جمود الملعبه

[الأصيل]

تسمحون أبتدي ؟



يالقوافي جاوبيني واسمعي=حركي عنا جمود الملعبه

من نزل ضدي ؟؟ ووين اللي معي=والدروب اللي نبيها متعبه

[بتول آل علي]

إذا سمحت لنا أن نكمل :o





القصيد اللي نهرول له سعي = و الحروف ويا معانيها هِـبه

للأصيل اللي نجومه تلمعي = بعدما ساد السكون الكوكبه





أختك

الدهور

[متفاائل]

مرحب بكم اسمحوا لي بالمشاركه


كني اسمع صوت وانا بمضجعي = مادري اصدقه واللا اكذبه
صوت اصيل والدهور بمسمعي = مرحب باصوات اهل الموهبه

[الأصيل]

لاهنتو جميعاً



مرحبا باللي يحقق مطمعي=الدهور مزخرفه ومذهّبه

واللبيب اللي يجاوب يا دعي=مثل متفاءل وحنا نطلبه
_
_

[حمود الشمري]

هلابك اخوي الشاعر الاصيل ودهور ومتفال ونا رايح اكون الرابع مع متفال


مرحبابك يلاصيل الجامعي==ودهور احروف شعره مهذبه

المذاهب حنبلي اوشافعي==قالو ان البنت دوم امحجبه

[الاصمعي]

ياسلاااااااااااااااااااااااااااااااااااا ااااااااااااااااااااااااااااااااام

متابعين وفي الصف الي معاهم سمار:)

[الأصيل]

بالشمالي ياهلا والأصمعي=كل واحد عارفينن مذهبه

تسانها حزبين .. صارت بذرعي=حزبكم يانجم حنا نغلبه

[حمود الشمري]

الاصيل تسلم

عندنا مشكله في الترتيب الرباعيه

لها اشروط ا لحين ترد بعدك الدهور وثم متفال وثم انا

ولاصمعي حكم الملعبه

[بتول آل علي]

مجازفة رباعية زججتُ بنفسي فيها و لستُ أهلا لها حتى الآن :)

مرحبا بالجميع من مشارِك و متابع

(( الأصيل - متفائل - سهيل الشمالي و الأصمعي ))

معكم .... باسم الله !!!



رابعة فرسان والفاطِن يعي = ويا الأصيل الشّعر ماءٍ نشربه

نبذر القيفان ونرعيها رعي = حدّثبها سهيل ومتفائل يبه

[عبدالعزيز]

يعطيــــــــــــــــــكم العافية
^
^
متحمس مع الاصيل;)

[ابو غازي]

هو ليه بس الأصمعي وعزوز المتابعين :cool:
7
7
7
ســــــــــــــــــــــــجلونا :)

يالأصيل والدهووور ومتفاءل ترونا بااالصف الأول مزندخين خخخخخخخخ |507|


عااااااااشووووو الشعااااار

[بتول آل علي]

عبد العزيز و أبو غازي


حياااكم الله


و الموضوووع ... بيتكم :)

[رضا الزميلي]

أحجزلي أبو غازي بجنبك

الأصيل

متفاءل

سهيل الشمالي

الأصمعي

الدهور

صحت ألسنتكم جميعاً

بانتظار ماتجود به قريحتكم

لكم جزيل الشكر


المجهول

[بتول آل علي]

المجهول


حيااك الله و بيااك

و جعل الجنة مثواك :)


مشكور الغالي


الدهور

[متفاائل]

هلا وغلا
الاصمعي
سهيل الشمالي
عزوز
وابوغازي
والمجهول
حضوركم شرف للجميع


وزعوا الادوار اظنه امتعي = تعرفون الشعر واهل تجربه
مانبي فيها إدعاء ولامدعي = والدهور ارفض خروجه واشجبه


الدهور ابشري ينفع كذا
ولكن لازلت مصر على ان يكون لكي دور . يلعب الاصمعي بدلا مني لعدم تفرغي هذه الايام

[حمود الشمري]

يالقوافي ونحظارنك اهدي وركعي== انبغينى انلحن القاف وين المطربه

ثلاث شعار ومعاهم حسين المدمعي== اكلها حرام لاكن حلال ان مشربه

[بتول آل علي]

سوعال خاص لمتفاءل:

مممم مو كأنك غيرت الوزن اللي ماشين عليه و شطحت لبحر ثاني ؟ |513|

~**~**~

رابعة فرسان والفاطِن يعـي // ويا الأصيل الشّعر ماءٍ نشربه

- ب - - / - ب - - / - ب - // - ب - - / - ب - - / - ب -

~**~**~

وزعوا الادوار بإنصاف اظنـه امتعـي // تعرفون الشعر شعـار واهـل تجربـه

- ب - - / - ب - - / - ب - /- ب - // - ب - - / - ب - - / - ب - / - ب -

~**~**~


مجرد ملاحظة :)

الدهور

[رضا الزميلي]

استمروا

حنا معكم

قلباً وقالباً


المجهول

[متفاائل]

سوعال خاص لمتفاءل:

مممم مو كأنك غيرت الوزن اللي ماشين عليه و شطحت لبحر ثاني ؟ |513|

~**~**~

رابعة فرسان والفاطِن يعـي // ويا الأصيل الشّعر ماءٍ نشربه

- ب - - / - ب - - / - ب - // - ب - - / - ب - - / - ب -

~**~**~

وزعوا الادوار بإنصاف اظنـه امتعـي // تعرفون الشعر شعـار واهـل تجربـه

- ب - - / - ب - - / - ب - /- ب - // - ب - - / - ب - - / - ب - / - ب -

~**~**~


مجرد ملاحظة :)

الدهور

lJJJJJJJJJJ
مــــــــــــــــــــــــــــــــــــالك لواء ارجعي تأكدي:)


شكراً للملاحظه فعلا كان فيه زياده وصححناه

[الاصمعي]

^
^
^
وش يفككم من الدهور، والسالفه أوزان وبحور :)

الدهور خطيطاتك وسوالف الاستاذ خشان خليهن بالفصيح مو هنيا :d:d

متفاءل سجلها لي;)


واصلوا ونحن معكم متابعين ومشجعين :)



ولكن لازلت مصر على ان يكون لكي دور . يلعب الاصمعي بدلا مني لعدم تفرغي هذه الايام
^
^
متفاءل أنت يمكن صار عندك لبس بالسالفه يالغالي، الدهور يوم عدت أسمي معكم قصده الترحيب ولا هي بتواصل معكم لين أنه تنتهي لعبتكم، مار أنطح عن روحك وخل عنك المعاذير:)
يعني لازم تواصل حتى النهايه والاصمعي بيلعب معكم غير هالمره أما المره هذي فمستحيل لانه أيضاً مشغول:)

تحياتي ولا تزعلي يالدهور من الكلام الاول تراه مزح بمزح:)

[متفاائل]

يالدهور ارمي عنك البرقعي = والطريق اللي تبينه نضربه
للبحور اللي تبينه نصنعي = لاتذري بالعيون الاتربه

[الأصيل]

الوزن يافريق الشمالي الوزن ،،


يالدهور ليا (لغزناتس) ارمعي=منهو اللي زوّد النار حطبه

بالرماح ارمي وصيبي واصرعي=أدري أنتس فاهمه ومدرَّبه

[بتول آل علي]

متفاءل

و لايهمك ... بسوي نفسي ما شفت شي :)

بعدين ترا السالفة مثل ما قال الأصمعي ... أنا ما قلت بظهر ، أنا بس كنت أرحب فيكم :)

>>>> لا يكون بس تبا تفتك من خشتي اللي مال ابوها داعي ؟ :)


--- --- --- --- ---

الأصمعي

هذي مشكلتي ، ما أقدر أتخلى عن خشان و شلتوه :) في أي قصيدة

>>> أحس لما أقرا أي قصيدة ... أقراها باء و شرطه ( ب - - - ) قبل ما أقرا اش مكتوب :)

:) :) :)

--- --- --- --- ---

المجهول

ألف شكر

--- --- --- --- ---

الأصيل

معااااك معاااك :)




البراقع أصل فصلي و مَشرعي = منهو ضدها ما بيوصل مأربه
العتب بين الأحبه نرفعي = و العليل من الكسور نطبّبه



الدهور

[حمود الشمري]

صح عندي خطا في الوزن كنت ابي اقول يالقوافي لاحظرناك اركعي= انغني القيفان وين المطربه

لاكن حصل خير وبارك الله بمران هدالي اعيوبي

[حمود الشمري]

زقرتي ياحروف شعري وفراعي== دايم الحياه تزين شاربه

يالجزيره اطبعي ثم وزعي== بكرتن وضحى بلاه ابقاربه

[ابو خليف]

صح لسانكم كلكم واصلوا وحنا معكم

[بتول آل علي]

يا جماااعه


الحين الدور كيف ماشي ؟؟؟

|513|


-- --- -- --- --

ذيب شراف


مشكوور الغالي و الله لا يحرمنا حضوركم :)



تحياتي

الدهور

[متفاائل]

لا وربي مقصدي ماتطلعي =بالعكس انا وجودك ارغبه
البراقع مأذمه اهجعي = ولا يهمن برقع اومتحجبه

شفت مشاركتك على الطاير الدور فعلا يجب ان نعرف الادوار


ذيب شراف حياك الله تسلم

[بتول آل علي]

الأدوار حسب الترتيب السابق لشاعرنا سهيل الشمالي:


الأصيل

الدهور

متفاءل

سهيل الشمالي



للمعلومية !!!

[الأصيل]

راح ننتظر الشمالي كم دقيقه ،،

وإذا غاب فالغايب عذره معه ،، شرايكم ؟؟؟

[بتول آل علي]

الأصيل


الظاهر ... الشمالي راح ينام

وراه دوام باجر :) :)


للجميع |116|

[فيصل اللويش]

الله يعطيكم العافيه

وربي رائعين

واجبرتوني بقراءة جميع ماكتب من ابيات وتعليقات


الاصيل وسهيل الشمالي ومتفاءل والدهور

كملوا وسجلوني من متابعينكم

وهالبيتين مجرد متابعه وتحميس لكم فقط وليست مشاركه






ماسك زناد المسدس بأصبعي ... بس أدور وين أبطلــــــق مضربه

جيت كلي بدون حيل ولاوعي ... جيت اشجع كل شخص بملعبه





اخوكم... فيصل اللويش... سجلوني من المتابعين

[متفاائل]

زارتنا البركه يابوطلال اهلا وسهلا

الاصيل / مرحب ياريس وش صار وش قررتوا

[بتول آل علي]

حيااا الله من جانا


إحنا نطلع و انت تقعد يا بو طلال


مشكووور الغالي على التشجيع و التحفيز




بانتظار البقية

الدهور

[الأصيل]

أبرك الساعات جانا الألمعي=شاعرن بالشعر كلن يرهبه

الفشق وبو طلال مروعي=اذكر الله .. مخزنك لاتسحبه


حياك الله يافيصل اللويش وشرفتنا بحضورك ،،

والراي للإخوان المشاركين والمتابعين ،،

[فيصل اللويش]

تسلمون يالغالين

وتسلم يالاصيل وماقصرت


وانا متابع فقط يالغالي





اخوكم ... فيصل اللويش

[بتول آل علي]

حيّا الله من دعانا ومن دُعي = ومن لفانا حنّ نعطيه مَطلبه

ألف مرة ( يا هلا به ) نطبعي = وان يجفّ الحبر ... دمّي يكتبه

[متفاائل]

ابو طلال :eek:
ماسك زناد المسدس بأصبعي ... بس أدور وين أبطلــــــق مضربه|112||48|


فيه إرهابيّ دخل بالمهجعي = من يساعدنا نحاول نقضبه
لا احد يقرب منه مدرعي = من بعيد ودنا نتعقبه

|51|:)

[الأصيل]

تحولت الموجه على اللويش ،،

معكم ...


محكمه ... والبينه للمدعي=والسلاح الحين لازم نسلبه

حاصرو طرقه.. رئيس وأفرعي=مجرم وراسم خريطة مهربه ،،

حاصروه ياشباب لايطلع ،، وخلوه معنا

[فيصل اللويش]

كل شجاع ٍ فيه فوقه اشجعي .... والعدو ليا طرحته اصلبه

ابعدوا لاجعت لا مااشبعي .... لين اخلى الشرق يلحق مغربه

سبع لامنه نظر لك يسبعي .... ياكلك من ثم يفرك بشنبه




يالربع اتركوني انا مجرد متابع



بس وربي رائعين



اخوكم... فيصل اللويش

[بتول آل علي]

مادام الكل اتفق عليك يا بو طلال ... فنحن مع الجماااعة :)



لا فرارٍ دام صرت بموضعي = السّبِعْ اتْداورَت به الثعلبه

ما نهدّ السّبْع لو نتجرعي = مِ المنون ولو عنقنا يقضبه


القضب هنا بمعنى (( القطع )) و هي غيرها عند متفاءل :rolleyes:

[الأصيل]

ياسباع البر اهدي ورتعي=كل سبعن يفتخر في مخلبه

تزأر وتزأر وحنا نسمعي=صيدتك من بين فكك ننهبه

[الاصمعي]

السّبِعْ اتْداورَت به الثعلبه


^
^
ياويلك يابو طلال إنطح عن روحك;)

[متفاائل]

ان بغيت المنع حنا نمنعي = طيع شوري خل عنك الهزربه
كان ودك فرصتٍ تستفزعي = فيصل المتعب قريب لك جبه
:)

[فيصل اللويش]

اطرحي يالشـــــاعره ثم اجمعي ... ناتج المعنى وصـــفي بذهبه

كنتوا خمسه والا عشره واربعي ... مايهم الســـــبع زول العقربه

ان نويت الضرب فيكم اوجـــــعي ... لاضربت اوجع ولاابحث بسببه

الاصيل ان قال يطرب مســمعي ... والدهــــور عيون فيصل وهدبه

دام متفاءل عــــــــــــزيز ٍ نمنعي ... كل قاف ٍ يالنشـــــــاما عذربه

غالي ٍ بالحيل ســــاكن أضلعي ... والعـــــــــزيز شلون بالله اقربه




اكفوني شركم وخلوني متابع ان كان لي خاطر عندكم

بالعربي جنبوني يالربع ترى كلكم غالين



اخوكم ... فيصل اللويش

[بتول آل علي]

بحتك يا بو طلااال ... كل شي و لا خواطر الغالين |89|



ما يهمّ شلون راسي أرفعي = لجل رفعَه أدفع العمر أوهبه

اللّعب يا بو طلالٍ مش نعي = للمودة .. ولْ رِحل ما نغصبه

[متفاائل]

قرد عينك كان يمديك اسرعي = تعين الارهاب وشو بطلبه
ليه يالدهور يومك تخضعي = خوف هذا او تعاون نحسبه




إرهابيٍ-ن يضرب وثم يرجعي = يبتدي في جلد ثم يقلبه
في بداية هرجته لك يلسعي= ثم جاء يواسي وسلاحه غيبه
:)

[فيصل اللويش]

الغالي

متفاءل

انا جيت متابع فقط

والدليل

بيت ماسك زناد المسدس ( اقصد به اللي يخرب عليكم ) والدليل اني جيت ( دون وعي واشجع كل واحد منكم في ملعبه ) لكن انتم بلشتوني والدهور مو خوف كلامها انما دليلا على تفهمها اني مجرد متابع فقط

وسوف ابقى متابعا فقط



تحياتي ... فيصل اللويش

[متفاائل]

الغالي

متفاءل

انا جيت متابع فقط

والدليل

بيت ماسك زناد المسدس ( اقصد به اللي يخرب عليكم ) والدليل اني جيت ( دون وعي واشجع كل واحد منكم في ملعبه ) لكن انتم بلشتوني والدهور مو خوف كلامها انما دليلا على تفهمها اني مجرد متابع فقط

وسوف ابقى متابعا فقط



تحياتي ... فيصل اللويش
============>
========>
هلا بابوطلال

الاوله:eek:
بصراحة حنا مافرحنا على الله تطل علينا و نشوفك قلنا فرصة تشاركنا حتى ان الربع كانت ردودهم عليك مميزة إحتفاء بمقدمك

الثانية واللي تتبعه .:)

انت مادخلت مثل غيرك متابع انت رجال زي ماقلت دخلت منسجم ومعجب بالموضوع وعقبت على الموضوع بابيات شعر فقلنا من اجل عين تكرم مدينه خلنا نأخذ ونعطي مع ابوطلال وغيرنا مسار الموضوع كله ليكون موضوع اخر بداء بمشاركتك ؟
ولا نخفي عليك حنا ياربعك عطشانين على اللعب لكن الله لايبلاء ولا يسلط انت تقل متعمد تقف حاجز بين اكتمال فرحتنا بك وباللعب يالله عسى ماتكره النفس خيره . :)|13|

[الأصيل]

الطواف يكملونه بالسعي=والحجر تبدا معاه ولب به

والختام نطوفها ونودعي=اعذرو فيصل إذا هو مطلبه


الحقيقة الشكر للجميع ولشاعرنا فيصل اللويش على تشريفنا بالحضور

وكنا نتمنى مشاركته كي نسفيد ،،

والظاهر إنا شدينا عليه .. لكن حباً فيه ،،

[بتول آل علي]

مو خوف يا متفائل ، لكنه " وقوف عند رغبة "

.
.


ما أخاف الموت والله اندعي = إنْ بِ(ه) خيرٍ يا عسى الله يقرّبه

كان خوفٍ إقطعلّي أذرعي = أو تعاون .. حيّ عونٍ نِرقبه

.
.

الأصيل ... على وين ؟

:)

[متفاائل]

الدهور
كنك اخذتي الموضوع جد . :)


بيننا كل المسأل تنزعي =اتفاق-ن بيننا ما نجنبه
والغدير اللي بوسط المنقعي= مايتحرك دامنا ما نسربه

[بتول آل علي]

لا أبد ... ما أخذت الموضوع جد و الله الموضوع مكانه في مضيف المحاوره :)

>>> إذا أحد أخذه تروه مو أنا :):)



مانِ من يزعل و بالي يوسعي = كلّ من ياطا تراب الملعبه

بين جدّ و بين هزرٍ موقعي = هو مزاجي و ان بغيته أقلبه


:) :) :) :) :)

[متفاائل]

الف شكر للجميع
اللاعبين ومن في الصفوف على التعاون الطيب في سبيل انجاح هذا الموضوع

تحياتي لكم

[بتول آل علي]

و لم يبقى سواي !!!

لأقــــول ....




شكـــــــرا للجميع

القاصي و الداني


لكل من شارك هنـا


الأصيل

متفاءل

سهيل الشمالي

فيصل اللويش

الأصمعي

عبد العزيز

أبو غازي

المجهول


و لكل من تابع ... تحية كنقاء قلوبكم !!!


الدهور

[الأصيل]

ابتدأت ،، وأختم ،،

الإخوة والأخوات ،، لمن اشترك في اللعب ..

شهادتي فيكم مجروحة ،، لعبكم رائع ،،

وإن شاء الله نجتمع في ملحمة أخرى ،،

ولكل من خط بنانه هنا التحية والتقدير ،،

[مفراص]

شلونك ابو غازي انشالله طيب ترا ترندحت معاك بأول الصف معانا الاصمعى انت وسهيل الشمالى وعزوز والمجهول يالله الصفوفو يا شباب


شكرا على هذه المحاوره الطيبه


ولكن نبي بعض الترتيب ولكم الشكر

اخوكم
مفراص