خلـيف الجهيلي
23-07-2004, 22:13
(( ونسنــــا ))
يالله يالمعبود تشفي .. (( ونسنا )) = منّك السلامه سّلم اليوم .. راسه
ياشافي(ن) ايوب .. تجلي عمسنا = يالله بمرك لاتزيد .. العماسه
تشفي ونسنا ومد جودك .. لمسنا = بشفاك يالباري .. تزول التعاسه
أيماننا في رحمتك .. مافلسنا = عطفك طمعنا ربحنا عن .. فلاسه
فيك الامل مامات باآخر .. نفسنا = تشفع لبونا من المرض يوم .. حاسه
ندعيك يالشافي تهّيد .. هجسنا = تزيل هم العود .. وتزيل باسه
يافارج الشدات تفرج .. وهسنا = ترحم عياله .. وكل ربعه .. وناسه
دام الونس طايح وهمه .. غمسنا = عفنا الزمن .. والوقت .. مابه وناسه
تاهت بنا الافكار لين .. أنتكسنا = الوقت مال ونشتكي من .. نكاسه
من دون بابك مارجعنا .. ونكسنا = رحمّتك بابه ماعليها .. حراسه
يزول شره يوم شره .. دعسنا = تصّفق يدينا خمسها .. مع سداسه
حارت عليه أعقولنا .. وألتمسنا = ثوب الحزن واضح علينا .. لباسه
عفنا منام اعيوننا .. وأنعمسنا = دامه مريض(ن) ماأهتنت في .. نعاسه
همه لجا بقلوبنا .. وأنحمسنا = يالله بدل شينها .. باأنعكاسه
طيحت ونسنا هي كدرنا .. وتعسنا = حياتنا عقبه تعاسه .. بتعاسه
فينا القهر .. والغّبن .. همه عفسنا = وفينا الزعل .. والضيم .. جار بشراسه
بكبودنا ناب الحيايا .. لغسنا = الكل منا شارب(ن) سم .. كاسه
نرجيك يارحمان تنزع .. طمسنا = أعقل ونسنا شمسنا .. بالدماسه
لطفك .. وعطفك .. يالولي يلتمسنا = تشفي ونسنا .. عزنا .. والوناسه
هو ذيبنا .. هو نمرنا .. هو فرسنا = هو سيفنا المسلول .. وقت الفراسه
يفدي ونسنا كل رجل(ن) .. لخسنا = لوكان أبوه أمن أطيب الناس .. ساسه
لا كشرت نيبان بقعا .. وهمسنا = وشعاد لو بقعا تضّرس .. أضراسه
لا ضاقت الدنيا بكفه حرسنا = ماهاب عسرات الليالي .. وداسه
نرقد باأمانه تحت ضله .. حبسنا = كل الجهالا عن لهايب .. شماسه
عوايده بكتاب طيبه درسنا = وقفات طيبه دارسينه .. دراسه
قولو معي آمين يشفي .. ونسنا = آمين ياعياله .. وربعه .. وناسه
خليف الجهيلي
يالله يالمعبود تشفي .. (( ونسنا )) = منّك السلامه سّلم اليوم .. راسه
ياشافي(ن) ايوب .. تجلي عمسنا = يالله بمرك لاتزيد .. العماسه
تشفي ونسنا ومد جودك .. لمسنا = بشفاك يالباري .. تزول التعاسه
أيماننا في رحمتك .. مافلسنا = عطفك طمعنا ربحنا عن .. فلاسه
فيك الامل مامات باآخر .. نفسنا = تشفع لبونا من المرض يوم .. حاسه
ندعيك يالشافي تهّيد .. هجسنا = تزيل هم العود .. وتزيل باسه
يافارج الشدات تفرج .. وهسنا = ترحم عياله .. وكل ربعه .. وناسه
دام الونس طايح وهمه .. غمسنا = عفنا الزمن .. والوقت .. مابه وناسه
تاهت بنا الافكار لين .. أنتكسنا = الوقت مال ونشتكي من .. نكاسه
من دون بابك مارجعنا .. ونكسنا = رحمّتك بابه ماعليها .. حراسه
يزول شره يوم شره .. دعسنا = تصّفق يدينا خمسها .. مع سداسه
حارت عليه أعقولنا .. وألتمسنا = ثوب الحزن واضح علينا .. لباسه
عفنا منام اعيوننا .. وأنعمسنا = دامه مريض(ن) ماأهتنت في .. نعاسه
همه لجا بقلوبنا .. وأنحمسنا = يالله بدل شينها .. باأنعكاسه
طيحت ونسنا هي كدرنا .. وتعسنا = حياتنا عقبه تعاسه .. بتعاسه
فينا القهر .. والغّبن .. همه عفسنا = وفينا الزعل .. والضيم .. جار بشراسه
بكبودنا ناب الحيايا .. لغسنا = الكل منا شارب(ن) سم .. كاسه
نرجيك يارحمان تنزع .. طمسنا = أعقل ونسنا شمسنا .. بالدماسه
لطفك .. وعطفك .. يالولي يلتمسنا = تشفي ونسنا .. عزنا .. والوناسه
هو ذيبنا .. هو نمرنا .. هو فرسنا = هو سيفنا المسلول .. وقت الفراسه
يفدي ونسنا كل رجل(ن) .. لخسنا = لوكان أبوه أمن أطيب الناس .. ساسه
لا كشرت نيبان بقعا .. وهمسنا = وشعاد لو بقعا تضّرس .. أضراسه
لا ضاقت الدنيا بكفه حرسنا = ماهاب عسرات الليالي .. وداسه
نرقد باأمانه تحت ضله .. حبسنا = كل الجهالا عن لهايب .. شماسه
عوايده بكتاب طيبه درسنا = وقفات طيبه دارسينه .. دراسه
قولو معي آمين يشفي .. ونسنا = آمين ياعياله .. وربعه .. وناسه
خليف الجهيلي