خلـيف الجهيلي
05-08-2004, 22:32
(( ونة(ن) .. عقبها .. آه ))
مات الخلف بخليف .. ماهي سواليف = ونس توفى وآرتحل يم .. مولاه
مابه خلف .. بخليف .. مابه مخاليف = مافيه مثله بالبشر صعب .. تلقاه
مافيه مثله شامخ(ن) .. باالمشاريف = ماله شبيه(ن) بالحلايا .. وحلياه
مثل البليهي أن جاك .. سبق العواصيف = ياقل جنسه بالخلايق .. ومجناه
بالكون كله مايّوصف .. تواصيف = لابشرقها .. وبغربها .. مثل شرواه
مافيه مثله بالجزيره .. ولا جنيف = من صكته سود الليالي .. تمناه
رايه حكيم وبالنياشين .. تهديف = أمدرب(ن) نفسه على طيب .. ممشاه
واليا حكى يكرم عن الكذب .. والزيف = يكرم جنابه .. مع شوارب .. مّلحاه
يشهد خويه .. يشهد الجار .. والظيف = وتشهدله افعوله على مد .. يمناه
لا هان نايف ياجماعه .. ولا منيف = الله رفع ناس(ن) .. على ناس .. وأعطاه
الطيب له وقفات .. ماقف .. مواقيف = يكرم مقام اللي به الطيب .. والجاه
باالمملكه علمه من السيف .. للسيف = بالطيب له فزعات يشهد له .. الله
علمه يشرف راعي الطيب .. تشريف = ومن لامني جعل المنايا .. توفاه
الحزن كل الحزن .. في خافق خليف = مصيبته عضمى على الله .. شكواه
حزنه كبير أمّطاول اشتاه .. والصيف = الله يعينه على مابه .. وبلواه
يفرك يدينه من عذاب .. التحاسيف = كله حنين .. ونة(ن) .. عقبها آه
مابين آه .. وياحسايف .. وياحيف = بس أيتويل ويل حالي .. وويلاه
دايم حزين من الزمن .. والصواديف = أكثر كلامه بس ويلي .. وعزاه
دمع الحزن من موق عينه .. ذواريف = يبّحل ونينه .. من حنينه .. من أبكاه
يشرب من انياب الحيايا .. الزواحيف = ياما شرب من وقته الشين .. واسقاه
يوم أن ابو خليف ارتحل .. شاف مايّعيف = عاف الحياه .. وعاف عمره .. ودنياه
ماعادله بالوقت هذا .. مجاديف = مكسور جنحانه ولابه .. مراواه
مات الوليف وعاف كل .. المواليف = ونس هو أسناده .. وعزه .. ومركاه
له فزعة(ن) كنه مثل شاطر .. السيف = انشهد انه فزعة خليف .. ومناه
عقبه حياته كلها زيف .. في زيف = قلّت به الحيلات .. باحت خفاياه
همه لجاء بين الحشاء .. والسراجيف = نار(ن) سناها تحرق القلب .. وشواه
كثرت همومه بين عوج المناحيف = مثل الجراد أفواج ترتع .. بمفلاه
فوج(ن) وراه أفواج .. باأرض(ن) بها ريف = مرتاعها باأقصى خفوقه .. بمرعاه
الله يرحم راعي الهيل .. والكيف = في جنة الفردوس ياجعّل .. مثواه
مات الخلف بخليف .. ماهي سواليف = ماأضن عقبه بالبشر .. مثل شرواه
خليف الجهيلي
مات الخلف بخليف .. ماهي سواليف = ونس توفى وآرتحل يم .. مولاه
مابه خلف .. بخليف .. مابه مخاليف = مافيه مثله بالبشر صعب .. تلقاه
مافيه مثله شامخ(ن) .. باالمشاريف = ماله شبيه(ن) بالحلايا .. وحلياه
مثل البليهي أن جاك .. سبق العواصيف = ياقل جنسه بالخلايق .. ومجناه
بالكون كله مايّوصف .. تواصيف = لابشرقها .. وبغربها .. مثل شرواه
مافيه مثله بالجزيره .. ولا جنيف = من صكته سود الليالي .. تمناه
رايه حكيم وبالنياشين .. تهديف = أمدرب(ن) نفسه على طيب .. ممشاه
واليا حكى يكرم عن الكذب .. والزيف = يكرم جنابه .. مع شوارب .. مّلحاه
يشهد خويه .. يشهد الجار .. والظيف = وتشهدله افعوله على مد .. يمناه
لا هان نايف ياجماعه .. ولا منيف = الله رفع ناس(ن) .. على ناس .. وأعطاه
الطيب له وقفات .. ماقف .. مواقيف = يكرم مقام اللي به الطيب .. والجاه
باالمملكه علمه من السيف .. للسيف = بالطيب له فزعات يشهد له .. الله
علمه يشرف راعي الطيب .. تشريف = ومن لامني جعل المنايا .. توفاه
الحزن كل الحزن .. في خافق خليف = مصيبته عضمى على الله .. شكواه
حزنه كبير أمّطاول اشتاه .. والصيف = الله يعينه على مابه .. وبلواه
يفرك يدينه من عذاب .. التحاسيف = كله حنين .. ونة(ن) .. عقبها آه
مابين آه .. وياحسايف .. وياحيف = بس أيتويل ويل حالي .. وويلاه
دايم حزين من الزمن .. والصواديف = أكثر كلامه بس ويلي .. وعزاه
دمع الحزن من موق عينه .. ذواريف = يبّحل ونينه .. من حنينه .. من أبكاه
يشرب من انياب الحيايا .. الزواحيف = ياما شرب من وقته الشين .. واسقاه
يوم أن ابو خليف ارتحل .. شاف مايّعيف = عاف الحياه .. وعاف عمره .. ودنياه
ماعادله بالوقت هذا .. مجاديف = مكسور جنحانه ولابه .. مراواه
مات الوليف وعاف كل .. المواليف = ونس هو أسناده .. وعزه .. ومركاه
له فزعة(ن) كنه مثل شاطر .. السيف = انشهد انه فزعة خليف .. ومناه
عقبه حياته كلها زيف .. في زيف = قلّت به الحيلات .. باحت خفاياه
همه لجاء بين الحشاء .. والسراجيف = نار(ن) سناها تحرق القلب .. وشواه
كثرت همومه بين عوج المناحيف = مثل الجراد أفواج ترتع .. بمفلاه
فوج(ن) وراه أفواج .. باأرض(ن) بها ريف = مرتاعها باأقصى خفوقه .. بمرعاه
الله يرحم راعي الهيل .. والكيف = في جنة الفردوس ياجعّل .. مثواه
مات الخلف بخليف .. ماهي سواليف = ماأضن عقبه بالبشر .. مثل شرواه
خليف الجهيلي