من الشاعر اللي في راسه طاروق ينزل معي ؟؟

[نزهان الأسلمي]

السلام عليكم


وصبحكم الله او مساكم الله بالخير


دخلت الميدان هنا متشوّق للشعّار واللعب معاهم


وابي الشاعر اللي في راسه طاروق ينزل معي



ايـــــــــــه خلوهــــــــــــــــــا



ياسلام الله على شاعرٍ يبغى المسير = ممتطيّ شعيل والخط من عنوانها



يشلهب وكنّها من على قمة عسير = ترقبه من امسها لهفةٍ صبيانها



==========================================================

[ابو خليف]

صح لسانك


انا مع الصف راز تشوفن

[رضا الزميلي]

نزهان الأسلمي

صح لسانك مليار

وحنّا بالصف

جنب ذويبان


المجهول

[الاصمعي]

في راسنا يالأسلمي طاق مطبوق***مار البلا التنسيق للحرف يمحاه

ودي مع امثالك وشرواك طاروق***لو كان أشوف القاف أو أقدر أقراه

هلا والله بالشاعر المميز نزهان

والعذر والسموحه لم أستطع قراءة طاروقك لعدم ظهور الكتابات المنسقه في جهازي (جهازي بدائي مايظهر الا الكتابه العاديه)

تحياتي

[مفراص]

مسيكم بالخير
يالله ترندحت اول الحضور مع ذيب شراف والمجهول ناطرين الملحمه مع شعارنا الطيبين

حضروا بيوتكم يا شعار لغاية ما اقهوي الرجال ذيب والمجهول والنجر تسمعونه حياكم

شدوا حيلكم

اخوكم مفراص

[بتول آل علي]

في راسنا يالأسلمي طاق مطبوق***مار البلا التنسيق للحرف يمحاه

ودي مع امثالك وشرواك طاروق***لو كان أشوف القاف أو أقدر أقراه

هلا والله بالشاعر المميز نزهان

والعذر والسموحه لم أستطع قراءة طاروقك لعدم ظهور الكتابات المنسقه في جهازي (جهازي بدائي مايظهر الا الكتابه العاديه)

تحياتي


الأصمعي

اعمل اقتباس للرد و راح يظهر لك |510|



ننتظركم و متابعين بشغف :)


الدهور

[حمود الشمري]

الله اكبر ياخو هاجر الكبير كبير

[الاصمعي]

الشاعر نزهان هو هان ولا مهو هان:)



ايـــــــــــه خلوهــــــــــــــــــا



مرحبا بك يامسلم على خيرٍ وفير=والعلوم كثار وأبشر جتك إسمانها

مرسلٍ لأصيل وليا حضر بانستخير=ونتركك وياه لكن شد عنانها
انا يوم تناوخت مع عشيرك سهيل أرسلت للأصيل، فكانه حضر فهو البادي بإكمال المحاوره معك وإن غاب عسى مايغيب بشر يبي يعينن الله عليكم ياأهل الخليج الفارسي;)

تحياتي

[نزهان الأسلمي]

حياااااااااك يالاصمعي


بس كأني لاحظت لهجه خاصه والاّ انا غلطااااااااان ؟؟؟ هههههههه


على العمووم الف هلا وغلا والله بالغالي



واستلم

الله الله




قرّبت ياصاحبي ساعة الشيخ الفقير = ودقّت الدمام صبيةٍ حان اوانها



الاصيل ليالفى معكِ وانا احسبه غير = حلو الالغاز والمقفيه بازمانها

[بتول آل علي]

الله عليكم

صح لسانكم يا جماعة

:)

معاااكم

[الاصمعي]

المجهول
ذيب شراف
مفراص
الدهور
شكراً للمتابعه والتشجيع
الدهور من ناحية الإقتباس الي ذكرتيه كحل عندما أتصل من الجهاز الي مايبين فيه الكتابه المنسقه مع الاسف مايصلح لان حتى الاقتباس ماأقدر أستخدمه. شكراً لك
-----------
الاخ نزهان

لا والله بعيد عن الغلط يهالوجه:)

بس هذا من تأثير العولمه وأنا أخوك;) وأنا يالغالي متأثر بالمحيط الي حولي:)

كل طيرٍ وان وقع بالشبك ماظن يطير=مار يبقى الاسم حرٍ أو شيهانها

وأنت يانزهان قالوا لي إن أنته مدير=في سفينه مابقي به سوى ربانها

[نزهان الأسلمي]

الله الله عليك يالاصمعي




واصل واستلم لا هنت



خلوهاااااااااااااااااااااا





ياحلاة الصوت والمشوّك وذا الصفير = وين راح اللي يبي صوتها والحانها



ومن قديم الوقت والاداره بيدي وادير = يوم بقعا ياخوي كلّحت نيبانها


===================

[الاصمعي]

خلوووووووووووووووووها:)




خير وأفضل من الإداره ولو تاتي سفير=في مضايف دايمٍ ممتلي ديوانها

آه وا علة فؤادي آه واجرح الضمير=من شوف الثعالب ماسكه سرحانها

[راعي الوقيد]

يالله عافهم الجميع ...

الأصمعي ** نزهان الأسلمي ** واهل الصفوف الواقفة ...

الله لايهينكم ،، وتسلمون على هالطواريق الحلووووووووه:)

إلا اللي براسه لوووه طاااااروق وش يعمل بوووه:cool:

هههههههههههههههه

لاتصدقون امممممممممممزح.. لا ،، بل ماعرف لطواريقكم|507|

لكن اباتخير لي محل حول رفيقي متفاءل واصف معهم من بين الصفوف ...

وعساكم على القوة ...

موفقيــــــــــــن خيـــــــــر ....

[متفاائل]

نزهان الاسلمي

الاصمعي

صح لسانكم

متابعين لكم بالصف مع الربع

[الأصيل]

مع راعي الوقيد ،،

استمرو ،،، والأصيل خارج الحلبه ،،،

[نزهان الأسلمي]

الى كل من شاركانا المحاوره


والى كل من اطلع عليها



لكم مني كل الشكر والتقدير عااااااااااااااااااااامه



هذا وواصلوووو معناااااااااااااااااااا

[نزهان الأسلمي]

هلا هلا يالاصمعي



استلم لا هنت


خلوهااااااااااااا



السفير بمكتبه والامير انا الامير = يا أصمعي ولا دريت وين ظرب اركانها



مير خل الملعبه علمها حامي يثير = والحايايا سمها تشربه ورعانها


==========================================================

[بتول آل علي]

الله حيهم

استمروووووووووا يا جماعة


الدهور

[الاصمعي]

إيييييييييييييه خلوووووووووها

الإماره ماش إماره، ولكن قل غفير**تبترم بالسوق أشوفك حذا دكانها

مامسكت السارق، الظاهر إنك له خشير**ضاعت الضيعه مادام إن خفيره خانها

نزهان لا للتنسيق صاحبك مايقرأ التنسيق;)

الدهور شكراً على المتابعه والتشجيع، بس ماحددتي صفك:)

[نزهان الأسلمي]

ابشر ابشر ابشر يالاصمعي



وياسلام على الدهور وكل الحضور




واسسسسسستلم لاهنت





كيف تبغى تخفي الشمس ونوره لك ينير = ما دريت ان الفلا تهتني عــربانها



شرعنا يوم الولي مرسلٍ ذاك البشير = مير شرع اعمامكم تسجد لعمدانها


==============================================================

[الاصمعي]

إييييييييه خلوها


العديد بداركم والطيور إبها كثير**مار ماش صقور تطْرِبك في جيانها
شاخت النوق يوم الجمل قالوا كسير**والسروج فوق ..... عقب حصانها

[مفراص]

لكم تحياتى

والى الامام يا شعار

وانا وربعي للحين ماسكين الصف ماتعبنا انا وابو غازي ومتفائل وذيب شراف والمجهول بعد حيي ربعي

بس الدهور مهى معنا ما حددت

شكرا لكم







مفراص

[ابو غازي]

تروووه صويدز مفراااااااص |13|

ماغير نبهدر عيوننا الله يجيركم |507|
مفراص ااااااااااااالشعار |501|
هم وينهم ماهي تقل دحه هالي انا اسمع لايكووون معرسن احد |17|

[بتول آل علي]

أنا مو بأي صف ،،، أنا مع الحق !!


>>>>> افترّت المووجه :) :) :)


صح لسااانكم ،، كملووو و بو غازي معاكم :)

[مفراص]

هاهاها حلوه ابو غازي والله انا دشيت جو احاسبها دحه او عرس صحيح

لا ومتحمسن بالحيل بس اسألك ابو غازي فى هديي فى مكافأي لنا صارلنا سبوع على هالوكفه نشجع

يعطونه شي هاهاهاها

يالله الحين تحدي يا حنا يا أهل الصفوف انا وابو غازي او الشعار نشوف من يتعب اول او يوقف

خوش دعابه ها هاها

لكم تحياتى






مفراص