اللغز ...لاهل العقول الفهامي

[®الفنان®]

السلام عليكم ورحمة الله وبركاته وبعد :

حبيت اشارك بلغز .... ولكم المحاولة في حله

وش هن بنات منهن القلب يرتاب *** لاهن بنــات ادم ولاهـن من الحـور

اللـي مسيرتهن لها عـد وحسـاب *** وساعة طلبهن ياصلنك على الفور

بالشرع تملكهن وهن عنك غياب ***ولاتشوفهن عينك الى نفخت الصور

[مستور]

صح لسانك
ممكن المتاجره بالاسهم
او ماتعمد اليه بعض البنوك..تشتري منهم سيارات او اطنان حديد .تملكها شرعاً وتبيعها دون ان تراها
او المتاجره بالعملات
ماعليش كثرت المراميع .تحملنا يالغالي
وتقبل تحياتي

[الشبث]

صح لسانك يالفنان


انا ابرمع رمة بس مادريعنه


وشرايك بالحسنات والسيئات


وتقلد تحيات اخوك (الشبث)

[®الفنان®]

الاخوان مستور والشبث

للأسف رمعاتكم سماويه .....

[مطرد الهبايب]

هلا أخوي الفناااااااان



والله لغزك صعب




بس أنا عندي رمعه








الكتب السماويه ( القرآن ) ( الإنجيل ) ( التوراه ) ( الزبور )





اخوك ( مطـــرد الهبايـــــب )

[®الفنان®]

الاخ العزيز ...حاول مرة اخرى

للأسف ماوصلت للحل

[اليم]

اخوي الفنان وش رايك

برموز الارقام السريه

يعنيpassword

[®الفنان®]

للأسف اخوي ...لسا والله رمعتك ماصابت .....

[راعي الوقيد]

وش رايك بالأقساط الشهرية

<< ذابحتنا الأقساط

تحياتي

[®الفنان®]

هلا راعي الوقيد

مالك لوا يالغالي...

[السرحاني بوعمار]

عندي رمعه
وشرايك المكالمه خط الجوال

[®الفنان®]

يا اخوان اللغز للحين ماحد حله ...مع انه سهل وواضح

عشان ماتبعد رمعاتكم ......التوضيح يقول :

بالشرع تملكهن وهن عنك غياب ***ولاتشوفهن عينك الى نفخت الصور

[مانع السرحاني]

يعطيك العافيه على اللغز الجميل

لكن الحل مايكون

نصــــــــــائب الـــقبــــر

ولك تحياتي

[®الفنان®]

ياسلام الله عليك ............... يالسرحاني

جبت الحل الصحيح :

نصايب القبر

[مانع السرحاني]

شكراً الفنان يعطيك الله العافيه

[yazmn]

السلام عليكم
اخوووي مهو الزوجات يعني زوجات الرجال

الله يزوج الي ماعرس انشاء الله

والا وش رايك الله يسلم عمرك وعمر الجميع