عيد ميلادي [الأرشيف]

مشاهدة النسخة كاملة : عيد ميلادي

الشبث

13-07-2004, 04:43

في اغسطس اب من عام الفين وثلاثه

كنت جالس مع ولد جارنا ( مصري )

واسولف انا وياوه

قال ليلت امبارح كان عيد ميلادي

قلت : انت ماتقولي وشو عيد الميلاد اللي كل سنتن صاجني بوه

قال : اذا قاء اليوم اللي اتولدة فيه

يبقى دا يوم عيد ميلادك وتعمل حفله زغنطوطه

وتعزم فيها صحابك

قلت : طيب انا ماعندي اصحاب زيك

كلهم خويا وعيال عم وجماعه

قال : ايوه هم الاولانيين

قلت : وش اسوي بالحفله اذبح ذبيحه ؟

قال : ولا دبيحه ولا شي

اهم حاقه الطرطه وعليها الشمع بعدد سنينك

وتولع الشمع وطفي النور

وتكون انت وصحابك حولين الطرطه

وتنفخ الشمع وتطفيه ويعدو اصحابك يغنو (سنه حلوه ياقميل )

قلت : مار بس هذي

قال : اه امال ايه

الوكاد رحت بيوم ميلادي وجمعت اصحابي (على قولتوه) وهم

مقبل , طليحان , ذيب , النشمي ( تخبرون علشان تصير محفوفه )

وقلت لهم عندي حفله الليله ابيكم تجون

الشباب ماصدقو خبر مع صلاة العشاء ياهم عندي

قالوا : هاه وين الحفله اللي تقول ؟؟؟؟؟

قلت : اصبروا ماعليكم

ويوم جت الساعة تسع بالليل وانا ادخلهم الملحق

ويوم راعوا يمار الطرطه قدامهم وعليه ثمان وعشرين شمعه من الكباااار

وزيادت خير جايب عصير الربيع وببسي وفشفاش وفصفص ( يمكن احد يشتهي )

قالوا : وشو هذا ؟!

قلت : شوفو السالفه اني مسوي عيد ميلاد وانتم مدعوين

قالوا : اعقب يا رامي عياش

وش عند الشبث توه تطري عليه عقب ثمان وعشرين سنه

قلت : ابد تعلمت من هالناس

المهم خليتهم يلفون حول الطرطه

قلت شوفوا ابولع الشمع وابروح اطفي النور

وابرجع انفخ الشمع واذا طفى قولوا سنه حلوه ياجميل

قالوا : زين

المهم بعد ماولعت الشمع وطفيت النور

رجعت وانا انفخ على الشمع ماطفى

انفخ مره ثانيه ماطفى

ثالثه وعاشره مافيه امل

وانا انقهر

وانا اخذ النعله وانا اصفق الشمع يالاصق على الطرطه

وهم يقومون العيال يغنون ( عساتس ياحايل تسيلين )

وهو يبرد وجهي عندهم

وانا هنا احمد ربي اني ماعرف عيد الميلاد وعيد الحب وهالخرابيط

وهالبدع اللي جتنا من الغرب

وتقلدوا تحيتي ( اخوكم الشبث )

راعي الوقيد

13-07-2004, 12:01

اخس يالعقربان|501|

اشوف تطورت حميده سنة حلوه ياقميل << تقل الدعوى به ق م ل:p

بعدين يالعفن|115| شنوحك ماعزمت المصاري وهو معلمك بهالسوالف|97|

الشبث يوم ميلاده|91|
آآآآآآآآههههههههههه

ما عزمكم حدى خوياك << تروا عيد ميلادكم عندنا الدزابله ياجماعة:)
|17||17||17||17||17||17|
إلا ذيب وش جااااااايبه معكم|513|<< افاااااا تعزم ذيب وماتعزمنا:mad:

والله إنك رهييييييييييييييييب|116|

قسم تقطعت تسبدي من الضحتس ايييييييي وربي:D:D

هبي بيرث داي تو يو شبيثاااااااان:rolleyes:

لا تنسى تعزمنا المرة الجاااية|7|

والعمر قداااامك خيي|501|حيي

الشبث

13-07-2004, 12:20

الغالي راعي الوقيد تكفى لاتزعل علي

ذيب هذا واحدن ثاني مهو خوينا

وانشاء الله عيد ميلادي الجاي ابخليه بالربيع

ونبي نخيم ونسوي حفله هناك

الا وشرايك نخلي عيد ميلاد العيال جميع

مهو احسن

الغالي تسبيدتي تسبيدتك

وتقلد تحيتي

مفتاح14

13-07-2004, 12:50

^
^
^

ههههههههههههه والله يهالرد غطى على الموضوع :):)

أجل تبي تخلي عيد ميلادك بالربيع ؟ :)

تسمع بالاعياد :)

بس اللون الازرق اعمانا :) كل هذا تعصب للازرق;) مالومكشي :):)

دايما مميز يالشبث..

لا تحرمنا تواجدك المبهج..

مع اجمل تحيه

الشبث

13-07-2004, 14:04

ابو اربعطعش

بالله عليك مهي موافقه

خلونا نخلي عيد ميلادنا بالربيع

احلا وونس

واطعم

وبعدين انا جتني عقده من اللون

كل واحد يقول لا تحط اللون هذا

وبلشت بكم

وتقلد تحيتي

بتول آل علي

13-07-2004, 14:09

ويوم راعوا يمار الطرطه قدامهم وعليه ثمان وعشرين شمعه من الكباااار

هههههههههاااااي

ما تنلااااام اللي ما يعرف الصقر يشويه :):)

وشلك انت باكا المصري بسسس :):)

خلك في عاداتك و تقاليدك أبرك لك و لنا :):)

ثانكسوووو و كل عام و انت بطورطة ههههههههههه

:)

الشبث

13-07-2004, 14:21

الدهور

يقولون من طلع من داروه قل مقداروه

وهذا اللي حصللي بالضبط

الدهور ......

الله يرحم جدك اللي بالصووووووره

والله يحفظ بنت اختك

القمووووووره

صح نسيت

ابقول لك سر؟؟؟؟

لا تقولين لاحد

انتظري يوم الاثنين الجاي

موضوع بالفله ( رحله بالمضايف )

وفيها فضايح جميع المشرفين

بدون استثناء

وتقلدي تحيتي ( اخوتس الشبث )

--(برق النفود)-

13-07-2004, 14:30

ههههايلي

الله يعينك على ها المصري بس هاه انتبه لا يعرض عليك الفسيخ << لا تحاول

اخوي الشبث حبكه دراميه كوميدانيه ولا اروع

استمر على هذا المنوال

واعتبرنا من المتهلفين على مشاركاتك

الشبث

13-07-2004, 14:43

حبيبي برق النفود

شعور متبادل

بس انت الله يهداك تغلى علينا

ويالله بالسنه حسنه

يعني يالله بالشهر موضوع

نبيك تتحفنا

وتونسنا

وعشان كذا نبيك تحبكلنا سويلفه

( تكفى ) يابرق

وتقلد تحيتي

المخاوي

13-07-2004, 15:28

الله يذكرك بالشهاده ذكرتن بعيد ميلادي من هالسنين :eek: يوم انا بالنازيه شرقن من لينه ياهو عيد ميلادن مانساوه ليتكم حاضرين :D

اهب يالشبث ولاتخاوي الا مصاريه:p

ويوم راعوا يمار الطرطه قدامهم وعليه ثمان وعشرين شمعه من الكباااار

^
^
28 سنه ماخلعت ولاضرس ولاجتك السوسه >>> مابقى من ضروسوه صمايل :D

مميز يالشبث في كل مواضيعك تسلم ولاهنت

الشبث

13-07-2004, 15:35

المخاوي

ماودك السنة الجايه نسوي عيد ميلادنا

بطعوس نعجه

ولا تبي ام عصافير

ولا بشعيب زبالا

التميز اخذتوه منك انت

وبرق النفود

ونبراااس

وشنقل

وابو غازي والنبهان

وبقيادة الاخ مفتاح

والاخ ابو مقرن

وبقية الشباب

اخو سعدى

14-07-2004, 01:07

الشبث

لقد صفقت لك كثير ....

http://www.moveed.com/data/thumbnails/10/Entertainment-02.gif

خوش عيد ميلاد ... هههههههه

http://www.moveed.com/data/thumbnails/10/cananim1.gif

اضحكتني من جد .. و عم وخال .. ههههههه

http://www.moveed.com/data/thumbnails/10/laughing.gif

بتول آل علي

14-07-2004, 01:11

الشبث

14-07-2004, 01:17

اخو سعدى

عقبال ماتضحك من جيرانك

وعيال الحاره كلهم

والربع جميع

وانصحك ياخوك لا تسوي عيد ميلاد

وخاصه اذا اصحابك مثل اصحابي

وتقلد تحيتي

الشبث

14-07-2004, 01:20

الدهور

ليه تحرجيني مع الشااااااااابااااات

الشابات كلهن تاج راسي

الا انتي

انتي نجمة سمانا

وتقلدي تحيتي

شنقل

14-07-2004, 01:37

حميده هي حميده
شبثاااااااااااان
انت وش عرفك لهالسوالف

طرطه وشمع
وعازمن اصدقائك.........والله تطورت وصار لك اصدقاء

كلهم شبه ولواتيم

اما سالفة 28 شمعه من الكبار
ههههههههههههههههههههههههههههههه
ههههههههههههههههههههههههههههه
هذي قطعت تسبدي من الضحك
بس يا ولد
عيد ميلادك الجاي لا زم تعزمنا
بس مانبي طرطه
نبي نضرب به ياما الواحد مايقدر يتنفس
ويغدي ماء وسماء
ولاسلمت عليه قال : هااااااه

شكريات
شنقل

الشبث

14-07-2004, 02:56

شنقول

ابشرك ان عيد ميلادي الجاي ابسويه

بالربيع الجاي بم عصافير ( حوالي 100 كيلو عن رفحاء )

والاخوان ولاخوات كلهم مدعوين

تستاهلون

كم عندي عيد ميلاد

قصدي كم عندي ناس مثلكم

وتقلد تحيتي

الاعلامي

26-07-2004, 03:14

هههههههههههههههههههههههههههههههههههههههه ههه

هههههههههههههههههههههههههههههه

هههههههههههههههههههه

اضحكتن حيل

وش تبي بعيد الميلاد وعيد الحب وعيد العمال

يابعد حيي خلك على الفطر والاضحى ترتزق رزق الطير

ومشكور على الموضوع المميز

ويعطيك الف عافيه

..

عمشه الربشه

02-08-2004, 11:29

:p:

:p:

ههههههههههههه تسلم ولاهنت يالشبث

بصراحة خوش حفلة

عساتس ياحايل تسيلين خخخخخ :p: خخخخخخخخ :p: خخخخخ