البرتقالة .. مرة أخرى !!

[بعض الناس]

وهذي ياطويلين العمر مشاركة وصلتني عبر الهوتميل من أحد الأصدقاء .. ونظراً لطرافتها حبيت أطلعكم عليها .. مع الأخذ في الإعتبار اني حذفت الكثير من الكلمات اللي ماتصلح لكم

العنوان : دع لنا الدندره وتمتع بالرحله
***************************************
مساكم فل وصباحكم ياسمين ... ههههههههه بعد اشتبون احلى من جذي ؟ ماعلينا انخش في الموضوع على طووووول ... اليوم عندنا موضوع فيديو كليب (البرتقاله) ... كليب شنو ؟ البرتقاااااااااله .... عفيه عالحلوين الشاطرين اللي يذاكرون عدل مدل ... يالله نبدأ .... طبعا انا شنو اللي شدني على هالكليب ؟ بدأت آحاديث الناس في المجالس وأماكن العمل وفي الشارع وفي الحمامات وانتوا بكرامه عن هالبرتقاله ... لدرجه ذاك اليوم كانوا كاتبين بالجريده انه تم القاء القبض على البرتقاله سكرانه ... مو هذا موضوعنا تعالوا نشوف شسالفة هالبرتقاله .... اهوه اسم الاغنيه البرتقاله ... واللي يغني اسمه علاء سعد زلزلي .... (هذا زلزلي من عندي) ... ماعليكم مني اهوه بس علاء سعد ... اتقول كلمات الاغنيه ... البرتقاله البرتقاله امعلقه وتزهين ... عذبتي حاله ... شلّج على ابن الناس .. يعني من بدايته اكو احد يتغزل في برتقاله ؟ حق الحموضه ... أبو الشباب ؟ انزين عنده الفراوله الكمثره الخريّط البلاليط والله احلى من الحموضه ... ودندرن من امه ... هذا اهو علاء سعد زلزلي هههههههه ... واي على هالنظره ... شوفوا الاغراء بس ... ياناااااااااس عذااااااااب لوووووووول ... ماشاءالله كل شي امتفخ مسويلك اضافات ... يالحبيب ؟ هذي اهيه الحامضه مالته اللي يغني عليها ... لاتنغرون ترى بس جذي بعدين راح تشوفون الصجيه انزين بعرف شغله هذا الخط اللي بشعرها شنو خط سريع والا شسالفته ؟ والا يعني مسويه خصل يعني ؟ شيت مولايق واهاهاهاهاها ططو ططو ... بيييييييييه من وين طالعين انتوا شاخباري ... ليش ليش ليش ياجاره ماتردين الزياره زعلانه انتي علينا والا بعدج عباله الله يرحم ... ايام قبل البلكونتين وتغنون ... هذيل مي اكرم ووحيد سيف لوووووووول لالالا مو وحيد سيف بس اهوه اسمه جذي وحيد وبس ... غبااااااااار الله يقطع بليسكم لا وبعد يطقون اصبع خو متعودين من ايام قبل الحين عاد اندش بتفاصيل الكليب ونشوف البنات اللي بالكليب ورقصاتهم العجيبه الغريبه واللي اول مره اشوف ناس يرقصون جذي ... يالله تعالوا طبعا انا خابر اللي بترقص يكون جسمها حلو والا شوي يكون مقبول لكن اني اشوف اجناط يرقصون هذا اللي عمري ماشفته الصراحه ... شفيكم والله جنهم اجناط لما يرقصون بنات اوزانهم اوزان البقر ؟ خو مايصير ياناس ... ماكو لاتفاصيل لابطيخ لاعماة عين على شنو هالعالم مسجات ونبي البنات اللي بالبرتقاله من زينهم عاد فيعني مثلا هذي الشابه اللطيفه ترقص ومبسوطه اوي شوي مادري شصار فيها من تحت خلاها تنقز وتصارخ هههههههههه دندرن ها سلامات شكو ماكو ؟ والله اخويه كول شي ماكو ... بس هوه شي قرصني من تحت خلاني انقز يابا ... اي نقزي نقزي خو انتي تدورينها سبّه عشان المطامر ... بل عليهم مايتعبون امصيبه .. الحين خلوكم معاي حبه حبه اوكي ؟ وركزوا على البنت اللي لابسه ازرق اللي ورى ... ها شيكتوا عدل ؟ تعالوا نشوف الثانيه ... وركزوا على اللي لابسه ازرق ... وبنفس الوقت ترى مايمنع انكم تطالعون اللي لابسه احمر طالعوا يبا طالعوا لاتستحون هههههههههههه ... المهم ركزتوا على ام الازرق؟؟ اوكي تعالوا الحين بعد نشوف ... ولازالت ام الازرق اتطالع تحت .... ياترى شنو تطالع بالضبط؟؟ هناك عدة خيارات للموضوع : ياانها مستحيه (وانا استبعد هالشي) ... او انها مستانسه بصدرها اتطالعه لووووووول وهاالاحتمال جايز ولكن مايندرى عنها ... او انها اتدور زهيويه ... وخايفه مثلا زهيوي يمشي عليها ... خو بعد بالرطوبه ... بدبي كل شي يطلع من كلمات الاغنيه اكو مقطع يقول خد احلى من خد ... بس انا ماني شايف الصراحه اي اغراء في خدودك يالطيب ؟ يعني انا بعرف مثلا شلون يكون خد احلى من خد ؟ يعني اكو في واحد من الخدود زرع وخضره والثاني صحراء قاحله مثلا ؟ مايصير يالحبيب مو ؟ المهم ماعلينا انا اقول ركز على كلمات الاغنيه مره ثانيه ... مو بس اغنيه والسلام وبنات يرقصون وبس ؟ يامال الحبه ... بس ترى عجيب الدهن اللي بالشعر من وين ؟ قول قول بوعلوه ماعلم احد ترى ... تعالوا نشوف احدى الرقصات اللي ماعمري شفتها في الدنيا العالميه بتاتا .... ماالحكمه من تشابك اليدين في بعض ؟؟ ممممممم تعالوا نفكر شوي بس ... هل هي طريقه جديده لعرض المنتجات العربيه المشهوره مثلا ؟ ومثل ماانتوا عارفين انه العرب مشهورين في هالمنتج وماراح اقول شنو اهو لايزعلون بعد علينا لوووووووول ... بس مشكلتكم عارفين شنو قصدي .... دندرن ... او مثلا خوفا من السقوط في الهاويه ؟ اقصد يمكن خايفين يطيحون على الارض وبعدين عاد الله يعينكم على ... ليش كله جذي صايرين مثل العرموط ؟ كله ملفلفين ومادري شلون صايرين ... بس شوفوا ام السماوي لووووووول لابسه قوملق وترقص شنو مولاقيه بدله او دراعه ترقص فيها يعني؟ (القوملق يعني شلحه) ... والله ودي جذي على يوم اكون مار صوب محل ملابس نسائيه واسمع وحده اتقول حق اللي تبيع ابي قوملق تتوقعون اللي تبيع بتعرف شنو يعني قوملق ؟ عاد هات ياضحك ... انا وقتها برز ويهي واقولها يعني شنو معنات القوملق ؟ نرجع حق ام القوملق السماوي .... الشابه اللطيفه حاطه ايدها على صدرها خايفه عليه يطلع ... دامج مو قد السالفه وخايفه صدرج يطلع ليش لابسه جذي امشخلع وترقصين ام دوده ؟ يعني حبكت الا ترقصين وياهم وثول ؟ مشكله الشسمه اذا شسمه عاد شبّت هههههههه شالسالفه اقلبوها رقصة افرينسي ؟ والا اقولكم ؟ نبي صفيّن واللي يعافيكم يعني شنو ؟ شنو بتطالعون بالضبط امقربين عند بعض وامدنقين صوب شسمه بعض اشعندكم ها ؟ خو علمونا عاد لاتصيرون نحيسين ... حشا الزنود بالسكه موهاين عليهم يغطون زنودهم بم بربم بربم بربم ... الحين انروح حق البرتقاله لما اشتهت ترقص البنيه خو فيها رقصه العرج يحن مسكينه ... شغل قهوة عزاوي ططو اهني قاعده اتقول حق .. الاهبل الشسمه اللي معاها تبي ترقص واهوه اول شي منعها منعا باتا ... اي عاد انا قلت ايوا ياحمش ياشديد ... اي جذي الرياييل عفيه شوي جان يطلع خيخه افاااااااا ... رضى الـ ....؟ لالالا ماني مكمل خلاص عيب .. بالله ياناس هذا فيديو كليب والا فلم ثقافي ؟ شوفوا الانحطاط اللي قاعد يصير بالكليبات العربيه ...تبوس وتمطّخ وترصص ومادري شنو جميع انواع الثقافه قاعده اتصير بالكليبات العربيه شنو هذا ؟ وين ايام قبل والله العظيم شي عدل دراعه وانقز ووايد عليها اللي تغني بعد مسكينه ... الحين لا مايصير لازم يازند طالع ياشسمه طالع ياشسمها الحجيه طالعه ... اشهالبلاوي عاد ؟؟ ايوا عاشت البرتقاله ... هميّنا ببارده البورتوقاله سعابيل سعابيل لوووووووووول هونها سمير سرور لووووووووووول يابا اشبيك ؟؟ ياهو ال قلك سو هيج؟؟ آني اريد اعرف انته ليش هوايه امتفخ؟؟ تاخذ كورتيزون ولك ؟؟ شنو هذا بعد؟؟ اهاااااا عرفت عرفت .. اتقلد مسرحية العيال كبرت طلعت يامحلا نورها شمس الشموسه يالله بنا نرضى ونحلب لبن الجاموسه آه لبن الجاموسه عالجاموسه عالجاموسه ياعيني عالجاموسه ياعيني عالجمايس لما تتقابل ياعيني ياليلي ياه ياه ياه يااااااه ياجاموسه ... بالله الحين هذي رقصة ... وخلصت وملصت ويت الديايه وعنفصت؟؟ انا اقول جذي بعد اعتقد اهيه هذي رقصة الديايه المعنفصه ... انزين ذيج رقصة الديايه المعنفصه هذي رقصة ... ولك كتلني وذباني بالتشول ؟ والله مادري ياناس انا اول مره اشوف هالرقصات الصراحه ... فرجاءا من الاخوه المعنيين بالرقصه يقولون لنا اذا كانوا هذي رقصات شعبيه معروفه هناك والا لأ .. بس انا اقول لأ مو جذي رقصاتهم الشعبيه غير هههههههههههههه هذي عاد البرتقاله على حقيقتها لوووووووووووووووول ها شرايكم؟؟ حلوه مو؟؟؟ اي طل حلوه والله ماشافت الحلا كلش ملش ... قشّر ميرندا على هاللبس ههههههههه ... وبس عاد وسلامتكم خلصنا من البرتقاله وبلاويها نشوفكم ان شاءالله بعدين في احماض امينيه اخرى !!!!!!!!!!!!!!!!