يا ناس أبي ألعب و ماني قدّها

[بتول آل علي]

.


يا ناس أبي ألعب و ماني قدّها = منهو يبي يلعب؟ أبي شخصٍ غريم
حمود ،، متفائل و ساري ليلها = آصيل أو لقديمي و الثامر كريم
يالأصمعي شمّر عن ذراعك لها = السيف أو لخريصي عل خيرك يديم
متأمل و نزهان و المشعل بها = نارٍ تأجج .. و البقا فينا يا ريم !!


.

[متفاائل]

الدهور
:hala1:
وش دعوى تبين تخوفيننا بكر الخط :)عجزت عن القراءة من كبر الصفحة

صح لسانك :goooood:

لا بالعكس قدها وقدود :thumb:

تحيااااااااااااااااااااااااتي

[بتول آل علي]

الدهور
:hala1:
وش دعوى تبين تخوفيننا بكر الخط :)عجزت عن القراءة من كبر الصفحة

صح لسانك :goooood:

لا بالعكس قدها وقدود :thumb:

تحيااااااااااااااااااااااااتي


ههههههههههههههههههههههههههههه

لا بس علشان اللي ينسى نظارته يقدر يشوف :):):)


و ربي غيرت الخط علشانك ههههههههههههه :)

تسسسسلم و خلنا نشوف الهمة :winking::winking:

[الأصيل]

لو هي رجل : أقول إيدك مدها=لكن طلع راعي البيوت من الحريم

البنت ماني ياجماعه ندها=ما أحتقر ،،، أقسم بمولاي العظيم

لكن حبال الشعر يصعب شدها=والبنت ضلعن منعوج مو مستقيم

ترا الهديه عيب منهو ردها=والنصح يهدا ،، وانتبه لي يافهيم





يالله مقسوم خير

أنا الحين جاني النوم ،،

وباكر أنا موجود إن شاء الله من الساعه 11مساء

[متفاائل]

:goooood:

:hala1:
يسلموا متابعين لكم بالصفوف

:good1:

تحيااااااااااااااااااااااااتي

[بتول آل علي]

يا حيااا الله باستاذنا الأصيل :)

>>> و داخل علينا عرض من اولهاااا :a:

أجل استلم :awink:


يا زينها القيفان لا جا وقتها = بنتٍ و لكن بالقوافي لك نديم
حرمه و لكن بنت أبوها و جدّها = يعلم بها القاصي كما الداني عليم
راجع أمورك ، عيد فيها و عدّها = واقلب كتابٍ ما قلبته في القديم
ما تدري عنها هزلها من جدها = وافطن ترا الابيات عنّك يا غشيم

.

[متفاائل]

يسلموا صح لسان الجميع :hala1:
:)
http://www.jw2r.com/vb/images/smilies/alam%2020.gif http://www.jw2r.com/vb/images/smilies/alam%2020.gif http://www.jw2r.com/vb/images/smilies/alam%2020.gif

[بتول آل علي]

يا هلاااا فيك ثاني و ثالث

يا متفاءل


دامك لها الدرجة مشتط ، ورا ما تشارك ويانا ؟ :):):)


ألف ألف شكر على التشجيع :)


الدهور

[صلفيق ابو قناة]

عاشت إستاذتنا الدهوووووور:thumb:

وأي كلمة تحتاجين ترجمته صلفيق وزميله (الذيب) جاهزين للترجمة الفورية:wink:

يالله يا الدهور شدي حيلك وكلنا جمهورك:hala1:

الجمهور مع الدهووووووووووور

تسلموا جميعاً معاكم متابعين

أجمل تحية

[متفاائل]

ههههههههه لا بالعكس انا مايمني هو ان تجتازي هذا الحاجز بينك وبين شعرالمحاورة
لاني اعرف انك متمكنه

الف شكر الدهور على شعورك النبيل

لاء ولو فيكم الخير وانا استمتع بالمتابعة لكم اكثر انتي والاصيل تتمتعون بمواهب شعريه جيده

:480r:

[بتول آل علي]

عاشت إستاذتنا الدهوووووور:thumb:

وأي كلمة تحتاجين ترجمته صلفيق وزميله (الذيب) جاهزين للترجمة الفورية:wink:

يالله يا الدهور شدي حيلك وكلنا جمهورك:hala1:

الجمهور مع الدهووووووووووور

تسلموا جميعاً معاكم متابعين

أجمل تحية


يا حيااا الله بتلميذنا النجيب :)

يالله خلك معاي و اعطيك درجة كاملة بالصف :) هههههههههه


زين ع الاقل كسبنا عاملي الأرض و الجمهور :)

>>> وحده واثقة :)


و تشكراااااااااااات

الدهور

[بتول آل علي]

ههههههههه لا بالعكس انا مايمني هو ان تجتازي هذا الحاجز بينك وبين شعرالمحاورة
لاني اعرف انك متمكنه

الف شكر الدهور على شعورك النبيل

لاء ولو فيكم الخير وانا استمتع بالمتابعة لكم اكثر انتي والاصيل تتمتعون بمواهب شعريه جيده

:480r:


متفااااااءل


شكرا على هذا الحااافز و هذه المجاملة اللطيفة

>>> أما مواهب في المحاورة ، هذي وينها و ويني عنها :)

و شكله الحاجز أصلب من برج الصين العظيم :puzzled:

بس و لا يهمك ان شاء الله نكسره على ايدكم :)


تشكراااات

الدهور

[صلفيق ابو قناة]

v
v
v
أهم شيء ما يكون تكسرينه على رؤوسهم:d: :p:

[بتول آل علي]

V
V
V

عااد بكيفهم ، كل واحد يشوف فوق راسه :)

[أبو فيصل]

الله واكبر

فعلا بداية رائعة وشكلها تبي تصير حامية

ترو من خلف المتاريس نشجع اما يجي طشاش ولا شي

والله متابعين وعساكم على القوة

عاد انتي يالدهور تقولين مانتي قدها ماضنيت الا قدها
والآخوان اللي ذكرتي متمكنين ومن الصعب مجاراتهم
بس انتي اعتقد ماهو صعب عليك

[الشبث]

الدهور يامالا القاهور لبليسك



وين اسمي




خلاص انا زعلان





هالحين لازم قصيده كامله لي لحالي

















مهو تنسين باتسر









علشان انزل قصيده هجاء بك انتي
























امزح تسلمين على هالقصيده














والشباب اللي ذكرتي ابرك من طلعتي

















وتقلدي تحيتي

[الاصمعي]

صح لسانك يالدهور وشاعرة كفو ما بك قصور n)

وتسلم يالأصيل وننتظرك الليلة بمواجهة الدهور هالي تتحدى ولولا أني أبي أتناشب مع أبو متعب الليلة تسان طبحت معكم :wink:


دهور تتحدى يامنهو يردها=مهرة وشبعانة وجتكم له رهيم
واليوم دورك يالإصيل تحدها=لا لا تعذر يافتى بجنس الخصيم
دامك تود اللعب وهيه ودها=أنفخ بنارك ولعه وأترك شريم
وحنا نشجّعك ولا حنا ضدها=أم النوايا الصافية وقلبٍ سليم

تحياتي

[الأصيل]

هلا بالجميع ،، ومشكورين على الحضور والتشجيع ،،

والله يعيننا ،، نلعب خارج الأرض والجمهور :d:

الحين الضحى ،،

وموعدنا الساعه 11 ،،

وترنا نتابعك يالاصمعي مع ثامر ،، شد حيلك

[بتول آل علي]

الصارم

حياااك الله ، و يعطيك العافية على رفع المعنويااات :)

و اللي ذكرت ... شعراء لا يشق لهم غبار :)


الشبث

يالله ورينا همتك كانك تبي قصيدة :):):)

يسلموووو الغالي


الأصمعي

و ما أدراك ما الأصمعي ؟ :)

الله حيه .... و من المؤسف انك ما بتقدر تشارك

بس نقول : خيرها بغيرها ان شاء الله

ألف شكر و صح لسانك :)



الأصيل

..... توكل على بركة الله :thumb:

[هايس الشمري]

مع الدهور دام السالفة به درجات :)


متابعين استمروا


صح لسانكم

[ريم شمر]

الدهور تتحدى يامنهـو يردهـا
مهرة وشبعانة وجتكم له رهيـم
واليوم دورك يالإصيل تحدهـا
لا لا تعذر يافتى بجنس الخصيم
دامك تود اللعب وهيـه ودهـا
أنفخ بنارك ولعه وأترك شريم
وحنا نشجّعك ولا حنا ضدهـا
أم النوايا الصافية وقلبٍ سليـم

تسلم الاصمعي

وقولك درر وحنا معك فيه

والدهور تستاهل التشجيع

وهي قدها وقدود :thumb:


يالدهور يالغاليه المفروض طلبتي فزعة خواتك :172r:

لو بالحضور والتشجيع

تابعي وحنا معك :452r:



والله يعطيكم العافيه جميعا

الدهور والاصيل

:116r:

[سلطان الشمري]

اين نحن...؟

من قاموس الجزاله..


الظاهر اننا بالحاشيه..





متااااااااااااااااااابع بقوه..




للجميع :thumb:

[حمود الشمري]

احسنتي يادهور يعطيك العافيه

وخلي صدرك وسيع

[الأصيل]

على الوعد تسان البنيه ودها=أبدي ،،، واعوذ من السواحر والرجيم

السحر من نفث النسا بعْقدّها=كم فرقن قلب الحميم عن الحميم

جتنا الدهور ولا تبيح بسدها=يالله عسى نياتها الخير العميم

جبت البحور بجزرها وبمدها=واللي غرق شهيد في دار النعيم



ياشينين محد معي ،، صرتو 11 لاعب:hala1:

خلاص عطوني حكم المباراة :d:


والحين ،، تشوف يالأصمعي ،، كبرنا لك الخط

[الاصمعي]

يعطيكم العافية لو ما أشوف الا الكتابة الي تحت الابيات:)

[بتول آل علي]

ها أنا ذا :)



ايه البنية لسّه تذكر وعدها = ما ينكر الميعاد يا غير الذميم
بالبسملة نبدا بها و نردها = ونعوذ م الشيطان بالرب الرحيم
"واللي عقد روس الحبال ايحلّها" = يفرق طريق الشين من درب القويم
صدرك إذا يوسع جبال و مَدها = صدري ترى يوسع "بحر" قوعه عديم

[بتول آل علي]

(( الذيب ))

كل تشجيعه بدرجه هههههه :)

تشكرااات



ريم شمّر

انتوا الخير و البركة

يالله ازقري البنات و افزعوا علينا :)

ألف شكر


نبراااس

قاموس الجزالة عندكم :)

تسسسلم الغالي


حمود الشمري

ما يهمك ... صدري وسيع للجميع :)

ألف شكرررررررر يا ولد بلادي :)


الأصيل

أكيد مسوي فيهم شي ههههه :)

و لايهمك أنا بشجعك :)


الأصمعي

ما صارت حاله هذي :)

ارجع برمج الجهاااز :)

و شكرا على المتاااابعة :)

[سرحــان]

الاصيل الدهــــــــور



الله يعطيكم العافيه


نبراس تعال بجنبي على المرك


التحيه للحضور

[بتول آل علي]

الفاضل / سرحــان


الله يعااافيك الغالي

تسسسلم و ألف شكر


الدهور

[الأصيل]

تأخَرَتْ حسبت شي(ن) لدها=أو يمكن أنه ماتبيني له نديم

لكن بحمد الله وصلنا ردها=عقب المخاض اللي على النسوه أليم

جابت ولد ،، من فعلها ،، من كدها=أمثالها صابت خصيمه بالصميم

الصدر واسع ،، والدروب انسدها=والعقل في درب الغشامه مايهيم

[الأصيل]

هلا وغلا بكل الموجودين ،،

اللي قاظبين الصف ،،

والشباب اللي متمرتسين على المركا ،،

اللي يقصدون : تخاويت أنا والذيب سرحان :d:



وللأخت الدهور التحية ،،


وياليت يكون بين الرد والرد : عشر دقايق أو ربع ساعه على الأكثر

[بتول آل علي]

ما يهتني بالماء منهو شربها = الا اذا كان الضما فينا مقيم
ولا تاتي النخلة بيانع رطبها = الا بكدحٍ و الليالي في أديم
والأم تسقي طفلها من دمها = لجل الطفل ما ينولد فينا عقيم
و كذا هي القيفان تمشي مهلها = مو كلّ من قال الشعر اصبح خصيم

[متفاائل]

على الوعد تسان البنيه ودها=أبدي ،،، واعوذ من السواحر والرجيم

السحر من نفث النسا بعْقدّها=كم فرقن قلب الحميم عن الحميم

جتنا الدهور ولا تبيح بسدها=يالله عسى نياتها الخير العميم

جبت البحور بجزرها وبمدها=واللي غرق شهيد في دار النعيم



ياشينين محد معي ،، صرتو 11 لاعب:hala1:

خلاص عطوني حكم المباراة :d:


والحين ،، تشوف يالأصمعي ،، كبرنا لك الخط

:hala1:

صح لسانكم نحن متابعين

ههههههههههههههه
ياما عندك ولكن كانك على خبرنا منت بحاجه لاحد مشاء الله عليك
بعدين ترى شعار المحاورة يحملونك المسئولية بهذه المحاورة بالذات لاتخلي البنيوات يسرحن الغنم علينا اكسر عين الدهور واجعلها عبره لغيره مارايح نقبل منك اي عذر المعاملة بالملعب واللعب وحده لاتفرق بين كبير وصغير ولا رجل وامراة :goooood:

[بتول آل علي]

الأصيل


بالراحه عليناااا n)

هذي اول محاوره لي على الهواء مباشرة :)

و ان شاء الله نعطي المقدور عليه :)


و ألف شكر :hala1:

[بتول آل علي]

متفااااءل


شكله الأصيل طالبك تفزع له :)

اعترف على كم اتفقتوا ؟؟؟ :) :) :)

و أعطيك الضعف وش قلت ؟ :d:

بس لا تعلم :) :)

[الأصيل]

القاف متغير ،، ولاني يمّها=والوزن أصبح من قوافيها سقيم

أمه وأمه ،، وش علينا بمّها؟=الجو صاحي عنكم مدري يغِيْم؟؟

لا والله ألا ضاعت دروب المها=جتنا تبي مكه وطبت بالقصيم

يابنت ،، مكه واضحه من أَمَّها =اللي بها المسعى وزمزم والحطيم

[الاصمعي]

الله يعطيكم العافية

متابعينكم على همش الأخبار

البلا يالأصيل بالتنسيق "التنسيق ما يظهر عندي" مهو بكبر الخط وصغره:wink:

مار نبي نصبح ونفلح ونقرأ ما كتبتوا على رواقة:)

[الأصيل]

هلا بالشباب السهرانين على أمن وراحة المنتدى :)

وأهلا بأختنا الدهور ،، ( ماعليتس من كلامي ،، حرب نفسيه فقط :d:

أخوي متفاءل ،،

خلك قريب ،، أخاف اروح أنام لي ساعه ترا عيوني غمظن

إن تساني أبطيت ،، استلم زمام المعركه ،، والنصر لنا :p:

[بتول آل علي]

ههههههههههههههههههه

اللي ما يعرف الصقر يشويه :)

و اصبر على ما جاك يالأصيل :)



قالو "بنيّه" قلت : يعني وش بها ؟ = الشّعر حس يليق بالجنس النّعِيم
قال القوافي ترنّحت في صلبها = و آقول لا تلوم الذي فيها بهيم
أشرب فناجيل الأدب واصبّها = و اثر القدح مكسور والقاعه هشيم
لكن أبصبر من ولع في حبّها = واكون لجل أوصل لها شخصٍ حليم

[صلفيق ابو قناة]

يا سلالالالالالالالالالام اييييييه حيلك بهم

ومهي شينه لو تناوشتي متفاءل بعد الي تسنه يتمحرش:)

وعرضي أنا والذيب للترجمة الفورية لازال جاهز إذا مرت عليك لك تسليمتن ما تعرفين معناه ولا شي تخبرين يستغلون ثقافتك الايطاليه ويجيبون كلمات بالاردو:)

سلاموووووووو

[بتول آل علي]

الأصمعي

أجل تصبح على خيررر :):):)

و ألف شكر على متابعة الهوامش :)



الأصيل

وش دعوى عاد ، داخل بغداد ؟ :puzzled: :puzzled: :puzzled:

وش رايك تشرب كباتشينو ، شكلها مطوله السالفة :)

[بتول آل علي]

صلفيق


انت بس خلك معاي على الخط و انتبه للكلمات

يا خوفي يجيبون كلمات مو موجودة و يقولون انها بدوية :):):)


و يالله شجعوني ما اسمع شي :) :) :)

[الأصيل]

هاتس الجواهر ،، نخرجه من غبها=لو جت إشارات الهجا أبقى حكيم

النفس يجزيها بفعله ،،، ربها=وكلن نشا منشا جدوده من قديم

البنت عوجا مالقينا طبها=وعلاجها في هذه الساعه جسيم

يابو الدهور أرجوك بنتك دبّها=خلاص أنا ماشي ،،، وفي حفظ الكريم


جانا النوووووم ( عذر ) :d:

[متفاائل]

الدهور
ابشري


اصبر عليها يالاصيل وهدها = انا اخبرك يارجل دايم حليم
الدين يامسلم يحرم وأدها=لاتجفله خله توالفنا وتقيم

[سرحــان]

الاصيل....................الدهوررر



الله يعطيكم العافيه



والتحيه للحضور

[الأصيل]

هههههههههههه
صح لسانك ،، الدين يحرم وأدها ،،

خلاص ياابو الدهور ،، العفو العفو ،،

بس خله تروح تنام ،،

والآن الرايه مع متفاءل

شد حيلك :good1:

[بتول آل علي]

البنت عوجا ، و العوج من ربها = من ضلع آدم ليه تنكر يا زعيم؟
هو ضلع موجودٍ بمنهو سبها = يتناسى خلقه وفاتحٍ بابٍ أثيم
لا تنفخ النيران و انت تشبّها = طير الشرارة ايخلّي الدنيا رميم
تصبح على خيرٍ و كل من هبّها = يمّي و يمّك واشرق الليل الظليم



سررتُ بمحاورتك استاذي

و تبقى بداية استفدنا منها :)

تصبح على خير

و ألف شكر لكل من تواجد و لكل من تابع


الدهور

[الأصيل]

تصبحين على خير أختنا الكريمه

أسأل الله أن يضفي علينا ثوب ستره ،،



وللجميع أجمل تحيه ،،

تغطو بالليل ، لاتبردون :)

[بتول آل علي]

متفاءل

خيرها بغيرها ان شاء الله

و ان شاء الله تكون لي محاورة مستقلة معك

>>>> هيّن ان عاودتوا تشوفون خشتي :puzzled: :) :)

و انت ليه ما بتروح تنام ؟؟ :)





سرحان

يعطيك ألف عافية و تسلم





الأصيل

أحلاااااام سعيدة :thumb: :thumb: :thumb:

و آميييييييييييييين

الدهور

[ساري^الليل]

اختي الدهور
أخوي الاصيل

أمتعتونا بمحاورتكم و نتمنى منكم أعادتها مرات كثيرة فهذه المحاورات تحيي المنتدى

[بتول آل علي]

استاااذي الغالي

ساري الليل


يا حيا الله من جانااا

أسفرت و أنورت و أهلت و أمطرت


أنا مازلت عند رأيي بأني ( ماني قدها ) :)

و لكن انتو فيكم الخير و البركة و إحياء هذا المضيف

و هذا الفن على أيديكم

ألف شكر


الدهور

[ريم شمر]

أنا مازلت عند رأيي بأني ( ماني قدها )

الا قدها ونص وثلاثة ارباع :thumb:


تسلمين يالدهور ويسلم اخونا الاصيل

والله يعطيكم العافيه



ر يم

[الأصيل]

بالخير ياعيال ،، بالخير يابنات ،،

للحينكم بهذا ،، أنا رحت وشبعت نوم ،، :d:




أكرر التحية للجميع ،،

ولشاعرنا الكبير : ساري الليل ،،على حضوره هنا

[فواز الشبيكان]

الاخ الاصيل
الاخت الدهور

انا آسف لتسجيل اعجابي متأخر لكني معذور لأني غير موجود


سجلوا اعجابي


وتحياتي

[مستريح البال]

عفيه عليكم والله


:thumb:

[بتول آل علي]

ريم شمر

الأصيل

القديمي

مستريح البال


ألف شكر لكم جميعا و لي الشرف باللعب مع استاذي الاصيل


الدهور