بلشنا بالعرس قبل نعرس

[الشبث]

بالبدايه احب من الاخوه الكرام ابداء رايهم بالموضوع

حنا يالعزاب بلشنا ماندري حنا نعرس ولا لا

بعض المتزوجين يقولون لا تتزوجون

الزواج كله هم وغم ومصاريف على الفاضي

وبعضهم يبي يخرعك ومايدري وشلون ويقل حفايظ الوغد (الله يعزكم )بس تقطع ظهرك

وبعضهم يقول ليش تجيبلك وحدتن تحوسك انت واميمتك(يعني هامينوه انا وامي)

وبعضهم لا دبلماسي وذهين يقول ياخي وشتبي بالارتباط خلك كذا عزوبي حر طليييق

ويمد يدينوه فوق تعبيرا للحريه

وبعضهم الله يكفينا شروه اخذ دوره بالتخريع

ويجيبه كاش ويقول ياخي بس المهر يلعن ثواك(كنايه عن ربعوه كلهم)

اما القسم الثاني من المتزوجين

يقولون ياحليل العرس لو ندري انوه كذا مبطي معرسين

ياخي تحس باستقرار وتحس بحلات الدنيا

اقل شي اذا رجعت للبيت تلقى احد يهتم فيك

وانا ضعت بين ميد للسلام(قصدي العرس)وبين معارض

ويوم حللت الموضوع لقيت استنتاج وهو

ان اللي معارضين للعرس مغصوبين عليه

اما اللي ميدين فكرة العرس فهم كلن اخذ اللي هو يبي





وانا هالحين ابي شوركم

ومثل مايقولون ماخاب من استشار














وتقلدوا تحيات اخوكم الشبث

[مفتاح14]

^
^
^

خل عنك بس..
أنا من شفت الوقت اللي منزلن بوه موضوعك(الفجر) وأنا داري انك عاشق يالماخوذ:)

والله انا يامحاتسيك مثلك ماجرّبت الحياة الزوجيه..

يعني انا بلشان مثلك:) بس وش رايك تجرّب انت وتعلّمن؟ :)



ننتظر المتزوجين يسعفوننا برايهم..


تسلم على الموضوع الحلو ياشبثبث:)

تحيااااتي

[الشبث]

الله يعافيك يامفتاح اربعطعش

وبالنسبه للوقت اللي كاتبوه الموضوع هذا يدل اني مؤدب

انام بدري واقوم بدري (ايه هين)

الا عاشق شبثتن مثل وجهي








وتقلد تحياتي ياعزوبي


اخوك الشبث

[بتول آل علي]

طيب أنا عندي لك راي ثالث يالشبث :)


خير الأمووور أوسطها


رأي يخليك متزوووج و وحده تهتم فيك و مع ذلك حر طليييق و محد ينغص عليك !!!











































تشوقت ؟؟؟ :)





































































وش رايك تِملك بس من غير عرس ؟؟؟؟ :)


>>>>> أمحق ذرابه :)







أنا

[ابو خليف]

ههههههههه
هههههه
ههههه


اقول والله انك صادق انهم يلعبون بنا تلعيب

واحد يقول زين واحد يقول شين

بس اسمع وانا اخوك

وش رايك بزواج مسيار المره عند اهله وانت حر تمذرح على مزاجك
وذا بغيتها تجيها

ككككككككك
كمشينا عطن يدك يقولون بالقصيم بشتك وخمس والاف
وتعرس

عطين يمناك ومشينا شيبن وحنا نسمع اعرس تره زين لاتعرس تره شين

[عبدالعزيز]

شف يالعزوة
لايحوشونك هالمعاريس ابد ابد

الله من ابوواحدٍ لاجت الساعة 11 دق جواله وقام يتنافض ودق سلف موتره ساري وان تأخر تحراه من ورا الباب ولادخل تعطيه بالزنوبة على علباوه وانتم بكرامة:)
والشينة لاصار عند بعضهم عيال بعد
علي بالحرام ان مايخض للبزر الرضاعة ويلهيه عن امه لاصارت عند التسريحة الاهم :)
وياويييييييييييييييييييييلك لو تقول لك اليوم ماني مشتهية اطبخ قم جب لنا من المطعم وتقولا لا .. خطيرٍ تلزخك ام البنت عل هاذي:)
ولا سالفة ودن لبيت امي نبي ناخذ خواتي ونروح للسوق هاذي صارت عادية هالحين

يارجال هذا والله حال وااااااااااااااااااجد من اللي اعرفهم وامون عليهم من اخوياي
وآخرهم هاللي اعرس العام وطلع براسوه هالسنة ثعلبة:)

وماشاءالله عليهم أول قبل العرس لاطلعنا للبر ولا لا سافرنا جميع مانحطهم الا مع فرقة ج وفرقة جيم هاذي لغسالين الصحون مثل مااهل المعنا يتبعون ب والطبابيخ أ :)
وعقب عرسهم ماشاء الله صارو من امر الطبابيخ وغسالين الملابس بس عيبهم انهم مايعرفون الطبخ الا على الفرن :)

ريح راسك يارجال تسانك ماوصلت التسع وعشرين

[الغثه]

يالشبث .. اللبيب بالاشاره يفهمو


بعض الناس تميلح


الموضوع للغير متزوجين بس ولا للمطلقين بعد



<<<<<<< مطلق ... او مخلوع










المهم يالشبث انت ابد بس غط على اي وحده من المضايف وانا اخطبه


كل البنات يغلنن ويحسبني بحسبة اخوهن



انت ابد بس مسجلي عالخاص وابشر













:D

[شنقل]

الشبث

انا ابنصحك نصحية اخو

ولا بي منك شي

تسانك مصمل على العرس


اعرس

بشرط واحد بس

وهو

انه مقطوعه من شجره

والله ان تستريح راحتن ماعقبه راحه

اول شي
تسلم من قولة ودن لاهلي ابسير عليهم

ثاني شي
تتعلق بك تقل شبث ماله احد بهالدنيا الاانت


ثالث شي
مهو كل يومن ملوذن عليك ابوه والا واحدن من اخوانه
اللي ليه مراجعه واللي موعد مستشفى
واللي يتعزبك للامر الاخير ماغير متمغطن بالمجلس ويقللب هالقنوات

طبعا لاجوك
ذبيحتك تكون جاهزه

رابع شي




بس خلاص
تحياتي لك

شنقل اخوشمقل ابو غبوط ازرق

[الشبث]

الف شكر يالدهور انت وذيب المضايف(ذيب شراف)واخونا عبدالعزيز ولاهان

شمعة المضايف الغثه والورده شنقل

اخوي الدهور والله اني بغيت اطق من كثر الشفايه بردك (ارحمنا ياخي)

وبعدين املك بس وش الفايده هي هي

ههههههههههه

(ذيبان)اقول مشينا مايبيله نشدة شيخ

بس انت وبتلنا خوات علشان نصير عدلا

عبدالعزيز(ابو العز) انت والله اظهرت خفايا واجد

ولو ادري ان عندك كل هالمعلومات تسان خليتك تكتب الموضوع

وتستدل ببعض القصص (اطعم)

الغثه(ياغثة قلبي انت) هلا والله بابو نسب

الخوف اني اطرد انا واياك

ابو الشناقل ياهلا والله وين اللي تنشبي تقل شبث دلن عليه

لا ومقطوعه من شجره بعد هلا والله بساع انجز علي







وتقلدوا تحيات اخوكم الشبث

[الاعلامي]

الشبث كان بوه عشقه لك

لايابعد حيي اعرس

اما كانك ماعندك هوى لا والله تأخر

الزواج زي مايقولون مصاريف وغثا



ومشكور حبيب قلبي على الموضوع

ويعطيك الف عافيه

وماننحرم منكم يارب




الاعلامي


.

[الشبث]

حبيبي الاعلامي

شوقتني والله


ومشكور على مرورك اللي يشرفني


الله يجوزك








وتقلد تحيات الشبث

[لسّاع]

الزواج يمكن يكون نعمه او نقمه،،،،،
مثلك نسمع ناس يمدحونه وناس يسبونه وماندري!!!!!
انت وحظك يالواحد والتوفيق له دور البلا لاطحت بوحدة نشبه تنغص عليك حياتك:( عسى الله يرزقنا بخفيفة الدم المثاليه،،،،،افكر بالموضوع كثير وصرت اخاف:) ربك يستر يالشبث،،،،،،،

[محارش]

المشكله مهي بالطلبات ولا بالمهر ولا بالارتباط

هذا كله هيّن :)

البلشه والله منين نلقى لنا شبثة(ن) تناسبك يا احلى شبث بالوجود ( اما شبث وحلو ؟؟ منك لله ياشيخ :) )
وانا بالنسبة لي ابتبرع لك بالاجازة كله ادوّر وحدة تناسبك بهكالشطابه وان مالقيت ابجيب لك شقرا ( ما تقرا ) يحبه قلبك خخخخخخخخ والله يقدرنا على فعل الخير ههههههههه



تحياتي المحارشيه الخالصه ( هو صحيح انه خالصه بس بوه تحيات توهم مرسلينه بالدي اتشل ال ويمكن تاصل الليله اغديك تمكنهن خخخخخخ )

[ابو غازي]

شبيثااااان |507|طويل الأذان |501|

شف وأنا اخوووك كل هالي فوووق ماعندهم ماعند جدتي الله يرحمه

وكل كلمة(ن) قالوها تره نصب بنصب يبووون يغرووونك من ااالنعمه
هذا عزوز ابا القيلات نوبن يامنوووه مالقى احد من الصمول الي مثلووه يطلع حدر لوه اثله
ويقول انا طالعن قيله خخخخخخخخخخ|17|
7
7
7
هذا اباالحصاااني ذيب شراف |3|
تروه متزوج ومعووه ثلاث جارااات هذي على صابر هذي
7
7
7
اما الشيخ محارش :)
فهو صويدز ودايم يشير شورن زين ولا تنسى الي قال

7
7
7
اما شوري انا يامحاتسيك |10|
|13|كل إذن من اذانك حط بها علتس ابو طباعة وتوكل على الله وأعرس ولا عليك من قووولهم كلهم

[الشبث]

الف شكر للاخوان (لساع ومحارش و ابو غازي )

اخوي لساع

صدقت الله يستر ويجيبلنا وحدتن حليله

واشكرك على مرورك

ولا تقاطع

خاصه بالطلعات الحلوه (يا قمر )


حبيبنا محارش

تكفى ياخوك دور لو تلقا شبثتن به نص عمر

ولي الفخر انك تشاركني بموضوعي

بس لا تطول بالتدوير خلك حرتس



كبيرنا ابو غازي

اسمحلي ابطلق عليك لقب ( الزعيم )

لانك زعيم هالمضايف

ووالله ياخوك لعبوبي الزقرت

مادري من اطيع

بس تدري ابحط بذني علك واطيعك

والله يستر

وشاكر لك مشاركتك يازعيم












وتقلدوا تحيات اخوكم الشبث

[شموخ]

ياحرام هو للحين مااعرس خابرته له يومين يدور له عروس :):)

اقول وانا اختك لقيت لك وحده مثل المواصفات اللي حطها لك الشيخ محارش شبثة "ن" تلزق فيك ماتزعل عليك ،

بس اللي اوله شرط اخره نور تراها لاتسمع ولاتكلم يعني بتهاوش ماراح تسمعك وفي نفس الوقت ماراح تراددك بالكلام فش غلك لازعلت :):)

الحق على روحك زال الصيفيه فيه :):)


تحياتي
شموخ

[اخو سعدى]

الشبث

اسمع كلام شموخ
ههههههههه
مواصفات رائعه
الله يهنئك

[ابو غازي]

شـــــــــــــبيثاااان |507|

انت لاهلحين ماعرســـــــــــــــت يل بايه اخلص علينا نتحرى العزيمه |13|

ماكثر الله الا هالصفر الي يتنغمشن تنغمش بهالشطابه خخخخخخخخخخخ |17|
|507|:eek:

[الشبث]

بس اللي اوله شرط اخره نور تراها لاتسمع ولاتكلم يعني بتهاوش ماراح تسمعك وفي نفس الوقت ماراح تراددك بالكلام فش غلك لازعلت

شكرا لتجشمكم موضوعنا ومحاولاتكم المساعده في ايجاد حل
لمعاناتي

عليه فأنني
اقدر تعاونكم بس لوتلقين لي وحدتن ماتحس ( يمكن اتورشحه بحدا يديني)



الشبث

اسمع كلام شموخ
ههههههههه
مواصفات رائعه
الله يهنئك


اخو سعدى الحين ماتقولي وش يضحكك
احمد ربك على العافيه
وعطن رايك مهو راي الناس
وانا اخوك


انت لاهلحين ماعرســـــــــــــــت يل بايه اخلص علينا نتحرى العزيمه

ابوغازي
انت ماهمك مصلحتي
همك بس تندف من هالذبايح

وتقلدو تحيات

الشبث

[كبريت]

أ ذا تبي الشقاء والغثاء اعرس خخخخخخخ واذا تبي الراحه خلك عزوبي اصرف لك خخخخخخخخخ

[اخو سعدى]

الشبث

تبي الصج من واحد ......
لا ..... ولكن يجب ان تـــــ .......

أكمل الفراغ ........

تحـــــــــــــــــــــياتي شبوووووووث

[الشبث]

الله يبارك فيك يا كبريت

تصدق ان العزوبي دربوه خضر

والمعرس الله يعينوه

ويعجبني الشجاع اللي مثلك

مافيه

طقه كااااش






وتقلد تحيات الشبث

[متفاائل]

الشبث

ودي ادلي بدلوي ولكن عروس هذه الايام مثل اسعار الاسهم عندنا كل يوم له سعر وكل يوم لهم مذهب وقس على هذا العرايس فإن قلت لك اعرس قد اكون انا اشتريت اسهم بغالي ونزلت وتشاءمت منها والعكس انا اقول اللي اظنه مايغشك ويعطيك المظبوط كان منت عجل من حروة الشهر وجاي تروه رفيدزك . انشده عقب شهر او تدري خله عقب شهرين من تاريخ اليوم على شأن يعطيك رايووووووووووووووووووووووووووووه

[الشبث]

حياك الله اخوي متفاءل

مثل ماقلت الزواج مثل الاسهم هاليام

بس اللهم ان الاسهم احيان تنزل

لكن العرس مافيه امل (انس) دايم سعروه طالع يعني الربح مضمون

بس مهو لك ( يالمعرس ) طبعا للعجوز ياعله بالموذي

اخوي متفاءل الف شكر على مرورك









وتقلد تحيات الشبث

[الشبث]

اخو سعدى

شكلك فاضي

تبيلك شي تلهابوه

خذ مجله حقت الكلمات المتقاطعه

ولاتقعد كل رد تحطلي اختبار

انا حمدت ربي يوم خلصت الدكتوراه بتقدير ممتاز جدا

وانت تبي ترجعن للمذاكر

(اخو سعدى خذ وخل )













وتقلد تحيات الشبث