الليلة مشرفي العام بمواجهة مشرفي المحاورة

[الاصمعي]

السلام عليكم

ثامر المتعب مطلوب الليلة بعد صلاة الأخير

ممنوع الإعتذار وأيضاً التأخير

يالله يالربع نبي نتولج هالمشرفين والمخرج ملي:)

نبي نغزيهم بمضيفهم الي متسمنينن به ولا يطلعون يشمون هوى لباقي هالمضايف:wink:

تحياتي

[الأصيل]

يداً بيد ،، ضد المشرفين :hala1:


الليله سهر للفجر

ننتظر الأصمعي والمتعب

[بتول آل علي]

و معااااااااااااااااااااكم بالصف

صف المشجعين طبعاااا


:thumb: :thumb: :thumb:

[ريم شمر]

المحاوره عليكم والتشجيع علينا :480r:







ربم

[ابو غازي]

وانا تروني لازقن بالزاوية :smooch:
ياويح الي يقرب لبو خالد الأصمعي :awink:
ترونن ابي اخمش شوشته ههههههههههه :p:

[عبدالله الجعيثن]

وانا منهم اللي معي بالصف!!!

ننتظركم ونتمنى سهره ممتعه

[المخاوي]

بانتظااار هذه المحاوره الشيقه
يقولون مااحلى من محاورة المشرفين لياتولجوا بعضهم ههههه
ابو غازي ابعد مشعابك ماهو وقتوه ههههه

الاصمعي – ثامر ليامن هذا مروا على دلة ريم شمر هاللي جايبته لكم هههه

[ابو غازي]

تخلف الله :p:
يالخال تسان ندك هالدلة الي فاتحتن إفمه مثل افم ذيب شراف
هههههههههههههه :p:
7
7
7
وينكم يالشعار
ترو العماس ذبحنا :w00t2:

[سلطان الشمري]

اي والله..



وانا ترونن ..ابي اصفط بجنب شايبي ابو غازي.. :luvlove:


وابي اجيب معي الدلال..وبريقين شاي..منعنش.وكيس حب..وقريض..


وترمس ماء..



ونبي نحط لناجلسه:




بانتظاركم...والله الله يابو خالد..اناحتجت فزعه..حنا متولمين.. :thumb:

[حمود الشمري]

الاصمعي ابدا الله امحيك

ثامر غايب وناسد امكانه

[الاصمعي]

الله يعطيكم العافية جميعكم ومشكورين على التشجيع وهالحضور الطيب وثامر صار عنده ضرف أخره وثنى عنده متفاءل وهم كلهم خير وبركة:thumb:

هلا بالجميع يا مرحبا:hala1:

ياحمود مادري وش نقول يا حمود زميلك تأخر لضروف ومتفاءل صار بيننا تلفون ويبي يدخل لكن خيره بغيرة وحددوا المواعيد ونسقوا وحنا معكم بالي تبون :a:

الحمد لله ثم أصلي ع النبي***قبل العلوم دقاقها مع جلها
صلي وسلم يامن لمحمد تحب***ولي عقد روس الحبال يحلها

أشوفه تأخر زود إبن متعبي***ومتفاءلٍ شلفاه دونه سلها
حياكم الله ومن حضر منكم لعب***ولي عقد روس الحبال يحلها

[ابو خليف]

ماعمري شجعت احد وجاء اعوذ بالله

الله والعالم اني شراره

انا بمضيف الشكاوي والاقتراحات

عن اذنكم

[متفاائل]

يهلا ويامراحب بالاصمعي والجميع
استلم لاهنت

سلام للي حاضرين الملعبي ======للاصمعي اجمل تحية ودها

والحمد من بعده على المسلم وجب=واللي عقد روس الحبال يحلها


لاتنشد الدكتور سل مجربي===يمكن ظروف احيان يصعب حكيها

الغايب معه حجته ماله عتب= واللي عقد روس الحبال يحلها

[سرحــان]

الأ صــــــــــمعي ...... متـــــــفـــــــــاءل


مساكم الله بالخير



متابع لكم

الله يعطيكم العافيه

[الاصمعي]

ذيب زين رحت من أقفيت حضر متفاءل:wink:
سمي الذيب يشرفنا حضورك

إستلم ياصاحبي:)

يا مرحبا يا شاعرٍ حسب طلبي***حمولة اللي غاب فعلن شلها
وليا حضر بالملعبة صارت لهب***واللي عقد روس الحبال يحلها


إكرب حزامك يا زميلي إكربي***وعلوم منهو غاب عنا خلها
باكر يحضر ومنّه نعرف السبب*** واللي عقد روس الحبال يحلها

[المخاوي]

يالله حيهم

الاصمعي - متفاءل

اكيييييييييييد محاوره اكثر من جميله ورائعه استمروا فنحن متابعين لكم بشغف

سرحاااااااااان امسك الصف الايسر وانا على يميينك هههههه

[بتول آل علي]

الله حيييهم

و بعد هالاعلاانات و الدعايات كلها ما يحضر ؟ :puzzled: :puzzled:


بس البركة في الموجووودين

استمرووا و نحن من ورائكم :)


الدهور

[متفاائل]

:hala1:
ياهلا بذيب شراف وبسمي الذيب نشكر حضوركم

قلنا هلا بك بس انا ماني غبي ====لاتحسبه تفوت مافطلها

بلاك بالعرقوب تشذب به شذب= واللي عقد روس الحبال يحلها


كانك تدلبح يالحبيب انا احبي ====صيدك قبل تشوفها اشتلها

انصحك لاتقرب من النار الحطب= واللي عقد روس الحبال يحلها


:goooood:

[متفاائل]

ياهلا ومليون غلاء بالمخاوي ووووووالدهور

زارتنا ىالبركه
يشرفنا متابعتكم
تحيااااااااااااااااااااااتي

[ابو غازي]

عااااااااااااااااااشو اااااااااااالشعار

متفاءل :awink:
ترن ضدك يالخال وأنا مع ابو خالد ....... ترن اغولك يالخال :0022: غول كلش ولا ابو خالد :6_f:
هههههههههههه :hysterica تسلب على خالوووه :icon_frow

نبراس :p: بالله كويسة من هال منعنع اوجعن راسي وأنا ابحلق بهالسطوووور :ezpi_blus

[المخاوي]

ابو غاازي
اجل انت من حزب المعارضه هههههه شه ابعد ورااك

متفاااءل
الصف وصل لشري هههههه قدااام وصفوفك ورا

عااااشوا النشاما

الاصمعي
اكرب حزامك وامسك وسامك ههههه

صح لسانكم جميعا ومتابعين لكم

[الاصمعي]

السلام عليكم
الله يعطيكم العافية جميعاً وخصوصاً شيخ المضايف وكبير المشجعين أستاذنا أبو غازي:)

متفاءل ورد خطأ بالقافية بأحد بيوتي السابقة ولا أقدر أعدل وهو قولي (مكانة الي غاب فعلاً سدها) والتصحيح هو (حمولة الي غاب فعلاً شلها)

إستلم لا هنت

لا تصير شيعي يا كريم المنسبي***وتفهم كلاماتي خلاف لحِلها
حنا عرب وسلومنا سلم العرب***واللي عقد روس الحبال يحلها


اجلب لنا ياقوت وحنا نجلبي***در البحر وايضا الجواهر كلها
دامي لزين اللعب ولهانٍ طَرِب***واللي عقد روس الحبال يحلها

[ابو غازي]

لا تصير شيعي يا كريم المنسبي***وتفهم كلاماتي خلاف لحِلها
حنا عرب وسلومنا سلم العرب***واللي عقد روس الحبال يحلها

:thumb:


:wavey:

[ثامر]

أخواني وأخواتي

السلام عليكم ورحمة الله وبركاته ..

أولاً :- أعتذر واكرر عذري لـ أخي الشاعر الكبير (( ابو خالد )) الاصمعي كثير الأسف واحرر الأعتذار منه لعدم تواجدي هذا اليوم بسبب بعدي عن المنطقه وعدم توفر خدمة الاتصال فيها وعدم توفر خدمة الجوال في المنطقه التي كنت فيها

واكرر أسفي الشديد لك واللي انت تبيه انا مستعد وابشر بحقك من عيني اليمنى قبل اليسرى ورقبتي تحت امرك وكلي تحت رايتك

وأشكر اخوي الكبير الشاعر ابو عمر (( متفأل )) لتغطيته وسد مكاني واشكره جزيل الشكر على مافعله بدل مني

وبعد اليوم اكتشفت ان المحاوره المباشره لها جمهور كبير بعد ماشهدته هذا اليوم


وأشكر جميع من تواجد وشارك في هذه المحاوره

ولكم مني جزيل الشكر واكرر اسفي لكم بأحر اللهجه ..

أخوكم المقصر في حقكم وحق المضيف / ثامر المتعب

[الاصمعي]

مامن قصور يابو متعب

وعارفين ما ردك عن الحضور الا عذرٍ قوي

ومتلاحقين على خير بالمرات الجاية

وهذا يدفعنا للتنسيق أكثر مستقبلاً

حياك الله وأبو عمر ما قصر بيض الله وجهه وأبو عيد بعد عرض يقوم بمكانك بس كنت منسق مع أخي متفاءل:)

متفاءل مالك بينه وينك؟

[متفاائل]

هلا ابو غازي يالله حييييوه ليه على شان البشت هالفزعة

كنك تشك بموقفي وبمذهبي=انقض حبالك ثم جود فتلها

مهمتك مجبور تنجزها غصب= واللي عقد روس الحبال يحلها


الطلقه اللي به ملح وحلبي ======الصوت واحد فرقها في علها

اللي يصيد الظبي واللي صاد ضب = واللي عقد روس الحبال يحلها

[ابو غازي]

حيالله اخونا ابو متعب

الحمد لله على السلامة

والله اني فرحت يوم لمحت اســــــــــمك


عاشووووووووو الشعار عاشووووووووو

[الاصمعي]

إييييييييييييييه خلوهااااااا

الي يشك بشي يسئل وش نبي***حتى يعرف دروبنا ويدلها
وان كان في عوج الطلايب هو رغب***اللي عقد روس الحبال يحلها


وش رايك بلّي جاينا يدبي دبي***ويعرض علينا حقوق ويزّهللها
نسامحه يا فلان أو نعلن حرب***واللي عقد روس الحبال يحلها

[بتول آل علي]

الله حيهم

ما زلناااا متااابعييين

:thumb:

استمرووووا

[ابو غازي]

وش رايك بلّي جاينا يدبي دبي***ويعرض علينا حقوق ويزّهل لها
نسامحه يا فلان أو نعلن حرب***واللي عقد روس الحبال يحلها


:thumb:



:wavey:

[المخاوي]

عاشووووا الشعااار

الاصمعي صفك تعدا راس مشعااااب والليله الملعبه واسري ياساري هههههه

متفاااءل الصييد واجد هالاياام ادنى بادنى ههههه يالله ردك ولاتبحر ورا صفك سهااري ولك يبااري هههههه

يالربع ترووني اشجع الشاعرين وماسكن الصفييين >>> بحلان مايدري من يشجع وجمعهم سوا ههههه

ياسلالالالالالالالالالالام استمروووووووا نحن معاكم ونحسب خطاااااكم هههههه

ابو غاااااازي ماااتبي لك بشت تر متفاءل يوزع بشووووووووت ههههههه

[متفاائل]

يامراحب بالجميع
ثامر حيوووووووووووووه سلامات
تسلم افا عليك حنا حاضرين لخدجمة الطيبين
عاد سالفة الحق بينك وبين ابو خالد
ويمكن نجمع معه غيره اغديه يجزي هههههه

انا احمد الله يوم رميك اتربي ==اعرف مرامي بندقك واحبلها

يعرف قماش الثوب من ريح العطب= واللي عقد روس الحبال يحلها


كانك بعذره مقتنع لاتطالبي = وان كان منت بمقتنع يلزم بها

في حجته ياخوفي انه انقضب = واللي عقد روس الحبال يحلها

[الاصمعي]

أبو غازي والمخاوي الله يعطيكم العافيه أحرجتونا بهالتشجيع الحلو:wink:

ما شاء الله عليك أصوات ولا تغريد بلابل ودنا بس نتسمع لكم ما نشيل البيت أنا ومتفاءل:)



إيييييييييييييه خلوها

رميي أصاب وأظهر ما كان مغبي***وكبدي من الصاف القراح آبلها
وغيري رجع ضامي ولا ظنه شرب***واللي عقد روس الحبال يحلها


أبغاه درس لمن ذلوله يشعبي***ولا مصدّق في علومٍ هللها
صوب الإدارة شفت عاصوفٍ يهب***واللي عقد روس الحبال يحلها

[الأصيل]

ياحييييييف ،،

فاتن هاللعب الرائع ،

لكن إذا ممكن سجلوني تسجيل :good1:

[ثامر]

عاشو عاشو


اللهم صلي وسلم عالنبي = محمد صفوت الخلق وملها
اللي ملك زمام ِ سادات العرب = ومسيلمه كذاب ِ ومحمد نبي


بعض البشر لا قلت ِ ماهو يعربي = والملعبه شايف ٍ يرزم فحلها
إثنين ِ راحو مع طريق ابو لهب = ومسيلمه كذابيِ ومحمد نبي

[المشرف العام]

بيّض الله وجيهكم يالنّشاما

وحالت ظروف عن تواجدي معكم بأوّل ردّ :(

الله يعطيكم العافيه

[متفاائل]

هلا يالله تحييييييييييييييييييي :480r:

المشرف العام :hala1:
:hala1:
تسلم جمل الله حالك وبيض الله وجهك غير عيونك

انت اللي بيضت وجيهنا بمرورك الطيب

ثامر / هلا فيك وصح لسانك:thumb:


الاصعي صح لسانك استلم - لاهنت:thumb:

احدٍ على نفسه بنفسه يكذبي = يبي يعزه مادرى انه ذلها

اللي كلا حمار العرب شال القرب= واللي عقد روس الحبال يحلها

المهتوي يصعب اقناعه يصعبي = مايقنع اللاّ يا كوته بجهلها

يبي يهل الدمع من عقب الطرب = واللي عقد روس الحبال يحبلها

علمونن واضح


العذذر يالربع من الله ثم منكم الاتصال عنديي به خلل

[ابو غازي]

اما انا ياخالي عجزت اقراء الخط ماينشاف
وإنت خابر الشوف تسعابشي ههههههه :p:

:thumb: :goooood:
عاااااااااااااااااااااشو
متفاءل
والأصمعي

[المخاوي]

متفاااءل الله لايبلى انبح صوتي وانا قاضبن هالصف ولا عينت لاعصييير ولاحتى كلامن يسيييير ههههه

الله والعالم اني ابي اهزع هالصفووووف للاصمعي هاللي بس يهللي ويرحب بنا ههههههه

استمروا فنحن متابعين ومتونسين

بس انا خابرن هاللي يتحاورون يتماسكون الشوش الا انتم وشنوووح الليل طوييل ومايقطعوه الا الملاجج >>>> يبي يرثع بهم وهو مرتتسي ههههه

[متفاائل]

الاصيل >>> ابوغازي >>> المخاوي
:hala1: >>> :hala1:>>> :hala1:

:goooood: >>> :goooood: >>> :goooood:

الف هلا وغلا ومرحبا بالغالين

شاكرين متابعتكم وتشجيعكم بالصفوف

تحياااااااااااااااااااااااتي للجميع

[سرحــان]

الاصــــــــمـــعي ................... مـــتــفـاءل



الله يعطيكم العافيه



المخاوي تعال جاي انت وابو غازي قندو روسكم



التحيه للجميع

[ساري^الليل]

الله عليكم يا شباب والله أمتعتونا


احم أحم أنا مع صف





والله كلكم عينين بالراس



بس أنا مع صف ...






صف ...






صفكم كلكم :d:

اخوكم ساري الليل

[بتول آل علي]

v
v
v
v
v


مالي شغل


أنا أبغي أكون مع صف ساري الليل بعد

>>> وحده مضيعه السالفة :)

[الاصمعي]

هلا يالله تحييييييييييييييييييي

المشرف العام

تسلم جمل الله حالك وبيض الله وجهك غير عيونك

انت اللي بيضت وجيهنا بمرورك الطيب

ثامر / هلا فيك وصح لسانك


مـــتــفـاءل صح لسانك استلم - لاهنت

إيييييييييييييه خلوها

سرد الفضا ما هز شعرة من شنبي***تفنى الحيايا ووسط جسمه صلها
والجن لامن طال تحرقه الشهب***واللي عقد روس الحبال يحلها

الطق يفك لحامها أو تخربي***والمشكلة حنا هدفنا حلها
ما تنترك من دون ماتطلى الجُرب***واللي عقد روس الحبال يحلها

[متفاائل]

:goooood:
:hala1:

اذا سمعت الذيب صوته يرعبي = ترهن نونك انتبه ترفلها

والحصني اكبر فخرله كبرالذنب= واللي عقد روس الحبال يحلها


اختر سمان كان ودك تجلبي = والهزله اتركها هي وقلاها
نبي على المجنون نقراء و نخطب = واللي عقد روس الحبال يحلها

[مجموعة إنسان]

كفوووووو والله بالنشاما


ماشاء الله عليكم حامي حامي


تصفيقي راح يكون للي يتحفنا بمشاركات وردود بمضيف الاسرة

:p: >>>>> وحدة مصلحجيّه


كفوووو والله


.

[الاصمعي]

إيييييييييييييه خلوها

لو كل من شاف الضحية ينحبي***محدٍ يصيد الصيد أو يختللها
ولا شفت من حصل غنيمة أو سلب***واللي عقد روس الحبال يحلها

تر تجلبي فاتت وصاده مخلبي***ولا اعطيت وصفه للمريض بسلها
المضيف الي يقول ما مشرف حضب***واللي عقد روس الحبال يحلها

[الاصمعي]

يالله حيهم يالله حيهم :hala1:

زارتنا البركة ونورتونا يا منورين :smileyb:

الأخوة أبو غازي-الأصيل-المخاوي –ساري الليل-سمي الذيب والأخوات الدهور ومجموعة إنسان :) n)

حياكم الله جميعاً وأشكر لكم تفاعلكم الي زاد تفاعلنا<<<تحس اني متكلف بهالجملة :(

أيا مالين العافية والله وعارف إنكم جميعاً بصفي بس ما يخالف قولوا نشجع اللعب النضيف وأنا أبي أحاول ما أكثر الفاولات والإنذارات :p:

تحياتي

[ابو غازي]

لو كل من شاف الضحية ينحبي***محدٍ يصيد الصيد أو يختللها
ولا شفت من حصل غنيمة أو سلب***واللي عقد روس الحبال يحلها

تر تجلبي فاتت وصاده مخلبي***ولا أعطيت وصفه للمريض بسلها
المضيف الي يقول ما مشرف حضب***واللي عقد روس الحبال يحلها




:thumb:

عااااااااااش ابو خااااااااااااااالد



:wavey:

[ثامر]

عاشو عاشو استمرو الله لا يهينكم

ارا يا مشاء الله اشوف ابو غازي ماسكن الصف جيد عشت والله يالغالي

[متفاائل]

ياهلا ويامرحبا :hala1:

الف شكر للجميع على هذا الحضور المفرح والمشجع


بعض العرب يأكل عشاه المغربي <<<<<<<<<<<<<<<<<<<<

>>>>>>>>>>>>>>>>>>>>>>>> وبعض العرب ماتأكل ويوكلها


وبعض العرب يوقد عشيه بالكرب <<<<<<<<<<<<<<<<<<<<

>>>>>>>>>>>>>>>>>>>>>>> واللي عقدروس الحبال يحلها



قدر العشاء جبله معاك مركّبي <<<<<<<<<<<<<<<<<<<<

>>>>>>>>>>>>>>>>>>>>>او شف هوادي قدرنا واوزن لها

الضيف يحسبها تهاون ويهرب <<<<<<<<<<<<<<<<<<<<<

>>>>>>>>>>>>>>>>>>>>>وللي عقدروس الحبال يحلها

[الاصمعي]

الضيف يحسبها تهاون ويهرب :thumb:


حياك الله أخوي متفاءل وصح الله لسانك :hala1:

كفيت ووفيت الله لايهينك :goooood:

إذا تسمح بنتوقف ولنا لقائات جاية كثير إن شاء الله :)

أنا بديت وأنت ختمت والشكر موصول لجميع من تابعنا فلهم مني جميعاً التقدير والإحترام :good1:

[ابو غازي]

كل الشــــــــــكر والتقدير

لجميع شعرائنا اااااااااالرائعين على إمتاعهم لنا نحنُ متذوقي
شعر المحاورة خاصة .

الشعراء

الأصمعي

متفاءل

ثامر

وجميع من شاركو هنا

تســــــــــــلمون جميعاً

[متفاائل]

الاصمعي

تسلم وماعليك زود لاهنت على هذا الامتاع والابداع

الى لقاء اخر انشاء الله


========== ابو غازي تسلم يالغالي الف شكر على المتابعة التي فاقة عدد الردود تقريبا والتي كان لها الدور على الموضوع والاعضاء

الف شكر