لغز مسطل جاي عندكم :)

[الجازي]

لغز بس مايصلح ينحط في مضيف الألغاز لأنه يبيله سعة صدر وفلة حجاج ومخمخة :) >>>>> ايه هين إلا الزحمة اللي هناك هي اللي نطلتس هنا :)

المهم مخمخوا معي زين وخلوا عنكم الخنبقة اللي متعودينها هنا >>>> تسني بديت أغلط :)

وشغلوا ماتبقى لكم من خلايا حية في أدمغتكم ,, وحلوا هاللغز :

أنشدك عن بنت رجال

تسكن جبال

جدها نجار

ورفيقها راعي

يالله فكروا في الحل زين ولا تستعجلون في الرد ,, لأن الحل يبيله مخمخة ,,

واحتمال تحتاجون لتأمل الكلمات والحروف عشان تقدرون تحلونه ,, لأنه يمكن يكون فيه خدعة بصرية :) >>>> ياحبيلي ماأعرف النجاسة أحاول أبسّط لكم الحل :)

عاد اللي يعرف الحل لايقوله :) >>>>>> أسلوب البزارين في الألغاز :)

يالله في انتظار أجوبتكم يالدوافير :)

[ابو غازي]

:ezpi_blus

:tongue:

:sly:

:shocking:

[الجازي]

^
^
^
ماش الظاهر لغزك أصعب من لغزي ياخالي :)

[ابو خليف]

:) :) :)

ماهي انتي يالريم n)
:p: :p: :p: :p:

[بتول آل علي]

و الله ما عرفته يالرمانة

بس تبين الصدق شفت رمعه في أحد المنتديات :)

يقول إنها ( الملفوف ) ، عاد كيف تجي ؟


الله أعلم :puzzled: :puzzled: :puzzled:

[المخاوي]

الريم الحمد لله على السلامه

الا ماهو فرخ البرمبش اللي يذكرون ههههه

[شنقل]

الريم


انا اعرف الحل


















مهي

الدلاغات
هههههههههههههههههه:):):):)

شكريااااااااات

شنقل

[بدرالدجى]

مشكوره الريم على اللغز

((مهي النخله))

[سلطان الشمري]

اويحي:

كلكم ماتعرفونه..................؟!!!! :g:




الله يهداك تقول شغلوا مخكم.. :puzzled:


بعد تفكير مضني..وجاااااد.....ياريمووووووووووه :


حصلت الحل.. :a:





<<<<<<<<<<يبي يجيب الطعه بيّن.. :)



الله والعالم...انه..



عزوز..



هس هس هس : لاتقولون له..اني علمتكم بالحل :thumb:



تشاااااااااوطااااااااااااااااط :)


<<<<<<<<<<قائم مقام بدل الفاضي :hala1:

[صلفيق ابو قناة]

يقولون صلفيق مخمخ عليه وطلع بالنتيجة التلية:-

هذي سلمك الله (موسيقى الناي):thumb:

تقولين شلون فسر الحل أقول حاضرين للطيبات والطيبين:surprised: :)

بنت رجال:بنت الناي لأنه طالعة من الناي:puzzled:

تسكن جبال: مع الراعي وهو يرعى بين الجبال وصدى الصوت يبين بالجبال:puzzled:

جدها نجار: الناي أبوه يصنعه النجار فيصير النجار جده من أبوه مهو من أمه:p:

ورفيقها الراعي: ما يحتاج الراعي هو صاحب الناي وقصصه مع الناي مشهورة<<طبعاً هذا عندهم أما عندنا فرفيقته أنثى الا وهي الربابة:paranoid:

وسلامتكم :hala1:

[الشبث]

اللغز صعب بالحيل

لكن الشبث ماعليه صعب




الحل هو
.
.
.
.
.
.
.
.
.
.
.
.
.
.
.
.
.
.
.
.
.
.
.
.
اعتقد انها ( هاااااايدي )

جدها نجاااار

وصديقها بيتر راعي













اخت الريم مادري صبت الجواب ولا لا













تسلمين













وتقلدي تحيتي

[( نواف )]

أنشدك عن بنت رجال

تسكن جبال

جدها نجار

ورفيقها راعي

هههههههههههههههههههههههههه

:):):):):):):):):):)

الظاهر انها هايدي اللي تطلع بالكراتين قبل ثلاث سنوات :)

[فاصــ بيضاءــلة]

مليون بالمية بتكون

هايدي

الله يعافيكم المرة الجاية جيبو لغز كبااااار

[الجازي]

ذيب شراف ,,

احتمال أطلع أنا بس تراك ماأبعدت عن الحل :)

الدهور ,,

وش دعوى هالملفوف :) مافيه ولا صفة من الصفات اللي قلتها في اللغز تنطبق عليه :) حاولي مرة أخرى :)

المخاوي ,,

هو يقرب لفرخ البرمبش ,, حسبي الله على ابليسك رمعتك بغت تصيب الا ربع :) ,, الا هو وشو فرخ البرمبش ؟؟

شنقل ,,

حاول مرة أخرى :)

بدر الدجى ,,

لاشكر على واجب ,, بس معليش ماهي النخلة :)

نبراس ,,

عزوز هو الراعي بس من هي البنت ؟؟ :)

صلفيق أبو قناة ,,

والله اني ودي أقول لك صح على هالشروحات اللي شرحتها بس مالك لوا :)

الشبث ,, نواف ,, فاصلة بيضاء ,,,

أنا قلت شغلوا مخكم :) ماقلت شغلوا سبيس تون :),, على فكرة ترى القناة الأولى هاليومين يعرضون سنان ياسنان :) >>> مانيب أتابعها أبد :)

سلملم

[بو رائد]

يا الريم اذا راعي اللغز مسطل وشلون يعرف الحل وهو مسطل خليه ياما يصحي
وش رايك بالقناة ماهي قناة فضائيه هي العجرا عند البدو امثالي
بو رائد

[ســــارا الرياض]

تسلمي وعلى عجله
اعتقد انها الخيزران !!

[الجازي]

بو رائد وسارا الرياض ,,,

تراني والله ماسويت شيء :) وراكم معصبين ,,

واحد جايب العجرا والثانية الخيزرانة :)

مالكم لوا :) مع اني حاسة اني ابنجلد بس الله يستر :)

[الشبث]

ريموه وش سينانوه

انا رمعتلي رمعة صجيه

واللغز وارد على هايدي

صح ولا لا

وعلى قولة ابو رائد

هذا لغز مسطل

وتريه سطلبنا معوه






وانا انسحب من اللغز

لاني اذا طولت بالتفكير يجيني شد عضلي بالمخ

















وتقلدي تحيتي

[الجازي]

الشبث يعني الا لازم تطلع رمعتك هي الصح :)

عموما أنت ماقصرت وهارد لك ,, وتقدر تاخذ استراحة محارب بعدين تعال لنا برمعة جديدة بس لايطلع قرانديزر :)

[سلمان النبهان]

الاخت الريم ارى ان ينقل اللغز الى مضيف الالغاز :good1: :p:
ويوضع عليه جائزه يتبرع بها اليم ....
ولازال البحث جاري عن الحل

[الجازي]

:hala1:

تكفى ياأخوي سلمان لاتقشعها لمضيف الالغاز تراني منحاشة منهم ,,, بلاش فضايح ربنا يخليك :)

وكانك تبيني أغششك وأعلمك بالحل ترى ماعندي مانع بس الا القشعة :)

[بو رائد]

والله يا الريم عجزنا عن هااللغز حتى اني استعنت بجدي شايب منحني ظهره وكل البارح سهرانين
واقردعه(اسقيه) شاهي وقهوة علشان ماينام وانا انخاه تكفا ياجدي والشويب يبي النومه
جدي يقول اللغز تقل ماهو وارد وضحي لنا شوين علشان هالشويب
تحياتي
بو رائد

[الجازي]

لاتقردع هالضعيف أخاف بكرة يدعي علي :)

عموما أنتم قربتوا للحل بقوة بس ناقصه شيء :)

يالله عاد أكثر من هالتسهيلات ماتلقون عند غيري :)

[شنقل]

الريم



وشرايك



بالقهوه........... لا تقولي موصح


شنقل

[المخاوي]

الريم

حل اللغز واضحن مثل عين الشمس بس ماودي انه ينحل لييييه مدري:242r:>>>

اما فرخ البرمبش يالوه سالفه لن أنساه ماحيييت :)

بعد التأمل والتنقيح طلعت نص البيت الاول وعلييكم الثاني :photo:

انشدك عن بنت تسكن جبال == ..........................

يمكن انه يساعدكم بحل اللغز :00113:

[الجازي]

شنقل ,, ماودك مع القهوة قدوع :) روثان يسكر الراس :) تونا خارفينه :)

مالك لوا ياشنقل :)

المخاوي ,, مااتفقنا على كذا ,, قلت لك دامك تعرف حله لاتعلم به :)

عطنا سالفة فرخ البرمبش وخل اللغز على جنب :)

[راعي الفزعة]

ماهو بيت الشعر
والله الهقوية انوة بيت الشعر ولا الخيمية

وسلمتن تسلم الجميع

[راعي الفزعة]

معليش يربع ترو نص الكتب الي اكتبوة املاوة خطاء

تخبرون اول نوبتن نمسك هل ماخوذ

وشكرا


:) راعي الفزعة :)

[ســــارا الرياض]

أنشدك عن بنت رجال
تسكن جبال
جدها نجار
ورفيقها راعي
واحتمال تحتاجون لتأمل الكلمات والحروف عشان تقدرون تحلونه ,, لأنه يمكن يكون فيه خدعة بصرية
حل اللغز واضحن مثل عين الشمس
بعد التأمل والتنقيح طلعت نص البيت الاول وعلييكم الثاني
انشدك عن بنت تسكن جبال == ..........................
يمكن انه يساعدكم بحل اللغز
***********
بدري !! ودوب سارا تعرف الحل !!
,,

[ابو خليف]

=سلمان النبهان]الاخت الريم ارى ان ينقل اللغز الى مضيف الالغاز :good1: :p:
ويوضع عليه جائزه يتبرع بها اليم ....
ولازال البحث جاري عن الحل


^
^
^
^
ماله عن المحذوفات لو يدوج عندي

لغز ناكسن للمرح هذا[/align]

[الفاضي]

طااااااااااااااااااااط


فضفض وصل

ما يبي له غز بيارق

اكيد هايدي خويت بيتر<<<<<<<مطفي النور :good1:


الريم لتس مهله يوم واحد فقط اذا ما ارسلتي الحل على الخاص والله ما يرد موضوعتس الا المحذوفات :goooood: <<<<<<دكتاتوري للنعل :thumb: :)

بانتظار الحل الصدزي


طااااااااو

[سرحــان]

:):):):):):):):)


اللغــــــــــــــــــــز مسطل:):)




و الحل اكيد مستطيل:thumb:


المخاوي قرب السطيل

الريم
عقب كمخت الخشبه قلت اشوى طارت الايفونات من راسه


ورجعتي علي تجميع القراطيس



ابي سلف من راعية الخيزران خيزران


وراعي العجرا بعد تكفى ارسله لي


يمكن ..........................................؟



الحل عندكم باللغز واحد منكم انخث به



بس


الريم


قالت لاتعلم


تخبرون

امين على السر


ســــــــــلام

[المخاوي]

سرحاااااااااااان

تسيف انت لاهنت

اقوووول والله ان قربت السطييييل لتصييييييييييييير علوووووووووووووم :p: :00113:

مار خلوه بمكانوه والوعد مثل العام هالحزه :thumb:

الفاااضي

انا هاقين انك تبي تفقش عين اللغز :wink:مار ديور وبرق بوه زين :awink: >>> رفع معنوياات لايجييب الدركتراات :)

واترك عنك ذيب شراف هاللي بس منطوين وله عواااء :0085:

[الجازي]

هاه متى تبوني أعلمكم بالحل ؟؟

أخاف تعرفون الجواب وأنا فيني عرق نذالة مابي أحد يعرفه قبلي :) >>>مسطلة بجد :)

[الفاضي]

8
8
8
ارسلي الحل على الخاص هالحين والا موضوعتس ما يرده الا المحذوفات لانه مسطل والتسطيل هنا ممنوع :goooood:


طاااااو

[الجازي]

جاكم الاعصار ماشيٍ يعيقه ,, لغزنا المسطل وخر عن طريقه :) :)

يالله جبنا الحل المسطل وأنا بنت أبوي بنته :)

الجواب :

هو :

هايدي الجميلة :)

لاتقولون حنا قايلين لتس هايدي ,, أنا قلت لكم لغز مسطل يبي حل مسطل :) ,, والحل المسطل انكم تقولون بعد كلمة هايدي ,,, الجميلة :)

يالله نلقاكم في ألغاز محششة قريباً على الشاشة :)

[الفاضي]

اقول الريم القي اخر نظره على موضوعتس قبل اشوته :a:

[بو رائد]

يوم علمت جدي بالحل مات الشايب من الضحك يقول وش هالغز اللي ناكسن للمرح
لكن الزين فيه انه ضحك الشايب لاتعودين كذا الغاز

[الجازي]

والله يالفاضي اني جاية على بالي مؤدبة قلت خلاص أبلقي نظرة الوداع على موضوعي قبل الشوتة :)

بس يوم شفت رد بو رائد قلت والله اللي ماينشات موضوعي دام هالشايب خويّ بو رائد مبسوط ومستانس من لغزي المسطل :)

عاد عرفت ان هالشويب مروق وفالّها ,, قلت أبمحط بلغزٍ جديد بس هالمرة ماهو مسطل ,, الا محشش :)

اللغز يقول :

الدجاجة في المنقا عصيرها

حرك نقطة وحدة بس من مكانها في هالجملة عشان تطلع لك جملة مفيدة


يالله نستقبل مشاركاتكم واقتراحاتكم وخصوصا الشايب المروّق على العنوان التالي :

ص . ب 12345 (http://www.shammar.org/vb/showthread.php?t=22294&page=3)

في انتظار حلولكم المحششة :)

[الفاضي]

والله يا انتي حوووووووووووووووووووووويل

الدجاجة في المنقا عصيرها


تصير بعد النظره السريعه مني

الذ حاجه في المنقا عصيرها


صدز قدييييييييييم

[بو رائد]

والله ونقشته يا الخوي ذبحتنا هالريم يوم لغز مسطل ويوم لغز مادري وشو
سامحها ربي واطال في عمرها وخلاها لعينن ترجيها بس لاتنقل عن هذا
النوع من الناس
تحياتي

[الجازي]

الفاضي ,,

أنا قلت لغز محشش ,, ماقلت لغز في كامل قواه العقلية :)

يعني جوابك الله لايهينك : مالك لوا :) >>>توها عارفتن مالك لوا وفرحانة فيها :)

الفاضي حاول مرة أخرى ,, وترى الفلة مليانة مواضيع ينقصها ردكم الكريم ياليتك تشرفهم بردودك وتخليني مع شويّب أبو رائد :) :)

في انتظار الأجوبة الصحيحة بس على شرط تطلع محششة :)

أبو رائد ,, ولا يهمك أوعدك إن هذا آخر لغز من هالنوعية :) مع انه باقي لغز منسم بس عشان هالشايب كللش يهون :) :)

[بو رائد]

بيض الله وجهك ياالريم والشايب مسامحك بل ويدعي لك شوف عيني رافعن
يديواته(جمع يد) ويطلب لك التوفيق والصحه في هذه الدنيا والجنه في الاخره
وهو يعرف ان الانسان يحتاج للترفيه البرئ احيانا
والله ضيعنا هل تم حل اللغز او مالوه لوا

[الفاضي]

وترى الفلة مليانة مواضيع ينقصها ردكم الكريم ياليتك تشرفهم بردودك وتخليني مع شويّب أبو رائد

صراحه انا فهمت شيين
الاول ان كل الي بالفله ميتين على ردي :) :) <<<<<< يا رجال لا تصدق عمرك :thumb: :)

والثاني
زي قولت ضف وجهك ولا تشوفك عيني :a:


لي نكسه بعد ما اخلص فتلتي بالفله :goooood: :goooood:

[الجازي]

بو رائد ,,

سلم لي على هالشايب عسى ربي يخليه لوالديه :) >>> راعية طويلة أم الشباب :)

وقل له يبشر بسعده ماسوينا الا الواجب :)

الفاضي ,,

أفا عليك بس ,, أحد يتجرأ ويقول لك : ضف وجهك :) وأنت المشرف :) >>> يعني لولا الاشراف تسان في ستين داهية :)

بس ليتك اذا شرفتنا انك تكنسل توقيعك في الردود ,, والله ازعاج منقطع النظير ,, ينغرف قلبي بسبايب هالتوقيع :) >>>> ينغرف : مصطلح مطبخجي خاص بنون النسوة :)

وترى حلك للغز خطأ ,,

يالله شدو الهمة وشغلوا مخكم :)

[الشبث]

الريم والله فريت مخي يمين ويسااار

ما لقيت الا هااااااااايدي اللي واردن عليه الحل

( يعنني متأكد انوه صح )









وتقلدي تحيتي

[الجازي]

الشبث الله لايهينك ارجع للرد رقم 36 :) ورقم 39 :)

[بو رائد]

اختي الرييييييييييييييييييييييييييييييييييييي يييييييييييم
هو انحل اللغز ولا لا يكون00000000000000الذ حاجه في المنقه عصيرها الحلو
لغزك لازم يصير به لفه
او انك ماتبين احد يحله بسرعه وشنوحك يااختنا الغاليه الشويب يسلم عليك
وعنده لعبه اسمه لعبه الحروف يبي يرسله لك ياخلصت الغازك
ياعلك ماتشوفين شر دمت بصحه وعافيه

[الجازي]

أنا حلي ماهو اللي قاله الفاضي :) مع إن حل الفاضي هو المتواتر عند جمهور الأمة :) بس عاد أنا مشهورة بالرأي المخالف :)

يعني يبي لكم بعد كم فرة عشان تحلونه ,,

مدري وش صار على الفاضي شكله حاقدن علي عقب تحطيمي له :) :)

لكن عادي يعيش وياكل غيرها :)

[الفاضي]

<<<<<<< هذا الشخص بالمستشفى بسبب حادث مروري :g: :g:

[الجازي]

حلو ,, يعني الحين أكيد إنك عقب الحادث سطلت :) :) وأكيد على هالتسطيلة عرفت الحل :) :)

سلامات وما تشوف شر :)

[الفاضي]

<<<<<<< الى هالحين وهو بالمستشفى :) :) <<<<<<خياله يرد عنه :goooood:

[الجازي]

أجل عطنا الحل بسرعة قبل ماتطلع من مستشفاك ,, ترى تسطيلك كذا أرحم :)

[سالم]

هو :

هايدي الجميلة :)




نيهاهاهاهااااااااااااااااااااااااااااااا ااااي :)

ايه هذي اخرتها :)
تدرين انك لو حطيتيه بالالغاز تسان شايتينه :)
بس اشوى انك حطيتيه هنا :)

وانا هذا اول رد لي بموضوعتس
وتوي شفته :)

ويوم شفت اللغز المسطل هقيت انه هايدي :) >>> :)
لاني سامعه من زمااااااااااااااااااااااااااان :)

جيت ابحله الا قلتي انتي راجعوا الرد رقم 37 وراجعته وشفته :)
اقول مامن لغز ثاني :)


الف شكر اختي


ماننحرم

[الجازي]

^
^
^
الحين أنا مكلوفة بكم أمشي وأحيلكم على الردود كل شوي :) :)

طيب هالمرة بسامحك :) رح لردي رقم 39 عشان تعرف وشو اللغز الثاني :) :)

ويالله عاد خلنا نشوف حلك يالفطين :) :)

الا وش تقرب لك هالايقونة :) ,, ترى حقوق طبعها ونسخها وإنشائها وملكيتها :) لي بلحالي :)

[سالم]

المنقا في عصير هالدجاجه :)

>>>>> ياويطي على الحل :thumb:


صح :chinese:

[الجازي]

تدري عاد إن حلك هذا قريب للحل الصدزي :) فيه عامل مشترك بينهم هو التسطيل :)

لكن مالك لوا ,, حاول مرة أخرى وبعدين تراني قايلة حرك نقطة ماقلت حرك الدنيا كلها :)

يالله حرك مخك عشان يحرك نقطة ويطلع لك الحل ,, وترى المنافسة على أشدها بينك وبين الفاضي :) :)

[سالم]

نياهاهاهاهاااااااااااااااااااااااااااااي :)

المنفا في عصير هالدجاجه :)

حطينا القاف فا :)






اباخذ لي فره فرتين واجي :)

[الجازي]

الدجاجة في المنقا عصيرها

الجملة بهالشكل ,, لاعاد تحوسها ,, بس غيّر نقطة وحدة من مكانها ,, لاتشقلب الكلمات :) نبي الدجاجة في محلها :) :)

[سالم]

>>>>> طيب مافي مساعده :)
حذف اجابتين شي :)

[مفتاح14]

نسحب المشاركه :)

[الجازي]

أقول يوم انك تمر على الموضوع من أوله لآخره ,, ماشفت على طريقك حل الفاضي :) تراه سابقك بهالحل في الرد رقم 40 بس المسكين ماحالفه الحظ :) والحين هو في المستشفى يبي أحدن يسير عليه ماودك تلحقه :) :)

أقول ياشين اللي على بالهم فاهمين وهم من جنب القدة :) >>>> بالله وشي القدة ؟؟ :)

مفتاح 14 الحل محشش يعني حلولك العاقلة وفرها لمضيف الألغاز الصدزية :)

الفلة مافيها إلا الحلول المحششة :) :)

صح نسيت أقول لك الحمد لله على سلامة العودة >>>> العودة والا الحوالي :) :)

عاد يقولون من طوّل الغيبات جاب الغنايم :) افهمها عاد أنت مايحتاج أطر أكثر من كذا :) :)

[سلطان الشمري]

اويطي يالريم : عضيتي بــــــــــــــــطن هالايقونه >> :)



مفتاح فورتين .. :luvlove:




بالله ماتقشعون هالموضوع .. :awink:



وش الالغاز هذي تروح لمضيف الالغاز .. مهو عندي ((في ذا)) مصطلح من اهل الرياض وينقصه الله يحييك.. :p:




اقول .. تبين حلول يالريم والا طااب خاطرك ..








ترى عندي حلول بالهبل... :puzzled:

[الجازي]

مفتاح :smileyb: :a:

بالله وش هالحركة اللي مالها سنع :) ليه تحذف حتسيك :)

والا عاجبك يعني طيحة وجهي قدام الربع والربعات :)

من رايي ترجع بلاويك اللي أنت كاتبها ,, والا ترى لاتحلمون بحل اللغز :) >>>>>لايقشعون موضوعتس بس :)

نبراس ,,

هالايقونة :) طلعوا لها بدائل منافسة :goooood: :good1: :hala1: وكلهن مانيب أستعملهن مخليتهن لكم :)

عاد لاتصجوني بأيقونتي :)

وعطنا حلولك اللي عندك ماتدري كود الله يهديني وأوافق على وحدة منهن :)

[سلطان الشمري]

لقطي وجهتس :p:





لقطي وجهتس :p:





وما راح اقول رمعات.. :)





تيقا :thumb:

[بو رائد]

يا الريم (تري الشويب يقولك هاي===اللغز يابنت وش حله)
(مخي غدا بين ترو ولاي====والنفس يابنت مختله)
(الحل صعب علىشرواي===عمري ثمانين من قله)

وسلمتي يااختنا الريم لاتبطين بالحل ولايكون الحل راجع(ن) للمرح يعني مابالحمض احد

[الجازي]

نبراس ,, من اللي يلقط وجهه :)

قصدك اللي ماعرف حل اللغز وعلى باله يصرفها :) :)

المهم علشان سواد عيون شويب بو رائد >>>>>> هذا انكان عيونه مافيها موية بيضاء :) :)

بعلمكم الحل :)

وربنا يستر بأه :)

عموما تذكروا تراني قايلة لغز محشش وحله محشش بعد :)

اللغز كان :

الدجاجة في المنقا عصيرها

والمطلوب تحريك نقطة وحدة من مكانها لمكان ثاني عشان تتغير الجملة وتصير مفهومة :)

ناخذ نقطة وحدة من نقط حرف القاف حقت المنقا :)

ونحطها على حرف الصاد في عصيرها :)

تطلع النتيجة النهائية :) :

الدجاجة في المنفا عضيرها :)

طبعا المنفا معروف وشو ,, هو المكان اللي ينفى له المسجون :) يعني تقدرون تقولون قوانتنامو الا شوي :)

طيب عضيرها وشو ؟؟ :)

عضيرها ياطويلين الأعمار أنتم وأولكم هالشويب :)

عضيرها = عشيرها :) بس بلغة الدجاج :) :) >>>>>عاد هذا حتسيهم وش دخلني أنا :)

يعني ادعوا لهالدجاجة ان الله يفرج همها ويرجّع لها أبو عيالها :)

قرار مفاجئ :

قررت أعتزل الألغاز المسطلة والمحششة لأني اكتشفت انكم مصحصحين زيادة عن اللزوم :) :) ,,

أنا عارفة انكم بتطالبوني بالرجوع والتراجع عن قرار الاعتزال بس لاتحاولون أنا قررت قرار نهائي لارجعة فيه :) :)

[سالم]

عضيرها = عشيرها :) بس بلغة الدجاج :) :) >>>>>عاد هذا حتسيهم وش دخلني أنا :)

يعني ادعوا لهالدجاجة ان الله يفرج همها ويرجّع لها أبو عيالها :)




نيهاهاهاهاههاااااااااااااااااااااااااااا ااااي

علينا يامناحي :242r:

[مفتاح14]

مادري وش كنت كاتب نسيت :)

بعدين لا يكون لي دخل بهالقرار المفاجئ وأنا ما ادري؟؟؟:232r:




طيب يالريم ماهو ذنبي اني ما اعرف احشش.. ولو انا داري انتس تبين تنزلين هالموضوع تسان من أيام المراهقه ما أماشي الا دشير :)



تحياT.. وأنا على نياT

:)

[الجازي]

تحياT.. وأنا على نياT
^
^
^
أمحق نيات !!؟؟

الحين من جاب طاري الدشير في السالفة ؟؟

التسطيل مايبي له شيء ,, كلها نومة عقب عصر ,, وبعدها شف راسك وشلون يدور :)

مفتاحوه :)

المفروض هالرد هو اللي يتعرض للسحب ماهو الرد اللي قبله :) :) >>>أحلى ياشديدة :) :)

سالم الشمري :

شكلك عندك حل ثاني غير حلي :) :) ترى مايمنع تجيبه يمكن نقدر نصرفها :)

[الشبث]

الا ياربي سترك

انا مادري وشلون تفرفرين الحتسي يالريم

صارلي اسبوع اتسمع لتس وانا ادربي راسي

والله ما فهمت شين



بس يالربع انحاشو تروه مسطله لا تعديكم









وتقلدوا تحيتي

[سالم]

سالم الشمري :

شكلك عندك حل ثاني غير حلي :) :) ترى مايمنع تجيبه يمكن نقدر نصرفها :)


حلول مو بس حل واحد :)

راجعي احد الردود >>>> ياشينك :)


.
.
.


ماننحرم :)

[عـتـريـس]

مع اني لبست المناظر بس ماش الشوف هباش ( شجر ويخب ) هههههههههههه

<===== ينسحب من بدري فقد البصر وماوده يفقد يده وهو يطقطق على الكيبورد كل يوم بجواب:)

بمر اشوف وش الجواب اذا لقيتوه ههههههههه

اخوكككم عتريس:)

[مؤيد]

طيب مابووه لغزن طارف :chinese:

[الجازي]

الشبث ,,

هذا هو الهدف من اللغز :) ,, أبيك تفرفر هالاسبوع عشان تسطل وتعطينا الحل :)

يعطيك العافية على الفرفرة :)

سالم الشمري ,,

اذا راجعت أحد الردود أكيد أبلقى حلك بس متى براجع !! :)

عتريس ,,

يكفينا مرورك الله يسلمك مايحتاج تعطينا جواب ولا حتى تروح تدوره أخاف تدوخ وأنت مالقيته :) :)

مؤيد ,,

أنا أعلنت اعتزالي وفشيلة أتراجع عن القرار قدام جمهوري الوفي :) :) عشان كذا بتلقى اللغز الطارف عند شباب الفلة :) :)

يسلمو ,,