ابي اروع قصيدة رثاء بالامير المرحوم طلال الرشيد

[جهز الهمزاني]

الاخوة والاخوات الاعزاء ...... اسعد الله اوقاتكم

بما انني لاافقه شي في الشعر ... ارجو من الجميع الفزعه بترشيح اجمل قصيده كتبت في رثاء الامير الراحل طلال الرشيد .

والغاية من ذلك ..
انا الان اعمل على اقامة معرض شخصي سيرى النور قريبا يضم لوحات زيتيه لاتقل احجامها عن 2 في 2 متــــر لابرز الرموز الوطنية .. يتحول بعدها الى معرض دائم على شبكة الانتر نت .. والامير طلال الرشيد من ضمن المجموعه.

وتقبلو مني احلى تحية

[شموخ]

ياهلا بابو تركي

من طول الغيبات جاب الغنايم .

وين الناس :)

ماراح ننرشح احسن قصيده لين تجيب مشاركه مثل رسمه ابو شنبات اللي يقول اطبخي الحاشي :)


بالنسبه للترشيح احسن قصيده قد تكون هناك قصيده في نظري هي الافضل وفي نظر غيرى ليست الافضل يعنى الناس تختلف اذواقهم بس ولا يهمك ياعم الليله بشوف الافضل في نظري وانزلها لك هنا " في نظري " يعنى يمكن فيه قصائد افضل في نظر غيرى ويمكن انا ماقريتها ويهنزلونها الاخوان وانت تختار الافضل في نظرك .


تحياتي
شموخ

[جهز الهمزاني]

الف هلا فيك ( يــــــــــاشموخ)


ليس بالضرورة ان تكون قصيدة كاملة ..

يكفي ان يجمع الاغلبية على بيتين او ثلاثة ..

للمعلومية .. اللوحة مكونه من ثلاث عناصر فقط ..

الاول صورة شخصية للمرحوم

الثاني ابيات شعر

الثالث ( لاافضل ذكرة الان )

واسمحي لي بتغيير توقيعي من خلال ردي على مشاركتك

[بتول آل علي]

يا هلا و الله فيك اخوي

جهز الهمزاني


و بصراحة هذي بعض المقتطفات لقصائد قيلت في رثاء الفقيد - رحمه الله و أسكنه فسيح جناته -


للشاعر : محسن الدويخ


بجنة الخلد جعلك يا "طـــلال الرشيـد " = اكــبر بعرضها من الارض ويا الســما
انت لو غبت باقي في عيون القصيد = دمع عين المشاعر من رحيلك هـــما
فيك حسن الخصال بكل يوم ٍ تـــزيد = وكل بحر ٍ طرقتـه مات بعــــدك ضما
جيت سامي بماضي كان قبلك مجيد = ورحت منا بحاضر من شموخك سـما


للشاعر : زايد الرويس


يـا سيـرة التاريـخ لامنـك ذكرتـيـه انصـفـي=رجلٍ رجح عـن كفـة المليـون شامـخ ومعـروف
طـلال بـن عبدالعزيـز بـن رشـيـد ولا تـفـي=ثمانيه وعشريـن حـرف ولـو يزيـدّن الحـروف


للشاعر : قديم الشوق


احسن الله عـزا الشعر وعــذ ب الكلام=واحـســن الله عــزانا فـي طــلال الـرشـيد
واحسن الله عزا اهل الجاه ويـّـا العوام= واهـل الخــير واهـل الخـيل واهــل النشيد
راح شيـخ الشيـوخ وراح وافي الذ مام=فـي مســـا يـوم جمعة يـوم خـــير ٍ مـد يد
كم فـقــد نا رجــال وكم فـقــد نا عـظام =واشـهـــد انك يا ابـو نـواف اغـلى فـقـــيد


للشاعر : خالد السعد الشمري


طلال لاعدو زحازيح الابطال= ليثٍ ولد ليثٍ ثقيلٍ مرازه
طلال ياحرٍ على الصيد جوال=صيده سمين ومخلبه في خرازه
طلال حطولك على الطيب تمثال=والطيب قال الضيغمي لي ركازه
لك بالكرم يالضيغمي فن وشكال=جود وكرم والطيب فيك انحيازه
لكن خذاك الوقت ياطيب الفال=والموت حق وكل نفسٍ تهازه
مرحوم ياشيخٍ فقدناك بالجال=يارب تجعل منزله بارتكازه


للشاعر : خلف بشير العجلان


رحمة الله على شيخ الطنايا طلال = أخو نوره عن الدنيا وعنّا رحل
شبل عبدالعزيز اللي وصوفه قلال = من يشوف الجنايز من مكانه جفل
يفقدونه رجال يميلون العقال = فيهم الجرح يبقى جرح ما يندمل
يا بنات الجزيره يا مقر الجمال = الهدب يالعذارى لا يمره كحل
من تعذّر تعذّر يا بنات الشمال = الرجاء عام كامل لا تمرٍّ حفل
فاجعه هزت الدنيا وسمر الجبال = الله أكبر بكى المريخ وأبكى زحل


للشاعر : محمد الربع


كيف ابـرثي غيبة ( الهيـل ) في صفر الدلال ؟=وكيف ابــرثي غيبة ( الطيـب ) في بيض الوجيه؟
وكيف ابرثي غيبة ( البـدر) في سود الليال ؟=وكيف ابـرثي غيـبـة ( الجـدي ) كل ٍ يهتديه ؟
وكيف ابـرثي غيبة ( الحـر) في روس الجبال ؟= وكيف ابرثي غيبـة ( المـجــد) كل ٍ يشتريـه ؟
وكيف ابرثي غيبة ( الخير ) في غيبة طلال ؟= وكيـف ابرثي غيبتـه في قـلوب ٍ تـرتـجـيـــه ؟
وآه يــا صـعـب الإجـابــة ! ويــا مــر الـســؤال؟ = من يـجــاوب كـل شـي ٍ غـدى يبكي عليـه ؟
ينتـخـي في ( طفـل شـمّـر ) وحنـا لـه عـيـال=( مـا بـقـى غيـر الكـرامـة ) سـؤالٍ مـت فـيـه
اشهـد أن الـخـيـر غايـب مع غـيـابك ( طلال )=واشـهـد أن الحـزن سـاكـن قـلـوبٍ تـرتـجـيــه


للشاعر : نواف حمود الشمري


اذرفي ياعين وادمع ياوريد =واحزني ياارض واركع ياحزن
يوم مات الحاتمي ابن الرشيد = مالنا كود التوجد يازمن
والله انك ياطلال اغلى فقيد= والله انك للوطن كنت الوطن
والله ان بموتتك مات القصيد= كلنا في موتتك صرنا كفن


للشاعر : فيصل اللويش


تدري عزانا بموتتك يا الوليده = مامت وسط قلوبنا باقيٍ حيّ
نقراك ثم نقراك في كل قصيده = ونحس بك (والله ووالله) بكل شيّ
ماكل من روّح يسمى فقيده = الا طلال (وباقيٍ باقيٍ) فيّ


للشاعر : طلال العبدالله الرشيد ( العطيب )


يعني ما كفوك مليون شهـــيد = تأخذين أغلا الحبايب يالـــجزاير
ما لقيتي غير أطيب الرشيــد = لو ماأخاف الله لاقول الحكم جاير
الزمن لو طال مثله ما يجـيد = فقد أبو نواف هي أم الخــــسايــــر
يالله إنك تحسبه عندك شهيـد = من توفى غدر في بر الجزايــــر


و هذه أبيات لم أعرف قائلها :


مات الرشيد بوسط ذيك الجزاير = عجج سما شمّر بموته و أظلم
عزوا البشر و ادنوا عليه العباير = عزو سنجار و عبده و الأسلم
لا و الله ان يبقى ثاره اليوم ثاير = لو ياصل لحد الركب لجله الدم



و هنا يمكنك أن تجد الكثير من رثائيات الفقيد في ديوانه

http://diwan.shmmr.net/forumdisplay.php?s=&forumid=82




و قد تكون لي عوده !!!

أختك

الدهور

[صالح الهــمزاني]

ياهلااااااااااااااااااا ويامرحباء فيك ياخ \ جهـز ...

بصراحه عندى بيتين___________

من رغم انهاااااا متاخره بس مايضر لو قريتهااااااااااااااااااااااااااااااااااا اااا


لايت المنايا قبلك يـا طـــلال داهمـــني
/
ولاسمع عندك خبر يضيق البالى
ولاكــن كلمتيـن لاتذكرتــهن فرحـــــني
كانك حـى بـيـنـنا وصيتك عالــي

والــــــى يجهلهن يسمــع مـنــــى
مـــن (خلف مـامـات)قيل بألامثالي
/\/\/\/\/\/\//\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/

[زيد الجذيلي]

اخ جهز
السلام عليك ورحمة الله وبركاته
مشكور على هالافكار الحلوه والنيره والى الامام والله يوفقك وعندي اقتراح بسيط لعله يحوز على رضاك وهو كتابة دعاء افضل من القصيده او المدح وهذا مجرد اقتراح وماعلى الخير تخير طال عمرك .
ومافيه غير الاجر لك وله الله يرحمه

,,

اللهم إرحمه
ونقه من الذنوب والخطايا
كما ينقى الثوب الابيض من الدنس
اخـــــــــــوك
زيـــــــــد الجــذيلــــــي

[صالح الهــمزاني]

جن الجنون وجن انس وجنـى :a: وفــز الجنين وقال ويلى حالــي
وفاحت الدله وانثرت هيل وبنى :a: وهب العجاج وخلط بنات بعيالى
واشتكى البيت عمدان مايشلنى:a: والتف اجــاء لم سلمى ومالي
بأسباب علوم من الجـزائر لفنـى :a: مو تت طــلال وخويــه مـايزالــي
---------------------------------- :a: ---------------------------------
لايت المنايا قبلك يطلال داهمني :a: ولاسمع عنك خـبر يضيق البالى
ولكن كلمتين لاذكرتهن فـر حـــني:a: كنك بيناء حـى وصيتك عـالــــى
والـى يجـهلهن يسمعهن منــــي :a: من خلف مامات قيـل بلا مثالى