قصيدة للفارس والشاعر الامير: عبيد العلى الرشيد

[الرعب]

قصيده للاميرالفارس الشاعر /عبيد العلي ال رشيد




طلبت ربي عالم السر والغيب
يقبل صلاتي ثم يقبل صيامي

يجعل لنا عرض نزيه عن العيب
ويفكنا من شر سو الاثامي

ابن ادم ملفا الخطا والعذاريب
لومافعل رميت عليه التهامي

جليت نفسي عن شبا الشرك والريب
ولا حسب يلقون العرب بي كلامي

ربعي لقو بي عقب ماشبت لي عيب
بتسيطر كتب مفسرين الحلامي

قلت اخبروني ويش معنا هالعيب
قالو على ساقت رفيقك تحامي

قلت هذا من قديم لنا عيب
مستارثينه من خوال وعمامي

العيب ترك المعرضه بالمواجيب
والا الرفيق بفزعته مانلامي

رفيقنا عده بروس الشخانيب
في راس حيد نايف ما يضامي

رفيقنا لو هو من الجد بصليب
متعلق منا براس السنامي

رفيقنا مانجدعه للقصاصيب
يجبر بنا لوهو كصيم العظامي

ويوم الوغا مانستثير الزواريب
نروي معاطيش السيوف الضوامي

ان سلم ابو بندر ربيع العياسيب
كل على ضيفه يرد اليتامي

ان سلم راس مبيد الكنس الشيب
حريبنا ما يهتني با لمنامي

نلحق على سرد يجنك جناديب
ومطارق مع مثل وصف النظامي

والشر مانسعى لجره بتقريب
ونذرا اليا هبت لنا بالولامي

هاذي قدايمنا اليا عدو الطيب
وكل يريع لفعل اهله القدامي

نتلي ابو بندر ريع المجاديب
الي على ميره تعيش التامي



سلامتكم ,,,,,,,,,,,,,,,,,,,,,,,

الرعــــــــــــــــــــــــــــــــــــ ــب

[الواطي]

واللــه ونعــم بكــل بيــت قــالــه

اللــه واكبــر علـى لــذة القصيــدة ومعــانيهـــا

كــيف لا وهــي مــن قصــايد الاميــر والشيــخ عبيــد العلــي الرشـيد ويحضــرني من ابيــاتـه

الجميــلة مـن قصيــدة جميـــلة جــدا حيــث قــال:

عيبــن علـى يتقـي عقـب مــا بــان ***و عيــبن طمــان النفـــس عقـــب إرتفـــــاعــه

وتسلـم يــاأخــي الـرعــب علـى جمــال ذائقتــك الادبيــة والنقــوة يــاطيــب

[الرعب]

لاهنت اخي الواطي وشكرا على المرور

وتصحيح للبيت الي ذكرت :

عيبن على الى يتقي عقب مابان ** (ويرضى) بطمان النفس عقب ارتفاعه :)