وين شطارتكم بطلعات البر خلونا نشوف .. ؟

[مجموعة إنسان]

اخواني الاكارم

السلام عليكم


اتمنىمنكم التعاون معنا في هذا السباق

والذي يهدف الى إظهار إبداعكم وكي يستفيد كل منكم من خبرات الآخر


من المعروف أن مناطقنا الغاليه كل منها لطلعات البر فيها طقوس خاصه

ولو أن شمّر هي شمّر كلها حلا وطرا لكن بنشوف ..

(المقصود هو الطبخ << يعني وجباتكم بالطلعه )



بنقسمكم اربع فرق وكل فرقه لها راعي الطلعه (المعزِّب) :

1- فريق ( أهل حايل)
والمعزب هو أخينا عبدالعزيز والذي اتمنى من أهل حايل يشاركون معه بالطلعه بتسجيل اسماءهم بالفريق .


2- فريق ( اهل الرياض )
والمعزِّب هو أخينا عبدالله المهيني والذي اتمنى من اهل الرياض أن يشاركون معه بالطلعه
بتسجيل اسماءهم بالفريق .


3- فريق (أهل الشرقية )
والمعزِّب هو أخينا إبن جشعم والذي اتمنى من أهل الشرقية أن يشاركون معه بالطلعه بتسجيل أسماءهم بالفريق .


4- فريق ( أهل الشمال )
والمعزب هو أخينا أبو مقرن والذي اتمنى من أهل الشمال أن يشاركون معه بالطلعه بتسجيل
اسماءهم بالفريق .




ملحوظه :

- تم إختيار الأسماء عشوائياً فإن كان هناك من حاجة للتغير فأنتم اتفقوا بينكم
- وأرجو منكم مراسلة بعضكم البعض لنشر الموضوع لأن بعض اخوتنا قد يغفلون عن موضوعهم هذا .
- اللي بيحط ضبّان يضمن إن نون النسوة ماراح يصوتون له .. |507|

شروط المسابقه :

1- كل فريق يتخذ له شعار جذَّاب يميزه .
2- يتم تحضير محتويات الطلعه من البداية وحتى النهاية .. فطور + غداء + عشاء .
3- الكميات ليست أهم من النوعيات والتنسيق والقيمة الغذائية .
4- تنزيل المشاركات سيكون كل فريق بمشاركة مستقله كي يسهل علينا تنظيم التصويت .
5- التصويت سيكون من قبل بقية الأعضاء والعضوات .. وبإمكان المشرف العام أخينا ابو سلطان
وكذلك محدثتكم أن يطلعون على أسماء المصوتين فلا قلق من ناحية مصداقية التصويت .
6- يتم التصويت لمرة واحده فقط ومن يكرر تصويته سيتم فضحه . << |501|
7- بعد إكتمال الفرق سيتم تحديد نزول المشاركات وإنتهائها فهلموا بالتسجيل .



ننتظر

والمشورة من أحدكم مكسب |116|

فاللي عنده رأي يحطه هنا ونناقشه




تحياتي،

[شموخ]

تكفـــــــــــون يا أهل الرياض همتكم ....

تأكدوا لو تجيبون ضبان أوجرابيع معكم معكم :):)......

امزح ترى الله الله بالطبخ الزين ...


مشكوره مجموعه على هالمسابقات ...

تحياتي
شموخ

[راعي الوقيد]

طيب واللي لا الى هؤلاء ولا الى هؤلاء
يعني اللي بين البينين
اللي جسمه هنا والباقي هناك
|8|يروح فين

[ريم شمر]

8
8
8
خلك مع اهل العاصمه اصرف :)


عاشوا اهل الرياض

عاش المهيني وفريقه

سيروا على بركة الله ونحن من ورائكم




.

[رضا الزميلي]

الفوز للشرقية

الفوز للشرقية

لا مهيني ولا هم يحزنون

يالربع علي تقطيع البصل

والخضرة كما أسلفت سابقاً من محلنا


المجهول

[شنقل]

هوى يالشرقيه

الهوى شرقي وقلبي هاوي الشرقيه

شيلوا عزبتكم والوعد


ابو حدريه

نبي نعس النعيريه على
ابرق الكبريت واكا الديار

مشينا


شنقل

[عبدالعزيز]

خلك معي راعي الوقيد و"بتخسر إذا مابتحضر" |116|

وعلى كذا نجتمع انا وانت ومتفائل والصارم وذيب شراف .
ولا انسى عبدالله السالم والواكد بعد معنا:)

بس يجون يسجلون اسمائهم:o

وماادري يامشرفتنا اذا رغب الواحد ينضم لنا وماهو من ديرتنا يقدر ولا لا؟

وعن نفسي حاضر وانشاءالله اني ابيض وجيه فرقتي بالسنع اللي مايتعدانا أبد |6|

[الغثه]

وشي السالفه

[راعي الوقيد]

الا يابعد حيي وميتي هكالوجيه:)
عزوز
ترونن معكم على الخير والشر
بلا عبودي ولاهم يحزنون
لياصارت الدعوى حمياّ لا والله ابي احامي معكم|512|
حميّا :eek:
يعني مع راع الشرقية:rolleyes:
لا لا مع اهلي ياشيخ لو يزعلون العرب كلهم|115|

[ابن جشعم]

وينكم ياهل الشرقيّة

يالله نبي نتجمع بــ الهاف مووون او العزيزيّة << شي مع الرطوبة :)

واللي يبي معنى من باقي المناطق الله لايهينه يسجل اسموه

ولاينسى الاخيضر يجيبوه معه يمكن نحتاجه ونغسج ..


جدول الطلعة:

الاربعاء عصراً بالهاف موون وليله الخميس بالعزيزيّة

والخميس وليلة الجمعة بالبحرين <<< راحوا فيها

وينكم ياهل السميتش والربيان.. يالله علشان نرتب وضعنا.

[ابو خليف]

حالي ما يحتاج

مع فريق حائل

عاشت حائل حرتن ابيه الله اكبر وليسترحون اهل المناطق الثانيه

معه الصارم وعزو

واسطه

اقول

حائل حاااااااائل حائل

صيفها هائل

دعايه مهرجان حائل السياحي الثالث




عبد العزيز

الصارم

راعي الوقيد

متفائل

عبد الله السالم
عبد الله الواكد

انا


شدو العزم والراده الله الله ابشرو بعزكم

وبدون منافس النصر لنا ولي يستريح الباقون

الا من انضم لنا

[الجازي]

اللي يرشح فريقي للفوز يبشر بترشيحي له وترشيح أهل الرياض كلهم ماعدا ريم شمر :)

الله يستر لايطلعون هالتماسيح أسنع منا ويزين عشاهم وحنا مابعد شرينا المقاضي :)

[مجموعة إنسان]

ماشاء الله ماشاء الله

حاضريـــن ...

طيب وين أهل الشمال ؟؟؟؟؟؟؟؟؟؟

وين اخونا المهيني ؟؟؟؟؟ <<< اهل الرياض حضر التشجيع وبقي المشجَّع ذاته |505|

راسلووووووه الله لايهينكم

وكل معزِّب يجمع رفاقه بالطلعه ويتفقون بالرسايل الخاصه

وإذا حضرتوا كلكم هنا بلغوني بمشاركتم هنا عشان أحدد وقت إنزال المشاركات



ملحوظه :

راح نحدد من الساعه كذا لين كذا من ليلة أو يوم كذا للتنزيل عشان ناس ماتراقب ناس << يانذلي |501|


أنتظر تجمعكم



تحياتي لكل متحمس لجماعته

|116||116||116|

[مجموعة إنسان]

إعلان



تقرر ان يكون يوم الخميس القادم هو آخر يوم لإنزال مشاركاتكم إخوتي

قبل الساعه التاسعه ليلاً أتمنى أن تكون جميع مشاركاتكم مكتمله ..

بحيث تكون كل فرقة منزله وجباتها الثلاث مجتمعة وبمشاركه مستقله عن الفرق الثانيه

ولتسموها ماتشاءون .. ولتختاروا ماتشاءون من طرق التقديم و ..... |116|


اتمنى أن تخطروا إخوتكم الذين لم يحضروا

ومعكم 6 ايام والله لو تبون تصنعون طيارات يمديكم .. |501|


تحياتي،

[رضا الزميلي]

أقول مجموعة إنسان

أنتي هالحين سنعي خوياتك

على الأقل طبخة وحده

تري كبودنا تشفشف

عقبن عاد ارجعي للتماسيح


المجهول

[ابو خليف]

^
^
^
^
^
هههههههههه

ودن كبيدتك وتحره

وان تبي عضم ررفل ياولد بس لا ترجا شين منهن

[عبدالله المهيني]

:):):):)

<<<< بلشان مايعرف يسوي حتى البيض

طيب طيب هذه والله النشبه لكن وشلون الحل ياولد

الحين من هو اللي بفريقنا :)

يا عيال ابشروا بالمقاضي كلها وفوقها حبة خشم بس تروني ادور السنع عندكم

الا يا مجموعة نسان ماينفع احجز لكم من غوزي والا الفخار او اي مطعم ويمشي الحال :D


طيب طيب لا تدفون

طبعاً بنات الرياض من ضمن الفريق أكيد هذه مايبي لها كلام

يالله يا الريم وشموخ وريم شمر

بيضن وجيهنا وسجلن طلبات المطبخ كلها بورقة واعطونياه وخلال ساعه وكل الطلبات عندكن

ولا تفلشنا


طيب وين الشباب ماني شايف لهم اثر بهذا <<<<< يعني اني ماني متاخر


الدرنفيس ( مفتاح 14 )

أخو سعدى ( هذا الظهير الايمن للمطبخ :D )

راعي الوقيد ترى انت من اهل الرياض وش موديك لـ عزوز وشلة حائل

خلك معنا ابرك لك

يالله سنعونا تروا والله ماعندي سالفه بالامور هذه

[راعي الوقيد]

انا اللي والله بلشان بين ثلاث محاور << محاور الشر:p

والله ماني عااااارف|13|

اروووووووووووح لميــــــــــــن

وإنضــــــــــم لميـــــــــــــــن

الكل غاااالييـــــــــــن

|3| أأطــع نفســي|109|

تدرون شلوون|513|

انا ارشــح نفسي عضوا ًفي لجنــــــة الحكام << الذواااقة:)

عندي خبــرة بالأكلات الشعبيــة << رغفان وقرصان وهبيش ومبيش|507|

فيــه احد عنده إعتراض << Any Objection |113|

يالله الى اليوم الموعود

[عبدالعزيز]

^
^
^
سبق اني قلت لك السنع مايتعدى "الحوايل" وخذ هالصورة لي من ضمن 20 صورة كلهن عن الطبخ خله تدغدغ مشاعرك شوين وتره صورة البداية|116|

http://shmmr.net/vb/uploader.php?file=abdulaziz-1121.jpg

هالذبيحة منه فطورنا وغدانا وعشانا "بالصور" ;)
والفوز الله اعلم انه لنا ولابه حتسي

عضيدي ذيب شراف ايابعدحيي هالوجه

خذ لك فرة على العربان اجمعهم لنا لاهنت;)
وشف تسان عندك صور لك انت جبهن وزيادة الخير خيرين

[راعي الوقيد]

^
^
^
اي صورة مابه صور يابعدحي:eek:

انكس جاي زبط الدعوى لاتفاول على ربيعنا مع هالصورة:rolleyes:


والفوز الله اعلم انه لنا ولابه حتسي

انت تقول الله اعلم !!

انا اقول مثل الشعرات بوجهك إن مايفوز بالكاس غير اللي مطلاعهم مابين مشار

واباعدي ، ونقبين ، وعاندزه ، والشعبين ، وجو ، وصحى وصحي و...و...و...

زاد تبي حقين الثمامةياربي لك الحمد|502|

والا اهل السِّيفْ ، والقطيف ، وهاف بمبي ، رويـــــــــــد رويـــــــــــد يابوك|501|

من باقي ،، اهل الشمال:) << تمييلة العقال ولا غيره ، واليا اشتهوا وتوافقوا يمكن المركز الثاني حولهم;)

موفقين خير الجميع .........

[مجموعة إنسان]

إيـــــــــه هذا الشغل ماشاء الله عليك اخوي عبدالعزيز |116|


الدعوا فيها هرافي |507|

|86| <<<< تتنبأ لفرقتكم أخي بفوز ساحق



اخوي راعي الوقيد :

أي مابه صورة ؟ |505|

وهالهرفي المعلق والجزار اللي ماندري هو مصيّف وإلا مشتّي ‍‍! |501|


وبعدين أشوفهم يتقاطعونك ماشاء الله ؟ وإنت حايرة رجلك |501|

تذكر عبيد بن رشيد يوم قال :

القلب من كثر الهواجيس قزّان ... ما يستريح من الدهر ربع ساعة

يا غافر الزلات يا والي الاحسان ... تجعل من التقوى لنفسي بضاعة

أنا على لان و ربعي على لان ... متخالف رايي و راي الجماعة

أنا ولد علي سلايل كحيلان ... و ربي خلقني للسبايا وداعة

الناس ما تسقيك لا صرت عطشان ... ولا يشرب المظمي حذا من ذراعه

اضرب على الكايد لا صرت بحلان ... و عند الولي وصل الرشا و انقطاعه

اما تجي بعقود حص و مرجان ... ولا فهي لابليس طار بشعاعه



تحياتي،

[راعي الوقيد]

الناس ما تسقيك لا صرت عطشان ... ولا يشرب المظمي حذا من ذراعه

اضرب على الكايد لا صرت بحلان ... و عند الولي وصل الرشا و انقطاعه

اما تجيب عقود حص و مرجان ... ولا فهي لابليس يطير بشعاعه

ماني عطشان وإلا تسان كاسر ٍ الحوض!!

كنت بحلان وضربت على الكايد ورشحت " انا " من ضمن الخرمنجيه << من يتذوقون الإنتاج|513|

رضا الناس غاية لاتدرك|501|

[هايس الشمري]

طيب يالربع اللي هو بالشرقيه و اهله بالرياض

وين يروح؟

و اذا سجل ماهي واجباته و ما هي حقوقه خخخخخخخخخ

و تسان ما حستكم منتم و السنع مني هههههههههه

[الغثه]

ماشاء الله ماشاء الله

حاضريـــن ...

طيب وين أهل الشمال ؟؟؟؟؟؟؟؟؟؟


|116||116||116|


اول واحد شمالي

باقي شله ماجو مدري وينهم

[شنقل]

الغثه


الجو000جو

والعيال ماجو

انت خلك بالصحن ( منطقه بالشمال)


وانا اجيب لك عبيد (عشيرك)

بس شوفة عبيد تسوى مليون طلعه

تحياتي

شنقل

[عبدالله المهيني]

وين الملايين

شعب الرياض وين

ياجماعة لا تخلون خويكم والله توهدن بهذا

الذيب خلك معنا ترى عندنا مميزات ههههههههههههههههههههههه << مايعرف يكذب

[أبو فيصل]

اقول ياراعي الوقيد
تر شاحن الموتر ارطاء رغم الآرطاء متوفر بكثرة بس نقهر بعض العالم اللي لاحول ماعندهم والعزبة والمة والتوانك مليانات من ماء مشار

والخرفان بحوض عزوز والمراكي والعفش ودبرتة ..والخيام مع ذيب شراف وماطور الكهرب ... انجز علينا تراك معوقنا انتحراك ..ولا القعدة بروس النوازي ماغير تشوف الآ..الآرطاء والنفود اللي تقل ذهب ولا الذعذاع مع تالي العصر يهب عليك

هاة انت معنا ولا منت معنا .
تر قهوة الفجر والمة قبل فجة النور ....

[عبدالعزيز]

ابوفيصل وانا وذيب شراف

ومتفائل وينه؟؟:mad:

ابي اراسله ولاجاء نبدى نتراسل وغيرنا لهالحين مايدرون وين كوعهم من بوعهم:)

[هايس الشمري]

المهيني ابشر بتزيين المهيلة و الشاهي

http://www.alsaifco.com/dbimages/طقم-دلال-2001-حلزوني-فضي-ك.jpg

http://www.alsaifco.com/dbimages/ابريق-الماسي-ذهبي-ك.jpg

اصبرواا تطيبواا
http://www.alsaifco.com/dbimages/مبخرة-الرومانسية-لونين-ص.jpg

http://www.alsaifco.com/dbimages/مبخرة-الهلال-ذهبي-ص-1.jpg

[ريم شمر]

سر ياابن المهيني وشعب العاصمه معك







مجمج

اقترح تمددين للشباب اسبوعين :)

[عبدالله المهيني]

سر ياابن المهيني وشعب العاصمه معك







مجمج

اقترح تمددين للشباب اسبوعين :)


عز الله يعزك

ياريم شمر



ايه كذا الواحد يرتاح

ويذكر ان معه اللي يسانده


مجموعة انسان

ترى والله اقتراح ريم شمر حلو <<<<< ههههههههههههه تروا ماهي كسل :D:D

بس يعني تقدير لمشاعر اللي توهم يتعرفون على المطابخ :)

[شموخ]

الاياهل الرياض تكفون لاتفشلونا وين الباقين هجوا وخلوك :):)

تحياتي
شموخ

[عبدالعزيز]

يامشرفتنا يامجموعة انسان

دبشٍ هذولا والله ماعندهم ماعند جدتي لكن حطي لنا موعد انزال المشاركات
|6|

[راعي الوقيد]

تر شاحن الموتر ارطاء
الموتر صار له شاحن بعـد:eek:

والخرفان بحوض عزوز والمراكي والعفش ودبرتة ..
كفووووو والله عاشوا العياال;)

والخيام مع ذيب شراف وماطور الكهرب ...
بعد خيام وماطور كهرب|501|

تبون شين اجيبه معي من هنا بوجهي :rolleyes:

اكيد ماتبون حااجة تسذا والا تسذا:)...

انجز علينا تراك معوقنا انتحراك
هاة انت معنا ولا منت معنا
انا ،، ما انا معكم للأسف|117|

انا تلقونن قدااامكم بروس الناايفاات

[أبو فيصل]

اية هين يالمهيني ...عاد دلال السيف وطقتهن مانعترف بهن
ماعندنا الا البغاديد ... اقول وش رايك بعد ماتمدد مجموعة تسير علينا بحائل منها نتشاوف ومنها تاخذ كورس ..بالشغل السنع....ولا اذا هي على القاتوة والحلاويات انشهد ابصم لكم بالعشرة ..طع شور اخوك تعال وخلك من انا في الثمامة لايتوخر العشاء لا تتآخرو علينا ..

[مجموعة إنسان]

هلا بالجميع



الخميس

الخميس

الخميس

الخميس

الخميس << القادم

الساعة 9 مساء تكونون نزلتوا مشاركاتكم عشان نعمل لها تصويت ..

تمنياتي لكم بالفوز بالتصويت

أهل الشمال ساكتين مدري سكوتهم اللي يسبق العاصفه وإلا مادروا بالسالفه ‍!!

تحياتي،

[مجموعة إنسان]

تنبيه هام


اخواني المشاركين

بعد سلامي الموشح بالأماني

احب أن اخبركم بأنه تم الإتفاق مع الفرقتين ريم شمر والريم

بعد تقديمهن طلب بذلك

على أن ينزل كل فريق 3 مشاركات في كل مشاركة وجبة منفصله

بمعنى :

فريق ريم شمر ينزلون :- وجبة فطور بمشاركة مستقله .
-وجبة غداء بمشاركة مستقله .
-وجبة غداء بمشاركة مستقله .
فريق الريم ينزلون :- وجبة فطور بمشاركة مستقله .
-وجبة غداء بمشاركة مستقله .
-وجبة غداء بمشاركة مستقله .

8
8
شكلهم ماراح يقهووننا العصر ويحلوننا على الترويقه .. |505|


أنتم اخواني :

إذا تبون تعملون مثلهم مافيش مانع

8
8
جرى التنويه عشان ماتقولون مجموع إنسان تحالفت مع البنات |501|


اللهم هل بلغت اللهم فأشهد |507|


تحياتي،

[ابو خليف]

يعني افلسنا من العشاء

[عاطل بسببهم]

ريم شمَّر


ستكون على ذمّة التحقيق الإثنين ،الثلاثاء والأربعاء

ننتظركم في الادعاء على المظلوم او الظالم
شمالي جديد عليكم لكن انشالله اكون مميز عندكم

[مجموعة إنسان]

http://smileys.smileycentral.com/cat/4/4_9_7.gif

وينكـــــــم ؟؟؟ ‍!!

أفــــاااااا

http://smileys.smileycentral.com/cat/4/4_9_7.gif

[عبدالعزيز]

أنا بوه

[مجموعة إنسان]

انت بوه

بس مابوه شين ينوكل

[عبدالعزيز]

أجل اعذرينن على التأخير ياخالتي ووالله اني رافع الصور على المضايف وخالص بس عاد بقي اضيف عليهن بعض البهارات الاستفزازية:)
وهالحين مايمدينن ابنام ولاقمت وصليت الجمعة ورحت للعزيمة ورجعت للبيت ولتحت لي جويك لبين مقرّص وفقدت الوعي عليه وقيلت وقمت انزله على رواقة

لي عذر؟

[الفاضي]

طااااااااااااااااااااااط


هنووووووووووووووووووووووووه


اصبرواااااااااااااااااااااااااااااااااا اذا به متسان لي مع عزوز ابي اروح معه


عزوز دور لي متسان

عادي افحج على القير او اجلس وراء عند العزبه الوضع عادي عندي
اهم شي رتسب معك




طاااااااااااااو