الشبث في الالمبياد

[الشبث]

بواحد من هالالمبياد اللي قابستن عجاجتوه هالايام في

احد البلاد ( احلى الولد مايبي يسوي دعايه ) كنت مشارك

ولكم قصة مشاركتي .


كنت وليد على اولي بدوي اسرح بالغنم اروح الصبح قبل تطلع الشمس

ولا ارجع الا مع الغياب

وفي احد الايام كنت الحق الغنم وهو يصوتلي واحد

وانا اقف

قال الحق جاي قلت الحق انت

قال اقول تعال لا امردغك

وانا اجيه

قلت انت منهو ؟

قال انا مسؤل في الاتحاد السعودي لالعاب القوى

واسمي ذيب شراف

قلت حياك الله ( انا ما فهمت الا السعودي )

قال وانا جاي ادور على المواهب اللي مثلك

قلت الزم حدودك مواهب حضرتك

قال ياحووووول

يابن الحلال وش بلاك هذي زينه

انا ابيك تمثل السعوديه بالسباق وتفوز

وتاخذ فلوس وتشري ثلاث مية راس غنم

( يحاتسيني على قد عقلي )

الوكاد انا خشيت جو

قلت مايخالف بس متى السباق

قال اجيك بعد يومين وتروح معي بس علم اهلك

ويوم رجعت لاهلي وانا اسكت واقوم افكر

وعقب يومين جاني ورحت معوه للرياض

ودخلنا بلنا ديار

وهو يدخلن بملعب يمار هاكا الرجل لابس فنيلة علاق

وسروال خضر عليه خطين بيض

وهو يجينا قال ذيب هذا مدربك اسموه شنقل

وحنا نتسالم

قلت اما التدريب مابيه

قال الكبتن شنقل

لا يالشبث لازم تمرين علشان عضلاتك تكون قويه قبل السباق

قلت انا يا واحد مابي عضلات انا كلي عصب

الوكاد اقنعتهم ورحنا وتعللنا عند شنقل



ويوم جاء يوم السفر للديره اللي به السباق

وانا اركب بالطايره مع الكبتن شنقل يميني

والاداري المسعول ذيب شراف على يساري

وهي تطير الضحوية ويوم جاء المغيرب قبل الغياب بشوين

يمار حنا واصلين

مار ماوصلنا وحنا نعرف الناس

وصلنا منتهين من التعب

وهم يودوننا يم غرفنا وحنا نجلس بهن شوي

وعقبه بربع ساعة الله يجيرك ما تسمع الا الشخير

ويوم قعدنا من باتسر وهم يجوننا وياخذوننا انا ومرافقيني

وهم يودوننا للملعب المخصص للتمرين يحسبوني افتهم

ويوم نزلونا وذلفوا قمنا نتمشا بهالعشب اللي

من سنة الربيع الطيب ما شفت مثلوه



الوكاد مالكم بالطويلة يوم جاء يوم السباق الظهر ( السباق المغرب )

وهو يقوم شنقل ياطا رجليني

وذيب شراف ياطا بطني مهو بطني قصدي يهمز متوني

ويوم طبيت الملعب يمار الجماهير ياكثره

وانا انخرع وهم يعطوني ملابس قالوا البسه

قلت والله مالبسه

قالوا ليه قلت مهو انا اللي يطلع وروكوه عند هالعالم

تبوني اسابق اسابق بثوبي

قالوا مايخالف انت بس انجز علينا

ويوم صفينا يمار الجمهور كلوه يشجع واحدن امريكي

وانا ما يشجعن الا خوياي

الوكاد يوم انطلقنا قال شنقل هو وذيب شراف ( يوم شافوا الامريكي فز قبلي )

الشبث لعيونه

يوم سمعتهم وانا اعض شليلي وانا اطير عن رحمة الله

وانا احفر حفرة بمكاني من سرعة الفزه

الوكاد يمار رجليني يالله يلمسن القاع من السرعة

واذا لف المضمار ما يردني الا المدرجات

الوكاد وانا اصل قبلهم وانا اقع عند خط النهايه

وهم يجوني خوياي ذيب شراف وشنقل

وهم يقومون يصبون ماء على رجليني

وهن يقومن يدخنن من الحرارة




وحنا نتحرا التتويج ( ضامن الولد )

يمار الامريكي الاول والثاني مدري وشو والثالث ..

افا ليه

قالوا انت اخطيت بشيين

الاول انك ما تقمز الحواجز

والثاني اطلع من مساري واصفق بالمدرجات ( يحسبوني استهبل )


وانا افلس من الجوايز وانا ارجع


















وتقلدوا تحيتي

[المخاوي]

الشبث افلست من الجوايز بس مافلست من الشهره :thumbup:

تبي تفوووز وهالمقرد معك :pimp::mf_charli



وهو يقوم شنقل ياطا رجليني
وذيب شراف ياطا بطني مهو بطني قصدي يهمز متوني
^
^
لو انك سالمن من هالوطي وهالهمز تسااان قامزن هالحواجز واَخذن الكأس :winner_fi

لا وبعد تصفق بالمدرجااات :clap:مانت بسيييط :p:

حظ اوفر واقترح عليهم ان هالالمبياد الجاي بالحجره :thumb: :p:

الشبث تسلم و :hala1:

[ابو خليف]

الله يفضح بليسك وحنا سامينه عن الربع
ما علمنهم تجي انت وهل الشريط

اشوى انها على كذا ما جبت الخوافي

[شنقل]

وهو يدخلن بملعب يمار هاكا الرجل لابس فنيلة علاق

وسروال خضر عليه خطين بيض

وهو يجينا قال ذيب هذا مدربك اسموه شنقل

وحنا نتسالم
قلت اما التدريب مابيه

قال الكبتن شنقل

حسبي الله عليك........ ياخي لاتوصف


قالوا ليه قلت مهو انا اللي يطلع وروكوه عند هالعالم
صايرن ورروك ............ ماني قايل:):):)


الشبث لعيونه

يوم سمعتهم وانا اعض شليلي وانا اطير عن رحمة الله :):):)






قالوا انت اخطيت بشيين

الاول انك ما تقمز الحواجز

الشبث المره الجاااااااايه نبي ندربك على قمز الشبوك:)

شكريااات

شنقل

[الشبث]

هلا بالعشير المخاوي

انا لو ادري انك حولي تسان قلت حاجاتن واجد

بس والله ذليت من ذيب شراف وشنقل

تخبر مستقبلي الرياضي بيدهم









وتقلد تحيتي

[بو رائد]

ياخي منين تنخش هالسوالف والله انك خوش رجال بس اسمك يكش جلدي ياطريته
اكل يموم وحنا بالنفود قيله والا اكالشبث مانا كبره وعلى ظهره عقربين جايبهن
والا انت ياالبناخي خوش رجال لولا هالاسم جدتي تسلم عليك وتقول ياعلي ماذوق
يومك بعد حيي على هافوزه شلافه صباحك عسل
بو رائد

[الشبث]

ذيبان

ولا يهمك

اعترف

انت ما جيت تطلبن تبيني اسابق لكم

انت وهالمدرب

اصلا ما عرفت البلوت الا بهكا الروحة







وتقلد تحيتي

[الشبث]

شنقل

انت مصدق اني بي حيل اركض لهالحين

هالمره تبي تقمزن الشبوك

صرت من جرف لعدامه





غلطتي خليتك مدرب لي

ولا انت وش مفهمك للرياضه كله









وتقلد تحيتي

[الشبث]

لا حول الله

بو رائد شفيكم على اسمي

انا صابتني عقده من هالاسم


والظاهر اني بغير اسمي وبخش باسم دلع




بو رائد سمعت باللي يقول التايه اللي جاب بصري يقنه

هذا انا يالشبث والعقارب اللي معي


بو رائد

ابرك ساعة اللي تشاركبه معي

لا تحرمني من مشاركاتك


وتعليقاتك الرائعة








وتقلد تحية الشبث