وش رايكم بهالزواج

[الشبث]

اخواني اخواتي

سمعت هكا اليوم عن زواج رجل يبلغ من العمر 75 سنه

من بنت تبلغ 18 سنه

والمشكله ليست اجنبيه

وليست محتاجه او فقيره


فوشرايكم بهالظاهرة الموجوده







وتقلدوا تحيتي

[ابو خليف]

راي ان الله سبحانه
كاتبن

هالبنت لهشاايب

ومادام على سنة الله ورسوله مابه شي

[الشبث]

ذيبان

انت جاين تخانق

ياخوي انا اقول وش رايكم

يعني لو يجيك واحد ويخطب بنتك اللي عمره 18

وهو شايبن اكبر منك

وش تسوي او وشهو رايك

انا ما قول هو حلال ولا لا




وتقلد تحيتي يابعد طوايفي

[اخو سعدى]

الشبث ..

قاعد تلمح من الان ,,,هههههههه

الصراحه موضوع له اكثر من محور للنقاش
( واحد مفتون بهذه المواضيع )

من اهم اسباب النجاح هو التوافق السني او العمري
بين الزوج والزوجه ولذلك لتقارب افكارهم وفهم كلا منهم الاخر

تخيل ولو ,, على طاري موضوع الاخت / الدهور بالفله ..
انه صار الزواج ,, ماذا لو انجبت هذه الزوجه من طفل او طفلين
صحيح ان الاعمار بيد الله سبحانه وتعالى ,,

ولكن من يرعى هولاء الاطفال ؟؟


تخيل ولو ,,

ما انجبت هذه الزوجه منه اطفال ,,,
في شهر العسل ,,, كيف يكون شكل هذه الشابه
بيقولون طالعه مع ابوها ...



تخيل ولو,,,,







الشبث ,,




لي نكسه ,, اقهر شوين ,,,

[شموخ]

الشبث ..

في شهر العسل ,,, كيف يكون شكل هذه الشابه
بيقولون طالعه مع ابوها ...
الشبث ,,
لي نكسه ,, اقهر شوين ,,,

خياله واسع الرجال ذكر شهر العسل وماذكر البلاوي اللي بعده :):)


صراحه التوافق العمري بينهم شئ مطلوب وضروري تخيل كم الفرق بينهم من 75 الى 18 :wavey:

لكن المشكله احيانا والشي اللي احس انه يقهرني البنت يوم توافق وبإرادتها واذا احد سالها قالت علشان يدلعني نعنبوه من دلع ينعاف الدلع وربي اذا كان بها الشكل :)

على فكره احيانا يحصل ان واحد يتزوج وحده اكبر منه حتى في هذه الحاله لاأؤيد انها تاخذ واحد اصغر منها لو بخمسه شهور او سنه .


الشبث

شكرا لك على هذا الموضوع .


تحياتي لك
شموخ

[الشبث]

اخوي اخو سعدى ( صارة كله اخوة )

ياهلا ومرحبا ومن طول الغيبات جاب الغنمات


كلامك زي العسل

ومنطقي في نفس الوقت

حتى سالفة شهر العسل واقعيه جدا



بس سالفة التلميح هذي ما حبيته منك





وانا في انتظار عودتك







وتقلد تحيتي

[الشبث]

هلا بالاخت الشامخه

يعجبني في ردك انك فهمتي قبل تجاوبين

فانا اقصد فارق الاعمااار بين الزوجين

بشكل كبير جدا




ولا تبخلين علينا بمداخلاتك القيمه










وتقلدي تحيتي

[محمد الربع]

الاخ / الشبث


والله انا قريت هالموضوع بالجريدة


بس ما شاء الله على هالشويب ماشيه معه


يا ليت نحصل مثله اذا صرنا بعمره ان شاء الله


وانا ارى وارأي الاتم لسعادتكم


اننا نرى الموضوع من زاوية واحدة ولا ندري عن خلفيات الموضوع الاخرى


بس صراحه والله بكل الحالات صعبه

[الشبث]

استاذي محمد الربع

انا ودي لو تقول رايك من خلال هالزاويه الوحيده

لان الحكم الاولي دائما يكون من زاويه واحده

وحنا بعد مالنا الا الظاهر





انتظر عودتك









وتقلد تحيتي

[اخو سعدى]

الشبث ,,

اقصد انك ترسم وتخطط لمشتقبلك اذا تقدم بك
قطار العمر واهلكتك عواصف الزمن ,,

فاني اتخيل همس وقع قدميك ,, وانت متهجا
لاهل تلك الشابه ,, لتطلب القرب منهم

وبيدك اليمنى عصاك المتهالكه , وعلى يسارك
خادمك العزيز ,, كومار ,,


الشبث ,,

خليتني ,, اعيش تلك اللحظات ,,




المهم,,

هذا الزواج مرفوض جمله وتفصيلا ,,,



لك الغلا ,, وحدك

[الشبث]

اخو سعدى

تصدق انك خوفتني

ههههههههههه






اخو سعدى بس فيه ناس مقبول عندهم هذا الزواج

وليس مرفوض

والدليل

ما قاله الاخ محمد الربع عن ذالك الخبر في احد الجرائد

ولكن ما يهمني قد قلته وهو رايك في هالزواج


الف شكر استاذي اخو سعدى







وتقلد تحيتي

[ريم شمر]

طيب واذا كان العكس :)

شاب بعز شبابه يجبر انه يتزوج وحده
ماراح اقول عجوز كبر جدته :surprised

لكن خل نقول اكبر منه بخمس سنين بس


هل ممكن يقبل واحد فيكم هالشي ؟؟


ولاتقولون مايصلح او مايجي او فيه فرق بين الرجل والمرأه

لان الرسول صلى الله عليه وسلم تزوج بامنا خديجه وهي اكبر

منه بعدة سنين و لايوجد رجل في الدنيا كلها

يستطيع ان يدعي انه اكرم واعز من نبينا الكريم



بالنسبه لموضوع الشايب والبنت بعيدا عن مسأله

النصيب لان امر النصيب لايعني ان نبرر بعض الاخطاء

فارق العمر الكبير بهذا الشكل يعتبر ظلم للمرأه

وضرر عليها من جميع النواحي

ولايمكن ان تقبله فتاة عاقله لم يتم اجبارها




لكن مع ذلك برأيي الشخصي انه يجب ان يكون هناك فارق


على الاقل خمس سنوات بين الزوجين لصالح الرجل

وكلما كان اكبر منها كلما كان افضل

لكن ليس لدرجه ان يكون بعمر والدها او جدها :a:



شكرا الشبث

[بو رائد]

في نظري المتواضع ان هذا الزواج غير متوافق من الناحيه العمريه للزوجين
قد يكون هناك اشياء اخرى لم يتم الافصاح عنها كان يكون هذا الشخص
غني واهل الزوجه ناس طماعين؟
شخصيا لااستطيع تصور هذا الامر الا بملابسات خاصه
لايعرفها الا اصحاب الشان شخصيا





توشح تحياتي يا البناخي

[الشبث]

الاخت الغاليه ريم شمر

انا اعتقد ان النتيجه واحده

سوى كان الزوج اكبر بفارق كبير جدا

او ان تكون الزوجه اكبر بعدة سنين

وزي ماقلتي اختي

ان القسمه والنصيب لا تمنع وجود اخطاء او نبررها


وانا اقول الله يوفق كل زوجين




وشاكر لمرورك اختي الكريمه











وتقلدي تحيتي

[الشبث]

الاخ بو رائد

كلامك عين العقل

فقد يكون في السالفه طمع

ولكن ماعلينا حنا لنا الظاهر ونبي الحكم من هالظاهر

هل تزوج ابنتك لواحد كبرك

انا من ناحيتي لو يجيني واحد كبري ويخطب بنتي

اطا على بطنوه

هههههههههه











وتقلد تحيتي

[مجد]

http://shmmr.net/upload/up/up/bbss.gif
اخوي الشبت .. اشكرك على هذا الطرح الجيد..
http://ma3vip.jeeran.com/images/hi.gif
بالنسبة تساؤلك عن مارأيكم بالزواج .؟؟!
رأي المجد المتواضع كالتالي .
اذا كنت تقصد من الناحية الشرعية .. فاذا كان الزواج بموافقة ولى البنت +اكتمال اركان الزوج
فالزواج صحيح

أما اذا كنت تقصد من ناحية اجتماعية وووووو
فأنا أرى ان التوافق والتكافؤ والتقارب في السن مطلوب بين الزوجين ..
ومن اساسيات الزواج الناجح

وان لا يكون فارق كبير بين الزوج والزوجة .. كان يكون الزوج من جيل ..
والفتاة من جيل اخر اصغر
لان الفارق في السن .. ينتج عنه اختلاف في الرغبات والحاجات ..
النفسية والجسدية والفكرية
فالزواج .. ليس تزواج جسد فقط بل فكر+ وروح+وعقل ووووو
اما اذا كانت المسألة زواج والسلام ترا حتى القطاوة تتزوج ؟؟؟؟؟!!!!!
http://www.moveed.com/data/media/31/9_2.gif
امابالنسبة لنجاح الزواج ؟
مع ذلك يمكن ان ينجح الزواج .. ويمكن يفشل ؟ كله وارد
لان في الزمن القديم كانت الفتاه تزوج بسن 15 واصغر لرجل يكبرها
بكثير مع ذلك استمرت حياتهم ونجحت .

بالنسبة لموضوعك فالسن 18 للفتاة سن نضوج .. وسن مناسب للزواج
ولكن مع شخص يتناسب معها عمرياً ..

بالنسبة لدوافع هذا الزواج ؟!
الله يعلم .. قديكون والدها مديون من هذا الزوج ؟؟!!
والضحية البنت .؟؟!!! وشبابها الذي سيضيع هدرا..

سلاااااااااام
اختكم المجــــــــد

[المخاوي]

الاخ العزيز الشبث

موضوع جميل وجدير بالمناقشه
سوف اتكلم معك بالواقع اللي انا حضرته وعايشته صدقني فيه شايب من الجماعه عمره تعدى 70 سنه وقبل ثلاث سنين تقريبا ماخذن له بنت عمرها في بداية 20 سنه قبل الزواج كان هالشويب منطوي وماغير يهنوص ويتشكى هههههه وعقب العرس رجع ثلاثين سنه ورا وزان حاله وفاله وحتى البنت الله يستر عليها تعيش معه في ( ودٍ ووئام ) >>>> ماتذكرتوا سنان هههه
المهم هالبنت انجبت منه طفلين ومسانسه معه وفي احسن حال ادام الله عليهم الموده والمحبه

فمن ناحية رأينا بهذا الزواج فهو زواج صحيح ولافيه شي اما انه فارق العمر فنعم فهو فارق كبير ونجاح هذا الزواج فيه احتمالات ربما ينجح وربما يفشل ولكن اعتقد بما ان البنت راضيه وعارفه انه رجاال كبير بكبر اباها او جدها
ورغبت بذلك فاعتقد انه سوف ينجح والله اعلم .

شكرا لك اخي الشبث

[أسير الماضي]

أشكرك أخي على هذا الطرح الرائع ... والذي آمل من الجميع الإستفادة منه
في الحقيقة عزيزي ما طرحته من موضوع ... هو في غاية الأهمية

ولعل الأخوان والاخوات جزاهم الله خيراً
قد سبقوني بالتعليق وإبداء الرأي

واحب ان اشير الى ان البنت التي تقبل بهذا النوع من الزواج فهي مجبره :(

وبالتأكيد لا يوجد بنت تقبل بشايب :tongue:

وللجميع مني ازكى تحيه وسلام

[الشبث]

الاخت الغاليه مجد

انا اقصد من الناحيه الاجتماعيه

وهل هالشي ( فارق العمر الكبير ) يؤثر سلبا او ايجابا في الزواج

اما الناحيه الشرعيه فاعتقد ان الجميع يعرفها

وزي ماقلتي الزواج مو بس زواج

ولو كان زواج حتى القطاوه تزوجت

ولكن ..

تبقى اضافات الاخت الرائعه مجد ضروريه على اي موضوع






الف شكر على مرورك اختي الغاليه








وتقلدي تحيتي

[السطامة]

ثانكيوووووووووووووووووووووو الشبث

زواج عتريس من شربات باطل باطل :smileyb:

الحين هم تزوجوا والله يوفقهم ،،، ليه ننبش الموضوع

لو بنتي تزوجت شايب حااقول لها لنتى بنتي ولا اعرفكشي

(((((((((((((((((((
نعود للجدية

الزواج قسمة ونصيب ،،، وهذا قدرها ان تتزوج الشايب ،،،
لكن يمكن يكون عندنها نقص حنان الابوة ،،، فتعوض هذا النقص
بزواجها من هالشايب



الشبت يسلموووووووووووووووو

[الشبث]

اخوي الغالي المخاوي

شايبكم هذا محظوظ



وانا سؤالي عن هالزواج علشان اشوف وجهة نظر الاخوان

بهالزواج لو جاهم شايب كبر ابوهم يخطب

انا من ناحيتي اطا على بطنوه عند الباب

اما من ناحيت الدين حلال ولا به شين

اذا كانت البنت موافقه

بس الزواج هذا لوه مضار واجد










والف شكر على مرورك يا سيدي






وتقلد تحيتي

[الشبث]

اخوي اسير الماضي

كلامك هو عين العقل

وانا اضم صوتي لصوتك

واقول ان اغلب البنات اللي يتزوجن من شايب

مجبورات على هالزيجه

ولا وش تبي بفرة هالشايب










وتقلد تحيتي

[الشبث]

الله الله

ليه كدا بس ياسطامه هانم

هو انتي بقالك كتير مرحتيش لكفر المعيز

وما شفتيش عمك العمده المغاوري

ابوي

دي تبق هيصه

.............................

اعود للجد مثلتس

انا ماعلي منه

ناقصه حنان ولا ناقصه نيله

انا اسأل اذا جاتس شايب يخطب بنتس

وبنتس مهي ناقصه حنان على قولتس

وش رايتس بهالزواج

يعني

شايب من بنية صغيره















وتقلدي تحيتي يالمصريه

[شخاط]

يملا الماحي الي يمحى عدوك ياشبيثان


ياخوي مستكثرن على هالشيبان الوناسه :luvlove:


اذا البنت راضين له هي واهله :awink: انتم وشتبون بهم

الا ياحلولات لو بوه شايبن عندنا

تسان باقرب رضمتن والا قناة :chinese:

عز الله ان الناس ماينسلم منه :p:

[الشبث]

شخاطووووووه

انت وشبلاك منطلق علي

وانا هالحين ابي اللي قال لك ان ماعندنا شيبان منهو

اولهم العم الله يعطيه طولة العمر ابو غازي

وشف اللي يحاتسيهم ترهم هم الشيبان



وبعدين ياروح امك انا ما ابلشت العالم

وبنت الناس مهي راضيه

وشهي لاقيه بهالشايب تاخذوه الله ياخذوه

والله من الريحة الزينه عندوه

الا اذا كانت متحطمه ولا من نفس النوعيه


والنوبة الثاني شوي شوي علي مهو تهجم علي تقل مجرم


انا اول ولا اخر واحد يكتب موضوع


ياخي ابي رايكم

بالعربي عندي بنية وجاه شايب يخطبه

انا اجوزوه ولا اطا على بطنوه










وتقلد تحيتي