المساعد الشخصي الرقمي

مشاهدة النسخة كاملة : اخوكم محتاج ! من يسلفني يا جماعة ! ؟؟


الرعب
15-07-2004, 06:33
الأخوة الكرام ..
كما تعلمون وتسمعون ان السلف .. تلف
السلف طبعا الفلوس وليس السلف اللي قبلنا !

محتاج سلف .. ومستحي ..!!
لأن الطلب صعب شوي .. هذا اولا ..
ولأني ما قد تسلفت من احد ولله الحمد .. وهذا ثانيا
يعني ما اقدر اجرب السلف .. !!
ولكن هالمرّه ..
ابي ادق سلف و ابتسلف ..
وباب التبرعات مفتوح ..
وانظروا الطلب واللي يقدر ( جزاه الله خير )

****




يـامـن يسلفـنـي مـــن الـنــاس قلـبـيـن
قلـب أتـوجّـد بــه ، وقـلـب انتـخـي بــه
ويشيل من عمري ثمـان(ن) وعشريـن
واعـيـش بالعشـريـن ! عـمـر الشبيـبـه
وامرح مع الأصحاب ، زين علـى زيـن
ما اريد انا التلميح ( ذا وش نبي بـه )!
بالمضياف، نــاس عـزيـزه .. وذربـيـن
لاشـك .. فـرق العمـر ، حـالـه صعيـبـه
يـبــدون لـــي ود ومــــرّات عـسـريــن
الله لا يــقــطــع قـــريـــب و قــريــبــه
الواسطه ( فيصل ) و ( ذيب شرافين )
وراعي الوقيد احـتـال ، وادرك نصـيـبـه
وان كان مـا حصّلـت فزعـه مـن اثنيـن
امصـيـبـتـي يــــا وي والله مـصـيـبـه !



بطلنا ..
ما نبي سلف
نبي دعوة مني و منكم
لنا جميعا ..
بأن يمتعنا الله بما وهبنا من نعم ظاهرة وباطنه
وان يمن على اوطاننا بلأمن والأمان انه سميع مجيب

( اعتذر للأخ ذيب شراف .. وراعي الوقيد ,,,,,,,, وفيصل ....فقد اقحمتهم من غير ميانه )
تحياتي لكم جميعا
راعي الوقيد
15-07-2004, 23:10
بالمضياف، نــاس عـزيـزه .. وذربـيـن
لاشـك .. فـرق العمـر ، حـالـه صعيـبـه
يـبــدون لـــي ود ومــــرّات عـسـريــن
الله لا يــقــطــع قـــريـــب و قــريــبــه
الواسطه ( فيصل ) و ( ذيب شرافين )
وراعي الوقيد احـتـال ، وادرك نصـيـبـه
وان كان مـا حصّلـت فزعـه مـن اثنيـن
امصـيـبـتـي يــــا وي والله مـصـيـبـه !

الرعب ...

من عاش بالحيلات مات بالفقر:rolleyes:

وليتني مثل ماقلت !!

كان ماشفت حالتي مثل عربنا اليوم وانت شفت حالها !!؟؟

تبي سلف:)

طويييييييييق|501|

سي لاااااااااام ..
ابو غازي
16-07-2004, 00:06
اااااااااااااالرعب :rolleyes:

ابـشــــــــــــــــــــــــر بســــــــــــــعدك

تدلل كم تبي وحنا حاضرين أمر :)

بدووون قصووور بالي نخيتهم وحنا وهم واحد علمنا بس بالي بخاطرك يالغاااالي

ملاحظة هامة
وبدون مؤاخذه المشاركة هذي المفروووض بفلة حجاج
لكي لايقحم المضيف العام بالمواضيع
الشبث
16-07-2004, 16:03
هلا بالرعب

ابشر بسعدك


حنا ماجينا هنا الا حنا اخوان

الله لا يفرقنا








وبعدين الشباب مايزعلون على احد ابد ابد

لانهم نظيفين قلوب




ولا يحقدون


وحياك الله بيننا بفلة حجاج










وننتظر منك المزيد







وتقلد تحيتي
الرعب
16-07-2004, 21:49
السلام عليكم
اخي راعي الوقيد ترا مانقصد شي,,, وشكلك متابع (الحياله).

ابو غازي اخواً عزيز وغالي وماتقصر ,,وبنسبه للمشاركة ابشر ولايهمك.

الشبث لاهنت ولايهنون الربع ومثل ماقلت مابى الا

نبي دعوة مني و منكم
لنا جميعا ..
بأن يمتعنا الله بما وهبنا من نعم ظاهرة وباطنه
وان يمن على اوطاننا بلأمن والأمان انه سميع مجيب
المخاوي
17-07-2004, 15:59
يالرعب ابا انصف القلب نصفين = نصف لك والنصف الاخر طليبه
عمرنا بيد اللي به العسر واللين = والعمر يالرعب في علم غيبه
وسع الخاطر ومية الف اهلين = والعيب بالرجال ماهو زود شيبه
بالمضايف النشاما يسار ويمين = وكبيرنا اليوم هو اللي نقتديبه
الود طبعهم وبالحيل سمحين = والزعل مرفوض والله لايجيبه
واللي توسط لك لزومن يبين = والمحتال يالرعب ربي حسيبه
وعسى الله يحفظ لنا الاسلام دين = والطاغي اليوم حنا حريبه
وختامها ازكى صلاة في كل حين = على رسولنا اللي نهتديبه

^
^
الرعب حياك الله يالغالي والكبر تر ماهو عيب وخذ راحتك شف شيباننا ابو غازي ومتفاءل وراعي الوقيد اعمارهم ماشاء الله عليهم تعدن الخمسين هههه وهذولهم معنا يالشباب هاللي اعمارنا بالعشرين هههه وفالينه بهالفله ومستانسين ولهم كل التقدير والاحترام وهم شمعة هالفله من غير قصورن بالربع واعذرنا من القصور يالغالي وعسى الله يحفظ الاسلام والمسلمين .
الاعلامي
18-07-2004, 06:33
اخوي الرعب

انت رجل وتستاهل كل خير

لكن اذا لقيت احد يسلفك علموه بحالتي اني خوش واحد واني طفران ولامعي قيمه الدخان

وبدال مايعطيك ميه ينصفه بيني وبينك




مشكور على الموضوع

ويعطيك الف عافيه





الاعلامي




..

.
سليمان الذويخ
08-04-2020, 22:22
الأخوة الكرام ..
كما تعلمون وتسمعون ان السلف .. تلف
السلف طبعا الفلوس وليس السلف اللي قبلنا !

محتاج سلف .. ومستحي ..!!
لأن الطلب صعب شوي .. هذا اولا ..
ولأني ما قد تسلفت من احد ولله الحمد .. وهذا ثانيا
يعني ما اقدر اجرب السلف .. !!
ولكن هالمرّه ..
ابي ادق سلف و ابتسلف ..
وباب التبرعات مفتوح ..
وانظروا الطلب واللي يقدر ( جزاه الله خير )

****




يـامـن يسلفـنـي مـــن الـنــاس قلـبـيـن
قلـب أتـوجّـد بــه ، وقـلـب انتـخـي بــه
ويشيل من عمري ثمـان(ن) وعشريـن
واعـيـش بالعشـريـن ! عـمـر الشبيـبـه
وامرح مع الأصحاب ، زين علـى زيـن
ما اريد انا التلميح ( ذا وش نبي بـه )!
بالمضياف، نــاس عـزيـزه .. وذربـيـن
لاشـك .. فـرق العمـر ، حـالـه صعيـبـه
يـبــدون لـــي ود ومــــرّات عـسـريــن
الله لا يــقــطــع قـــريـــب و قــريــبــه
الواسطه ( فيصل ) و ( ذيب شرافين )
وراعي الوقيد احـتـال ، وادرك نصـيـبـه
وان كان مـا حصّلـت فزعـه مـن اثنيـن
امصـيـبـتـي يــــا وي والله مـصـيـبـه !



بطلنا ..
ما نبي سلف
نبي دعوة مني و منكم
لنا جميعا ..
بأن يمتعنا الله بما وهبنا من نعم ظاهرة وباطنه
وان يمن على اوطاننا بلأمن والأمان انه سميع مجيب

( اعتذر للأخ ذيب شراف .. وراعي الوقيد ,,,,,,,, وفيصل ....فقد اقحمتهم من غير ميانه )
تحياتي لكم جميعا


مؤسف والله وعيب
أن تسرق هذه الأبيات التي نظمتها في منتديات شمر الأخرى وهي موجودة و كانت موثقة بإسمي

عيب عيب لكن أملي في الإدارة ان تنظر في الموضوع !؟