الشاعر اللي يطلب القصايد ( محاورة )

[ساري^الليل]

أخواني شعراء المنتدى المجال مفتوح لمن أراد الرد




الشاعر اللي يطلب القصايد = يجي تراني صيدته أو صايد
ما ينفع آخر ليل غير الكايد = تبت يدين معمر القذافي

.

أجي لكم من بعد طول الغيبه = حبيب جا مشتاقٍ لحبيبه
لا شك في حبي لك لا رِيبه = تبت يدين معمر القذافي

[متفاائل]

حياك الله كلنا شوق لمن اشتاق لتا


يامرحبا بالساري اللي عايد = نمشي بدربٍ-ن به مشى مانحايد

مادام مشتاق وشوقك زايد = تبت يدين معمر القذافي

من جاء لنا مشتاق انحييبه=اقلط هلا في مجلس اهل الطيبه

اذا لفانا الغالي نهليبه = تبت يدين معمر القذافي

[الاصمعي]

السلام عليكم

ما شاء الله مدّهرين الله يعطيكم العافيه

واصلوا .......... متابعينكم

ملاحظه: اشوفكم مكررين الموال مرتين والشيله مامن شيله

يعني الصفوف ماله سنع

تحياتي

[ساري^الليل]

أخوي المتفائل استلم لا هنت ....


أهلا هلابك يالحبيب القايد = طبع الوفا طبعك و ذا وكايد
ابغاك تنفعني و أنا لك فايد = تبت يدين معمر القذافي
.
أبنشدك عن حادثه غريبة = صارت بدار أهل الوفا مصيبه
باع الكريم دياره بزبيبه = تبت يدين معمر القذافي

[متفاائل]

هلا ابومتعب
نشكر تواجدك معنى الغالي علينا

هذا الزمن قلة به الحمايد = والناس لاهل الخير به حسايد
مادام راع الشر فيها سايد=تبت يدين معمر القذافي
امّا الحوادث هالزمان مريبه = في كل بقعه الخبر يحكيبه
دام اليهود يسانده صليبه =تبت يدين معمر القذافي

[ساري^الليل]

أخوي الاصمعي يا هلا بك
أخوي هذي محاورة ما هي موال و هذي هي الشيلة مالها موال



شفت الخبر في صفحة الجرايد = يا كبرها مصيبة المكايد
لا شامت فيها ولاني كايد = تبت يدين معمر القذافي
.
اللي يبي من ساجنه تهريبه = يرجع لربه قبل ما يغريبه
اللي يصافح من يفتش جيبه = تبت يدين معمر القذافي

[متفاائل]

ناس بلا مبداء ولاعقايد = ولا حياء ولا عرف ولاعوايد
مصيود فيها ويحسبنه صايد= تبت يدين معمر القذافي

الامة تنعي نفسها صويبه = كل طمع حتى الردى يدليبه
تصيح للموتى وتشقق جيبه = تبت يدين معمر القذافي

[بتول آل علي]

الله الله الله عليكم

ما شاااء الله استمروا و احنا متااابعين

و نرحب بانضمام شاعر محاوره إلى النخبة الموجودة لدينا :)


أما (( تبت يدين معمر القذافي ) و ربي موتتني ضحك هههههههههههه

تسلمووووون و صح لسااانكم


أختكم

الدهور

[ساري^الليل]

هلا والله و غلا أختي دهور يسعدنا متابعتك أختي




واحد يحب النوم و الوسايد = واحد يبيد الحيل ما هو بايد
بعض القوافي ساريه يا الرايد = تبت يدين معمر القذافي
.
أحب من ياقف على قليبه = ينهش عدوه قبل لا يدريبه
ما هو مع القطعان بالزريبة = تبت يدين معمر القذافي

[بتول آل علي]

ساري الليل


سوووعال خاص ،،،

هو انت نفسك الشاعر ساري الليل اللي يكتب في منتديات تبوك ؟ |513|


الدهور

[ساري^الليل]

أيه أختي أنا نفسه


أخوك ساري ليل المنتديات

[بتول آل علي]

يا هلاااا و مليووون غلا


تشرررفنا اخوي :o


و المضاااايف كلهااااا لها الفخر بانضمامك :o


الدهور

[ساري^الليل]

اتشرف والله بوجودي بينكم و كلي فخر بعضويتي لمنتداكم




أخوك ساري^الليل

[متفاائل]

تعرف صديقك صح بالشدايد = ينسى كلامه قبل والوعايد
يبين لك ظاهره واللّبايد = تبت يدين معمر القذافي
.
اليوم كلن مايأمن قريبه= عليه يفتح باب ويضحيبه
مامن عقولٍ فاهمه لبيبه= تبت يدين معمر القذافي

[متفاائل]

الدهور
صح بدنك
شكراً على المتابعه

ياخوك قولي لي عسى ماتوهقت انا هااااااااااااااااه

[بتول آل علي]

متفاءل

انت قدهااا و قدوووود


و شاااعرنا ساري الليل ما عليه كلام و لا قصور

:)

[ساري^الليل]

الا توهقت هههههههههههه
ما عليك أخوي حنا هنا نتسلى



إليا طلع جيبك على السنايد = تل الدبل دربك به المصايد
بالبنك قالوا للربا فوايد = تبت يدين معمر القذافي
.

كلن يغني له على جذيبه = تعال شف مسجد لنا نصلي به
ترى الجماعة واجبه توجيبه = تبت يدين معمر القذافي

[الاصمعي]

أخوي الاصمعي يا هلا بك
أخوي هذي محاورة ما هي موال و هذي هي الشيلة مالها موال


شكراً للتوضيح أخي ساري ولو إني أول مره أعرف إن فيه شيله ثلاث أشطر على قاف واحد والشطر الرابع ثابت.

الي أعرفه إن مثل هذي تسمى موال وان بيت الشيله قافيته ثابته وليست متغيره، ولكن استفدنا اليوم معلومه جديده فلك جزيل الشكر.

متابعينكم ويعطيكم العافيه

تحياتي

[متفاائل]

الدهور
اشكرك على هذه الثقه تسلمي
الاصمعي شكراً لك على المتابعة لاتبعد بعدي :)
ساري الليل حياك الله تسلم وصح لسانك استلم لاهنت

العيد سنه العرب تعايد = راع الجديد ومن ثويبه بايد
اللي زرع جناه بالحصايد = تبت يدين معمر القذافي
...
اللي يرحب في نقال الغيبه=يجيه يوم نيته ترميبه
هذا دبوره والبلاء والسيبه= تبت يدين معمر القذافي

[ساري^الليل]

أخوي المتفائل استلم لاهنت ....




لا تلبس البايد من القلايد = والضب نصف اكله من الردايد
والقصر قصرٍ دام ركنه شايد = تبت يدين معمر القذافي

قافك يصيح وسامع نحيبه = بسبة ( السبة ) وذا حليبه
يا شينها من لفة عجيبة = تبت يدين معمر القذافي

[متفاائل]

هههههههههههههههه
الســـــــــــــــــــــــــــــــــــــ ــــــــيبه
شكراً على التنويه وسوف اعدله
تحياتي

[متفاائل]

ادخل بعمق البحر ليش تحايد=كانك تدور بوسطه الطرايد
الصيد مقفي مابقي شرايد= تبت يدين معمر القذافي
....
من لايقول الحق حصل خيبه=هذا هو اللي قاصرن نصيبه
اول منازلنا ارضٍ(ن) خصيبه = تبت يدين معمر القذافي

[ساري^الليل]

خلاص ما نبغى لكم نشايد = الهرج زايد بس قل الفايد
وبلهجت أهل دبي وايد وايد = تبت يدين معمر القذافي

يا صاحبي ما للحكي ضريبة =الله ينصر دين ساكن طيبه
اللي بغرفة عايشة مغيبه = تبت يدين معمر القذافي

[متفاائل]

وراك عوذه عقب النقايد = مافاتتن لكن بنفسي نايد
مابه حلا لا حتكة الحدايد= تبت يدين معمر القذافي
....
النخل مايغرس لاجل عسيبه= و لاتدر لك حليب بالغصيبه
مع السلامه اضبط التركيبه= تبت يدين معمر القذافي

[ساري^الليل]

أخوي المتفائل صح لسانك بيدت حيلي


الله يعطيك العافية ما قصرت كفيت ووفيت يا الوافي


لك مني حالص التقدير و الاحترام


أخوك ساري الليل

[ساري^الليل]

شكراً للتوضيح أخي ساري ولو إني أول مره أعرف إن فيه شيله ثلاث أشطر على قاف واحد والشطر الرابع ثابت.

الي أعرفه إن مثل هذي تسمى موال وان بيت الشيله قافيته ثابته وليست متغيره، ولكن استفدنا اليوم معلومه جديده فلك جزيل الشكر.

متابعينكم ويعطيكم العافيه

تحياتي


أخوي الأصمعي : المحاورة أوزانها كثيرة و أعرف وزن آخر على هذا الشكل و هو على هذا المثال



يا الاصمعي وينك = بنصافح يدينك
جعل الله يعينك = صافي على صافي

و قد يكون هناك أوزان أخرى ثلاثية


أخوك ساري الليل

[متفاائل]

ساري الليل
شكراً لك
ماعليك زود يالله البركه
وشكراً ولكل من تابع معناء هذا الموضوع

تحياتي

[نجمـة]

متفـــــــــائل

و

ســاري الليل


صح لسانكم مليووووووون ومايكفوووووووون

|116||116||116|

أحب القلطــات

وأحب متابعتكم

أستمروا فهناك من يتابعكم

دمتم بخير

[ساري^الليل]

أختي نجمه


صح بدنك و دمتي سالمة



ساري الليل

[ساري^الليل]

أخواني أخواتي

مما يحز في نفسي هذا الركود الذي تعيشه هذه الساحة أو مضياف المحاورة

لا أدري هل أنتم راضون عن ما يجري أم لا تسعون إلى تغييره

لابد من التنسيق لإجراء محاورات بين الشعراء حتى لا تذبل هذه الزهرة الجميلة


ما رأيكم أن يوضع يوم في الاسبوع لاجتماع بعد صلاة العشاء و يكون منسق للمحاورة من قبل و لا يضر حتى لو كانت أكثر من محاورة في وقت واحد و الشعراء كثير لكن يحتاجون من يشعل نارهم


أخواني أرجو أن نتساعد من أجل هذا المنتدى العزيز على قلوبنا و كل يدلي بدلوه في هذا الموضوع حتى نخرج بنتيجة ترفع من هذا المنتدى



أخوكم ساري الليل

[بتول آل علي]

شاعرنا الفاضل

ساري الليل


كلامك صحيح ،، و فكرة تنظيم المحاورات مسبقا

فكرة جميلة جدا

و أنا معااااك في كل كلمة


الدهور