم ساري الليل

[متأمل]

عاشوا الصفوف...عاشوا

الدهور... أنتي في صف من ؟

مرورك و تشجيعك ...يسعدنا

ساري الليل...شرفت طال عمرك


تقوله و أنت دربك ما تشوفه طحت بحفرّه=و تشكي من جروحك وأنت دوم بهوش و طرادي
بعد جفّت سواقي نخلتك ما هيب مخضرّه=و لو طعت الكلام..ارتح و أخذ دلّه و برّادي

تحياتي..لجميع المتابعين و المشجعين

[بتول آل علي]

:)
انا في صف اللي يفووووز :)

و خلوووووهاا >> على قولتكم :)

[الاصمعي]

الدهور متابعة وتشجيع ولا أحلى لك الشكر والتقدير
ساري الليل شكراً على المتابعة يالغالي
إيييييييه خلوها:)

عشيري متأمل إستلم:wink:



نشوف الدرب ونحوفه ببحره وايضاً ببره=وانا ماأخطي ومن يخطي أحط برجله قيادي

--------------------

وترى الميباخ1 مرتاحه وعروة2 زيته تخره=الا يا رجل في جسمك لكن العقل ولّادي

1-الميباخ: أفخم أنواع الميرسيدس<<هذا أنا:thumb:
2-عروة: الددسن العراوي المخبطة<<هذا هو:wink:

[محمد العربي]

ابداع ممتع من الجميع ..



لكمـــــــــا الشكر .. متأمل ومندوب المضيف العام الأصمعي .. ونتمنى المواصله .

[متأمل]

الدهور...متابعه متميزه

محمد العربي...مرورك يسعدني

استلم يا العشير...


حليله لاعبٍ يبغى يهدّف ضاعت كورّه=و له جمهور يعرف مورده و يعرف ميرادي
نصيبك مثل من يرعى حلاله بأوّل الحرّه=بلادٍ ما سقاها من مزون الغيث ردّادي

يا عشيري...الظاهر أنك تترنح... و الافلاس وصل حدّه عندك...بس كعادتك تكابر

تحياتي...

[الاصمعي]

حيى الله ابو عرب يا مرحبابك:)
إيييييييييه خلوها


أشوفه مطقمٍ باللبس واقول للولي دره=واثر المسكين متشحطط على بوابة النادي

-----------------
منعنا النثر من مبطي وكر نويرتك كره=طفت نارك وأنا ناري تلهب كبر الأطوادي


حاول تفضفض عن نفسك شعرياً :)
هناك نثر وهنا شعر فقط :wink:

[متأمل]

يا عميلي...

وش عاد أسوي لك...أعطيك أبيات شعر بمعنى ..و تضيّعه

استلم...


طمحتي عن عشيرٍ حطّ لك في منزلك ضرّه=و لا له خير للثنتين لا يربح و لا فادي
سميّك لو درابك يشتكيك و ثوبه يطرّه=تقلّد بصمته و أنته ولد شارون جلعادي

ملحوظه لمن لا يعرف...شارون الجبان له ولد اسمه جلعاد أُ تهم قبل فتره في قضايا نصب

[الاصمعي]

خلاص نشف بيركم :thumb:

إييييييييه خلوها :)


خلص ماكم واشوف الدلو جابت طين مضطره=ولا يذهِب ضماك الطين جاك الموت حصّادي
------------------
نويت آعسف متأمل عساف الشاوي لكره=لجل يعرف شبه شارون وابنه كيف هو سادي1

1-سادي محب للدماء :awink:

[متأمل]

الجمهور يحكم...من الذي جفت بيره

استلم...


خدودك من كفوفي يا قليل العرف مصفرّه=قصير ايدين تجفل لا رزم لك صوت رعّادي
أنا بنشدك عن وادي حمامه غصّ بشجرّه=و سيله يذكرونه من ورى البصره و بغدادي

بما أنني طوال الوقت أسير في وادي...و صاحبي في وادي آخر

فلا أرى نهاية لهذه المكابره...الا بهذه الطريقه...اذا فهم المعنى ...رضيت بالاستمرار..

و الا ...فأنا أنفخ في قربه مخرومه....و لا فائده من اللعب مع مبتدئي شعر المحاوره ..

تحياتي لكم جميعا...

[الاصمعي]

إييييييييه خلوها :)


ترى بحَبَك عذف وغبار..قبل تَطْحنه رح ذره=والا الخبز يالرفلا كليه والأظلم البادي
------------
تبي مخرج ولكن ماش مخرج ضاقت الهره=ودرب الغش والحيلة مهو موصلك لمْرادي


نبي نتعلم الحلاقة بقرعتك:thumb:
وبعدين مافيه شي اسمه شجرّه يالرياحي ،لاتخرج عن القافية ولا بتصير فوضى مالها ضابط:wink:

[حمود الشمري]

صح الله السنتكم

مبدعين بحق وحقيقه