القناص
08-07-2004, 06:12
بسم الله الرحمن الرحيم
أول بدء اقولكن صبحتن بالخير
بصراحه ماكنت ناوي اكتب هالموضوع بس تسبدي قامت تفرك عقب اللي شفته وقلت ياولد ابري ذمتك وقل اللي بلسان بدون صفصفه وتميع :d
السالفه وما فيها طال عمركن بطاعة الله ... جتني رساله بالبريد من منتدى غريب شوي من اسمه ومواضيعه كان اسمه بالاول منتدى فضيحه وعقب غيروه الى اسم ثاني .. شغلت هالمنتدى التشهير بخلق الله وخاصة البنات اي واحد عنده شيء على بنت او احد حطه بهالمنتدى وهالمنتدى قام يرسل على قروبات الياهو وال ام اس ان وغيرها يعني ناس ينشرون الرذيله قبل الفضيحه حسبي الله عليهم وعلى اللي اساس هالفكره ... المهم زبدة موضوعي هذا جتني رساله فيها روابط افلام جوال الباندا ابو كميرا تصوير لعروس ناس بالرياض وصباحية عرس بالرياض وحتى فيه تصوير لشبة بنات يسولفن وحده تصورهن وهن مايدرن وتصوير لمدرسه وهي تحضر الدروس بحدى المدارس حسبي الله عليهم وعلى من دخل هالكميرا علينا .....
وانا اخوكن الحذر الحذر وخاصة بالعروس والحفلات واذا لقيتي وحده معاها جوال بكميرا علمي عليها وحذري منها تري بعضهن ما يخافن الله
ادعي الله لكن بالستر والحشمه بالدنيا والاخره والله يلبسكن الصحه والعافيه ويحماكن من كل مكروه
مع السلامه
أول بدء اقولكن صبحتن بالخير
بصراحه ماكنت ناوي اكتب هالموضوع بس تسبدي قامت تفرك عقب اللي شفته وقلت ياولد ابري ذمتك وقل اللي بلسان بدون صفصفه وتميع :d
السالفه وما فيها طال عمركن بطاعة الله ... جتني رساله بالبريد من منتدى غريب شوي من اسمه ومواضيعه كان اسمه بالاول منتدى فضيحه وعقب غيروه الى اسم ثاني .. شغلت هالمنتدى التشهير بخلق الله وخاصة البنات اي واحد عنده شيء على بنت او احد حطه بهالمنتدى وهالمنتدى قام يرسل على قروبات الياهو وال ام اس ان وغيرها يعني ناس ينشرون الرذيله قبل الفضيحه حسبي الله عليهم وعلى اللي اساس هالفكره ... المهم زبدة موضوعي هذا جتني رساله فيها روابط افلام جوال الباندا ابو كميرا تصوير لعروس ناس بالرياض وصباحية عرس بالرياض وحتى فيه تصوير لشبة بنات يسولفن وحده تصورهن وهن مايدرن وتصوير لمدرسه وهي تحضر الدروس بحدى المدارس حسبي الله عليهم وعلى من دخل هالكميرا علينا .....
وانا اخوكن الحذر الحذر وخاصة بالعروس والحفلات واذا لقيتي وحده معاها جوال بكميرا علمي عليها وحذري منها تري بعضهن ما يخافن الله
ادعي الله لكن بالستر والحشمه بالدنيا والاخره والله يلبسكن الصحه والعافيه ويحماكن من كل مكروه
مع السلامه