المساعد الشخصي الرقمي

مشاهدة النسخة كاملة : وادي شجر .........


سلمان النبهان
15-06-2004, 00:52
وادي شجر شعيب طلح قبل مدينة الاحلام حائل ب 70 او 80 كيلو
وهو وادي جميل وبه اشجار ضليله مميزه تصلح للمقيال او الامراح
والى ماهو مصدق يسال اخي وشقيقي ابو غازي الله يسلمه ..
طبعا الي ماحضر المناقشه او لم بستقبل اتصال اثناءها ...
فانه بلا شك مايدري وش الطبخه>>>>> الشفاية 10000
ابن جشعم
15-06-2004, 01:04
قبل مدينة حايل من وين يعني يابن نبهان ؟؟؟

على طريق المدينة حايل وإلا طريق تبوك حايل ونا مقبل !!!


ياليت تحدد الوصف بالضبط يالغالي :)
ابو خليف
15-06-2004, 01:32
اقول كل الشعبان به طلح


ككككككككككك

وبعدين وش فيه الوادي هذا
عبدالعزيز
15-06-2004, 01:42
واحد منكم يالشرقاوية يفعل بنا وبوه خير يمر بيتوه ويقص سلك التلفون من العلبة :):)

شويبنا مصمم على هالسالفة !!:)
راعي الوقيد
15-06-2004, 02:17
وادي شجر :eek:

شجــر شجــر !! اكيـــد ؟؟

لايكون شوفك اللي شجــر :)

ههههههههههههه

واااااااااادي يابو نبهاان|501|المقصود شعيب

هم يقولون وادي شجر & حنا نقول شعيــــــــــــب طلح|507|

ايه عااد وش به:confused:هيييييييييه

به شجر مشكل من مجاميعه

علمهم لايطلع بروسهم شجر
^
^
^
الردود اعلاه وادناه إن دلت على شي فإنما يدلك على

شفااااية الشفاايه|86|حوااايله
شنقل
15-06-2004, 06:08
سلمان النبهان


مساك الله بالخير

خلك من الشجر

نروح للشفااااااااااااااااايه ( اهم شي )

تبي اعلم وين كنتم مجعتين

انتم اجتمعتو بعد صلاة العشاء عند ابو00000

حتى بعد فيه واحدن جايكم اول مره تقابله جايكم من 000000000

صحيح كلامي
هههههههههه

الشفااااااااايه تخصصي

شنقل
سلمان النبهان
15-06-2004, 15:16
الاخ مهندز الكمبوتر حنا لتوجهنا يم مدينة الاحلام نمشي 200
وماندري حنا شمال والا جنوبي ..........
_______________________________________________
الحبيب ذيب شراف الوادي هذا تكثر فية الشفاية بشكل غير معقول ..
_______________________________________________
عبدالعزيز الاتصال كان عن طريق الجوال ومافية اسلاك يالقروي الفاهم
_______________________________________________
راعي الوقيد... الشفاية ارتفعت وصارت 20000
_______________________________________________
شنقل باشا ... اهلين وسهلين
اقول المراسل حقك ماهو على المستوى المطلوب
بمعنى اخر ساكت ولم يدخل بنقاش وادي شجر يمكن مستحي
( من الصدمه ومن ناس اول مره يشوفهم شهبان )
وجقيقة نطلب حضوركم شحصيا مستقبلا ......
يعني شنقل روحك وسير علينا بالشرقية يالغالي ....
_______________________________________________
باقي الشبيبة يلزمون الصمت باروقت وادي شجر الساحرة ...
ابو غازي
15-06-2004, 16:03
عتشوووووووه |507|
الحمد لله .... يقووول ابو نبهان ارحمكم الله |17|
هههههههههههههه:D

اخي وشقيقي ابو نبهااان :)
هذولا هالي يخاطبووونك ويدورون الهزايع عليك كلهم ماعندهم سااالفه ولا يعرفون
حتى الطراثيث هههههههههه|17|
الا واحد منهم مااقدر اظلمه هوا راعي الوقيد مار يمكن مايدري وشي السالفه :rolleyes:
7
7
السالفه ياراعي الوقيد واكيد متفاءل يعرف بعد |13|
هي وجود لوحة إرشادية على طريق حائل القصيم
واللوحة تقول هذا وادي شجر بمعنى إرشاد للزائرين الي يحبووون يريحووون ويتمتعوون بالمنظر
وهذي السالفة من طقطق إلا سلام عليكم

اما ابن جشعم على الغازي على سرحان على عزوز على ابالحصااني
هذولا مايعرفون العرجون من الطرثوث خخخخخخخخخخخخخ|507|:eek:
عبدالله الجعيثن
15-06-2004, 16:48
-^
^
^
الله واكبر ياللي تعرف

انت ماتدري وين شرقيه.:)

انا اراهن اذا فيه لوحه بالمكان اللي تقولون.

وانت على عمو...ابي ارسلكم عند فجله تفصدكم..:confused:

عزوز..والله يا أنك كرتنتهم البارح...مار شف لنا راع السرندلات:D.
&
&
&
على فكره اللي يبي شهاده ولا شين تروا محاكيكم يلبط بالحلف وهو ماشي.

واذا كان حصر ورثه...تخصص اليم|513||513|!!!
سرحــان
15-06-2004, 21:09
ابونبهان


انت الى الحين على وجهك



لايغرك ابو غــــــــــــازي تروه غادي




وبعدين ما فيه ولا لوحه

والمكالمه سوة الهوايل يعزوتي


العزي لاتواخذ النظرات هي السبب يشوف الرمث طلح



شنقل والله انك فكية ازمه ماهي بسيطه انواع الاتهمات والتحايل


والحمدالله جت على السليم

وجهك علينا هين

(المراسل ترا ماهو كل يوم جاي )



قـــــــــــــــــــــــــــــــال وادي شجــــــــــــــــــر
بشير اللويش
15-06-2004, 23:55
-^
^
^
الله واكبر ياللي تعرف

انت ماتدري وين شرقيه.:)

انا اراهن اذا فيه لوحه بالمكان اللي تقولون.

وانت على عمو...ابي ارسلكم عند فجله تفصدكم..:confused:

عزوز..والله يا أنك كرتنتهم البارح...مار شف لنا راع السرندلات:D.
&
&
&
على فكره اللي يبي شهاده ولا شين تروا محاكيكم يلبط بالحلف وهو ماشي.

واذا كان حصر ورثه...تخصص اليم|513||513|!!!


ابوغازي ... ابوسند


عز ......... الله يعزكم .... ولايهمّكم عزوز <<<نتبلاّ عليه :)


معكم على الخير ان شاء الله دائما ً ...


نرجع لموضوعنا ... الوادي صدز موجود ... لكن بعض اخويانا شوفهم شجر ومثل ماقلت لكم

لاتفكر في كلامهم ياسلمان انت واخوك ابوغازي


اخوك الصغير

الراسي
مفتاح14
16-06-2004, 10:55
ابو نبهان وبقية الربع واللي يرحم والديكم ترى اول مره احس اني مفهي :)

هالحين وشلون وادي شجر يبعد عن حايل 70 كيلو وانتم اجتماعكم بالشرقيه ؟؟؟؟؟؟؟:eek::rolleyes:|513|

نورونااااااااااااااااااااااااااا:(


300000

:)



++++++++++++++++

برايفت ابوغازي:

انشهد ان طلتك تسوى الدنيا ومابه
سلمان النبهان
16-06-2004, 16:37
الغالي والحبيب جدا جدا ابوغازي ....
كلامك عين الحق يالعزوه وماعليك منهم كلهم ....
لايهمونك شباب هالوقت مشي حالك تخبر عاد انت ...
العارف لايعرف وانت يالغالي سيد العارفين ...
********************************
الغازي افندي حقيقة اعجبني انسحابك التكتيكي
الذي يدل على وعى ثقافي نادر جدا ...
شكرا للوقوف والجلوس دون معرفة الاتجاهات الاربع الاصلية ..
*********************************
سرحان الغالي اول انا واخوي ابوغازي حاسبينك معنا
لكن عقب هالسالفة مانت خوينا ...افا والله ياسمي الذيب ..
**************************************
بشير اللويش الله ينصرك انت العاقل وراعي راي دائم
وتعرف الرجال واهل الحق يالغالي شكرا على رايك الحكيم ..
**************************************
مفتاح 14 ياحبيبي والله يامسكين ....
ياهي ليله تذكر بالاحلام وماسولفتها شهريار ...
سوالف وعلوم وشي غير معقول ...
وش تبي ماخلينا شي الا قلناه ومن زود الوناسه
طلع موضوع وادي شجر ونبي تممله بالعطله ان شاء الله
لذلك لاتطوفك التمايم على الاقل ..
************************************
هناك حضور على الهامش غريب عجيب
بانتظار اخو سعدى لمعرفة ماذا تكتب يده عشان نعرف
هو معنا والا علينا ..
*******************************************
المشرف العام
16-06-2004, 22:45
ابو نبهان .. وابو غازي

ياشين الشيبان ليامن صار واحد يرفع والثاني يشوت :)

.

وأعتقد والله واعلم .. بحكم الطبيعه الجغرافيه وعوامل التعريه الزمنيه ، ولاسيما ذات التكوين الصّبخي وشحّ محدق في الاشجار ، فأن الخارج من ذاك العالم إلى عالم مغاير ، يصبح اسيرا لصدمه الوهله الاولى وتكون هي الصبغه السائده في أيدلوجيته الفكريه وتؤثر على صبغته للرؤيا المنعكسه على قرنيّة العينين ، فتصبح متأصّله في تكوين الجولوجيا الفكريه للعقل الباطن :)

عليه لا استبعد ان يكون هناك شعيب شجر في تلك الاحداثيات المذكوره آنفا في مستهل هذه الصفحه الشيّقه..

ولكن ما يدعونا للبحث والتنقيب حول تلك الرؤيا الجيو فكريه ليس وجود ذاك الشعيب من عدمه بل هو كم عدد تلك الاشجار التي شدّه ناظر كاتبنا ..

فيحق لنا ان نبني عليها بحوثا لا بحثا واحدا ، والامر جدير برفعه للمختصين في دراسة علوم الارض :)


.

حسبي الله عليك يا عبدالعزيز .. ذكّرتني بفتى المرّيخ :)
الغثه
16-06-2004, 23:11
ابو نبهان .. وابو غازي

ياشين الشيبان ليامن صار واحد يرفع والثاني يشوت :)

.:)


ههههههههههههههههه

انا اللي عرفتوه بالموضوع ان سلمان شقيق واخ ابو غازي يعني يصير عمي
سلمان النبهان
16-06-2004, 23:23
سيادة المشرف العام وش هالطويرات بحوشكم ..
حنا شيبان وانتي عمتى قماريا .....................
خلينا ساكتين ياباشــــــــــــــــــا احسن ... ماتفرحش العيال علينا ...
سلمان النبهان
16-06-2004, 23:29
ولدي الغثه انت من الناس الكويسن جدا
وانا وشقيقي ابو غزغوز عمام الجميع وكلهم صغار يويسي
ووغدان ونخبر جيبت امهاتهم لهم بس حنا الكبار بس
المشرف العام
17-06-2004, 00:22
ياعموووووووووو .. لا تعليق

فلقد ادخلت وادي شجر في لجّة الشبكه العنكبوتيه

والدليل .. آآآلووولووه :)

http://www.google.com/search?q=%22%D9%88%D8%A7%D8%AF%D9%8A+%D8%B4%D8%AC%D8%B1%22&ie=UTF-8&hl=ar&lr=
سلمان النبهان
17-06-2004, 00:45
هلا ابو سلطان حقيقة ردك طيب وبه فائده كبيره وخصوصا
في الحديث تسموا بأسماء الأنبياء و أحب الأسماء إلى الله
عبد الله و عبد الرحمن و أصدقها حارث و همام و أقبحها حرب و مرة
اقبحها حرب ومره حقيقة معلومه جديده جدا اول مره اسمعها .....
عبدالعزيز
17-06-2004, 03:20
اهههههههههههههههه
ابوسلطان
وادي شجرهاذي راح تكون بالمانشيت انشالله :)

واتركك من هاللي لو يقعدون جنب بعضهم تقول بضاعة الهدس :)

الايام اطول من اهله يابن نبهان وتسان الله احيانا نبيكرتورينا وادي شجر<---------- ياشيخ والله لوغيرك قايل لي هالاسم تسان مبلغ عليه رعاية المسنين لإنتهاء صلاحيته:)

وحطه من حق وابشروبه ياسرحان والغازي مقدماً;)
الشبث
17-06-2004, 09:50
وادي و شعيب و شجر و طلح

لا وبعد شفايه


ايش الهرجه يابو نبهان الله ينبهك للشهاده










وتقلد تحيات اخوك الشبث
سلمان النبهان
17-06-2004, 11:08
طيب يابو سعود الامر سهل والوعد قدام ...
هالحين يالظالم متصلا بك واحسبك معي
وكاشخ قدام الشهبان باتصالي بك وحاطك سبيكر
على الصوت الرفيع واقولللللللك واداي شجر ... تعرفه
وكنت ضامن انك مفتح وتبي تسال عن الموضوع اقل شي
او وش العلم او وش السالفه ...
وكما هي العادة (الهبال يبي اهله) ... ترد على بكل استنكار وتقول
وااااااااااااااااادي شجر ... ويضحكون كلهم حتى واحد كان معنا
مايدري وش السالفه قام يكركر يما دمعت عيونه ...
حسبي الله ونعم الوكيل الجايات اكثر من الرايحات ابو العز
وهذه مسجله لك ومحسوبه عليك ماهي لك ..
سلمان النبهان
17-06-2004, 11:11
اهلا بحضور الشبث هذا يومك ايها المرعب
لكن السؤال انت معنا والا علينا ...
عشان افهم بس يابوي ....
وبعدين نقولك ايش الهرجه قوام سريع سريع ...
مناكد
17-06-2004, 14:28
هلا ابو سلطان حقيقة ردك طيب وبه فائده كبيره وخصوصا
في الحديث تسموا بأسماء الأنبياء و أحب الأسماء إلى الله
عبد الله و عبد الرحمن و أصدقها حارث و همام و أقبحها حرب و مرة
اقبحها حرب ومره حقيقة معلومه جديده جدا اول مره اسمعها .....



سلمان اكيد ان المذكور اللي قبل الأخير بالحديث يقرب لك...

والا وشو اللي يتجحر بك حدر الطلح لو ماتدور على الصمـ...|96|....


تحياتي....
اليم
17-06-2004, 15:42
وادي شجر بن حنظل بن حرب ونسب اليه هذا الوادي فترة من الزمن وكان ذلك زمن مرور اخينا

ابو سند.;)

وللعلم فقد اشار احد العرب في ذلك الوقت على شجر بان يغير اسمه من شجر الى حميان

لانه مطلوب(ن) بدم:).

ومع مرور الزمن وقلت مرور اخينا ابو سند وتقدم العمر به وتوالت الاجيال وعرف الوادي بوادي حميان

ووادي حميان هذا يتقاطع مع طريق حايل القصيم على بعد 80 كيلو من حايل.

ليا وازنت محطة الاسود وحطيته على يمناك وانت متجه للقصيم ومحل الدواجن

على يسراك اربط بريك وانزل يمين وشف اكبر طلحه تقابلك وتلقا بجال الشعيب

من غرب قبر شجر الله يرحمه ويبلغ طوله حوالي مترين ونص:eek:.




<<<<<<<<خلونن اتعفا وابي ارجع لكم|6|
سلمان النبهان
18-06-2004, 01:34
طيب يامناكد مادام انت عارف وشايف اسكت
وخل الامور ماشيه ترى اغلبهم مايدرون وين مدحه
مناكد الرجاء عدم اثارة الفتنة وسحبنا لمستنقع الصم.....غ
عبدالعزيز
18-06-2004, 04:15
ياسلمان يابن وادي بن شجر بن حنظل بن حرب النبهان:)
شف كلام ابوعارف واقتنع تر ماغير هالشعيب على وصفك
وحبيبي والله يامناتسد
أجل الرجال حدر الطلح يتسعط ... وانا اقول ماهو مظبوط ياخي:)
سلمان النبهان
18-06-2004, 13:22
اهلا باخي اليــــم ( ابو عـــــــــــــــــــــــارف )
طهور ان شاء الله وسلامات يالغالي.........
عموم عقلك يروح ويجي من غاز الجعيمة وراس ابو على
اقل شين اطلبوا تعويض من الشركة الي ضيعت عقولكم ..
هالحين محطة الاسود وحنظلة ابن شجر وخرابيطك تحسبه
تبي تضيعنا ونقول هذا يدل ويعرف ؟؟؟؟؟
انا من يوم قلت انك تركض هناك حافي تطرد الجرابيع وانا عارف
ان ماعندك احد واخوي ابو غـــــــــــــــازي موجود وعلى الذمه
ماهي شاهداتك انت وراعي بقيق ..........
سلمان النبهان
18-06-2004, 13:29
طيب ياعزوز هذا تليته
انا بزعمي اول انك حزام ظهر لي انا ابو غازي من هالشهبان...
وتطلع انت اول من يعترض وينشب بحلوقنا ...
الوعد بالاستراحة ام دخان الي حشرتنا به اكليله ...
وينك يامفتاح تشرح بعض الي تعرضنا له بليلة النكبه
وانك فزعت يم المستشفى بخار من الدخنه ....
طيب ياعزوز افندي الوعد الاجازة وانا عندك ان شاء الله ....
الشبث
18-06-2004, 13:55
افا عليك يابو نبهان

انا معك لو تبي الموت


بس تخبر الزقرت خربطونا بتعليقاتهم

وشاكر لك ترحيبك





وتقلد تحيات اخوك الشبث
سلمان النبهان
18-06-2004, 14:53
يسعدني ردك وتاييدك يالغالي وياهلا وغلا ...
وناس بوزن الشبث لهم قدر كبير بفلة الحجاج ..
وانت من اليوم معنا انا واخي ابو غازي ضد هالشهبان ....
عموم نبي نفتح بوفيه بوادي شجر ونوزع قمر دين مثلج بالمجان
طبعا للاحباب فقط دون غيرهم من الشهبان ..............
حضورك مرعب يالشبث وعليك بعزوز تروه فتر حيلنا ....
الشبث
18-06-2004, 16:06
اخوي سلمان النبهان

الاخ (عزوز)وشلته قامو يوطوطون عندك

لانهم سمعوا طاري البوفيه والقمر دين

بس هين

ههههههه





وتقلد احلى تحياتي انت والزعيم ابو غازي






اخوكم الشبث
كبريت
18-06-2004, 23:57
وداي شجر

مشروع تجاري وبوفيه مفتوح من عند ابوكم كبريت
مافي الا قوطي تونة وبيض مسلوق وعصير فيمتو بارد ههههههخخخخخخخ

وسلامي على الشيبان اولهم ابو غازي ترى المشروع بالنسبة النص بالنص
اخو سعدى
19-06-2004, 00:37
كل ذا على شاني
ههههههههههه
ابو نبهان ..
صراحه انا ما اعرف حائل
زرتها مره واحده قبل 13 سنه
وتشوفني كالليله لم اشارك
لاني لا اعرف شئ عن حائل ...
لكن ان شاء الله سوف نزورها قريبا ..
(( بعد ايام قليله ))
لكن اريد من عزوز ان يستقبلنا في
(((( وادي شجر ))))

اما انا معك على الخير والشر ..
ابو غازي
22-06-2004, 16:33
اااابشـــــركم |96||89|
7
7
7
جانا خبر اكيد بعد |10|

يقولووون لاتزين شـــــــــــــــــعيب جديد وإسمه وادي بقل خخخخخخخخخ|507|
على غرار مسمى وادي شــــــــــــــــــــــجر |13|
ويقولووون بوه إثنين من الزقرت بالمضايف الي هم عزوز واباااالحصاااني ذويبان
مخيمين بوادي بقل وعزبتهم بقل يمرسوووون ويمطخوووون مطخ ونوبن بوه حمض شوين
هههههههههههههههههههههههههه |17|
:eek:
مناكد
01-07-2004, 01:32
السلام عليكم ورحمة الله وبركاته


ابو سعود ولا يهونون الربع إنتبهوا...إنتبهوا...إنتبهوا...إنتبهوا...!


تروا قمر الدين اللي عند ربع البوفيه مغشوش وثلاث ارباعه صمغ...


وانا جيتهم يوم الجمعه الفايت 25/6/2004م الضحى مع غفلة الناس والمراقبين الصحيين ماهم مداومين... ومن مشاهداتي مايلي:

1- سلمان كان متغربشن اكبر طلحه ومعه له ليور ويشلع من الصمغ.
2- ابو غازي فارشن له ساحه ويجمع عليه المحصول.
3- الشبث عنده له ددسن به له شراع ماء ويصب منه بله برميل.
4- واحد شيفتٍ قشرا (ماعرفته) بوسط الدرام يجهز الخلطة السريه ويدوسه برجليه.

ويوم شافو اني ناصيهم وهم كلٍ يمسك له واجهه...

ولم أظفر منهم إلا بهذه الصور لوادي شجر المذكور...




ملاحظه للمدمنين فقط: الصمغ يعتبر أحد مكونات مشروب حمضيات من ميرندا.

فلا تتعب حالك من طلحه لطلحه...ولا تجي بوفية الشله...



مع أحلى الأماني...م.ن.ا.ك.د...


والآن مع الصور وهي حديثه ولا كملت اسبوع ولكن المشكله بالسكنر...

http://shmmr.net/upload/up/up/Shajar1.jpg
.
.
http://shmmr.net/upload/up/up/Shajar2.jpg
.
.
http://shmmr.net/upload/up/up/Shajar3.jpg
أبو فيصل
01-07-2004, 04:09
ابو نبهان
تر انا صدمت اللوحة قبل كم سنة يوم كنت اداوم للكهيفية
وخبري بة طارت من عند الصدام .
اذا انت جاي من طريق الرياض القصيم السريع فأعتقد قد عرفنا
السبب في هذة عالق براسك اسم وادي بقر

ماش والله ياعمو بغيت ارقع بس مامن ترقيع
قلبتة يمن ماتجي ..قلبت يسار برضوة ماتجي
دقيت ريوس ورجعت
سلمان النبهان
01-07-2004, 13:46
ردود سريعة لاننا مشغولين بتجهيز استراحة ( وادي شجر )
********************************************
السيد الشبث / يالغالي ادري والله انه هين مادامك معنا ....
كل شي هين ..... وادري انه مارفرف شاربك منهم تسلم وهذا العشم ..
***************************************
كبريت / انت طال عمرك معنا والا ...لا....
واذا انت معنا لك نسبة 20%
وحاضرين للشباب الطيبين ولاتطمع النص بالنص صعبه ..
****************************************
اخو سعدى / حائل ( مدينة التاريخ والمجد والشموخ )
هي امنا الحنون جميعا ...( طرت عليه البسوه ...)
وارجو ان لاتكون ابنا عائق لها ...
يلزم حضورك وتسجيل اسمك بسجل زيارتها كابن بار لها .
*************************************
ابو غازي / اشوفك كانك قلبت الطاسة ابو غازي
هو انت خوينا والا ...لا ...
*****************************
مناكد / الشرط اربعون يالغالي
والشخص الي ماتعرفه هو عزوز .....
وهو صاحب الخلطة السرية بس لاتعلم احد ..
لانه بالموضوع ضدنا والصحيح هو معنا ....
*********************************
الصارم / هلا وغلا بابو فيصل يالله حياه
الترقيع مايصلح يالغالي .........
والصحيح ان عزوز راح وشال اللوحة عشان يضيع الدليل
ويضيعون البلدية عن موقع البوفية ...........
والونيت الحمر فعله ثابت واسال سرحان
نفص بسرحان وهو واقف وتخبر وش صار بسمي الذيب ..
*******************************
ابو غازي
01-07-2004, 21:39
نفص بسرحان

هههههههههههههههههههههههههههه |17|

اما هذي يابو نبهان شي |507|
تصدق اني لاهلحين مانسيت اكا الكشــــــــــــــــخة الله يجيرك خخخخخخخخخ:eek:سرحان
7
7
7
ابو نبهان :cool:
وشنوحك تنشـــــــــد عني .... اقول بعد يقولون إن الصارم لاتسين لوه وادي (ن) جديد وإسموه وادي لبن يقولون حول ســــــــــــــــــقف :rolleyes:
;):eek:
ابو خليف
01-07-2004, 22:06
اخبر وادي لبن بالرياض

وش جابه لسقف يابو غازي

هههههههههههههههه
ابو غازي
01-07-2004, 23:08
ااااااااااااااااباااااااااااااااااالحصاا اااااااااااااااااااني
7
7
7
|10|ماتقوووولي هالي معرفك بالوديااااااان وشو بالله ..... |501|هذا ولد عم الوادي الي بالريااااض |3|
مار صار نصيبوووه بسقف ولا يخي ويش يبي بسقف خخخخخخخخ

اقووول ماتنثبر وتكشــــــــــــــــخ على هالسيكل الي جابوووه لك ابو مشاااري ولا ماتبيني اعلم :cool:
:eek: