فطورنا وغدانا وعشانا حنا ياهل حايل <---- حامي حامي

[عبدالعزيز]

بعيداً عن القص واللزق والهلس:) وفي ضل اتضاح هروب بقية الفرق المشاركة من أمام الحوايل أو تحينهم انزال مشاركتنا حنا يالشهبان على اساس يعرفون كوعهم من بوعهم بهالسوالف أو أقتباس فكرتنا على الأقل قررت انزل المشاركة من باب كسر الجمود وبداية الإنطلاق.
وآمل من خالتي مجموعة التماس العذر لي بسبب ضروف منفهتسةٍ عن الارادة شوين:)

.....................

طلعنا من حايل متجهين للشمال "عذفا" مروراً بتربة حايل مع موسم الربيع الماضي
حركنا مع فجة النور ووصلنا مكاننا العصر تقريباً وانتشرو العيال بين اللي يطقون الخيمة واللي يتفاهمون مع الذبيحة بأبشع انواع الاجرام:)

http://shmmr.net/upload/up/up/1230.jpg

^
^
ماجاب لي الظغط بهالسنين التالية الا هالفاطس اللي كل طلعةٍ نطلع به الاهو لاصدز لنا وبس يتجضّع:mad:

ليّل الليل وشبينا النار وزانت السوالف مع ان التعب واضح علينا لكن والله ياجلسة قدام النار بهكا الجو اللي ينفض الجلد انه تحيي الفاطس اللي معنا:)

http://shmmr.net/upload/up/up/1232.gif

وعقب السوالف جا مربط الجحش اللي هو العشا لكني ابقدم الفطور عليه اللي هو عقب قومتنا من باتسر

قمنا الصبح وطبعاً هي العادة .... حووووووووووسة والقش منتثر يمين ويسار

http://shmmr.net/upload/up/up/1226.jpg
^
^
تعيجزت اغطي وجه العامل اللي اروح بنا بفراشوه الوردي الله ياخذه:)

وعلى بال مارتبناه قمت ياانا وواحد من الاواليد نقطّع اللحم والبصل والطمام للحميسة

http://shmmr.net/upload/up/up/1224.jpg

ترو اللي يتتن بالصور كلهن ذيب شراف|513|

وهاذي الحميسة عقب ماظبطت

http://shmmr.net/upload/up/up/1222.jpg

^
^
^
ألا ياعقب فطورات بعضهن :)

بالصحة والعافية على تسبودنا

[عبدالعزيز]

جاء الغدا لابارك عقب ماتمشينا بحدى القرايا القريبات واقتحمنا حدى المدارس الإبتدائية

http://shmmr.net/upload/up/up/1233.jpg

:)
وصورة مع التحية لمعالي الوزير الرشيد اللي دبل كبودنا باجتماعاته .."في أمريكا واليابان"
انا مدري شلون يقوله وهاذي مدارسه؟:mad:

ظبطنا الغدا وللأسف ماحصلت له صور لكنه كان نفس غدانٍ لنا هكا الحين نشرته بالمضايف وهذا هو

http://shmmr.net/upload/up/up/1kabsah.jpg

أما الزلطة والله ياهي على كيف كيفكم بعد:)
صناعة وطنية 100% وحقوق الـ"ز"لطة محفوظة لي
ماهي بالقص واللزق يعني|6|

وعقب هالغدوة المظبوطة نتفنّجل ونتقهوى من الشاهي وانصح ذواقة الكبسات بشرب شاهي ابوجبل بعدهن

http://shmmr.net/upload/up/up/1234.jpg

وش بلاي تقل أتعطى!! :cool:

يتبع العشا

[عبدالعزيز]

يعني بالله زقرتٍ شهبانٍ لهبانٍ طلعو للبر ويبون يتعشون وش تبونهم يتعشون؟؟ بيتي فور بالبيشامل ولا مكرونة ؟؟
ابورصيص ولاغير ابورصيص وقالت خفيف وماخفيف مايمشي هالكلام عندنا
مافيه حيني صيني رز ولا غير الرز وجنوب الهرافي

http://shmmr.net/upload/up/up/1221.jpg

http://shmmr.net/upload/up/up/1223.jpg

^
^

كنا بالرجعة (على ردمية لينة- تربة) ومامن صورة للعشا لأن ساعة التقليط محد فاضي للكاميرا من هالجعارير:)

وحتى طبخات اخرى استودعكم الله
ابوفيصل - ذيب شراف - عبدالعزيز

[عبدالعزيز]

نسيت صورة الضحية

http://shmmr.net/upload/up/up/1206_0020.jpg
^
^
عشان المباريات بس:cool:

[ابو خليف]

فضحنا المسبوع انا ما اشرب تتن يالحبيب


لاتفضح بنا

كككككككك


الحمد لله والشكر والله ياهي قيله

الله يعطيك العافيه

وناسه

واقتحام ومطاردات على كيفكم اما اتقتحام مدرسه شي

كككككككككككككككككككككككك


اقول وين الربع مالهم عينه

ان الفوز لنا بدون منافس

[شنقل]

اما سالفة

اقتحام المدرسه

هذي حفلتن لحاله
حسبي الله عليكم ذكرتوني بسنينن مضت


ويحليلك ياردمية لينه
والله من الوناسه بكا لديار


تحياتي لك

شنقل

[مرزوق الشمري]

واللة مافية احسن من الرحلات للبر والخلا

تسلم اكرر شكري لك

[الاصمعي]

أي هذي الطبخات السنعه:)<<<عز الله ماقصر هنديكم طبخه مامثله:D:D:D

الا هالسلطه غالبن عليه اللون الابيض هو معكم أحد من الربع;)

العزي أنا قايلٍ لك من أول أنكم تلعبون بالساحه لوحدكم، وزين أنك مانزلت كل الصور خلهن لمسابقتن ثانيه:)

يالله سجلوني أول المصوتين لفريق الشهبان:)

تحياتي

[شموخ]

ماشاء الله فريق نشيط :):)

الظاهر ان الفوز لكم بس اقتحامكم للمدرسه شئ وانت جالسين على الكراسي منهو مدرسكم اللي رافعين له الاصابع عز الله بيرتفع ضغطه مافي غير ثنين اللي فاهمين الدرس والبقيه كسلانين موطين اصابعهم :):)

تحياتي لكم

شموخ

[عبدالعزيز]

هلا بالعضيد يالله حيوه:)
مابالحمض احد تسان الله آشاء وآراد|62|

شنقل
حياك يالطربة ولوهي على المدرسة تسان فرطت تلية الصور
اللي بالمختبر مع الهيكل العظمي واللي بالادارة:)
وفيه صورة واحد نفر عند باب المدرسة صورنا معوه لكني مراعاة لشعورك أنت والعود مابغيت اشهّر بوه:)
لكني اذل من خالتي مجموعة تشوتهن |513|
تسلم يالغالي على المرور

الاصمعي:)
لا علي بالحرام ان أبورفرف <---(أبورفرف لقب أطلقه على البنقال لانهم مايصدمون الواحد الامع الرفرف الله يقطع باذرهم:) ) مالمسه ولاقرب لوه
الا هو اللي دبل كبودنا يبي الطلعة وتليته غثنا يقول رجعونن
أما البصل فأبوعمامة عنايزيٍ خبل واشترط علينا البصل الهندي ابوخيشة أظبط للتشفيطة:)
وما هذولي كل الصور يالطربة ... جبت لكم صورأخف طلعة "محفوفة" ولا لو انا اهقى ان بالحمض احد تسان هالٍ التاليات;)
تسلم يالغالي وماالضاهر ان بالسالفة تصويت|6|

مرزوق الشمري
كل هالموضوع بركة يالطربة اللي شرفن بحضورك يالغالي
ووش عندنا غير هالخلا ;)

اختي شموخ
هذولي نقطةٍ من بحر الله يستر علينا:)
يعافيتس ربي على المرور اختي

[فاقد غالي]

عزوز متى هالطلعة اللي مادرينا به |512| والا اشوى اني مادريت الله من الشوق للمدارس بقلبي بعد .|13|


بس ليتك ماطلعت صورة الذبيحة فشلتنا أحد يعلق الذبيحة جنب الفراش :)

المهم يالطربة لا تهل التاليات همن تطلع صورة بعضهم :)


و صوتي بعد لكم يالشهبان و ان قاله الله مايفوز غيركم |501|


الا هو به غيركم !!!:D

[الافغاني]

والله انت نفر كويس شغل ميه ميه كبسه شغل مزبوط|62|
وزبيحه سمين انت يعرف يختار خروف زين ازا يبغا واحد نفر قوي|25| يسوي كلو شي سوا سوا سياره دينا وانت بس ينام

اخو افغاني

[سرحــان]

عبدالعزيز


الي حارث(ن) الارض منهو :)



والمسكين الي يلاعب رجليه بس يتجضع :)



او المدرسه صاريه مدينة اشباح لاورافع (ن) يدوه:)




هههههههههههههههههههههههههههههههههههههههه ههه



يا حلو الاخطاء ههههههههههههههههههههههههههههههههه



ياهي سنعه:) :) :)
:) :)


خلهم يموتون من الشفايه



اكيد عقب هاذي يالشهبان صكيتو عليهن


تقبل
تحياتي

سرحان

[ريم شمر]

http://alreem199.jeeran.com/1226.gif


http://alreem199.jeeran.com/1206_0020.gif


http://alreem199.jeeran.com/1223.gif




:):):):):):):):)





.

[راعي الوقيد]

http://alreem199.jeeran.com/1223.gif
:eek:|502|حراااااام ريمووووو

انعماااااااام وخيرااااااات:)

وبعدين إذااااا ماتشجعين هالفريق لا ترشحينه|10|

رشحي الفريييييييق الآخر|14|

الا من هو فريقة وينهوووووو :D

ههههههههههههه

تحياااااتي

[مجموعة إنسان]

معذور أخوي عبدالعزيز

ومشكور لمشاركتك

وأهل حايل ماينطحون ماشاء الله عليهم

فكما نرى فإن بقية الفِرق فضّلت الصمت

|86|

[ريم شمر]

راعي الوقيد

ترى هذا نوع من التشجيع لراعين حايل :)



تبي الصدق والله شئ متعوب عليه

ويستاهلون التشجيع فعلا


بس هذي كانت مجرد مشاكسه خفيفه لاخوي عبدالعزيز :)


لانه ماصّوت لي :mad:

[عبدالعزيز]

هلا والله بفاقد غالي

أصل الدونيا كانت بتمطّر ;)
وبعدين شوفك شجر!!<------ على وزن وادي شجر:)
ماهو جنب الفراش ولاهو حولة |513|

الا بك شدة تخاوينا؟|6|

..............

هلا ابوفغن:)
تعاااااااااال جابك الله مدام معك الدينا
بوه مضيفٍ ماهو بعيد ابي له نقض كاااامل ومشرفته معه وشلهم بديناك ولايردك الا مواقع بنقلادش اللي لايردهم|8|

تسلم والله يابعد روخي انتا|511|

..........

هلا سرحان:)
جعل هالمفحط مايفحط عليك قل آمين :)

استر علي الله يستر عليك تر مامن احدٍ يبرّس :)
وفنجالهن مشروبٍ مبطي لازلت عن صحين المرقوق :)

حياك يالطربة وابرك الساعات حضورك

دام هطولك:)

..............

ريم شمر:mad:

نعنبو العدو والله قوية الله ياخذ نص وجهتس:)
بلشت مدري وش اقول
لكن هين هين يافجّولة:mad:

.............

هلا براعي الوقيد
اتركك من ريم والوعد لاجيت انشالله نبي نتخاوى لمباسط بياعات الخلاقين والصرار بالكبرة الصفرا |111|

.............
هلا خالتي مجموعة
بركة هالموضوع حضورك خالتي وتعقيبك عليه (خاف ان التأخير حز بخاطرك)

والفرق الثانية الضاهر انهم مشغولين بإستثناء اهل الرياض اللي مايعرفون هالسوالف:)

يجيب الله ربيع واهم شي عرفتونا بالبر وانسدت نفوسكم شوي

حياتس خاله

[عبدالله المهيني]

ياويل اللي ماله والي يالربع

اهيء اهيء اهيء اهيء

هين يا راعي الوقيد

ريم شمر مار هذه هي وهديتنيا وبس

عزوز والله انك حول السالفه

مار هذه والله من قرادة اللي ماله والي

[ريم شمر]

عزوز تعيش وتاخذ غيرها :)



المهيني

انا اللي قدرت عليه سويته لخبطت لك سفرة على بابا والاربعين حرامي :)

اما سالفة الطبخ وبالبر بعد !!!!

هذي مااقدر عليها

انا سفرتي وهي بالبيت بهذلتني :(

[مجموعة إنسان]

خالتي خالتي خالتي خالتي خالتي

ومتى أصير عمتك ؟ |501|

اخوي عبدالعزيز تسلم والله

لكن

رز ، رز ، رز ورز << وجبات خاليه من القيم الغذائيه |507|

http://www.awtarrestaurant.com/zouk/images/fruits.jpg

الظاهر لو أهل الرياض يجيبون لنا مشاوي وحركات حلوه يمكن يآخذون الأصوات عنكم |501|

اخوي :

لا والله مابالخاطر شئ وأدري إني ثقّلت عليكم حاسه والله

إعذروني

وبالنسبة للردود

فالسبب هو إنه ظروف الأجازه والحركه الصيفيه اربكت تواجدي في المضايف

فأنا أمر على عجل .. وأخطف الردود خطفاً |507|




ريموووو :

يقطع شرّك اتخيلك وإنتي تشخبطين على الصور قاعدة تغنين

(ويلك ياللي تعادينا ياويلك ويــــل |501| )

على كذا أنا ماراح أصوت لا لك ولا للريم

تراني بعدي ماصوّت |502|


.

[شموخ]

ياويل اللي ماله والي يالربع

اهيء اهيء اهيء اهيء

هين يا راعي الوقيد

ريم شمر مار هذه هي وهديتنيا وبس

عزوز والله انك حول السالفه

مار هذه والله من قرادة اللي ماله والي


عبدالله خلّ رائعه فهد المساعد تنفعك ، الحين انبح صوتي انا وريم على تشجعكم نعبنبو ابليسكم فشلتونا .

قال ياويل اللي ماله والي :)

تحياتي
شموخ

[ابو غازي]

عزوز :)|116|
ماعليك من خالتك مجموعة انسااان |10|
ماتبيك تاكل رز رز رز ... |13|تبيك تاكل اندومي خخخخخخخخ |17|
اقول شغلك عدل |116|
إلا ليه ملطخن خششكم بهالجبص ههههههههه|17|
ياشين ماخليتنا نتشفى بصوووركم شوين |507|
:eek:

[عبدالله المهيني]

عبدالله خلّ رائعه فهد المساعد تنفعك ، الحين انبح صوتي انا وريم على تشجعكم نعبنبو ابليسكم فشلتونا .

قال ياويل اللي ماله والي :)

تحياتي
شموخ


زين والله ياشموخ

هذا بدال ماتغششين

بصور او بشيء لاي اكل

هذا اللي الله قدرك عليك

تفشليني قدامهم

ههههههههههههههههه


حرام عليك هذه حيلتي اجيب لكم قصايد فهد ومحمد الجار الله واللي غيرهم

والا ترى بعلم فهد عليك :)

قلب بلووووووس على اخر وقته

ترى والله ماأعلمك وش معنى الرحاله :d:d

عطيني صور او اي شيء لمأكولات وازهلي الباقي

لكن مثل مشجعين الهلال بالصحافة والمجالس ولا يحضرون المباريات وش الفائدة

تشاووووووووووو :):):)

[الفاضي]

طاااااااااااااااااااااااااااط


الله يفضحك يا عزوز وشو هالي عند الذبيحه لا يكون عشان البردغانه|513|:)


اخيه عليك بس


خلاص لا تماشينن ابد<<<<<<<<وش السالفه يا ولد


طاااااااااااااااو

[مجواد]

منت بهين يـ عزيّز تطبخ وتنفخ

شغال 24 ما افصلوا الخدمة عنك


الله يعافيك انت رجا ل نشمي راعي علومن سنعة وفلة

حمستن

[شام]

أما فطور ... وغداء ...وعشاء ..

ماشاء الله ..

ولا أروع من الرحلات إلى تلك الأماكن ...

هنيئاً مريئاً ... متأخرة قليلاً ...

ويعطيك العافية أخي عبد العزيز ..

وشكراً لمن أعاد فتح الموضوع من جديد ..