إنا لله و إنا إليه راجعون

[بتول آل علي]

" يا أيتها النفس المطمئنة ارجعي إلى ربكِ راضيةً مرضيّة و ادخلي في عبادي و ادخلي جنّتي "


فقدت الساحة الشعبية الشعرية اليوم شاعرا من شعرائها إثر حادث إنقلاب مؤلم وقع على طريق بريدة الرس توفي على أثره


الشاعر : عبدالرحمن بن صالح البطي ،،، (( راعي العنود ))


رحمه الله و أسكنه فسيح جناته و ألهم أهله و ذويه الصبر و السلوان


اللهم ارحمه و اغفر له و أسكنه فسيح جناتك و جازه بالحسنات إحسانا و بالسيئات عفوا و غفرانا


و اغسله بالماء و الثلج و البرد و نقه من الذنوب و الخطايا كما ينقى الثوب الأبيض من الدنس


و اجعل قبره روضة من رياض الجنة و لا تجعله حفرة من حفر النار


رحمكَ الله يا أبا صالح رحمةً واسعه و غفر لك و تجاوز عن سيئاتك






أختكم

الدهور

:(

[راعي الوقيد]

إنا لله وإنا اليه راجعون ....

رحم الله الفقيد و أسكنه فسيح جناته ،،،

و ألهم أهله و ذويه الصبر و السلوان ....

ولا حول ولا قوة إلا بالله ....

الدهوووور ....

جزاك الله خير على هذا التنويه ....

وبهالتالي صايرتن علومك كله مآسي:(

حوادث سيارات ،، تصادم وإنقلابات ،، يادافع البلى ....

ومع ذلك لك التحيـــــــــــــــــة ....:rolleyes:

[ريم شمر]

اللهم ارحمه و اغفر له و أسكنه فسيح جناتك و جازه بالحسنات إحسانا و بالسيئات عفوا و غفرانا


و اغسله بالماء و الثلج و البرد و نقه من الذنوب و الخطايا كما ينقى الثوب الأبيض من الدنس


و اجعل قبره روضة من رياض الجنة و لا تجعله حفرة من حفر النار


رحمكَ الله يا أبا صالح رحمةً واسعه و غفر لك و تجاوز عن سيئاتك






جزاك الله خير الدهور

[زهــ النور ــور]

بسم الله الرحمن الرحيم
((يأيتها النفس المطمئنه,ارجعي إلى ربك راضية مرضيه فأدخلي في عبادي وادخلي جنتي)) صدق الله العظيم

لله ما أخذ ولله ما أعطى وكل شيء عنده بمقدار
إنا لله وإنا إليه راجعون، لا حول ولا قوة إلاّ بالله
اللهم آجرنا في مصيبتنا واخلفنا خيراً منها
اللهم أرحمه وأسكنه فسيح جناتك
اللهم باعد بينه وبين خطاياه كما باعدت بين المشرق والمغرب
اللهم اغفر له مغفرة من عندك ووسع له في قبره واجعله روضة من رياض الجنه
اللهم ثبته بالقول الثابت اللهم اجعل الموت راحة له من كل شر
اللهم واحشرنا معه مع نبيك محمد صلى الله عليه وسلم وجميع اخواننا المسلين في مستقر رحمتك
اللهم أبدله داراً خيراً من داره وأهلاً خيراً من أهله
اللهم ألهمنا و أهله وأحبابه الصبر والسلوان وآجرنا و آجرهم في مصيبتهم
ان القلب ليحزن وان العين لتدمع ولا نقول الا ما يرضي الله
حسبنا الله ونعم الوكيل ..و إنا لله وانا اليه راجعون

[ابو غازي]

" يا أيتها النفس المطمئنة ارجعي إلى ربكِ راضيةً مرضيّة و ادخلي في عبادي و ادخلي جنّتي "

فقدت الساحة الشعبية الشعرية اليوم شاعرا من شعرائها إثر حادث إنقلاب مؤلم وقع على طريق بريدة الرستوفي على أثره

الشاعر : عبدالرحمن بن صالح البطي ،،، (( راعي العنود ))

رحمه الله و أسكنه فسيح جناته و ألهم أهله و ذويه الصبر و السلوان

اللهم ارحمه و اغفر له و أسكنه فسيح جناتك و جازه بالحسنات إحسانا و بالسيئات عفوا و غفرانا

و اغسله بالماء و الثلج و البرد و نقه من الذنوب و الخطايا كما ينقى الثوب الأبيض من الدنس

و اجعل قبره روضة من رياض الجنة و لا تجعله حفرة من حفر النار

رحمكَ الله يا أبا صالح رحمةً واسعه و غفر لك و تجاوز عن سيئاتك

:(

جزاكي الله عنا خير الجزاء يالدهووور

[مرفأ]

اللهم ارحمه و اغفر له و أسكنه فسيح جناتك و جازه بالحسنات إحسانا و بالسيئات عفوا و غفرانا

[عبدالرحمن]

رحم الله تعالى الشاعر عبدالرحمن البطي وادخله جنات النعيم.

اختي الدهور نسئل الله سبحانه وتعالى ان يكون دعاء طلب الرحمة للمتوفى

مجاب وجزاك الله كل خير على ابلاغنا للترحم على الميت .

[متعجب]

إنا لله وإنا إليه راجعون.........اللهم إجعل مثواه الجنّه.

وثبّت أهله.......واخلف عليهم بخير.

[حمود العنزي]

لا حول ولا قوه الا بالله
ان لله وان اليه راجعون
الله يصبر اهله واحبابه على فقيدهم
والله يغفر له ويرحمه بواسعه رحمته ويسكنه عالي جنانه
جزاكي الله خير اختي الدهور
فاكثروا من الدعاء للمغفر له باذن الله عبدالرحمن بن صالح البطي

[محمد العربي]

انا لله وانا إليه راجعون ..

رحمه الله وأسكنه فسيح جناته ..


جزاكِ الله خير اختي الدهور ...

[بتول آل علي]

الأعزاء


راعي الوقيد

ريم شمر

زهور النور

أبو غازي

مرفأ

عبدالرحمن

متعجب

حمود العنزي

محمد العربي


جزاكم الله خيرا و جعلها في موازين أعمالكم

و رحم الله الفقيد و أسكنه فسيح جناته


http://qrnas2.jeeran.com/3anood.jpg

رثائيات في الفقيد - رحمه الله -

::
::

للشاعرة : عبير بنت أحمد


وهـو بـاقي صـباح ٍ نـلتقيه ؟!=و هـو بـاقي مساء ٍ به سبات ؟!

وهـو بـاقي أحَـد نـبكي عـليه=عـقب ما ماسح الدمعات مات ؟؟!

سـميح الـوجه .. نصّاح السفيه=رهيف الحِس ّ .. ممدوح الصفات

أبـو صـالح .. وتـتحدَّر وجـيه=أبـو صـالح .. وتـنهدّ الـجهات

أبـو صالح .. يا راع ِ الطيب ليه=تروح وبسّ ؟! ... تتركنا شتات !؟

لـو اْيـباع الـعمر .. لك نشتريه=و لا أنّـك تـبْدِل الجسم ب رفات

يـجوز الـصبر مـقدور ٍ عـليه=ولـكن كـيف نقوى الذكريات ؟!!

خـذاك الـموت .. واحنا نحتريه=مـعـاد ْالـنـا بـهالدنيا حـياة

عـسى الـلي لـمّنا بـالحب فيه=يـجـمّع شـملنا بـعد الـممات

مـع الأبـرار .. هـذا اللي نبيه=يــارب الـكون نـطلبك الـثبات

وهـو بـاقي أحَـد نـحزن عليه=عـقب مـا مبهج الأفراح مات ؟؟


*************

للشاعر : محمد المويعزي



قالوا: توفى. قلت: لازاااال.. موجود=مامات من نذكر سواياه .. مامـــات

مامات راع الطيب لو كان .. مفـقـــود=(راع العنود) وبيننا كل الاوقـــــات

نذكر سواليفه والاخلاق .. محمـــود=يضحك حجاجه لو همومه ثقيــلات

راع الوفاء دايم له الطيب معــــدود=لاروّّحت جزل السواليف وان جات

الشاهد الله كل ماقــيـل .. مشهــــود=ومدونه وسط القلـــوب الحزينــات

ليت القدر يومه نوى كاسب الجــود=عطاه مهله لو (لعشـــرة سنـــــوات)!!

نجلس معه ونبادله (حــــب) ونعــــود=نملا العيون وجلسةٍ معـه مـــرات

يالله وانا طالبـــك ياخيـــر معــبـــــود= تغفر ذنوبه والسهو والخطيـــــات

وانك تصبّر والديـنـــه .. ومولـــــود=وتسكّـنـه وسط الجنـان الرفيعــات


**********

للشاعر : أحمد الناصر الأحمد



من رثيتك مارثيت الا الرجولـــــــــــه= ومن بكيتك مابكيت الا البيـــــــاض

من قريت الصدق بعيون خجوله= قلت جاك الغيث ياجدب الفياض

مافقدك أهلك وربعك والحموله= فاقدك عاااااااالم ومثلك مايعاض

كرمك ربي وصرت بحجم دوله=يوم بعض الناس في حجم الأراض

يالهي يامجيب من دعوا له=تجعله بالقبر مرتاح وراض

ياالهي جعل فردوسك نزوله=بين حور وبين انهار ورياض

يابوصالح مارثيت الا الرجوله= يابوصالح مابكيت الا البياض


*************

للشاعر : عبدالله الدواس



ياعين هلي واذرفي لين تعمين...=وياقلب دمك في فضا العين هاته
يلعنك عين إن مابكيتيه ياعين...=ويلعنك قلب إن ماانفطرت لوفاته
ياميمتي تكفين تكفين تكفين...=خليني أبكي كني إحدى بناته
هذاك لو ببكيه يايمه سنين...=والله ثم والله ماالحق جزاته
ياميمتي في موتته من يعزين...=ياويش أسوي لاطرت لي حياته
أخوي أبوي اللي على العسر واللين...=رفيقي اللي ماتبدل صفاته
ياوقت دونك دمعتي ياملا الشين...=ليته بكى موتي ولاابكي مماته
واشق عيني كنها فوق سكين...=يوم إنهم جابوه وألمح عباته
حطوه قدام الجموع المصلين...=واطي فمي يوم شبت لهاته
وشالوه ياويلي على القبر ناوين...=يوم المطوع تم وأوفى صلاته
ويوم اسدحوه ولبنوا فوقه الطين...=ياميمتي مرت علي ذكرياته
وهلوا عليه من الترايب وأنا بين...=ضيق وبكى مايبكينه خواته
ضليت واقف والخلايق مقفين...=أبكي على اللي ساعة الحق جاته
ولولاي خايف بس ينقال مسكين...=لااسهر على قبره وأقبل مباته
يالله يا منزل تبارك وياسين...=ياللي رضينا في قدره وسواته
تفتح بدال الباب يارب بابين...=من جنة الفردوس وأحسن ثباته
واسقه من الكوثر ولفه رياحين...=ونقه من ذنوبه وطهر رفاته
يارب يسر له مع العسر يسريين...=ووسع عليه القبر يارب وآته
لطفك وعطفك ياإلاه الثقلين...=ضيفك وحقق يالكريم إمنياته
ياميمتي لبكاي لاعاد تبكين...=ياميمتي ماعاد قلبي حصاته
هذاك له بالقلب يايوه ثلثين...=ياكثر مااحبه ومااكبر غلاته
راح وتركني للقهر وأقشر البين...=راح وبقت لي ضحكته مع سماته
يمه مبين الحين والحين والحين...=اذكره واذكر لفته في عباته
وشلون مايبكين يايوووووه يبكين...=لو كان وخزٍ بس يجرح وطاته
ياميمتي خلين تكفين خلين...=خليني أبكي كني إحدى بناته


******

للشاعر : سعود العازمي



علم ٍ لفاني زود اليوم همي =وزداد حزني في بلاوي ازدحامه
والدمع من عيني نزل به دمي =والحزن زاد وبنيا(ن) خيامه
هليتبه لو كنت سارح بهمي =هل ٍ هلابه عدوبه الغمامه
وعداد ما عشبن قيامه تزمي=وعداد مادونه حزوم ٍ تزامه
وبيات شعر ٍ وصلن اليوم يمي=وبديت من جرف ٍ تهايل هدامه
ان كان دمعك فوق خدك يزمي =دموع عيني مسقيات الحيامه
سيلت من دمعي ثلاثين جمي =قلبان تيما محسبا ٍ مقامه


*********

للشاعر : وبل الحيا



علمٍ لفاني كدر البال تكدير = ضيق علي اللي وسيعٍ فججها

اونس بكبدي مثل ضرب الشواطير = زودٍ على ونات قلبي زعجها

خلا هموم القلب ورد ومصادير = ياكبر همي يوم حزني ولجها

جاني خبر ماشفت فيه التباشير = يالله يالمعبود قرب فرجها

قالوا توفى والسبب حادثة سير = من بعد زين الحال جاها عوجها

مات الذي بالقلب شانٍ تقدير = ذي سنة بالخلق نصعد درجها

مرحوم ياللي سيرته كلها خير = والهرجه الشينه حشى ماهرجها

ابٍ واخ ولفتته دايماً غير = والنية القشرا حشا مانسجها

يالله باللي في يديك التدابير = جنبه نارك وابعده عن وهجها


*********

للشاعرة : رجون



من بياضك تشرب السحب البياض=ومن كرمك الغيث نقصه فيه زود

مااحيطك غير من باب افتراض=دون وصفك قاصره كل الردود

ياربيع الحب والبركان فاض=وانسكب جمرات من فوق الخدود

في غيابك تبكي انوار الرياض=تنتشر ظلما على نزف الكبود

كل نجد بقلب واحد مستهاض=تحضنك دعوات وترشك ورود

هي سهام الموت رمية وانقضاض=والحبارى ريشها وهم الخلود

آه يا دنيا نقاها بانقراض=وش تبي منا عقب راعي العنود ؟


**********

للشاعرة : غيداء



مسحت الدمع في كفي لقيته في حمار الدم= وانا لوني بكيتك دم محاااال اجزاك معروفك

يابوي انت يااستاذي ياخوي وانت خال وعم= انا مومصدقه اني بعد ذا اليوم مااااااااشوفك

انا لاجت0 رساله0 منك توجهني0 اقلك0 سم= لقيت الصدق والنخوه وحب الناس بحرووووفك

فقدتك ياكثير المدح0 فقدتك ياعديم الذم= عسى ربي يبدل بالجنان وبالهنا خوفك

وغيداء0 من بعد فقدك يابوها غارقه بالهم= ولايوقف نزيف الدم من عينه سوى كفوفك

احطت بكل هالعالم0 صحاري مع فضا ويم= ولكن انت يااستاذي عجزت احيط بوصوفك

يابوي انت يااستاذي ياخوي وانت خال وعم= انا مومصدقه اني بعد ذااليوم مااااااشوفك


**********

للشاعر : عبد الله الحبيشي العمرو



فمان القبر واكفانٍ من الرحمات منسوجة= قلوبٍ كلّها تمشي معك وتزاحم أكفانك

دموعٍ مع بياضك يا شعار الطيب ممزوجة=سكنت قلوبنا واسكنتنا في معظم أركانك

على كثر القلوب اللي نَعَت فقدك لها روجة=كأنه ما بقى مخلوق ما يبكي لفقدانك

كأن الأرض تشكي يتْمَها والناس مخلوجة=كأن الطيب مات آخر هله بعدك على شانك

أبو صالح :عنودك في ربوع الحزن مسروجة= تنازعنا بخفقات الصدور و ثقل ميزانك

كفانا ما ورثنا من بقايا طيبك و نُوجَه=على هاك البياض نعيش ونعايشك بازمانك

عسى الله يغسلك بالغيث والرحمات وثلوجه=عسى الله يبدلك قصرٍ من الغفران بجنانك

لك الدعوات و اللوعات والدمعات مزعوجة= كفوفٍ ترتفع لك بالدعاء باعماق صدقانك

فمان الله واعرف إن القوافي فيك مفلوجة= فمان الحب والرحمات عطرٍ ضج باكفانك

::

::

و ما هذا سوى فيض من غيــــــــــــــض مما قيل في الفقيد أبو صالح

- رحمه الله و أحسن مثواه و أبدله بآخرته خيراً من دنياه -

::

::

::


الدهور

[المخاوي]

انا لله وانا إليه راجعون ..
رحمه الله وأسكنه فسيح جناته ..
جزاكِ الله خير اختي الدهور ...

الدهور انتي شغاله بقسم الحوادث .الله يكفينا الشر هههههه (بشرينا بشي زين نوبتن اخرى).

[ركاد الربع]

انا لله وانا إليه راجعون ..
رحمه الله وأسكنه فسيح جناته ..
جزاكِ الله خير اختي الدهور ...

الدهور انتي شغاله بقسم الحوادث .الله يكفينا الشر هههههه (بشرينا بشي زين نوبتن اخرى).
عسالله يرحمه ويسكنه فسيح جناته امين يارب العالمين

[الصوت الجريح]

انا لله وانا إليه راجعون