ويش بنت ياعرب راسه يويق...ترتجيله زوج اوصافه دقاق

[مستور]

الاخوة الاعزاءاليكم هذا اللغز القديم وسبق ان حله نديم طويق..

ويش بنتٍ ياعرب راســـه يويق..........ترتجيله زوج اوصافه دقــــــــاق
جالها المطلوب عبارٍ طـــــــريق..........دلته في طرقته والدرب شــاق
يوم وصلوا طلقه صارت طلــيق..........ماحترت عده ولا موخر صـــداق
وارجعت لطبيعها راسه يويــــق..........ترتجيله زوج اوصافه دقــــــــاق

اتمنى ان يعجبكم.....

[طامي الرياحي]

عندي رمعه عسى ان تكون صحيحه
ويش رايك في الا برة والسلك

اخوك
طامي

[مستور]

اخوي طامي
مالك لوى يالغالي.والرمعه طيبه ولكن انتبه راسه يويق
وتقبل تحياتي

[مستريح البال]

بالخير يامستور

لغز طيب من شخص طيب

رمعتي :--

الصاموله ومفتاح العجل

تحياتي

[مستور]

اخوي مستريح البال
وانت اطيب يالغالي
الصاموله ومايتعلق به مالك لوى
وتقبل تحياتي

[مستريح البال]

ابي ازعجك اخوي مستور ")
وش رايك بالدخان والصفايه بتاعتووووه ; )

[مستور]

بالعكس اخوي مستريح البال ماطرحت اللغز الا للترميع عليه ومايزعجني هو عدم وجود المراميع
الدخان والصفايه مالك لوى
وتقبل تحياتي

[مستريح البال]

اخوي مستور


(البرايه وقلم الرصاص)



تحياتي ،،،

[مستور]

اخوي مستريح البال
القلم والبرايه مالك لوى يالغالي
وتقبل تحياتي

[الاصمعي]

السلام عليكم

تسني به يا مستور بالألعاب حقت البلاي ستيشن :)

بس ما أتذكرها بالضبظ :awink:

[مستور]

اخوي الاصمعي
وعليكم السلام ورحمة الله وبركاته
مالك لوى يالغالي ولاله علاقه بالالعاب
وتقبل تحياتي

[مستور]

الاخوه الاعزاء
اللغز مرتبط بمهنه معينه ..ورمعة طامي الرياحي كتشبيه حلوه
وتحياتي للجميع

[عبدالله الجعيثن]

طيب وش رايك

بالبلف والابره حقت الهواء

[مستور]

حياك الله اخوي الغازي
البلف والابره مالك لوى
وتقبل تحياتي

[اليم]

هلا مستور

ومشكور على هاللغز المليان

وش رايك براس السناره حقت الصيد

[سلمان النبهان]

الاخ مستور يعطيك العافية على اللغز
رمعتي (( الفاره والموشر )) الماوس ...

[مستور]

اخوي اليم
سعدت بمرورك
راس السناره مالك لوى يالغالي

[مستور]

اخوي سلمان النبهان
حياك الله يالغالي
الكمبيوتر والماوس مالك لوى

[الكنور]

صح لسانك ملايين اخوى الغالى مستور

وش رئيك فى منظم الأبره اللى يدخلونه فى فتحت الأبره ويضعون الخيط وسطه ويسحبونه ويصبح الخيط داخل فتحت الأبره

تحياتى

[مستور]

صح بدنك يابو منصور
الفكره حلوه ماشاء الله عليك ولكن ماصدت الحل
انتظر الرمعه اللي تفضخ عينه
وتقبل تحياتي

[الكنور]

طيب ياغالى وش رئيك فى السسته اللى يحبون فيها اسلاك الكهرباء


تحياتى

[مستور]

بيض الله وجهك وصح لسانك يالغالي
نعم الاجابه السسته اللي يسحب فيها السلك الكهربائي داخل الجرجور
وللجميع تحياتي