وين العرس ...

[اخو سعدى]

هلا بكم كل ابوكم ..


كنت انتظر زواج اعز الاصدقاء على احر من جمر ,
فقد قدم لنا دعوة الزواج فقلنا له .. ابشر من بعدك
لانه يسكن بالرياض العزيزة ,
فقلنا له انت جارنا وسوف نكون اول الحاضرين ,,

فقال : وين .. الزواج عند اهل الزوجه ...واهل زوجته بالشمال ..

فقلنا له ليش ما يكون العرس عند اهلك وانت صاحب الشان ؟
قال : هذا طبعهم هلون ...


والحين وش رايكم بهذه السالفه ؟

[عبدالرحمن]

انت الظاهر للحين ماتبت من هالسوالف اللي تغث البعض منا؟!!

اهلا بالعزيز اخو سعدى.

موضوع عادي وموجود عند الكثير من القبائل والعوائل ولا يوجد فيه شيئ معيب او سواه.

وكثير ما نرى من ياتون من المملكة ويعرسون هنا في الكويت لدى اهل العروس.

شكرا لك ايها المتخصص بمواضيع الزواج.قاعد تضبك لعرسك!! عساه مبروك .

[اخو سعدى]

الكاتب الكبير / عبدالرحمن

انت الظاهر للحين ماتبت من هالسوالف اللي تغث البعض منا؟!!

وشنوحك ولعتها من اول مشاركه .. ههههههههه

يعني تبيني ازف عند اهل العروسه ..
يا زين وجهي ... هههههههه

يسلموووووووووو

[بدر الشمال]

أخو سعدى

خلك وسط .... حفلتين ... ( أو حفله وعشاء , واللى يبى يوفر : حفلة عرس و حفلة شاى +1 مفطح ) واحد عند اهل العروس , وواحد عند اهل المعرس وأنتهت السالفة . .... واذا الواحد يبى يصير حقانى أكثر , خيمة بالمنتصف. يعنى اذا المعرس من الرياض والعروس من حائل , الحفلة قبل بريدة بـ 30 كيلو

ماأعرفه ان حفلة العرس تكون عند أهل العروس , ام أن تنقلون العروس وأغراضها وقراشيعها -الله يعين من يبى يعرس- وأمها وخالاتها وعماتها وأخواتها وأخوانها ...الى أخر القائمة الى مقر المعرس , فأراها صعبة شوى

طبعا اذا كانت العروس فى منطقة بعيدة وغالبية الجماعة والأقارب عند المعرس, عندها يكون الحفلة بين الأقارب والجماعة

هذا ماعندى وأعذرونى

ودمتم

[الجازي]

من جدك أنت ّ!!؟

ياعمري عمرها وهي شايلة عفشها ورايحة لديرة المعرس عشان تعرس :)

مافيها كلام المعروف إن العرس يكون عند أهل العروس لأنه يجي ياخذها من أهلها ,, ماهيب شغالة تجيه من ديرتها :)

[اخو سعدى]

بدر الشمال

خير الامور الوسط .
هههههههه
ماأعرفه ان حفلة العرس تكون عند أهل العروس , ام أن تنقلون
العروس وأغراضها وقراشيعها -الله يعين من يبى يعرس- وأمها
وخالاتها وعماتها وأخواتها وأخوانها ...الى أخر القائمة الى
مقر المعرس , فأراها صعبة شوى

الحين اتو اهل حائل ...:) هذه تقاليدكم ياهل حائل
يعني لازم ان يكون العرس عند اهل البنت ..
والرجل ما له .. نصيب

عزوز ... تراني بوجهك من اهل حائل

[اخو سعدى]

الريم
مافيها كلام المعروف إن العرس يكون عند أهل العروس لأنه يجي ياخذها من أهلها

هذا معروف عندكم ولكن حنا ياهل العارض معصي :)
المفروض ان يقوم الزوج بحفله العرس في البلد الذي يسكن
فيه وذلك لوجود اهله واصدقائه هناك..

ماهيب شغالة تجيه من ديرتها

يعني يكون الزوج سواق ... :)

هل توافقيني الراي ريموووووو

[شنقل]

اخو سعدى

الظاهر انك ناوي تعرس
وتسانك تبينا نروح معك
جاهيه ابشر ترانا حاضرين

وبالنسبه

لمكان العرس طبعا يكون
عند أهل المعرس
على قولتك من زين وجهي
وانا جايهم ادور العرس
زفوووووووووووني

تحياتي لك
شنقل

[اخو سعدى]

شنقل

لمكان العرس طبعا يكون
عند أهل المعرس

ايوه هذا الكلام الزين ماهو مثل كلام ...
ومثل ماقلت يازينك وانت تدور العروس
هههههههههههههههه

لكن وش رايك انك لا تتزوج الا من نفس المكان
الذي تسكن فيه اريح لك ... هههههههههه

وش رايك ؟

[العونان]

السلام عليكم اخى الكريم
كل منا له عاداته وتقاليده الاجتما عيه التى تفرض نفسها على واقعنا وحيا تنا اليوميه

فانا اعلم علم اليقين
ان لاهل الجنوب ميزه فى اعراسهم لكن لا اجمعهم كلهم فى ذلك النطاق
فاعرف من الاصول التى يعرس الرجل وهو فى بيت زوجته

ونحن اهل الشمال
نراها من العيب لدينا
وهذا هو الصحيح
لانك رجل من المستحيل ان ترضى على نفسك ان ياتى زوج اختك مثلا
ويتزوجها فى عقر دارك


خلاصه الكلام
ان للجميع عادات وتقاليد متعا رفون عليها

تحيه منى لك
العونان

[اخو سعدى]

العونان

بالفعل لكل شعب عاداته وتقاليده
ولكن هل تعتقد انه من المفروض ان يكون الزواج عند
اهل الزوج ؟

تسلم ...

[فاقد غالي]

الحين العروس في صالات لا عند العروس و لا المعرس . :)

مبروك مقدما اخوي اخو سعدى و ترانا تبعك وين ماكان العرس . ;)

[المخاوي]

^
^
^
^
^


الحين العروس في صالات لا عند العروس و لا المعرس .

مبروك مقدما اخوي اخو سعدى و ترانا تبعك وين ماكان العرس .
__________________

[اخو سعدى]

الحين العروس في صالات لا عند العروس و لا المعرس

اخ / فاقد غالي
كلامك في محله ولكن نحن نستفسر عن مكان الزواج
هل هو عند اهل الزوج او الزوجه ..

شكرا لكم ..

[اخو سعدى]

المخاوي

وشنوحك مستغرب ؟
والحين انت وش رايك بالسالفه ...

يسلموووو

[المخاوي]

المخاوي
وشنوحك مستغرب ؟
والحين انت وش رايك بالسالفه ...
يسلموووو

الاخ العزيز اخو سعدى
كان ردي وقت هالفجر وذابحن النوم وعجزت لااكتب ......هاههه
ماني مستغرب ولاشي وادري ان هالشي حاصل ولكن (تحكم الظروف في ذلك) اي ان كان اهل العروس في مدينه وهو في مدينه اخرى وهي من ( قرائبه ) كبنت العم واراد اهل العروس ان تكون حفلة العرس عندهم لبعد المسافه بينهم وبيت عموه طبعاً يعتبر بيته الثاني فلاحرج في ذلك يصير العرس عند اهلها واذا رجع لمدينته يسوي حفل هناك هذا هو اللي حاصل يعني حسب ظروف العروس واهلها اما ان يكونوا في مدينة او قريه واحده يصير العرس عند اهل المعرس من دون شك .
اما قولك ان اهل حائل هذه عادتهم لقد حضرت اكثر من عرس عند ابناء عمومتي هناك ويكون العرس عند اهل المعرس وتكون العروس في بيتها لحين وقت الزفه ويأتى بها الى بيت الزوج اما الان بعد ظهور صالات الافراح والفنادق تغير الوضع شوي .

يسلموووووووووو اخو سعدى .

[اخو سعدى]

المخاوي

هذا السبب مقنع لحد ما , اما عاده اهل حائل هي
اذا كانت العروس من ساكنه بحائل والمعرس يسكن
خارج حائل .. هنا مربط الفرس .. ههههههه

هذا اللي اقصده , ولكن ما هو رايك انت الان ؟
وبعدين اترك السهر عنك .. هههههه

[المخاوي]

هذا اللي اقصده , ولكن ما هو رايك انت الان ؟
وبعدين اترك السهر عنك .. هههههه
^
^
^
لامربط فرس ولايحزنون اذا كان كذلك وهو يبي هالبنيه ( عاشقه ) لابد من التضحيه في سبيل ذلك
وعلى قولت اخوانا المصريين اللي اوله شرط اخره نور اخي اخو سعدى لااعتقد ان هذا الامر اجباري
ربما اهل العروس يريدون اكرام المعرس واهله بما انه غريب عن حائل ويكون العرس عندهم اذا اتفق الطرفان .
وبعدين انا ياواحد لو ابي عشقتي لو يقولون اهله نبي العرس ( بصبيا ) بجيزان بوسط هالقرود
مهنا اشكال يابعدي والا لا ؟؟؟؟؟؟؟
ملحوظه :
وشرايك تسحب هالموضوع لرواقنا اللي انت خابر حتى يتسنى لنا الاخذ والعطاء اكثر لوجود مواضيعنا المشابهه هناك .

[عبدالله الجعيثن]

اخو سعدى

الشمري لايرضى ان بنته تتزوج في بيته, والزوج الشمري لا يرضى ان يدخل على زوجته عند اهلها.

هذي عوايد شمر اما النص شمامره ما ادري عنهم.

الضروف.....شي ثاني

لم اسمع ان واحد من جماعتي ولا انا ولا اخواني ولا ايضا اخواتي انهم قد تم زفافهم عند اهل العروس.

وفي هالزمن كل شي جايز..حتى رقص العجايز.

[سلطان الشمري]

الاخوه


اخو سعدى


ومن عقب على موضوعه

واخرهم الغازي..


اما بخصوص اهل حايل..ماهي عليهم بس...في كل مكان..اذا كانت البنت مهي بمدينة المعرس...


اكيد يتوجب عليه انه يعرس بنفس مدينته...طبعا اغلب الزيجات اللي هاللون تكون بين قرابه..


لانه من النادر جدا واحد من الرياض ياخذ له بنتن من حايل...الا فحالة قرابه الدعوى مهي خبط لزق....

الا فحالة وجود القرابه...واذا وجدت القرابه...صار الوضع عادي ...جداً ومافيه اشكال..انه يعرس عندهم بمدينتهم..ومثل ما اسلفوا الاخوان بوجود القصور...راحت كل هالسوالف...


واهل حايل ياتسبدين حيي...عاداتهم ماتختلف عن غيرهم...والا وش رايكم



وعبد العزيز خارج الخدمه مؤقتاً يعني مايمديه يرد عليكم...فقلت بالنيابه ...نرد عنه

[ريم شمر]

مشاء الله ...وراكم مضيعين الدرب :)

تمسكوا بنطير حنا والموضوع لمحله



وقبل نطير بقول رأيي

اولا في مثل هذه الاشياء حتى بعض الاسر تختلف عن بعضها

فما بالكم بقبائل ومدن متفرقه

ثانيا مااعرفه انا ان العريس يأتي من آخر الدنيا ليخطب العروس

فما الفرق بين الخطبه والعرس ؟؟!!


ثانيا ايضا مااعرفه ان الحفله فقط تقام في منزل العروس

او في قاعه او فندق ومن يقيمها اهل العروس وفي مدينتها

ويحضر المعرس ليستلم عروسه ويذهب بها في ليلة الزفاف

لبيته او حتى مدينته ولو كانت في اخر الدنيا

وقد تكون الفتره التي يمكث فيها في بيت العروس لاتتعدى الدقائق احيانا

ولم اسمع ابدا بأن المعرس يبات او يسكن عند اهل العروس

وطبعا هذا شئ غير معقول وغير مقبول من العروس نفسها قبل غيرها


اذا القضيه لاتتعدى الحضور لاخذ عروسه

يعني اذا بلط عند اهلها فهذا راجع له هو :mad:


ولااعتقد ان في الامر شئ بل الغريب ان تذهب العروس

لبيته واهله ولوحدها من دونه

( والله وسيعه وجه اللي تروح له بنفسها )

فانا اظن ان الرجل هو من يدخل على زوجته

ولم اسمع ابدا ان الزوج يجلس في غرفته وتدخل زوجته عليه :)

(الا اذا كانت من هالعادات الغريبه اللي كل شوي مطلعين لنا منها شئ:) )

عموما المهم هو الدعاء للعروسين بالتوفيق

ولاتهم ابدا مثل هذه التفاصيل الصغيره


ايضا من تحمس وجاب كل اللي عنده على سالفه اقامة الحفل

في بيت العروس وش رايه بزواج المسيار :)

واعتقد ان مجرد اقامة حفل في بيت العروس

ابسط وهون من ان تنجب الزوجه ابناءها وهي مازالت عند اهلها

ومعظم الرجال لايرون في زواج المسيار بأسا


فهل العادات تتشكل حسب اهواء الرجال ؟؟!!!

مايناسبهم يأخذون به ومالايناسبهم يرفضونه

شكرا لك اخو سعدى




للغازي فقط




هذي عوايد شمر اما النص شمامره ما ادري عنهم.


منين جبتهم النص شمامره هذولا:)


اول مره اسمع ان فيه قبيله بهالاسم :)


لكن اذا تقصد اللي مثلا والدته غير شمريه

يعني خواله من قبيله اخرى


فاعتقد ان الابن يتبع اباه ولايتبع امه


والشمري شمري بابوه وجده مهو بخاله



والشمريه لو خذت رجال من قبيله ثانيه

عيالها ماينتسبون لشمر


لو تنطبق السماء على الارض


اذا سالفه نص شمامره هذي


غير حقيقيه


ويكفي مالدينا من تصنيفات اخرى


تفرق ولاتجمع


فلا نريد ان نزيد ها بشمامره كاملين وشمامره نص
وشمامره ثلاثة ارباع :)




تحية للجمع



ريم

[الشبث]

من وجهة نظري المتواضعه ياخو سعدى ولاهانو الربع جميع

اني اعرس عند اهلي حيل احلى

واكيد تبي تقولي ليه ؟

وراح ارد عليك بسااااااع واقول

يازين وجهي ليامني قمت الصبح وجوني الوغدان الصغار

وقامو يهاوشوني واللي يقول اطلع من البيت

واللي يقول وخر عن اختي

واللي يقول وشتبي هنا



ساعتها راح العن ابو الساعة اللي جابتني لهالملقف

خاصتا اذا كانت مريتي مدلعتهم والله ينجنون علي

فلذالك اقول ان العرس عند اهل العريس احسن

لان العريس

اخوانوه الصغار يبون الفكه منوه

















وتقلد تحيات الشبث

[اخو سعدى]

المخاوي

وشرايك تسحب هالموضوع لرواقنا اللي انت خابر حتى
يتسنى لنا الاخذ والعطاء اكثر لوجود مواضيعنا المشابهه هناك .

ما فهمت شئ ...
لكن جميل من هذه التضحيه من اجل الحب ...

سلااااااااااام

[اخو سعدى]

الغازي
وفي هالزمن كل شي جايز..حتى رقص العجايز.

حياااااااااااااااك في ذا يالغازي
هلا به .. انت خويي وبس
يازين الصراحه ..
هههههههه

هلا ومرحبا

[اخو سعدى]

نبراس
الا فحالة وجود القرابه...واذا وجدت القرابه...صار الوضع عادي ...
جداً ومافيه اشكال..انه يعرس عندهم بمدينتهم..ومثل ما اسلفوا
الاخوان بوجود القصور...راحت كل هالسوالف...

كل هالسوالف راحت , ابدااا لن تروح فهي موجوده
وتقاليدنا وعاداتنا الجميله سوف نحافظ عليها
ام التي غير ذلك , نسوف نبتعد عنها

كل التقدير لاهل حائل

[اخو سعدى]

وش رايه بزواج المسيار

زواج المسيار ...

وش رايكم عيااااال , خوش فكرة
هههههههههههههه

[اخو سعدى]

يازين وجهي ليامني قمت الصبح وجوني الوغدان الصغار

وقامو يهاوشوني واللي يقول اطلع من البيت

واللي يقول وخر عن اختي

واللي يقول وشتبي هنا

الشبث ..
ما عليك منهم ..
دع القيادة لهم , وانت استمتع بالرحله ...

يسلمووووو

[سلطان الشمري]

عزيزي اخو سعدى



يمكن فهمتنا خطأ ...!!!! لا ادري



والعادات والتقاليد...لن يمسها احد او يحاول تركها او تجنبها..لانها اشياء فرضها علينا مجتعنا الجميل..


لكن ياحيي..ما اقصده...انه من المستحيل احد ياخذ بنت مايعرفه...ارجوا انك فهمتني..


واذا عرفه اوكانت قريبه له..اكيد نظرا لتباعد المسافه انه بيعرس عندهم بمدينتهم مهو فبيتهم الله يحفظك..


يعني بيستأجر له شقه مؤقتا...واذا دخل عليها طبعا...بيشلعها معه...

والا انا قلت غير هالكلام..؟؟؟!!!




وعلى العموم :كلام اختنا الفاضله ريم شمر يدعم كلامي...وازيد عليه..انه على حسب اللي يتفق عليه اهل العريسين..ربما انه حتى بيت العروس مايمر عليه ابدا...


واحيانا يقوم به اهل العروس


واحيانا اهل المعرس


...((همسه لأخو سعدى))..

لم نضيّع تقاليدنا وعاداتنا الى الان ايها الفاضل...وغيرها مالنا فيه...


شكرا لموضوعك...


فمان الله

[اخو سعدى]

نبراس

كل الاحترام والتقدير لك

لا هنت على هذه المداخله الرائعه

يسلمووووو

[نجمـة]

أخو سعدى

ومين قالك أنة بعد فية عرسان ولاحتى رجااال

<< عفوا مب كلكم :)

ياعزيزي .. صار العريس مايلووي كلام العروس وأهلهاا

لأنة خايف مايذووق الحلااوة بعدين :(

والأدهى من ذلك أن يقوم العريس بحركات سخيفة وهو ينزف وتقول كانة دمية يحركونها بالريمووت كنتروول

>>> وأخص يالكنتروول

عريسك هذاا إمعــــــــــة :cool:

دمت بخير

[اخو سعدى]

نجمه
ايوه ,, هنا بدايه السيطرة والتحكم
هذا اللي كنت اريد ان اصل له ..

تحياتي لك ..

[مجد]

http://www.mamarocks.com/luvdaisy.gif
وين العرس
مقال .. جيد .. وواقعي
بالنسبة لرايي فهو رايي الشخصي :
ماله علاقة بالعرف الاجتماعي المتبع لاني اجهله ..ماعندى أي معلومة عنه
@@@@@
أنا اعتبر ان مقر الحفل يعتبر من اهم المسائل التى يتفق عليها من البداية
لانه بسبه قد "تتفركش زواجات"

والسبب في ذلك تعنت وعناد الطرفين اهل الزوجة والزوج
فرايي يتلخص بالتالي
أنا أرى أن ذهاب الزوج الى بلد العروس
سهله من ناحية وصعبة من ناحية اخرى
@@@@@
سهله عليه من ناحية :
حيث ان الرجل بتكون اغراضة قليلة
كم مشلح + كم ثوب + كم جزمة وكم غترة وكم اكسسورات يعنى شنطة بالكثير شنطتين
وصبعة:
لان الزوج لدية اصحاب ومعارف فيحب ان يحضرون عرسه
المعرس غير عن العروس
فهو طوال الوقت مع المعازيم
بينما الزوجة تجلس قليلا ولا راح تدري من جاء ومن غاب
لكن لو ذهب هولمقر الزوجة معناها ان مو كل اصحابه سيحضرون وسيحس انه وحيد .
@@@@@
اما صعوبة ذهاب المرأة
يكمن ان اغراضها كثيره ..تحتاج الى كونتينر "حاوية" لكي تحمل اغراضة
اولا لان ملابسها كثيرة كذا قطعة .. واوزان القطع ثقيلة .. ووغيرها وغيرها
غير كذا اذا سافرت الزوجة لابد ان تأخذ معها كوافيرتها .. لانها هي اللى عملت لها البروفه
وغير كذا ملابس المرافقات والقش كله
فالامر صعب جدا
وصعب بالنسبة للرجل انه بثقله هو اللى يرح الى بلد العروس
اذا وش الحل ؟؟!!
كلن يشد ارضه و يعرس من منطقته هههه

http://www.mamarocks.com/luvdaisy.gif
المجد

[اخو سعدى]

المجد

جميل هذا التحليل البسيط والمقنع لهذه المشكله ,
فالتوافق بين الزوجين ياتي من البدايه .
اذا وش الحل ؟؟!!
كلن يشد ارضه و يعرس من منطقته هههه

بالفعل اقتراح جيد وحل لهذه المشكله ,
ولكن من يتحكم بالقلوب ؟


لكم وافر تحياتي

[المخاوي]

الغازي
لم اسمع ان واحد من جماعتي ولا انا ولا اخواني ولا ايضا اخواتي انهم قد تم زفافهم عند اهل العروس.
الشمري لايرضى ان بنته تتزوج في بيته, والزوج الشمري لا يرضى ان يدخل على زوجته عند اهلها.
هذي عوايد شمر اما النص شمامره ما ادري عنهم.
^
^
حنا سمعنا وشفنا ولكن كما قلت لظروف معينه حسب علمي واستفساري من بعض الاخوة
( اما النص شمامره ) الشمري يبقى شمري مهما اختلفت بعض هذه العادات والتقاليد اخي الغازي وشمر طويلتن عريضه ومنتشره في انحاء كثيره اما سوالف الزواج والحفلات اعتقد من وجهة نظري ليس لها مدلول او منهج تنتهجه شمر عامه ولكن يربط الشخص احيانا ظروف معينه يتبعها ولايعيبه ذلك ولن يخرجه من شمر .

ريم شمر
ولااعتقد ان في الامر شئ بل الغريب ان تذهب العروس لبيته واهله ولوحدها من دونه
( والله وسيعه وجه اللي تروح له بنفسها ) فانا اظن ان الرجل هو من يدخل على زوجته
ولم اسمع ابدا ان الزوج يجلس في غرفته وتدخل زوجته عليه
^
^
لاتظنين ولا تستغربين ولا شي سواء دخل عليها هو الاول او هي فلا فرق ,احيانا الزوج له اصدقاء خاصين وابناء عمومه يدخلون معه الغرفه ويسلمون ويباركون له ويلتقطون صورا تذكاريه معه على حسب رغبته وبعدها يخرجون وتأتي العروس مزفوفتن له من قبل امها وامه الى غرفته وبعدها يخرجن
(الا اذا كانت من هالعادات الغريبه اللي كل شوي مطلعين لنا منها شئ )>>>>> ريم شمر تبين تشيبين وحنا ماخلصنا من سرد عاداتنا وتقاليدنا ههههه.

نجمـة
ومين قالك أنة بعد فية عرسان ولاحتى رجااال << عفوا مب كلكم
ياعزيزي .. صار العريس مايلووي كلام العروس وأهلهاا لأنة خايف مايذووق الحلااوة بعدين
والأدهى من ذلك أن يقوم العريس بحركات سخيفة وهو ينزف وتقول كانة دمية يحركونها بالريمووت كنتروول >>> وأخص يالكنتروول
عريسك هذاا إمعــــــــــة
^
^
اي حلاوه واي بقلاوه واي كنترول يانجمة شكلتس مضيعتن الطاسه من جد !!!!!!!!!!!!

مجد
وصبعة: - يرح
^
^عندتس اخطاء املائيه صححيها هههههه
انا اشهد انتس حستينا وضيعتينا ولافيه حل ههه

[بدر الشمال]

أخو سعدى

لو لم يكن الموضوع حساسا , لاما استمر الى الأن

اريد فقد توضيحا لنقطة اشكلت على بعد ردى الأول: هل المقصود بالموضوع أذا كان المعرس من منطقة والعروس من مدينة أخرى . ام المقصود بالموضوع اذا كان كلاهما من نفس المدينة . لأننى فهمت الأول وأرى ردودا على الأخر

فكما هو معمول به ونعرفة ان العرس لايقام فى بيت العروس الا فيما ندر , ولم يتسنى لى حضور هكذا حفل. ام اذا كان العروس والمعرس من مدينتان مختلفتان , فالذى أره ان الحفل يقام فى مدينة العروس بقصر أحتفالات او استراحة أو ماشابه.

ولك منى كامل الأحترام

[اخو سعدى]

المخاوي

بدر الشمال

لكم كل التقدير والشكر , نحترم رايكم كثيراااااااااا,
ولكن يبقى الود والاحترام هو الموجود بيننا ...

يسلمووووووووو