المساعد الشخصي الرقمي

مشاهدة النسخة كاملة : لو لم تكن في العاصمه ؟


الوسي
07-01-2002, 20:28
لاشك أن عواصم الدول هي أهم المدن في تلك الدول . ففي المملكه العربيه السعوديه أهم مدينه فيها هي عاصمتها الرياض وهذا أمر طبيعي .

وسكان مدينة الرياض يعرفونها جيدا , سواء كانوا من سكانها الاصليين أو من المنتسبين أليها قريبا من عشرات السنين .

تعالوا لنتحدث عن أحد سكانها , فلو لم يكن في الرياض ماذا سيفقد ؟

* لاشك أن من أهم ماسيفقده هو جمال مبانيها وكثرتها فلاشك أنه سيفتقد الى العمارات الضخمه مثل (( المملكه )) و (( الفيصليه)) و (( العقاريه )) والبنوك والدوائر والوزارات والفنادق الكبيره .

* لاشك أنه سيفتقد ألى (( الزحمه )) أنها الزحمه بكل أنواعها ومقاييسها , زحمه في حركة السير وزحمه في البنوك وطوابيرها , وزحمه في البحث عن الوظائف , وزحمة العماله , وزحمة السوق , وزحمة النساء , وزحمه يادنيا زحمه .

والمشكله لاتكمن في (( الزحمه )) أنما تكمن في طريقة تعامل الشعب مع (( الزحمه )) ففي العالم كله هناك زحمه اكثر من عندنا لكن (( المتزاحمين يفرقون )) فيه ناس تعرف تتصرف وتمشي بعضها , وفيه ناس (( بــــــر حــــــه )) .

n* ولاشك أنه سيفتقد ألى الحريه نوعا ما . فمدينه مثل الرياض معارفك فيها تكون قليله . فمن الممكن ان تلبس (( تكميله )) ومن الممكن ان تفعل بعض الاشياء الطبيعيه جدا والتي تعتبر في المدن الصغيره خرقا لقانون العادات والتقاليد .

* ولاشك أنه سيفتقد ألى بعض الطرق التي لن ينساها طول العمر . حتى لو ترك الرياض فستبقى تلك الطرق في مخيلته ولسوف تزوره في الاحلام من فترة لاخرى .
مثل طريق (( خريص )) وطريق (( الملك فهد )) وطريق (( التخصصي )) فهناك عباره عن مجموعات كائنات حيه ارضيه وفضائيه تتواجد بهذه الطرق , كل شي , كل انواع البشر , كل انواع اللغات . فأحيانا وأنت ذاهب للعمل يخيل اليك أن طريق (( خريص )) مثلا هو الذي يتحرك بك وببطء وأنت واقف فوقه بسيارتك وهو الذي سيذهب بك الى العمل . فما عليك اذا اردت الذهب للعمل غير انك تاتي بسيارتك وتقف في الصباح على طريق خريص , وثق تماما بأن الكائنات الحيه المتواجده فيه دائما سوف توصلك بسلالالالام الى عملك .

* ولاشك أنه سيفتقد الى الاشارت الضوئيه والى كثرتها وألى كثرة السارقين حولها والمغتصبين للاعراف المروريه والقانونيه , الذين يأتون وكأنهم يريدون العوده الى الوراء ولكنهميأتون الى منهم امامك ليقفوا معهم ويجعلوا مقدمات سياراتهم تستجدي اصحاب تلك السيارت ان يسمحوا لهم بالعبور (( ومالك الا الصبر ))

* ولا شك أنه سيفتقد الى الكسل فأن مجموع خطواته في الاسبوع بالعاصمه لاتتجاوز العشر خطوات فكل شيء بالسياره وكل شيء بالتلفون .

* ولا شك أنه سيفتقد الى الضجيج وبعض الامراض مثل الضغط والسكر وماألى ذالك من امراض العصر .

خاتمه : بصراحه من عاش في الرياض صعب جدا بل يكاد يكون مستحيل أن يفارقها , (( ومن جرب عرف ))

لاتقولون كل المدن كذا (( الرياض غير ))

تقبلا تحيات
اخوكم الووووووووووسي
ابوعلي
07-01-2002, 21:40
ياالله حي الوسي

...عودة قوية وهذا خبري فيك

والله انت كذا تخوفنا من الرياض

يعني لو الواحد جاه نقل للرياض وقرا موضوعك..

يمكن ما يوافق ...زحمه, وطريق خريص , وضغط وسكر ,

وطريق الملك فهد...الخ

وش رايك؟؟
الوسي
07-01-2002, 22:36
هلا وغلا ابو علي

لا ابو علي ترا اللي بينقل غير

لان اهل الرياض يتعاملون مع المنقولين غيررررررر

لانهم يدرون انهم مستجدين

عموما يابو علي ان بس تعال

ومالك الا اللي يغير الرياض
الوسي
07-01-2002, 22:40
ابو يزيد

تسلم اخوي على الطرح الحلو

بس ابو يزيد ماودك تشوف حل لبو علي


وده يجي للرياض وخايف من اللي قلناه !
الوسي
07-01-2002, 23:08
عزالله اللي ماجا ياابو يزيد

لا هو ماهو يالمدن اللي انت ذكرت ولو انه ماهو بعيد

هو بمدينه تجمع بين سحر المدينه وهدوء الصحراء

هو بالجبيل ! وشتهقى بيهدها ويجي ! يااااااليت والله
موج البحر
07-01-2002, 23:42
الاخ الوسي

ياهلا والله فيك في مضيافك مضياف خواطر

عوده موفقه مع موضوع شييق


ذكرتنا بالرياض والازعاج والزحمه وانواع القلق..

لالالا بالعكس انا عشت فيها اربع سنوات ويوم فارقتها فارقتها

بفرحه وتهاليل...

صحيح ان كل شي فيها موجوج البنيان والاعمار الجميل
والكباري والشوارع الفاسحه الذي لايوجد بها تصاريف مياه

الله يعين اذا جاء مطر....ياكثر الحوادث ويكثر الي مايدومون

بعد المباريات
تعل شف انواع التفحيط والازعاج والقلق النفسي والزحمه

يالله دخيلك...

اخوي العزيز الوسي ياهلا فيك مره ثانيه في بيتك الثاني


تقبل تحيااااااااااااااااتي
سيف الاسماء
07-01-2002, 23:44
مشكور اخوي اللوسي على طرح الموضوع ولكن انا احتج على ابويزيد وش يقصد يوم انه يقول ...


((ولكن ابغى اتوقع:

اذا هو بالشرقية غير الأحساء انصحة بالرياض اذا يبغى يتمتع بس يشتري سيارة كورولا عن الزحمات وعجرا. ))

ابو يزيد والله انك جيت على الجرح والبلاء اني قبل كنت بالرياض ويوم قدمت على الوظيفه قلت يابالرياض او حايل او الدمام بس للاسف جابوني هنا عند هالشيعه الله يلعنهم :( وصراحه لو ما عندي نت كان الحين يا مقدم استقاله ا طايح عند باب وزير الخدمه المدنيه عشن انقل منها ...
ابو يزيد
07-01-2002, 23:45
اخوي/الوسي

السلام عليكم

انا مااعرف الجبيل مرة ولكن الأكيد انك من يوم تقبل عليها بالليل وتعد مداخن النفايات

من المصانع تعد 100مدخنه شغاله تنفث جميع مايخطر على بالك من الغازات .

ويقول لي زميل انك تنام الساعة 9 مساءا علشان هناك غازات تنومك غصبن عنك .

المهم ماقلت ربع ماقللي زميللي عن الجبيل .

كلمة راس ياابو علي::

صحيح ياابو علي انك قلت :

((والله انت كذا تخوفنا من الرياض

يعني لوالواحد جاه نقل للرياض وقرا موضوعك..

يمكن ما يوافق ...زحمه, وطريق خريص , وضغط وسكر ))

اخوي اذا جاك نقل للرياض عيد بجزور ولا تكفي.

كيف خايف من الرياض وانت بالجبيل .

فكر يامال الغنيمة بالرياض .

انا قلت انك (بالشمال )

شكرا لكم جميعا.

ابو يزيد
ابوعلي
07-01-2002, 23:48
ابويزيد

الوسي يقول ضغط وسكر!!

وانت تقول دور لك كورلا وعجرا!!!!

شكل الدعوى ما يخارج...خلونا بالجبيل..ياحليلها

تقف عند الاشاره لحالك..واذا صدف وفي سياره ثانيه تلقاه

خواجه.. والا فلبيني مرتب والا من هوامير سابك او ارامكو

اما في العطلات الرسميه..الله يعيننا على سياح الرياض اللي يجون

الشرقيه..بواري وتفحيط وسرعه وقطع اشارات ...الى اخر القائمه

واحيانا نعرفهم حتى لو لم يقوموا بما ذكر اعلاه,.مثلا من طريقة

الوقوف عند الاشاره, او الوقوف على مسارين.. او اللفه من اقصى

اليمين الى اقصى اليسار..وطبعا كل سياراتهم مضلله.. و90 بالميه

سوابر...

ومع ذلك كله فهم طيبين و خفيفين دم وناس حطهم على يمناك

(علشان ما يزعلون بعض الربع )....

الظاهر سويت زي مسرحية" على هامان يا فرعون " يوم يمدح وشوي

يحش...

هذا كله من حلاوة مواضيع الوسي اللي منفرد بالمرمى ومسوي ازعاج

لجميع المدافعين اللي ماهم قادرين يوقفوا هجماته الصاروخيه

والســــــــــلام
r
موج البحر
07-01-2002, 23:54
الاخ ابو علي


والله انك صدقت ياحلوووو الشرقيه وبذات الدمام عن الرياض

وزحمتها ..

ماهو بس سكر وضغط....العامل النفسي راح بخرايطها


تحياااااااااااااااااااااتي
ابو يزيد
08-01-2002, 00:05
اخوي/الوسي


السلام

اخي اسمحلي ماشفت تعقيب اخوي السمن العرابي

اخوي السمن العرابي اسمحلي مارديت عليك ماانتبهت:

قلت :
((ابو يزيد والله انك جيت على الجرح والبلاء اني قبل كنت بالرياض ويوم قدمت على الوظيفه قلت يابالرياض او حايل او الدمام بس للاسف جابوني هنا عند هالشيعه الله يلعنهم وصراحه لو ما عندي نت كان الحين يا مقدم استقاله او طايح عند باب وزير الخدمه المدنيه عشن انقل منها))

والله يالسمن العرابي ان جربت الرياض وتعرفها بالنسبة للعجرا هذي لسيارات خط البلدة (ربعنا) خاصة بالبطحاء وهذا قصدي ولا يهون النسيم اذا تبي الظغط .

اما انت بالدمام احمد ربك حول الخبر وبعيد عن الغازات وعزالله اننا نرحب بك بالرياض لكن تراي ماادل باب وزير الخدمه علشان نطيح عنده ولا ابشر باللي يطيح ولا يسمي.

اخوك

ابو يزيد
سيف الاسماء
08-01-2002, 00:13
اخوي ابو يزيد يا زين النسيم وياعمري خصوصا شارع تويوتا ...

يا اخي صحيح انهم تماسيح بس تحس انك عايش مو هنا بالحساء

يمر اليوم واليومين ما يتغير عليك الا النهار والليل واحيانا الجو ...


وتسلم اخوووووي ...
فلاح الشمري
08-01-2002, 11:34
ياالوسي
وشلونك
هذي طرده يعني تطفيش عشان مانمر على الرياض :)
كل المدن ماهن مثل الرياض عشان ماتزعل :)
الوسي
08-01-2002, 15:14
هلا وغلا موجنا الغالي

وعلى قولة المصريين ( البيت بيتك ) :)

وانت خلاص تعتبر من اهل الرياض (( بالتبني ))

بحكم انك درست فيها اربع سنوات

تقبل تحيات
اخوك الوووووووسي
الوسي
08-01-2002, 15:22
تسلم ابو يزيد على التوضيح

واضم صوتي لصوتك ضمتين وضمه

ان الرياض ازين لبو علي من الجبيل

يابو علي الله يجزاك خير بس

الله يعافيم الجبيل هاذي ماهي ديره

اقرب ماله لعبة بلاي ستيشن كل شيء به منظم ودقيق

اقول تعال بس ولاتنسى العجره بس :)
الوسي
08-01-2002, 15:25
الله يعينك يالسمن العرابي

اقول كل ماطفشت بالحسى مر على جبل قاااااره

ومن تطلع منه مر على عين نجم واغطس شوي

ولامنك حنيت على البدو وعلوم الرجال مر على الرقيقه :)

وقض يومك هنا وهناك الين مايجي الفرج ونشوفك في ذا الله يحييك
الوسي
08-01-2002, 15:28
هلا وغلا اخوي فلاح الشمري

بالعكس انا ادعي الناس للرياض واقول انه زينه

وانت بالذات يافلاح سعد الشمري حياك الله اي وقت

وتعال بضيافت اخوك الوسي وانشاءالله انك ماراح تندم ابد

تقبل تحيات
اخوك الوووووووسي
غازي العلي
10-01-2002, 13:44
الاخ الوسي

والله ياالوسي مدري منين اطلع هالسوالف حنا منذ((مبطي))وحنا

بالرياض,,,وكل ما((نقبّت عنه))شايفينه بس ما قدرت اجمعه

كموضوع,,او قصيّده او حتى ملاحظات شتبي تطلع لنا بعدين بحراج

بن قاسم او معارض سيارات النسيم...بعدين لاتكثرون القدح

بالرياض,,ترى وصدقني سيكون لذلك اثر نفسي على الخرج

وماحولها...شكرا شكرا
ابو فارس
10-01-2002, 15:50
الوسي
قرأت مشاركتك
تدري؟؟
طبعا لازم نقول او ما تدري؟؟
جذبتني كلماتك
حتى خفت على الكرفته من ان تروح فيها
لملمتني عباراتك حتى خفت
((كلها خوف لانك مسوي لنا زحمة))
وعلى عكس خبري فيك
لان خبري فيك انك برحة
تدري او ما تدري
اني وقفت على عبارة مخلوقات فضائية.
تدري ليش..؟؟ او ما تدري؟
ولاني ماني من اهل الرياض
بصراحة خفت ادمان الجلوس عنداهل الرياض
مرة في بعض المرات
ركنت سيارتي بقرب اشارة
نظرا لا الاشارة حمراء
وحنا ياللي برى نتأدب حييييييل ليا جينا الرياض
تدري ليش او ما تدري؟؟
علشان نخاف من اهل الرياض
على العموم المخلوقات هذه احس فيها بصراحة
كنت ساهي مع برنامج بالاذاعة وشادني البرنامج بالحيل
وكانت لوحات حلوة نفتقدها عندنا
بمعنى اخر ماخذ جو ثاني
المهم حسيت بان الجو حار شوي
فتحت النافذة اللي نسميها دريشة
اقصد ويندوز
ومع تنزيل الدريشة التفت يسار
والا اشوف ذاك الوجه الغريب العجيب
قلت في نفسي اكيد من المخلوقات الفضائية التي
تغزو الارض
بصراحة نقلني عقلي تفكيري من البرامج واللوحات
الى الواقع المخيف
تدري او ما تدري وش طلع؟؟
طلع
طلع
طلع
=
=
=
خايف عليك تخاف مثلي
=
=
=
طلع
طلع
طلع
م
ت
س
و
ل
الوسي
12-01-2002, 05:01
هلا وغلا محارب الخيال

(( نور مضيف فيض الخواطر بوجودك ))

اقول محارب كني شفت دلة قهوه معك

انا تون حاط قطره بعيوني واشوف زين

عموما : انا ودي اباركلك بالدله ((( بس لكن ))) مادوي :) :)
الوسي
12-01-2002, 05:06
هلا والله وغلا باابو فارس

اقول ابو فارس ودي ارحبك واقول كلام كثير

بس ماني قايل تدري ليه او ماتدري ؟

عموما يمكن بقولك ليه ؟

تدري ليه او ماتدري ؟


طيب بقول

انزل شوي بعد

تدري ليه مارحبتبك واجد

والا لسى ماتدري

طيب بقولك

صراحه

جوعاااان مره وانت تخبر اخلاقي لاجعت !
هواوي
12-01-2002, 14:34
الأخ ألوسي دائما ما نكون سعيدين عند
قراءة أحد مواضيعك لأنها لا تخلو وبحد كبير من الصدق والواقعية
برزان
12-01-2002, 18:41
الوسي
اخ يا الوسي منين جبت هالموضوع
والله والله والله اني صارلي
10 سنوات بالرياض واتمنى اليوم الي افارق الرياض
يا الوسي
حنا وشلنا بالرياض
وشلنا بالحسا والقصيم وشلنا بكل هالغثا
حنا لو لنا شوية حظ كان بيننا وبين الرياض مئات الكيلوات
لكن الشكوى لله متغربين وحنا وسط بلادنا
مشتتين وحنا عند اهلنا
الوسي
عمرك وقفت ايام الربيع وبالتحديد بالصباح وات بحايل
وشفت الجو وشفت صفاء السماء
يا اخي انا مع اني ما اعرف حايل واجد
لكن صدقني
اذا تعديت القصيم بحوالي 100 كيلو احس
اني امشي ببيت ابوي او اني امشي باملاك جدي او احد اخواني
تصدق اني احاول قدر الامكان ان احافظ على كل شي هناك
احافظ على
على الماء
على الحدائق
على مشاعر الناس
لاني احس ان هالمدينه شي لي انا
ولا في احد بالدنيا
ولا في سبب بالدنيا
يجبرني اعيش بعيد عنها وانحرم منها
ويعيش فيها
عسيري وجيزاني ورشيدي
وانا متمرمط بالحسا والرياض والخفجي
...........................
بصراحه انا اعتبر حياتي كلها لم تبداء بعد والسبب
انني لم اعيش بالشمال ولو لشهر واحد فقط


وللجميع احلى تحيه
الوسي
13-01-2002, 01:07
هلا وغلا هواوي

يازين طلتك علينا ياخوي

وين الناس فاقدينك الله يعافيك

الصدق كله بوجودك طال عمرك

تقبل تحيات
اخوك الوووووووووسي
الوسي
13-01-2002, 01:12
الاخ الغالي برزان

بصراحه لم يكن اجمل من الموضوع الا تعقيبك

بصراحه لامست الجرح

لما تكون بديرتك وانت متغرب ؟

قويه صراحه

بالفعل الكل منا يحن لجذوره

رغم اننا ماعشنابها وانحرمنا منها الا ان الحنين مهما تغاضينا وغضينا النظر عنه لابد ماان الانسان يحس به ولو لدقايق !

مهما كان ديرة الانسان غير وارض الانسان غير وجوها غير وبالفعل مثل مااتفضلت .

فشكرا لك على المشاركه

وشكرا على تذكيرنا بدارنا

تقبل تحيات

اخوك الوووووووسي
فلاح الشمري
13-01-2002, 11:47
اخوي الوسي مامن شك وأنااخوك بس امزح
الوسي
13-01-2002, 15:22
اخي فلاح الشمري

لاشك انه حتى في الانترنت ممكن ان الارواح تتجانس وتتألف

وانا من الناس الذي ارتاح لوجودك في هالمنتدى

فشكرا لهالمنتدى الذي اوجد امثالك
ابو خالد الجربا
15-01-2002, 01:50
عندما يعيش الأنسان مأساة معينه ويصفها بكل صدق تتجلى فيها البراعة

اشكرك اخي الوسي


ونحن بشوق لك دائما لما تقدم لنا من مشاركات وتعقيبات مثيرة وزاخرة


اخوكم
الوسي
15-01-2002, 13:04
هلا وغلا ابو خالد

ابو خالد فيه ناس تحترم حتى في النت وانت من هالناس

الله لايخلينا من وجودك ومن تواجدك

كلك بركه

تقبل تحيات

اخوك الووووووووووووسي
أبن علي
15-01-2002, 21:55
موضوع من الواقع الملموس
ومشكور
الوسي
30-01-2002, 01:24
اخوي ابن علي

شكرا لمرورك ولتعقيبك

تقبل تحيات

اخوك الوووووووسي