(حايل صيفها هايل ) يقولونه والا انا الشاهد الله ماشفت شئ ‍‍‍

[ريم شمر]

مهرجان حايل السياحي


* اجمل الاستعراضات في فنون ( التطعيس ) وعروض الطيران الشراعي وعروض
صقور الجو والمسابقات ومسرح الطفل والمحاضرات والمعارض والامسيات الشعريه وعروض الفنون الشعبيه والمحاورات الشعريه وغيرها


*من الفعاليات اقامه مسابقه للتصميم بالفوتوشوب في كليه المعلمين في حايل وكان موضوع التصميم عن تصميم متكامل عن حايل يعبر به بيت للشاعر
الدكتور غازي القصيبي ( ياحائل المجد كم مجدا شمخت به )


* تالق اصغر شاعر في مهرجان حايل الطفل ماجد رضا السويدي
الشمري امام صاحب السمو الملكي الامير سعود بن عبدالمحسن
والطفل لم يتجاوز السادسه من عمره


* فعاليات صيف حايل لم تغفل المرأه والطفل في مدينه ستار لاند
من اهمها تكريم صاحبة السمو الملكي الاميره نوف بنت مقرن
بمناسبة تشريفها الاحتفالات وتخريج دفعه من طالبات معهد العالميه وتكريم الاعلاميات والرعاة الرسميين
وعدد من الفقرات الترفيهيه المنوعه وسحب تذاكر من الخطوط السعوديه ومحاضرات والعاب شعبيه وجوائز قيمه وتكتمل الفعاليات
بوجود بيت الشعر الذي يحتوي على الاكل الحايلي


ملاحظه :
استعنت بتغطيه الاخ الصحفي عبدالعزيز العياده للمهرجان
في جريدة الجزيره لاعداد هذا التقرير بالاضافه الى
معلوماتي الخاصه من بعض اهل حايل مباشره :)

2- اعلم ان الموضوع مكانه في المضيف الاعلامي لكن لاهميه الامر
وهو يخص حايل وكلنا نعلم ماهي حايل فضلت وضعه في العام
لفتره ثم ينقل للاعلامي

3- من لديه اي اضافات نرحب بها



وشكرا

مراسلتكم من حايل عبر الهاتف والجرايد ريم شمر :D

[محمد العربي]

اهلاً بالاخت يم شمر , وهذا الموضوع الذي يستحق أن يُبحث في تفاصيل فعالياته أكثر .

أرجوا أن تُمتعونا بالكثير من أحداث الفعاليات الحايليه , وإن أمكن فالموضوع سيكون رائعاً جداً لو أُلحق بصور لتلك المناسبات ..

وعلنا نرى ذلك بمساعدة مصورنا من حايل الأخ عبدالعزيز ..

[راعي الوقيد]

الله يعافيك مراسلاتنا العزيزة عبر المحيط:rolleyes:

ولي ملاحظة تصويبية إن تسمحين وأن لاتزعلين:) عن بيت من الشعر للشاعر غازي القصيبي :

ياحائل المجد مجدي ان اكون هنا ** انيخ قلبي في سلمى الرؤى او اجا

هديتي بضع ابيات ولو سمحـت لنا ** الاماني لأهدينا لـك المهجـا

وهناك شيئ اغاضني وهو ان قناة المجد الفضائية تنقل جميع فعاليات الصيف ولكن لانجد نقلا ً لتلك الفعاليات عن مهرجان حائل السياحي !!؟؟



يسلمووووووو ريم وننتظر منك المزيد من التقارير عن تلك الفعاليات ،، وحايل صيفها هايل ...

[ابو خليف]

الله يعطيس العافيه

يالمراسله

خلاص امكني تالي الصيف
وشوفي
احسن لس من الجرايد
والهاتف

نتحراس تقولين مراسلتكم من حائل

[ابو غازي]

* تالق اصغر شاعر في مهرجان حايل الطفل ماجد رضا السويدي
الشمري امام صاحب السمو الملكي الامير سعود بن عبدالمحسن
والطفل لم يتجاوز السادسه من عمره

ماقصرتي ياريم شــــــــــــــــــــمر

اخبار جداً رائعة : ياليت تزوديننا بقصيدة ااالطفل ااالسويدي ااالرائع سوى كتابتها لنا او تسجيلها صوتاً
وسوف نكون لك من الشاكرين

ابو غازي

[ريم شمر]

محمد العربي

مشكور على الحضور والتشجيع والتثبيت

واعتذر عن كثرة الاخطاء بسبب السرعه وعدم المراجعه
اما الصور فهذي على اهل حايل :)


*********************

راعي الوقيد

صاير سيبويه هاليومين :)

تسلم على التصحيح بس انا نقلت بيت الشعر عن صحيفه الجزيره
يعني هم اللي غلطانين


اما بالنسبه لقناة المجد ففعلا انا لاحظت هالشئ بس اتوقع
السبب عدم وجود مراسل لهم هناك ينقل لهم الفعاليات
مع ان هذا ليس عذر


تسلم راعي الوقيد وشكرا لك


*******************


ذيب شراف
(((((((( زيارة حايل )))))))))
هذي من اغلى الاماني عندي
وانتظر تحقيقها على احر من الجمر


شكرا لك ذيبنا


*****************

ابو غازي

هلا فيك ابو غازي

للاسف القصيده كامله ليست لدي
وساحاول الحصول عليها اما كتابيا او صوتيا
لكن هذي بعض مقاطع منها

بسم الله أبدأ دائم المبدى فيك ....من بعد ذكر الله قلت المثايل
متواضعات في سموك وطاريك .....في حضرتك ياسعود يامير حايل
ياسعود حايل صيفها هايل فيك ....وانته ذراها عن سموم وقوايل
ياسعود حايل دايم تفتخر فيك .....واللي بها مبسوط وعقال مايل





شكرا للجميع

وانتظر المشاركه بمزيد من نقل الفعاليات والصور


ريم

[الـمـحـروووم]

بسم الله الرحمن الرحيم
والسلام عليكم ورحمة الله وبركاته

كل الشكروالتقدير للأخت ريم شمر
والله إنها رغبتنا بزيارة حايل
وشكل إجازة الصيف هالسنة بحايل
إذا وفقنا الله وساعدنا على السفر ترى النية
يمكم ياأهل حايل
والله إني من كثر ماسمعت عن حايل وعن أهل حايل
متشوق لشوفتها وزيارتها ومتحمس للزيارة لكن متى ؟
إذا الله وفق سبحانه وتعالى
وإنطرونا يا أهل حايل جايينكم جايينكم بإذن الله
وحبيت أخبركم إنه به واحد من أهل قطر ألحين في حايل
أسمه ((فواز)) ياليت عندي إجازه كان رحت معه ..
لكن مافيه واصلينكم واصلينكم
إذا ماهو الصيف ذا تراه الصيف اللي بعده
لكن المهم نزور حايل هذي اللي أسمع عنها من زمان
ويعلم الله كل يوم يزيد حبها وحب أهلها بقلبي
وعسى الله يكتب يمها جيه
وشكراً
كتبه/ الهائم بحب حايل وهو ماقد شافها
أجل كيف لوشافها

[ريم شمر]

معلومات جديده وطازجه عن صيف حايل


1- عروض جويه

2- فعاليات معرض تاريخ التعليم بمركز الامير سلطان الحضاري

3- فرقه حورنيات تقدم مسرحيتها
( عرب الشيخ نيدو) بعد صلاة المغرب في قرية مشار

4- تفسير الروئ للشيخ خلف العنزي في مخيم شباب الصيف

5- مسابقات وجوائز في مركز سماح سنتر

6- فعاليات متنوعه في مرح لاند / ستار لاند / اجا بارك




لايفوتكم صيف حايل




مراسلة المضايف في حايل
ومازالت مراسله عبر الهاتف :(



ريمو

[ســــارا الرياض]

راعي الوقيد : إقتباس ::

وهناك شيئ اغاضني وهو ان قناة المجد الفضائية تنقل جميع فعاليات الصيف ولكن لانجد نقلا ً لتلك الفعاليات عن مهرجان حائل السياحي !!؟؟

ريم شمر : إقتباس ::

اما بالنسبه لقناة المجد ففعلا انا لاحظت هالشئ بس اتوقع
السبب عدم وجود مراسل لهم هناك ينقل لهم الفعاليات
مع ان هذا ليس عذر

============
السلام عليكم وتسلمي ريم شمر صاحبة المشاركة
على دعاية مجانية مع ان الانسانة مالها فضل خاصة
اذا الحديث عن ديرتها وهذا اقل شىء الانسانة تقدمه
الديرتها وناسها ,,

عزيزتي ريم شمر جميل ما تطرقت له بس للاسف
ما اقدر اضيف شىء كوني لا اعرف عن حايل الكثير

إنما فقط بعقب على إقتباس أعلاه :

العزيز راعي الوقيد وعزيزتي ريم شمر ما ذكرتموه عن قناة المجد
من إغاضتها لك يا راعي وعدم قبولكي لعذرها يا عزيزتي ريم ,,

فحابه انوه على ان قنوات البث الفضائي تنقسم لقسمين
قنوات حكومية عامة وقنوات خاصة يمولها القطاع الخاص
ودعائية يهمها تسويق اي شىء من مشاهد رخصية او كلام مبتذل
مقابل الحصول على المادة فالوسائل لا تهمهم بقدر ما
تهمهم الغاية والتي بكل تأكيد غايتهم المادة وهي التي تحدد
وسيلتهم وما يعرض على شاشاتها الصفراء ,,


وقناة المجد قناة خاصة إسلامية دعوية لنشر تعاليم الإسلام واجرهم على الله
وليست دعائية اجرها على اصحاب السلع
والممول الرئيسي لها هم فاعلين الخير ,,

نعم فقناة المجد إمكانياتها محدودة مقارنة بغيرها من قنوات الفسق والفجور
وبالنسبة لداخل السعودية يوجد لها ثلاثة مكاتب في كلاً من الرياض وجدة والشرقية

ونشاطها مرتكز على المدن التي تقع بها مكاتبها ومراسليها ,,

وبعدين تعالوا بالله عليكم بالسعودية حنا كم عندنا منطقة فيها مهرجانات
صيف بل كم من المدن !! اعتقد عندنا تضخم مدن سياحية حتى لو هي ما تنطاق من الحر !!
اكيد كثيرة هي المدن ولكن يظل القصور من قِبل قنوات حكومية وعلى عاتقها التغطية المحلية لكل منطقة !!!!!!


اخواني هدفي من هذه اللفته هو اطفاء غيظ والتماس العذر
من فتاة لقناة
دخلت البيوت وامنّاها على الكبير قبل الصغير ,,

ولأهمية التنويه بتفاصيل اكثر عن هذه القناة
بأذن الله في الوقت المناسب لنا سيتم ادراج مشاركة خاصة تتحدث
عن ميزات وكل ما يتعلق بهذه القناة الدعوية الخيرة والسلام عليكم ,,

العزيزة ريم شمر جد اسفة على الخروج عن لب موضوع ,,

[الاصمعي]

نعم فقناة المجد إمكانياتها محدودة مقارنة بغيرها من القنوات
وبالنسبة لداخل السعودية يوجد لها ثلاثة مكاتب في كلاً من الرياض وجدة والشرقية
ونشاطها مرتكز على المدن التي تقع بها مكاتبها ومراسليها ,,
اخواني هدفي من هذه اللفته هو اطفاء غيظ والتماس العذر
من فتاة لقناة
دخلت البيوت وامنّاها على الكبير قبل الصغير ,,
,,
اذا قالت حذامٌ فصدقوها***فإن القول ماقالت حذامُ

تنويه جميل من أختنا سارا فلها جزيل الشكر

موضوع جميل أختي ريم شمر ونتمنى أن يتواصل وبالصور اذا أمكن كما قال أخي محمد لنعرف أكثر عن الأماكن المهيئه لإستقبال المصطافين في حائل وما يقام فيها من فعاليات.

تحياتي

[الجازي]

ريومة ,, بما أنتس ودتس تشوفين حايل ,, وأنا من زمان عنها ,,

وش رايتس نقدم على قناة المجد ونصير مراسلات لهم هناك ,, أنت سهيل وأنا اقبال :)

أبوي توه راجع من حايل ويمدح فيها ,, يوم سألته تغيرت عليك ؟؟ قال : اييييييييييه مرة ,, قلت وش طلعت ؟؟ قال : صارت مدينة :) >>>> ياحبيلك يابيي ,,طيب وش الجديد :)

وبما اني نشبة :) نشبت في حلقه عشان نتمشى فيها ,, قال : اذا جاء الربيع :( >>>> واذا جاء الربيع بيقول اذا جاء الصيف :)

لكن الله لايعوق بشر ,, رايحة لها يعني رايحة ,,حتى لو أوصي اني أندفن هناك :) >>>> وش الفايدة :)

الا المضايف ورا ماتنظم رحلة سياحية بالباص وتاخذ الاعضاء لحايل عشان توريهم معالم مدينتهم السياحية :)

يسلمو ريمو ,, وياليت تعطيني واحد من هالخطوط اللي توصل لتس المعلومات عشان أدق عليهم وأقط معتس في المراسلة :)

[ابو خليف]

يالله يالمراسله بالتلفون

انتي نسيت تعلنين
انه ضمن المهرجان
اليوم
الاثنين
امسيه للشاعر نايف صقر

يالله بغابشك بالمهرجان واجيب اخبار مثلك ككككككككك

[نايف التومي]

السلاااااااااااااااام عليكم ورحمت الله وبركاته




الاخت الغااااليه رررررريمووووووووووووووووووووووووو


لله دررررررررررررررررررررررررررررررررررررررر رررررررك




للله دررررررررررررررررررررررررررررررررررررررر ررررررررك



الف الشكر والتقديررررر لك




ومدينة حاااااااااااااااااااايل مدينه كبيرررررررره في نظرررنا ولله الحمد بقيااادت



((((((((((صاحب السمو الملكي الامير سعود بن عبد المحسن))))))))))))



وسنواااااااااااااااااااااااافيكم بالتفااااصيل بعد التفرررق من الدوااااااااااام




لي رررررررررررررررررده

[ريم شمر]

سارا الرياض

حياك الله ياغاليه اسعدني جدا حضورك اما كلامك عن قناة المجد

فهو صحيح ميه بالميه و نحن قلنا ماقلناه من باب العتب والعشم

وليس من باب النقد ....وبنتظار موضوعك عن قناة المجد

واعدك بالمشاركه لو كنت موجوده

تسلمين سارونا



*****************


الاصمعي


هلا فيك وشكرا على الحضور



*******************

الريم

اهلين اقبال :)

والله الفكره مهيب شينه

بس اول مره اشوف مراسلات لمدينه في مدينه ثانيه :)


اما سالفه الروحه لحايل هذي انا بديت اعتبرها من سابع المستحيلات

على كثر ماحاولت مانجحت المحاولات :(


تسلمين ريومه


*****************
ذيب شراف

هلا فيك


وفعلا خبر مهم بس شكل اللي عطوني الاخبار ماعندهم خبر عنها :)


ننتظر مساهتمك



***********************

نايف التومي


بانتظار المشاركه


وشكرا لك





ريم

[ابو غازي]

علوووومكم زينه ياااالربع |116|

اما تسااان بوووه رحلة(ن) لحايل وبالبااااص بعد ....... |15|
وكاااد تبي تصير شيقه وحلوووة ......... |10|بس شــــــــــرط يكووون
سواااق الباص ســــــــــــــلمان النبهاان |507|

اخ الي يطخ ابو نبهاان صوووورة وهو يعافر الباااص
ههههههههههههههه |17|

[ريم شمر]

ابو غازي


انا سألت عن القصيده كامله

واتضح ان هالاربع ابيات هي كل القصيده :)


عمره ست سنوات

زين منه طلع اربع ابيات الله يحفظه ويخليه لوالديه



ريم

[reeema_1983]

يارب نروح حائل من زمان عنها:(
ابسالكم ياليت الاقي جواب:متى ينتهي المهرجان؟


اختكم
ريــــــما

[سالم]

اعلم ان الموضوع مكانه في المضيف الاعلامي

[/color]

الف شكر اختي ريم شمر
على التقرير ( المنقول ) الرائع ..

و لكن مكان موضوعك ليس الاعلامي
بل ( مضيف المواضيع المنقوله )

[ مابني على منقول .. فهو منقول ]

حبيت اني اوضح ان اي موضوع منقول
ينقل للموضوع . بس يمكن محمد العربي
نسى ان يضعه في المنقول .. بل تم تثبيته

الف شكر .. ماننحرم

[ريم شمر]

السلام عليكم


تقريبا خلصت فعاليات مهرجان صيف حايل ( مااسرع :) )

ومابقى الا الفعاليات الموجوده في المراكز التجاريه فقط

وسيتم اقامة الحفل الختامي للمهرجان في شهر رجب حسب معلوماتي



شكرا للجميع على التفاعل وان كنت انتظر المشاركه

خصوصا من اهل حايل :(



هلا فيك ريما

وبالنسبه لوقت المهرجان ذكرت من قبل انه انتهى تقريبا
وعندما يتحدد موعد الحفل الختامي ساقوم بمتابعته

شكرا لك وحياك الله





سالم الشمري

هلا فيك وحياك الله

اخي الكريم

رأيك واحترمه جدا لكن ليس بالضروره ان يكون صحيح :)

لثلاثه اسباب

اولا عكس مافهمته انت فالاعلامي يعتمد على المنقول من الصحف والمجلات

ثانيا لم يكن تقريري منقولا بمعنى المنقول الا بقليل من فقراته
وقد تعبت في جمع معلوماته خصوصا الاخيره وبذلت جهدا ووقتا في ذلك

ثالثا حايل تهمنا ويهمنا كل مايخصها وتستحق ان يكون مايخصها
في العام ومثبت ايضا ( وش المشكله عندك :) )


شكرا لك اسعدني جدا مرورك





ريم

[فايز الشمري]

شكرا لك ياريم شمر على هذه التغطية الجميله


انا متواجد في حائل ولكني لم اتابع كل الانشطه عن مهرجان حائل

فقط كنت متابع للانشطة الشعريه واقصد الامسيات الشعريه

وبكل اسف ليتهم لم يقدمو ولا امسيه
لانهم بهذه الامسيات اسائو لحائل بكثير امام كل زائر لحائل

ماعدا امسية الشاعر ( نايف صقر )

وكلي امل ان ان نرى بالعام القادم امسيات فعلا تليق باسم حائل

شكرا ريم

فايز

[فايز الشمري]

معلومة اخرى

لدي فيلم فيدو مسجل لاحد الامسيات
ان شاء الله رايح احاول اني اضيفه لكم هنا ان استطعت ذالك لتشاهدو مهازل هذه الامسيات
وسو التنظيم والاعداد لها

[الغيور]

موضوع جميل جدا ويكون اجمل لو كان فيه صور

شكرا للجميع وخاصه الاخت ريم

[ريم شمر]

هلا فيك اخوي فايز البراهيم

وبنتظار مشاركتك


شكرا لحضورك




الغيور

حياك الله
وفعلا انا حاولت الحصول على صور لكن ماستطعت

شكرا لك





ريم

[الجازي]

ريومة ,, الظاهر انك حاطة دبابيس في حايل يمنعون المراسلين الجدد :)

أخوي هناك وما صدقت خبر إنه رايح لحايل ,, قلت بس ,, مراسل رهيب جابه الله :) ,,

بس من الصبح وأنا أدق عليه وجواله مقفل ,, مدري ماسدد ,, ولا مافيه إرسال ,, والا وش سالفته :)

يالله خيرها بغيرها ,,

[سالم]

وجواله مقفل ,, مدري ماسدد ,, ولا مافيه إرسال ,, والا وش سالفته :)




الظاهر انه مافيه ارسال :D

>>>>>>> واحد ملقوف :)

[ريم شمر]

هلا وغلا بالريم

اجل وانا اختس تحسبين الدعوى فوضى كل
من بغى يصير مراسل صار

لااااا هذي حايل

حتى المراسلين بالواسطه :)



..............


هذي الصور اللي قدرت احصل عليها
مع انها مو كافيه ابدا

واهل حايل يتغلون ولافيهم اللي تبرع بالمساعده

واللي وعدونا مابعد شفنا شئ منهم :)




http://www.dam3h.net/hail/a1/a3.jpg

http://www.dam3h.net/hail/a1/a4.jpg

http://www.dam3h.net/hail/a1/a6.jpg

[محمد العربي]

حــــــــــائل صيفها هائل ...

بالفعل هو هائل بأهلها وأرضها وسماءها وكل ما فيها ..


تسلمين اختي ريم شمر على هذه الصور الجميله , وعلنا نرى صوراً أكثر منكِ ومِن من وعدونــا بها !! ( يعني ما في الأمر تعب ولا غيره )

[سلمان النبهان]

اصيله يابنت والله يعطيك العافية ماقصرتي ..
من الرياض وتنقلين عن مدينتكِ حائل ...
بس الحق على اهل حائل وينهم مايشاركون
ويعرضون صور المهرجان .....
ريم شمر الشكر مكرر لشخصكم المتميز دائما ..

[نافع بن طواله]

(حايل صيفها هايل ) يقولونه والا انا الشاهد الله ماشفت شئ

هذا هو عنوان موضوعنا


صراحتا ياريم انا من قريت هالعنوان قلت هالريم تبيني أزعل عليها


لأني تخيلت إنك رحتي لحايل وما أعجبك شي فيها

ــــــــــــــــــــــــــــــــــــــــ ـــــــــــــــــــــ

وألحين يوم عرفت الوضع أقول الحمدلله عدت على خير ومحد يزعل من أحد

وكلن يصلح سيارته <<<<<<<<< بدأ يخورها الظاهر البث ضعيف

ــــــــــــــــــــــــــــــــــــــــ ــــ

حايل


كلمه نطقها على غيري يمكن يكون سهل لكن بلساني يرافقها الهيام والإبتسامه حين أنطقها


انا قبل إسبوعين كنت هناك وجلست عند أبوي ما يقارب العشرة أيام صحيح ان منزلنا في قريه تبعد عن حايل ما يقارب المئه وعشرين كيلو متر إلا أنني خلال هذه العشرة أيام ذهبت لحايل ثمان مرات

مامنعني أن أكمل العشر مرات هو يوم وصولي من الكويت ويوم إستعدادي للعوده للكويت

ــــــــــــــــــــــــــــــــــــــــ ـــ

يمكن يكون في حايل مهرجان لكن في عيني حايل طول السنه في مهرجان لأن هواها عليل

ورمال النفود تشرح الخاطر (بالنسبه لواحد مثلي النفود تعني التطعيس)

والجلسه في ظلال طلحه والمكيف طبيعي

والجبال السمر توحي بالشموخ والفواكه والتمر والمزارع الجميله

ــــــــــــــــــــــــــــــــــــــــ ــــ

وقبل هذا وذاك صلة الرحم

ففي رؤية الأهل والأقارب والأصدقاء وزيارتهم وقطع المسافات التي تتجاوز المئتي كيلو في نفسي لها حلاوه لأن هذه المسافه تهون في عيني عندما أتذكر ان أسباب قطعي لها هو زيارة شخص عزيز

ــــــــــــــــــــــــــــــــــــــــ ـــ

أعتقد إني إسترسلت ويمكن طلعت برّا موضوعك

المهم يالريم أعتقد المراسلين اللي سبقوني ماقصّروا

ـــــــــــــــــــــــــــــــــــــ

اخوك / نافع الطواله

[صلفيق ابو قناة]

حايل كلش به هايل

مهو بس صيفه

يامال العافيه على هالموضوع الحلو عن عاصمة شمر ورمز الكرم

[ريم شمر]

محمد العربي

ابو نبهان

قاسي الباس

صلفيق ابو قناة


تشكرووووون على الحضور


وكل سنه وانت طيبين


وحايل بالف خير

نحبها وحنا ماشفناها


اجل لو نشوفها؟؟!!!!!!!!!!




ريم