الايامير توبه مانرد السبهان

[الرعب]

مغزى الامير /محمد العبدالله على عتيبه

القبيله الابيه التي صمدت امام جيش المهاد اربعين صباح (متفرقه) كان في هذه الغزوه بسبب منعهم دفع الزكاة لمندوب الامير
محمد العبدالله أبن سبهان فأثار ذلك غضب الامير وأمر بفل طليفيح لغزوهم 0 وقد احتمت القبيله برجالها الافذاذ الا أن قوه الامير الرشيد
وجيشه اجبرتهم على الانصياع له والسمع والطاعه لآوامره ودفع الزكاة له كاباقي القبايل في نجد والحجاز عدا الحرمين الشرفين
بعد تلك المعركه صور الشاعر /الشويب بن جذعان 0من الروقه
تلك المعركه بأ بيات تحكي ما جرى بين تلك القبيلتين ؛بكل صدق وأمانه فقد اوضح ماجرى رغم ان قبيلته هزمت فالرجال غالب ومغلوب






الآيالله طلبتك يا مقل الطير بالجنحان
مقله با لهوا يلفخ بزينات الجناحينا

كما انك قادر تنجي من اللي ياخذ العربان
اخو نوره محمد لا ظهر بالحرب ناصينا

الايامير توبه مالك الله نرد السبهان
لعلك دايم بالعز وأنت اللي تزكينا

الاوشيب عيني من منازا الخيل بالتومان
الى قلت أدبرت خيل الىخيل تناحينا

الالا عدت يايوم جرى لي بايمن البرقان
اشوف البيرق الجاير عن الحلة معدينا

حدونا في لهيب القيض لامزهب ولاصملان
عسى ربي كتب هذا علينا مايخلينا

ذبح تركي ذبح متروك مع شبابة النيران
يحسبون الضياغم نجع صلاح تناحينا

غدينا عقب ماحنا عرب نمشي مع السيدان
على قطعة حمير يقدع اولنا لتالينا

ودمتم,,,,,,,,,,,,,,,,,,,,,

الرعــــــــــــــــــــــــــــــــــــ ـب

[الاصمعي]

تسلم أخي الرعب

وفعلاً مثل ماقلت كانوا سابقاً أهل حظ وبخت ويعدون الصحيح مهما كانت العداوة بينهم

لا هنت على هالنشاط الملحوظ

تحياتي

[عبدالله الجعيثن]

الرعب

شكرا اخي على هذه القصه والقصيده

وكما قال اخي الاصمعي

وهذا لاينقص من حق ذباحة الحايل.

[سلمان النبهان]

الآيالله طلبتك يا مقل الطير بالجنحان =مقله با لهوا يلفخ بزينات الجناحينا
كما انك قادر تنجي من اللي ياخذ العربان=اخو نوره محمد لا ظهر بالحرب ناصينا
الايامير توبه مالك الله نرد السبهان=لعلك دايم بالعز وأنت اللي تزكينا
الاوشيب عيني من منازا الخيل بالتومان=الى قلت أدبرت خيل الىخيل تناحينا
الالا عدت يايوم جرى لي بايمن البرقان =اشوف البيرق الجاير عن الحلة معدينا
حدونا في لهيب القيض لامزهب ولاصملان=عسى ربي كتب هذا علينا مايخلينا
ذبح تركي ذبح متروك مع شبابة النيران=يحسبون الضياغم نجع صلاح تناحينا
غدينا عقب ماحنا عرب نمشي مع السيدان =على قطعة حمير يقدع اولنا لتالينا
**************************************************
صح لسانك اخي الرعب وصح الله لسان الشاعر / الشويب بن جذعان (من الروقه)
والله يرحمه حيا ميت .... وعتيبة قبيلة عريقة يعرفها الجميع..
وهي من اقوى القبائل العربية بالجزيرة العربية ...
ورجالها ابطال وافعالهم كبار لاتعد ولاتحصى ....
******************************************

[راعي الوقيد]

الا يابعد حيي وميتي انت ،،،

والله ماخليت لا قريب ولا بعيد مانشدته عن هالقصيدة ،،،

عز الله بالنسبة لي اعتبره اكبر هدية منك ،،،

واكون عاجزا ً عن رد الهدية لك بالمثل ...

لك خالص التحيــــــــــــة والتقدير ...

[شموخ]

سويت اجر في راعي الوقيد :)


تسلم يمينك على هالنقل وعلى هالنشاط الملحوظ 0


الى الامام يالرعب 0


تحياتي لك
شموخ

[الرعب]

مشكورين على المرور والردود

اما اخي راعي الوقيد فا والله لو انا داري انك تبيه تسان جبته من مبطي لاكن؟؟؟؟؟؟؟

[kaled alshamary]

شكرا اخي الرعب
وفعلاً قبيلة عتيبة قبيلة مشهوره بشدة البأس
والشجاعة وما نزولها بنجد الا لقوتها وجبروت رجالها
أما هذا الشاعر وقصيدته فهو يثبت ان قبيلة عتيبة تعد الحق
لها أو عليها وهذه من صفات العرب وهي بالأكيد لاتقلل من
قبيلة عتيبة بل ترفعها عالياً.
مادري فيه ملاحظة في البيت هذا

الآيالله طلبتك يا مقل الطير بالجنحان
مقله با لهوا يلفخ بزينات الجناحينا

ماتتوقع ان الصح هو:
الآيالله طلبتك يا مقل الطير بالجنحان
مقله با لهوا (يلفح )بزينات الجناحينا
والبيت هذا:

غدينا عقب ماحنا عرب نمشي مع السيدان
على قطعة حمير يقدع اولنا لتالينا

الصح اتوقع انه يكون هكذا البيت:


غدينا عقب ماحنا عرب، نمشي مع السيسان
على قطــعة حمـــــير يقدع اولنــــا لتاليــــــــنا




شكرا اخي

[المشرف العام]

مشاركه قيّمه جدا

شكرا لك اخي الرعب على ايراد ذلك

وكما قال اخواني ، هذا لاينقص من قدر ذبّاحه الحايل

وكلّن عطاه الله من هبّت الرّيح

دمت بخير

[ابو غازي]

والله وألف نعم بذباحة الحااااااااايل

كل الشكر والتقدير لك اخونا الرعب
على إيرادها لنا
ملاحظة
السيدان >>> هو الصحيح وليس السيسان >> بحيث لاوجود للسيسان >> اكا الوقت
السيدان هم النور الي يمشون خلف البادية ويبيعون عليهم أو يخدمونهم بأعمال ثانيه
تنسيق اخونا النبهان :thumb:

تقبل خالص الود

[الكاسح999]

شكرا يالرعب على هذه القصيده الجميله
بس فيه ملاحظه على هالبويت

الايامير توبه مالك الله نرد السبهان
لعلك دايم بالعز وأنت اللي تزكينا
هناك اختلال واضح في وزن القصيده الصحيح هو
الايامير توبه مالك الله نطرد السبهان
لعلك دايم بالعز وأنت اللي تزكينا

هذا ما اعتقد
وشكرا مره اخرى.

[اخو موضي]

أولاً أشكرك يا عزيزي كاتب الموضوع على ربط القصة بالقصيدة
ولكن إذا سمحتوا لي أطرح القصة كاملة للفائدة العامة
القصة :
على وقت حكم محمد العبد الله الرشيد أرسل عدة أشخاص منهم ابن رخيص ومنهم ابن ضبعان ليكونوا مسئولين عن أمارة الرياض التي كانت تسمى الجنوب سابقاً على حكم الرشيد ولم يستمروا فتره طوليه الأشخاص الذي أرسلهم لأمارة الرياض حيث أن أهل الرياض وما حولها ليسوا موالين لحكم الرشيد
فطلب من سالم العلي السبهان وقال له .. (الرياض من له يابو زامل؟ قال أنا له بس ما امشي لين تخلينن ماارجع لك بأي شئ) فرد عليه محمد العبد الله( لك ما طلبت يابو زامل)
وذهب سالم وأول اجراء اتخذه أمر ببناء قصر ( المصمك ) في الرياض وكان معه 80 رجال من أشهرهم سالم العارضي وعجلان العبد وفريح السلوقي وصمعين وسعد الضعيفي.
وحكم الرياض حكم جاف بالسيف (وإلى الآن العوائل القديمة فالرياض يتكلمون عن حكم سالم وشدتة) ومن ابرز مافعل قتل الملقب بي (غزالان) واخوانه فالخرج ابناء عبد الله الفيصل آل سعود بدون علم محمد العبد الله لأنهم شكلوا خطر على سالم وعلى اماره فالرياض .. كما ذكر هذا في الكتب ألتاريخه والكتب التعليمية في المدارس السعودية وسوف أتطرق للتفاصيل لاحقاً في بحث عن قريب إن شأ الله
الشاهد: سبب صباح شمر لعتيبة
جاء محمد ابن هندي ابن حميد أمير قبيلة عتيبة إلى سالم العلي السبهان وقال له عطني زكاة عتيبة بحكم أن سالم الأمير وهو المسئول عن زكاة الجنوب ورفض سالم أعطائه الزكاة وقال له (شلون أخليك تجمع زكاة ناس أنت منهم؟) وخرج ابن هندي إلى محمد العبد الله وقال له (أبي اجمع لك زكاة عتيبة كثر العام والي قبله مرتين بس عطني زكاة ربعي) .. ووافق محمد العبد الله وأرسل لسالم السبهان خط مضمونه (يجيك محمد ابن هندي وأعطه زكاة عتيبة) .. بعد ما أعطاه زكاة عتيبة مر من الوقت الكثير ولم يأتي بالزكاة وذهب سالم لأبن هندي يسأله (كم جمع من الزكاة؟ ووين هي) وقال ابن هندي ( لعبوا علي عيال حليمة) يقصد قبيلته عتيبة ( ولكن الوعد داير يابو زامل) فرد عليه سالم (بزعل وقاله أنا عارفاً انك يوم تطلب زكاة ربعك تبي تقول هالحكي لكن 40 صباح وأنا ابو زامل وهو في وسط قبيلة عتيبة مامعه إلا 80 رجال) .. وارسل الى محمد العبد الله وقال قولوا لسالم (عليها صباحين يابو زامل) وفل البيرق على عتيبة وصبحهم محمد 42 صباح .

واعذروني على الاطاله وتحياتي للجميع .

[الحيمري]

الاوشيب عيني من منازا الخيـل بالتومـان * الى قلت أدبـرت خيـل الىخيـل تناحينـا


تشكر اخوي الرعب


او منازا الخيل باليتمان

[وافي الزنيدي]

تشكر اخوي الرعب ولاهنت على هالسالفه والشكر موصول طبعاً لأخو موضي على التفاصيل .
بيض الله وجيهكم

[لطام العايل]

مغزى الامير /محمد العبدالله على عتيبه

القبيله الابيه التي صمدت امام جيش المهاد اربعين صباح (متفرقه) كان في هذه الغزوه بسبب منعهم دفع الزكاة لمندوب الامير
محمد العبدالله أبن سبهان فأثار ذلك غضب الامير وأمر بفل طليفيح لغزوهم 0 وقد احتمت القبيله برجالها الافذاذ الا أن قوه الامير الرشيد
وجيشه اجبرتهم على الانصياع له والسمع والطاعه لآوامره ودفع الزكاة له كاباقي القبايل في نجد والحجاز عدا الحرمين الشرفين
بعد تلك المعركه صور الشاعر /الشويب بن جذعان 0من الروقه
تلك المعركه بأ بيات تحكي ما جرى بين تلك القبيلتين ؛بكل صدق وأمانه فقد اوضح ماجرى رغم ان قبيلته هزمت فالرجال غالب ومغلوب






الآيالله طلبتك يا مقل الطير بالجنحان
مقله با لهوا يلفخ بزينات الجناحينا

كما انك قادر تنجي من اللي ياخذ العربان
اخو نوره محمد لا ظهر بالحرب ناصينا

الايامير توبه مالك الله نرد السبهان
لعلك دايم بالعز وأنت اللي تزكينا

الاوشيب عيني من منازا الخيل بالتومان
الى قلت أدبرت خيل الىخيل تناحينا

الالا عدت يايوم جرى لي بايمن البرقان
اشوف البيرق الجاير عن الحلة معدينا

حدونا في لهيب القيض لامزهب ولاصملان
عسى ربي كتب هذا علينا مايخلينا

ذبح تركي ذبح متروك مع شبابة النيران
يحسبون الضياغم نجع صلاح تناحينا

غدينا عقب ماحنا عرب نمشي مع السيدان
على قطعة حمير يقدع اولنا لتالينا

ودمتم,,,,,,,,,,,,,,,,,,,,,

الرعــــــــــــــــــــــــــــــــــــ ـب



الاخ العزيز والنعم بابن رشيد عتيبه لم تدفع الزكاه لابن رشيد نهائيا وهي اكثر القبائل صدام مع ابن رشيد اما القصيده التي ذكرنها فغير صحيحه

علما ان ابن رشيد عند غزو عتيبه يغزون معه اغلب القبائل من شمر وغيرها من قبائل الشمال حضر وبدو واهل القصيم وعتابه لوحدها فقط اي
(قبيله ضد دوله) علما ان اغلب مناويخ عتيبه تكون لوحدها لايساندها اي قبيله

والحرب سجال بين ابن رشيد وعتابه يوم لابن رشيد ويوم لعتيبه فلا تهضم حق الهيلا وتقول انها مواليه لابن رشيد وتدفع الزكاه وحطيتهم اهل حمير يمشون بالسيسان علي قول شاعرك

اكثر من اربعين صباح بين ابن رشيد (الدوله ) وعتيبه ينتصرون عليه وينتصر عليهم

حتي لانهظم حقوق الا بطال والاجواد والف نعم بابن رشيد والف نعم بشمر تلك القبيله العزيزه والغاليه علي قلوبنا نحن ابناء الهيلا

حنا عتيبه ملحقين المخلين ______________ بعنا بسوق الطايلات وشرانا

اسمح لي الاخ الرعب ان عتيبه تربعت علي سنام نجد واخذت تحارب وتناويخ جميع قبائل نجد بالاضافه لحروبها مع ابن رشيد وهي لوووووووووحدها وتاريخ نجد يشهد

[زاهي]

لطام العايل


وألفين نعم بعتيبه




لكن الواقع يخالف ماتقول






أضف للابيات السابقة وثيقتين من الوثائق العثمانية


(1)

الى جناب ناظر الظبطيه
سيدي صاحب العطوفه
لقد قام الشيخ بن رشيد المقيم في موقع يبعد عن مكه المكرمه مسافة حمسة وعشرين يوما من تاريخه مع العربان الموجودين معه بالهجوم على على قبيلة عتيبه التي كانت في موقع تربه هي تبعد عن مكه مسافة ستة ايام وانه تصادم مع القبيله المذكوره فقتل منها اكثر من مائه وخمسين شخصا واخذ منها باسم الزكاه اكثر من خمسة الاف ابل وغنم ثم عاد وقتل من شيوخ عتيبه الشيخ بن جامع شيخ الروسان ومحمد المهري شيخ الدغالبه وابن مفيريك شيخ الاصم والشيخ جاير من شيوخ المقطه وبن هندي شيخ المقطه والشيخ بندر شيخ ابو الفضيل كما تبين ذلك من التحقيقات التي اجريت في هذا الصدد وعلى الرغم ماكان ينبغي عرضها على نظارتكم الجليله في حينه الا انه بالنظر لبعد المسافه وعدم وجود الموظفين في تلك الجهات وعدم وجود البرقيه فيها ايضا فلم يمكن الحصول على معلومات في هذا الصدد في حينه والشيخ بن رشيد معروف ومعلوم لدى الدوله بل ان حتى لديه مدفعا كما افادت الاستخبارات الوارده ولذلك تم عرضها على جنابكم للمعلوميه والامر والفرمان لحضرة من له اللطف والاحسان
1\7\1893
17 ذي الحجه 1310ه
رقمها 7فة\1
99\78
في 17\12\1310





(2)

الوثيقه // الملف // التصنيف
----------------------------------------
dh.mui // 1-96 // 50
وتاريخها14/5/1328هـ

وجدت هذه الوثيقه العثمانيه في وثائق نظارة داخلية والتي تحتوي على جميع المكاتبات العائده لنظارة داخليه الدولة العثمانيه والمديريات التابعه لها و التي تتكلم عن عدم تحمس الدوله العثمانيه وعن اصرار ابن رشيد على أخذ الزكاه من قبيلة عتيبه وعن انه اخذها في عام 1328هـ






اضف ايضا ما نقله المستشرق المستر لوريمر في كتابه دليل الخليج عندما تطرق لمنطقة دخنه في حدود سنة 1884 م ...قال المستشرق المستر لوريمر ..


(( ... كانت دخنه لعتيبه اللتي كانت تجمع الضرائب وتؤديها لامير جبل شمر في سنة 1884 م )) اي مايقارب سنة 1300 هـ


المرجع .

(( دليل الخليج الجزء الخامس ص 2344))

[الحيمري]

اولا اشكر الاخ / زاهي على هذا الرد المودب



الاخ / لطام العايل


عتيبه ذباحه الحايل لطامه العايل والله والفين نعم ومن ابدع القبايل الموجوده وقبيله عصيه
ويوجد فيهم الكرم وكل الصفات الحميده


عتيبه نفسها دايم يسولفون 40 صباح من بن رشيد ودفع الزكات بعد 40 صباح
وتراها ماهي عيب



ســـــــــــــــــــــــــلام

[السنعوووسيه]

ونعم بعتيبه غصب عنا ماهو برضانا ونعم فيهم

ولو ماهم كفو ماصبحوهم 40 صباح


الف شكر الف شكر على ايراد هالقصه والقصيده



عاطر ودي

[ثامر الحسيني]

ونعم بكل القبايل

ويسلمو على القصه