aljaffaly
16-06-2004, 23:20
الطنايا
بدت في ذكر من فيه استعينا=اله الكون في ذكره بدينا
عظيم الشان رب الخلق الاوحد=تعالى الله خير الخالقينا
اله حرم الظلم وتوعد=توعد بالعذاب الظالمينا
ومن بعد ذكره بدينا بالمثايل=تركت النقص واخترت الحسينا
وارد الرد لابن نعيم هايف=واحذر من يذم الغافلينا
احذر مثل هايف كل هافي=يتجنب لا بشره يبتلينا
يتجنب كان هو يبغى حياته=وياويله كان هو طاح بيدينا
يعيف الاوله هي والتوالي=ويعرف افعالنا يامن بلينا
ويعرف ان الفعول فعول شمر=وشمر بالفعول المثبتينا
انا ما اذم حمران النواظر=ولا انا من يسب الغافلينا
اخاف الله انا وادرا عذابه=وعسى ربي من الظلم يحمينا
ولكن بلاني هايف اللي=ذكرلي غلبنا غلب علينا
بدى في ذمنا والبادي اظلم=فتل حبله وبالنقض ابتدينا
تمادى بالغرور وبالمذمه=ظلم نفسه وجعل حظه دفينا
غزانا الهيس بلسانه واخذنا=وذبحنا بالكلام ولا درينا
ردي النفس مدري ويش اصابه=ولاادري وش بلا الخايب علينا
ولادري وين ربعه عن كلامه=علامه ما لقا له ناصحينا
قليل العرف مثل الورع ينصح=ولكن مانصحوه العارفينا
ولادري وش بلا الجاهل تجاهل=فعايل من لهم فعل يقينا
جهل فعل القبايل غير شمر=ويقول ان مطير نجم معتلينا
ولكن ما حدن حسب حسابه=ولا لحساب من مثله خذينا
احده وان بنا بيت نهده=واذا عاند على خشمه وطينا
اهينه لين ينسى بامس وينه=ولايعرف اليسار من اليمينا
وينسى كيف ينضمن القوافي=ويتبدل زجره الماضي ونينا
ا يالذيخ وش خلاك تكذب=وتحط نفسك بمقام الكاذبينا
تقول ب(كير) ذبحت الطنايا=متى ذا صار ياابليس اللعينا
على كيفك تذبحنا بزيفك=بزيف وكذب واوهام تغزينا
ترى في كير ما ذبحت شمر=خذيتوا مثل ما حنا خذينا
ولكن اذكرك بام الجماجم=بها زدنا عليكم واعتلينا
هزمناكم بها اكبر هزيمه=وترى ما سلموا الا الهاربينا
بها صلنا وجلنا لين نلنا=ورجعتوا خاسرين ونادمينا
تندمتوا على حرب الطنايا=ورجعنا للغنايم كاسبينا
طنايا نروي الظامي من الدم=على راس المعادي له حنينا
واذا يالهيس تجهل فعل شمر=سل التاريخ يعطيك اليقينا
واذا انك ناسيله ما تذكر=ترى التاريخ يذكر ما نسينا
واسأل الاجواد عن تاريخ شمر=كبار السن واللي فاهمينا
يعدون الصحيح ويقنعونك=واللي يخفاك منهم لك يبينا
هل الذمه هم التاريخ سلهم=ولو هم من عربك الاقربينا
تركد وانشد العقيل عنا=قبل تنظم وبالقيل تهجينا
تقول مطير صاروا عون شمر=على الويلان معنا قايمينا
متى شمر طلبوا عون منكم=كذبت ولا لكم فضل علينا
ولكن قل مع ابن سعود قمتوا=ومع مبارك وقفتوا والتقينا
وعليكم بالصريف الرعب خيم=ورجعتوا مع مبارك خاسرينا
اعنتوهم علينا وانهزمتوا=عوين خيب ظن المستعينا
فلا نلتوا مديح ولا سلمتوا=مثل من عايد يم القريتينا
وتقول الضيغمي شلتوا جواده=وخذت في ملك فتنان سنتينا
اقول انت تهبا كاذب وكاذب=فلا شالوا عموم مطير شينا
كذوب وبالخطا عمد تعمد=لعنك الله لعنه كل حينا
تقول انه قليل اللي غلبكم=وتقول بكل وقعه فايزينا
ونسيت الغزوة اللي كد غزاها=حدا اللي بالحجاز مسيطرينا
ابن عون الشريف اسمه محمد=غزاكم وين فعلك ما يبينا
ذكركم عن ملاقاه انتحيتوا=ولا تخفى عليك ولا علينا
وشواهدها قصيدة من غزاكم=ونفس النص موجود لدينا
وغزانا والتقينا به بموقق=وحنا اللي ثبتنا ما انتحينا
تقابلنا وصار الصبح ظلما=يشيب من الفزع راس الجنينا
صمدوا فريسنا تسعين ليله=سناعيس لضده ما تلينا
وجت زوبع وطير العز غنا=اناشيد النصر للصامدينا
بذاك اليوم سمينا الطنايا=طنايا ما نهاب ليا طنينا
طنايا ما رضينا بالمهونه=ولانرضا المهونه ما حيينا
طنايا الذل ما ننزل جواره=وعلى انفسنا المذله ما رضينا
طنايا وان نطحنا كل غازي=يتراعد خوف من يقبل علينا
طنايا من حربنا له ضربنا=نصب الويل فوق اللي يجينا
طنايا نارد حياضالمنايا=اسود بالحروب مجربينا
طنايا عندنا تحل القضايا=حرار بالعلالي معتلينا
طنايا نكرم العاني ونعطي=وعطايانا الجلايل ليا عطينا
طنايا وان نصانا كل ظايم=يشوف العز من ساعة يجينا
فكم من واحد ضاق وزبنا=زبنا مستظيم وله حمينا
حمينا من لجا يطلب حمانا=تصيب رماحنا من به رمينا
طنايا فعلنا فعل يترخ=ويبقى ما على البيدا بقينا
تدارسه الاجيال غير حنا=عظيم لو جحده الجاحدينا
طنايا هم سلاطين الجزيره=وهم الحكام في ماضي السنينا
طنايا من الزمان قرن حكموها=اضف عشرين معهن حاكمينا
تسيدنا وسدنا بالقبايل=قبايل نجد كله له ودينا
وتسلطنا بحد السيف الابتر=ازحنا من تولاه وولينا
وليناها حكمناها بقوه=ماهي هدو اخذناه ليدينا
على يدنا هدمنا حكم دوله=وعلى يدنا لدولتنا بنينا
كتبنا اسم الطنايا فوق عرشه=واسم من كان يحكمها محينا
وفتحنا في سجل الحكم صفحه=وصفحة من حكم فيها طوينا
حكموا فيها الرشيد ابطال شمر=نعم هم من حكم حكم مكينا
ترى شمر فعايلهم تعجز=وتراهم بالفعول المقدمينا
تلقبنا بغلبا ما انغلبنا=لكثرة غلبنا العايل علينا
طنايا على الاضداد قاسين وصيارم=يلينن الجبال ولا نلينا
طنايا وان نخانا كل مبلي=توشحنا الهنادي وانتخينا
ونخينا كل مقدام مجرب=وجمعنا الجمع وبالجمع التقينا
واخذنا بثار من صوت لشمر=بدل هذلول شيخين رمينا
مشى هايس لهم لعيون هيفا=تنخوى وانتخا ذرب اليمينا
وفعل فعل رفع روس الطنايا=وعلى فعله خصومه شاهدينا
ونوانا الشيخ ابن هندي بحايل=وحنا من نوانا له نوينا
تحركنا ونزلنا له بعروى=قصرنا عنوة الشيخ وعنينا
وتقابلنا الضحى والشمس حيه=خسر فيها وحنا الرابحينا
ورجعنا للجبل معنا الغنايم=عوايدنا ليامنا غزينا
وفعلنا المعجزه في كون بقعا=وذبحنا كل طاغي ما طغينا
ثلاث الاف من مات وتصوب=نهار فيه شاب المرضعينا
نهار فيه سوينا الهوايل=على اغلب جمعهم حنا قضينا
صفا بقعا عليه الدم غطا=وكم من راس شيخ له وطينا
شريدتهم حلف واقسم وطلق=فلا يغزي مدا عمره يمينا
وحاصرنا الكويت شهور اربع=وثلاث قلاع بالجهرا بنينا
ولاذوا في حما الانجليز عنا=وفعلنا المعجزات ولا انثنينا
ونخانا الشيخ ابن ثاني واجبنا=كما العاده ليا انخينا مشينا
امرنا الضيغمي نمشي وسرنا=لبني ياس وهل البحرين جينا
وصلنا لدار ابن ثاني واغرنا=على جمع الغزات الطامعينا
وهزمنا جمعهم والكل يشهد=وشواهد ما ذكرت القلعتينا
الى يومك باسم برزان تعرف=دلايل فعلنا لو ما حكينا
يكونن الفعول بفعل فاعل=وحنا للصعاب الفاعلينا
وغزينا الجوف يوم رويل زادوا=وهدمنا دونها الحصن الحصينا
وذبحنا بالهنادي كل خير=بقطع الراس للغادر جزينا
حصدناهم وابدناهم اباده=هزمناهم واخذنا البيرقينا
علينا يبتغون الزود لكن=تطيح الروس ما تعلى علينا
وغزينا المنتفق باطراف دجله=هزمنا جمع خزعل وارتكينا
هزمنا اللي مع مبارك يحامي=وعن الفزعات ياما له نهينا
لكنه تمادى في غروره=تناسى فعلنا مدري نسينا
ودفع قيمة غروره نصف جيشه=جزا للكبر واستهزيه فينا
يقود جموعنا شبل مجرب=شجاع لا يذل ولا يلينا
شجاع كل اهل نجد تهابه=ويهابونه هل البصره وسينا
له الشيخان يهدون الهدايا=وله الفرسان هيبه خاضعينا
سلاطين الدول تاخذ حسابه=ولا احد فيه يقدر يستهينا
وجميع آل الرشيد ابطال شمر=لهم فعل وتاريخ مبينا
جمعوا بين الاماره والشجاعه=وما بين اللين والعزم المكينا
ولو نجد حموها واحتموها=اسود الغاب حامين العرينا
اسود ما يهابون المعادي=اسود يقهرون المعتدينا
اسود اسياد سادوا بالجزيره=اسود عيال اسود محنكينا
اسود اسياد سادوا كل سيد=وهم الاسياد رغم المنكرينا
وترى شمر تميزهم ثلاثه=بها عن غيرنا متميزينا
صخانا الحاتمي من دور حاتم=اضف معه الشجاعه ثم دينا
ورثنا الجود من ابو الجود حاتم=بنا الامثال تضرب كل حينا
وسكنا الجبل قبل النبوه=ومابعد النبوه له حمينا
ونحينا عن جبلنا كل طامع=بحد السيف قطاع الوتينا
وباراضي نجد كد رفرف علمنا=ومن البحره لحد الرافدينا
تحت راياتنا تمشي قبايل=ومن يعصي على داره مشينا
وحنا هل المروه والاخوه=واذا ضاقت على المبلي يجينا
وحنا اهل الرياده والسياده=لنا تخضع رقاب العالمينا
طنايا للمعالي فوق نرقا=سنام المرجله فوقه رقينا
طنايا لقولنا تشهد فعايل=هل الفعل الاكيد موكدينا
لنا التاريخ يشهد بالحقايق=مع اهل العرف فيها شاهدبنا
حقايق لو جهلها مثل هايف=كثير الناس ماهم جاهلينا
حقايق لو جحدها كل جاحد=تبين وتتضح غصب تبينا
حقايق حق تثبتها وثايق=لها التاريخ واثبات ضمينا
محد يدعي بافعال غيره=سوى اللي عن الفعايل عاجزينا
ولااحد ينكر افعال القبايل=سوى اللي من فعايلهم غبينا
ولااحد ينكر فعول اعل الفعايل=سوى اهل الثرثره والناقصينا
ومن يظلم وعاش العمر ظالم=عليه يسلط الله ظالمينا
ومن قال انه الغالب والاقوى=عليه يسلط الله غالبينا
عليه يسلط الله من يذله=ويعيش بذل مدحور مهينا
تعالى الله ما يهمل ويمهل=اله ما يدان وهو يدينا
اله يعلم اللي بالسراير=وما تخفي نفوس الحاقدينا
انا فيه التجي عن كل حاقد=وعن اهل الحقد هم والحاسدينا
هل التزوير وخلاف الحقايق=وهل التزييف والبغض الدفينا
تمت وصلى الله على نبينا محمد وعلى آله وصحبه اجمعين ومن تبعهم باحسان الى يوم الدين
للمرحوم باذن الله ( منصور بن سعدي الرمالي الشمري)
نقل اخوكم ( الجفففففففففففففففالي) موقع شمر الطنايا
بدت في ذكر من فيه استعينا=اله الكون في ذكره بدينا
عظيم الشان رب الخلق الاوحد=تعالى الله خير الخالقينا
اله حرم الظلم وتوعد=توعد بالعذاب الظالمينا
ومن بعد ذكره بدينا بالمثايل=تركت النقص واخترت الحسينا
وارد الرد لابن نعيم هايف=واحذر من يذم الغافلينا
احذر مثل هايف كل هافي=يتجنب لا بشره يبتلينا
يتجنب كان هو يبغى حياته=وياويله كان هو طاح بيدينا
يعيف الاوله هي والتوالي=ويعرف افعالنا يامن بلينا
ويعرف ان الفعول فعول شمر=وشمر بالفعول المثبتينا
انا ما اذم حمران النواظر=ولا انا من يسب الغافلينا
اخاف الله انا وادرا عذابه=وعسى ربي من الظلم يحمينا
ولكن بلاني هايف اللي=ذكرلي غلبنا غلب علينا
بدى في ذمنا والبادي اظلم=فتل حبله وبالنقض ابتدينا
تمادى بالغرور وبالمذمه=ظلم نفسه وجعل حظه دفينا
غزانا الهيس بلسانه واخذنا=وذبحنا بالكلام ولا درينا
ردي النفس مدري ويش اصابه=ولاادري وش بلا الخايب علينا
ولادري وين ربعه عن كلامه=علامه ما لقا له ناصحينا
قليل العرف مثل الورع ينصح=ولكن مانصحوه العارفينا
ولادري وش بلا الجاهل تجاهل=فعايل من لهم فعل يقينا
جهل فعل القبايل غير شمر=ويقول ان مطير نجم معتلينا
ولكن ما حدن حسب حسابه=ولا لحساب من مثله خذينا
احده وان بنا بيت نهده=واذا عاند على خشمه وطينا
اهينه لين ينسى بامس وينه=ولايعرف اليسار من اليمينا
وينسى كيف ينضمن القوافي=ويتبدل زجره الماضي ونينا
ا يالذيخ وش خلاك تكذب=وتحط نفسك بمقام الكاذبينا
تقول ب(كير) ذبحت الطنايا=متى ذا صار ياابليس اللعينا
على كيفك تذبحنا بزيفك=بزيف وكذب واوهام تغزينا
ترى في كير ما ذبحت شمر=خذيتوا مثل ما حنا خذينا
ولكن اذكرك بام الجماجم=بها زدنا عليكم واعتلينا
هزمناكم بها اكبر هزيمه=وترى ما سلموا الا الهاربينا
بها صلنا وجلنا لين نلنا=ورجعتوا خاسرين ونادمينا
تندمتوا على حرب الطنايا=ورجعنا للغنايم كاسبينا
طنايا نروي الظامي من الدم=على راس المعادي له حنينا
واذا يالهيس تجهل فعل شمر=سل التاريخ يعطيك اليقينا
واذا انك ناسيله ما تذكر=ترى التاريخ يذكر ما نسينا
واسأل الاجواد عن تاريخ شمر=كبار السن واللي فاهمينا
يعدون الصحيح ويقنعونك=واللي يخفاك منهم لك يبينا
هل الذمه هم التاريخ سلهم=ولو هم من عربك الاقربينا
تركد وانشد العقيل عنا=قبل تنظم وبالقيل تهجينا
تقول مطير صاروا عون شمر=على الويلان معنا قايمينا
متى شمر طلبوا عون منكم=كذبت ولا لكم فضل علينا
ولكن قل مع ابن سعود قمتوا=ومع مبارك وقفتوا والتقينا
وعليكم بالصريف الرعب خيم=ورجعتوا مع مبارك خاسرينا
اعنتوهم علينا وانهزمتوا=عوين خيب ظن المستعينا
فلا نلتوا مديح ولا سلمتوا=مثل من عايد يم القريتينا
وتقول الضيغمي شلتوا جواده=وخذت في ملك فتنان سنتينا
اقول انت تهبا كاذب وكاذب=فلا شالوا عموم مطير شينا
كذوب وبالخطا عمد تعمد=لعنك الله لعنه كل حينا
تقول انه قليل اللي غلبكم=وتقول بكل وقعه فايزينا
ونسيت الغزوة اللي كد غزاها=حدا اللي بالحجاز مسيطرينا
ابن عون الشريف اسمه محمد=غزاكم وين فعلك ما يبينا
ذكركم عن ملاقاه انتحيتوا=ولا تخفى عليك ولا علينا
وشواهدها قصيدة من غزاكم=ونفس النص موجود لدينا
وغزانا والتقينا به بموقق=وحنا اللي ثبتنا ما انتحينا
تقابلنا وصار الصبح ظلما=يشيب من الفزع راس الجنينا
صمدوا فريسنا تسعين ليله=سناعيس لضده ما تلينا
وجت زوبع وطير العز غنا=اناشيد النصر للصامدينا
بذاك اليوم سمينا الطنايا=طنايا ما نهاب ليا طنينا
طنايا ما رضينا بالمهونه=ولانرضا المهونه ما حيينا
طنايا الذل ما ننزل جواره=وعلى انفسنا المذله ما رضينا
طنايا وان نطحنا كل غازي=يتراعد خوف من يقبل علينا
طنايا من حربنا له ضربنا=نصب الويل فوق اللي يجينا
طنايا نارد حياضالمنايا=اسود بالحروب مجربينا
طنايا عندنا تحل القضايا=حرار بالعلالي معتلينا
طنايا نكرم العاني ونعطي=وعطايانا الجلايل ليا عطينا
طنايا وان نصانا كل ظايم=يشوف العز من ساعة يجينا
فكم من واحد ضاق وزبنا=زبنا مستظيم وله حمينا
حمينا من لجا يطلب حمانا=تصيب رماحنا من به رمينا
طنايا فعلنا فعل يترخ=ويبقى ما على البيدا بقينا
تدارسه الاجيال غير حنا=عظيم لو جحده الجاحدينا
طنايا هم سلاطين الجزيره=وهم الحكام في ماضي السنينا
طنايا من الزمان قرن حكموها=اضف عشرين معهن حاكمينا
تسيدنا وسدنا بالقبايل=قبايل نجد كله له ودينا
وتسلطنا بحد السيف الابتر=ازحنا من تولاه وولينا
وليناها حكمناها بقوه=ماهي هدو اخذناه ليدينا
على يدنا هدمنا حكم دوله=وعلى يدنا لدولتنا بنينا
كتبنا اسم الطنايا فوق عرشه=واسم من كان يحكمها محينا
وفتحنا في سجل الحكم صفحه=وصفحة من حكم فيها طوينا
حكموا فيها الرشيد ابطال شمر=نعم هم من حكم حكم مكينا
ترى شمر فعايلهم تعجز=وتراهم بالفعول المقدمينا
تلقبنا بغلبا ما انغلبنا=لكثرة غلبنا العايل علينا
طنايا على الاضداد قاسين وصيارم=يلينن الجبال ولا نلينا
طنايا وان نخانا كل مبلي=توشحنا الهنادي وانتخينا
ونخينا كل مقدام مجرب=وجمعنا الجمع وبالجمع التقينا
واخذنا بثار من صوت لشمر=بدل هذلول شيخين رمينا
مشى هايس لهم لعيون هيفا=تنخوى وانتخا ذرب اليمينا
وفعل فعل رفع روس الطنايا=وعلى فعله خصومه شاهدينا
ونوانا الشيخ ابن هندي بحايل=وحنا من نوانا له نوينا
تحركنا ونزلنا له بعروى=قصرنا عنوة الشيخ وعنينا
وتقابلنا الضحى والشمس حيه=خسر فيها وحنا الرابحينا
ورجعنا للجبل معنا الغنايم=عوايدنا ليامنا غزينا
وفعلنا المعجزه في كون بقعا=وذبحنا كل طاغي ما طغينا
ثلاث الاف من مات وتصوب=نهار فيه شاب المرضعينا
نهار فيه سوينا الهوايل=على اغلب جمعهم حنا قضينا
صفا بقعا عليه الدم غطا=وكم من راس شيخ له وطينا
شريدتهم حلف واقسم وطلق=فلا يغزي مدا عمره يمينا
وحاصرنا الكويت شهور اربع=وثلاث قلاع بالجهرا بنينا
ولاذوا في حما الانجليز عنا=وفعلنا المعجزات ولا انثنينا
ونخانا الشيخ ابن ثاني واجبنا=كما العاده ليا انخينا مشينا
امرنا الضيغمي نمشي وسرنا=لبني ياس وهل البحرين جينا
وصلنا لدار ابن ثاني واغرنا=على جمع الغزات الطامعينا
وهزمنا جمعهم والكل يشهد=وشواهد ما ذكرت القلعتينا
الى يومك باسم برزان تعرف=دلايل فعلنا لو ما حكينا
يكونن الفعول بفعل فاعل=وحنا للصعاب الفاعلينا
وغزينا الجوف يوم رويل زادوا=وهدمنا دونها الحصن الحصينا
وذبحنا بالهنادي كل خير=بقطع الراس للغادر جزينا
حصدناهم وابدناهم اباده=هزمناهم واخذنا البيرقينا
علينا يبتغون الزود لكن=تطيح الروس ما تعلى علينا
وغزينا المنتفق باطراف دجله=هزمنا جمع خزعل وارتكينا
هزمنا اللي مع مبارك يحامي=وعن الفزعات ياما له نهينا
لكنه تمادى في غروره=تناسى فعلنا مدري نسينا
ودفع قيمة غروره نصف جيشه=جزا للكبر واستهزيه فينا
يقود جموعنا شبل مجرب=شجاع لا يذل ولا يلينا
شجاع كل اهل نجد تهابه=ويهابونه هل البصره وسينا
له الشيخان يهدون الهدايا=وله الفرسان هيبه خاضعينا
سلاطين الدول تاخذ حسابه=ولا احد فيه يقدر يستهينا
وجميع آل الرشيد ابطال شمر=لهم فعل وتاريخ مبينا
جمعوا بين الاماره والشجاعه=وما بين اللين والعزم المكينا
ولو نجد حموها واحتموها=اسود الغاب حامين العرينا
اسود ما يهابون المعادي=اسود يقهرون المعتدينا
اسود اسياد سادوا بالجزيره=اسود عيال اسود محنكينا
اسود اسياد سادوا كل سيد=وهم الاسياد رغم المنكرينا
وترى شمر تميزهم ثلاثه=بها عن غيرنا متميزينا
صخانا الحاتمي من دور حاتم=اضف معه الشجاعه ثم دينا
ورثنا الجود من ابو الجود حاتم=بنا الامثال تضرب كل حينا
وسكنا الجبل قبل النبوه=ومابعد النبوه له حمينا
ونحينا عن جبلنا كل طامع=بحد السيف قطاع الوتينا
وباراضي نجد كد رفرف علمنا=ومن البحره لحد الرافدينا
تحت راياتنا تمشي قبايل=ومن يعصي على داره مشينا
وحنا هل المروه والاخوه=واذا ضاقت على المبلي يجينا
وحنا اهل الرياده والسياده=لنا تخضع رقاب العالمينا
طنايا للمعالي فوق نرقا=سنام المرجله فوقه رقينا
طنايا لقولنا تشهد فعايل=هل الفعل الاكيد موكدينا
لنا التاريخ يشهد بالحقايق=مع اهل العرف فيها شاهدبنا
حقايق لو جهلها مثل هايف=كثير الناس ماهم جاهلينا
حقايق لو جحدها كل جاحد=تبين وتتضح غصب تبينا
حقايق حق تثبتها وثايق=لها التاريخ واثبات ضمينا
محد يدعي بافعال غيره=سوى اللي عن الفعايل عاجزينا
ولااحد ينكر افعال القبايل=سوى اللي من فعايلهم غبينا
ولااحد ينكر فعول اعل الفعايل=سوى اهل الثرثره والناقصينا
ومن يظلم وعاش العمر ظالم=عليه يسلط الله ظالمينا
ومن قال انه الغالب والاقوى=عليه يسلط الله غالبينا
عليه يسلط الله من يذله=ويعيش بذل مدحور مهينا
تعالى الله ما يهمل ويمهل=اله ما يدان وهو يدينا
اله يعلم اللي بالسراير=وما تخفي نفوس الحاقدينا
انا فيه التجي عن كل حاقد=وعن اهل الحقد هم والحاسدينا
هل التزوير وخلاف الحقايق=وهل التزييف والبغض الدفينا
تمت وصلى الله على نبينا محمد وعلى آله وصحبه اجمعين ومن تبعهم باحسان الى يوم الدين
للمرحوم باذن الله ( منصور بن سعدي الرمالي الشمري)
نقل اخوكم ( الجفففففففففففففففالي) موقع شمر الطنايا