اللي بشعره يرسم الكلمة رسم ( محاورة موال )

[ساري^الليل]

من هجوس تحب الشعر وتحب نظمه = جيت أبكتب لكم يا ناس كلمة بكلمه
واشرب من القليب الحلو وأشوف جمه = جعل فالامر خير وجعل فامر خيره
.
.
.
.
يا زين نظم الشعر في جوف الظلم = ذكرني أيام الشباب المستديم
واللي بشعره يرسم الكلمة رسم = يقلط بسرعة يجلب الخير العميم

[حمود الشمري]

تسلم ياساري الليل

والله انا اعطي الفرصه لخواني الشعرا
ونا من ظمن الصوف ولا لا يدهور

[الأصيل]

ياسلام ياساري الليل


أنا برضه مع حمود ضمن الصفوف ،،

للحين تعبان من محاورة أول البارح :d:



لكن يبي يجي اللي يشيل الحمل .

[حمود الشمري]

مادام محد رد على موضوع ساري الليل

انا برد لاكن ترا عندي بدليات في الكتابه اعذروني

[حمود الشمري]

مرحبا فيك ياساري بلليله ولليله== ونت شاعر قريت اكتاب لليله ولليله
ونت رجال احسبك من خيار القبيله= جعل بالمر خير وجعل بالمر اخيره





ياساري ان بليل اقلنا لك نعم== ليه ماتسلام وتلعن ابليس الرجيم


ونكان اتبقاها تولع من عدم== انته كما حرن على الصيده عديم

[بتول آل علي]

يا هلاااا و الله

محاوره جديدة ، وين انا عنها ؟



ساااري الليل

صح لساااانك ملاااايين و بداية موفقة



حمود الشمري

لا مو من ضمن الصفوف ، انت من ضمن المتبارين و احنا من ضمن الصفوف



الأصيل

سلامااات

أجل احنا وش نقول بعد هذيك الخسارة الفادحة؟ :)



و معاااااااااااكم :thumb:

[ساري^الليل]

الله يسلمك يا اخوي حمود تمنيته أنت اللي يرد ولا هو قصور بالبقية


حيا الله كل من زارنا


ايه أنا من قبيلة حرب و أفخر بساسي = ما لغير الله المعبود ينذل راسي
وأنت يالشمري حبكتها يالسياسي = جعل فالامر خير وجعل فالامر خيره
.
.
.
الله يلعن كل شيطان وصنم = وش فيه قلبك يحترق وش بك سقيم
إن ولعت باصبها فوقك حمم = وتذوق ويل النار يالغر الكريم

[الأصيل]

ولعت يالحربي ،




خابرك ياحمود من لابة تشب النار ،




متابعين ومتابعووون :p:

يالدهور : ابعدي ، ترا تبي تقبس :)

[حمود الشمري]

ياحروب الجزيره ياكبار الاعمه==منفذين الاوامر منجزين المهمه

حالكم كليتيم الي قتل خال عمه== جعل فالامر خير وجعل فالامر خيره




خلووووووووووو هااااااااااااااا


انهيك ياساري ترا بشخطتةقلم== حنا البدايه ونهايه يايتيم

الي سلام منا نهج صوب الحرم==والي يموت اشهيد والله العليم

[بتول آل علي]

ياااا سلااااام عليكم

صح لسااانكم و خلووووووووووووووووووهااا على قولة حمود الشمري :)



الأصيل :

لا تحاول ماني رايحة بعيد ، هذي حامية و اخليها لك :)

[الأصيل]

انهيك ياسـاري تـرا بشخطتةقلـم***حنـا البدايـه ونهـايـه يايتـيـم



أنا قلت مولعه يعني مولعه ،،

وين الحربي ،،بانتظااااااااارك

[ساري^الليل]

والله اللي قتل خاله و عمه وجده = من سوانا و محدٍ قبل قولك يعده
وأنت تدري بمن برزان هده بيده = جعل فالامر خير وجعل فالامر خير
.
.
.
يا حمود ابا آسوقك كما سوق الغنم = والله هو البادي و هو ربٍ عظيم
اللي سلم منكم تعلق بالعجم = و الحر ما يامن عدوٍ له خصيم

[حمود الشمري]

حرب ونعم فيها ونت منته بحربي== ماتسوق الذيابه كيف تاقف بدربي

انا مشرف ورب البيت ياثعل اربي== جعل افالامر خير وجعل فالامر خيره


شيلووووووووووو هههههههههههااااااااا



العلم علم وصاحبي يمكن حلم== اسالفه مابين سين وبين جيم

انته كليت الضب ميت به ورم== ياسارين بين العليا ونسيم

[الاصمعي]

عاشوا عاشوا :)

ما شاء الله مشعلله أوي :thumb:

الله يعطيكم العافية وحنا معكم متابعين :hala1:

[حمود الشمري]

الاخوان الاصيل والاصمعي

ولاخت الدهور الله يعطيكم العافيه

وشاكر لكم على التشجيع
والشاعر ساري الليل شاعر كفو

[ساري^الليل]

الدهور
الاصيل
الأصمعي
شكرا على هذا الحضور المتميز و التشجيع و كلم جزيل الشكر


أخوي حمود استلم


ما بقى الا أنت يالحصني تعرّف باصلي = عارف الأصل معروف ومعروف فصلي
والله إني يا ابو وجهين من قومي أصلي = جعل فالامر خير وجعل فالامر خيره
.
.
.
وش فيه هذا اليوم عقلك منكتم = اسمع كلامي جاك علمٍ بالصميم
أنته كليت من الثرى شيٍ دسم = مدري حلاله من حرامه يا فهيم

[الأصيل]

ثار الغبار من سنابك القوافي

وبدأت رماح القصيد تعلو سماء المعركة ،،



وحنا من بعيييييد متلطمين ومتابعين بحراااااره :)

[حمود الشمري]

قلبك ابيض يا ساري ليه تزعل علينا== عقب مانتو بديتو بالخباثه بدينا

انت كلبارحه واليوم كنك جهينا== جعل فالامر خير وجعل فالامر خيره

انهوووووووووو هههههههههههاااااااا


لوزهمتك تقل صايربك طرم== ناويلك ظرتن تحت البريم

مادخلني شك مادامي علم== ماتولع نار ينفخها شريملبك ابيض

[حمود الشمري]

[قلبك ابيض ياساري ليه تزعل علينا== عقب مانتو بديتو بالخباثه بدينا

انت كلبارحه واليوم كنك جهينا== جعل فالامر خير وجعل فالامر خيره

انهوووووووووو هههههههههههاااااااا


لوزهمتك تقل صايربك طرم== ناويلك ظرتن تحت البريم

مادخلني شك مادامي علم== ماتولع نار ينفخها شريم

[بتول آل علي]

ماتولع نار ينفخها شريملبك ابيض [/poem]


??? ?? ?

[حمود الشمري]

صح السانك ياساري الليل

:hala1: ونا ماودي معاك اصل الى هالمستو

لاكن كانت رغبت حدا الخوان ونت امسامح مقدمان وسامحني

[ساري^الليل]

أخوي حمود لا يلحقك شك ترى الدعوى كلها تحميس و أنا ماني زعلان و مسامح و اطلب منك السماح بس خلنا نستمتع بالمحاورة مع الاخوان ترى المحاورة ما تصلح بالمدح و أنا اشكر اللي طلب منك تولعها لأن النار الطافية ما تدفي و لا تسوي طعام


استلم لا هنت ...


شمرٍ بالعراق و شمرٍ بالجزيرة = غيرهم ما به الا جعل بالامر خيره
وأنت مدري من إيران أو من أيات ديره = جعل بالامر خير وجعل بالامر خيرة
.
.
.
ماني بزعلان و تراني مبتسم =مير أكرب احبالك معي خلك خصيم
خلك وسيع و منسمح و الا أنتقم = لا تصير يوم أشب نارك كالهشيم

[حمود الشمري]

يكفي اني احط اسمي واسم القبيله== لاتعرض حروب المملكه لالمسيله
وحنا في دار ازايد مسكني بالطويله== جعل فالامر خير وجعل فالامر خيره

خخخخخخخلللللللللوووووووووههههههههههههااا اااااااااااا



انته تبيلك ياولد فركت خشم=== منشاف حكيك قال عايش في نعيم

صدري وسيع وعارفن معنى الهرم=== انولعت ناري شويت ابها الهريم

[متأمل]

ساري الليل...حمود الشمري

مدافع حب تقذف ألحانا...جميله

البال وسيع...و الدنيا بخير...و الصدور شماليه..

متابعينكم ...الله لا يهينكم

تحياتي..

[ساري^الليل]

أنته الظاهر إنك مستحي من ديارك = ما تعرّف بدارك ما عرفنا جوارك
مير أبنشدك مرة ثانية وين دارك = جعل فالامر خير وجعل فالامر خيره
.
.
.
ما ينفرك خشمي و خلك بالشحم = و اللي يبي فرك الخشم ما هوغريم
أنته صغير من ملاحيق البهم = و الذيب ما يجفل ولو جاه الهزيم

[حمود الشمري]

شمر من اليمن لاشام تمشي وحدها== وكم قبيله وقبيله طيح الله سعدها

وشمر الخيمه الي داستك في عمدها==جعل فالامر خير وجعل فالامر اخيره








كل مانبيها تنتهي حط الفحم== خل الزعامه لهلها منته زعيم

ياساري ن بالليل اذابحك الغشم== مدري تغيشم ولا صج انته غشيم

[بتول آل علي]

HOOOOT HOOOOOT

استمروووووا الله لا يهينكم

و صح لسااانكم :thumb:

[ساري^الليل]

يا حمود أنتبه لي لا تغني لحالك = رد شعري بشعر ولا ترثّى لحالك
يوم تدفع لنا الجزية ونحمي عيالك = جعل فالامر خير و جعل فالامر خيره
.
.
.
يا حمود أبي تعلن على الناس الندم = وتحمد ربك دام خاطركم سليم
في حرب بيت العز ما يوم أنهدم = و اليا زعلنا نجعل اعدانا حريم

[حمود الشمري]

والله ان اخر الدنيا تشوف العجايب== حن حكمنات الجزيره وحن خذينا الضاريب


لكن دنياك يالحربي تراهي هبايب== جعل فالامر اخير وجعل فالامر اخيره


اخير الكلام ماقل ودل ----------------------------------------------------




المشكله عملاق لاقابل غزم== توه صغيرو من حليب امه فطيم


راجع تواريخ العرب يوم العجم== الكبريا يخلي الشاعر حليم

[حمود الشمري]

اخي ساري الليل انا سعيد بالعب معك

وصح الله السانك

[بتول آل علي]

ساري الليل

حمود الشمري


و نحن سعداء بمتابعتكم الشيقة

شكرا لكم و صح لسانكم


الدهور

[ساري^الليل]

الولد مثل ما قال المثل من خواله =حكمكم ما عدل والله شاله وزاله
وأمطر العدل بعد الظلم وأزدان حاله = جعل فالامر خير وجعل فالامر خير
.
.
.
حرب القزم فيهم يخليكم دعم = ويمشي العملاق خطٍ مستقيم
راجعت تاريخ العرب و أهل الذمم = ولقيت جدي كاسب المجد العظيم

[ساري^الليل]

أخوي حمود

اشكر لك سعة صدرك و طيب أخلاقك ولو أنك افحمتني لكنك حمستني للمحاورة و كما تعلم ان المحاورة لا بد فيها من الحماس بالطريقة سابقة الذكر و الا القلوب أصحاب و أنا أخوك يا ابو عيد


أشكرك لك ابداعك و شرفني لقاءك


أخوك ساري^الليل

[متأمل]

أخويّ الكريمين...ساري الليل _ حمود الشمري

محاوره قمه...جمّلتها أخلاقكما العاليه...و نفسيكما الزكيّتين..

لله دركما ...قلتما فأجدتما...

تصدّقون يالربع...ما أدري وش بتكون نهاية القصّة...

أكيد نهايه سعيده...على طريقة الأفلام الهنديه...

تحياتي...للجميع

[ساري^الليل]

أخوي المتأمل



لك جزيل الشكر على هذا التأمل



و دائما الاخوان يكون نهاية محاوراتهم فلم هندي



ساري

[Doctor aljarba]

إخواني الأفاضل ..

ساري^ الليل ...... وحمود الشمري ..

جزاكم الله خير على هذا النظم ..

وألف مليون تحية على سعة صدوركم ..

أخوكم المحب ..

د. الجربا

[حمود الشمري]

اشكر الاخوان المتابعين

الجربا حظورك شرف وعتبره وسام

اضعه على صدري بكل فخر وعتزاز

[ساري^الليل]

أخواني و اخواتي

الدهور و د.الجربا و عبد العزيز و الاصمعي و المتأمل و المشعل

بالاصالة عن نفسي و النيابة عن أخوي حمود أشكركم جزيل الشكر على المرور و التشجيع و لكم خالص التقدير و الاحترام




أخوكم ساري الليل