المساعد الشخصي الرقمي

مشاهدة النسخة كاملة : ()()( صدفة )()()


السنافية
10-06-2004, 05:10
السلام عليكم ورحمة الله وبركاته


متواضعه اتمنى ان ترتقي الى ذائقتكم







()()( مدخل )()()


(1)




(صدفة ) لمحته متلف القلب والحال =واختلطت بقلبي أحاسيس عدة
مدري غلا.. ولا وله.. يمكن هبال =فزيت له والقلب بيّنت وده
حضنت كفه في كفوفي وبالحال=صد وسحب من راحة يديّ يده!!






(2)


وكانه بالتحدي والممارا=اخذت الكاس منكم وبجدارة
واذا للهم ميدان وبطولة=وربي مااخذت الا الصداره
دموعي فوق خدي بالتناوب=تداوم زامها شفت وخفاره
وقلبي من عرفتك ماتوانا=اخذ للهم رخصة واستماره
واذا محد يصدقني يجيني= وانا اشكي له همومي والمرارة
اشيل جروح والامٍ ومآسي=اداري عبرة(ن) ماهي تدارى
اون بصمت ونات(ن) كثيرة=وربي ونتي ماهي عياره
اجر الصوت ثلث الليل الاول=وباقي الليل ادعي وبحراره
عسى الله ينتصف لي من حبيب(ن)=كسر قلبي وسبب في دماره
وعساه يذوق من جور الليالي=ويذوّقه الولي من حر ناره
الاياكيف تجرح كبريائي؟=شموخي ليه تسعى بانكساره؟
حرام تدوس حلمي تحت رجلك=حرام تهشم قلوب العذارى
تحطم عزتي يالله دخيلك=وانا اللي جيت لك كلي طهاره
نسيت جروحك اللي وسط قلبي=وقلبي ساقني لك باختياره
طويت الدرب وحدي وانت وحدك=انا ارقى وانت تسعى بانحداره
اسوق لك الغلا يوم انت بايع=خسارة دنيتي صارت خساره
وهالحين اسمع علوم(ن) جديدة=وخل علوم حبي واحتضاره
صحيح اني احبك حيل لكن=عزيزة نفس وافهم بالاشاره
ولاني شفت زلاتك توالت=وصداتك وجفواتك تبارى
ولانك عاشق(ن) ذاتك. اناني=وفي قلبك من القسوة عُصاره
عنيد وقاسي وصلف المشاعر=شحيح(ن) يحسب القسوة شطاره
نزعت الحب من قلبي وعفتك = ترا النيران سبتها شراره
وعقب هالموقف اعطيك استقاله = خفوقي رجعه في وسط داره
ابي حريتي منك (حبيبي) = خفوقي حرره .. باصلح مساره
()
()
()
()
لكن ارجوووك ياخلي تركّد = ولاتتبع خفوقي في قراره
وجودك في حياتي ياحياتي = ضروري في دماره او عماره

وسلامتكم

واسمحوالي على القصور

السنافية
شنقل
10-06-2004, 06:09
وقلبـي مـن عرفتـك ماتـوانـا
اخـذ للهم رخصـة واستـمـاره

صح لسانك

ويطيك الف عافيه

وذكرتيني بش مهم

الرخصه منتهيه عندي ولازم تأمين
هذا من غير القسايم

تحياتي لكشنقل
ابو خليف
10-06-2004, 06:46
السافيه


صح لسااااانك

وادم هطو لك
خلود البراري
10-06-2004, 12:39
الله الله يالسنافيه


طويت الدرب وحدي وانت وحدك
انا ارقى وانت تسعـى بانحـداره



اظن انك متمرسه شعـــراً


ابيات حكت الكثير



صح قلبك



بانتظارك دوماً
شموخ
10-06-2004, 20:04
صحيح اني احبك حيل لكن=عزيزة نفس وافهم بالاشاره
ولاني شفت زلاتك توالت=وصداتك وجفواتك تبارى
ولانك عاشق(ن) ذاتك. اناني=وفي قلبك من القسوة عُصاره
عنيد وقاسي وصلف المشاعر=شحيح(ن) يحسب القسوة شطاره
نزعت الحب من قلبي وعفتك = ترا النيران سبتها شراره

ياعيـــــــــــــــــــــــــني عليك ياالسنافيه وربي رهيبه


تسلمين ياعزيزة النفس والله على هالقصيده ....

السنافيه

صح لسانك
ولاتطولين الغياب ....

تحياتي
شمـــــــــــوخ
سرحــان
10-06-2004, 21:53
ولانك عاشـق(ن) ذاتـك. انانـي
وفي قلبك من القسـوة عُصـاره


عنيد وقاسي وصلـف المشاعـر
شحيح(ن) يحسب القسوة شطـاره


نزعت الحب مـن قلبـي وعفتـك
تـرا النيـران سبتهـا شــراره


وعقب هالموقف اعطيك استقالـه
خفوقي رجعـه فـي وسـط داره

ابـي حريتـي منـك (حبيـبـي)
خفوقي حرره .. باصلح مسـاره




السنافيه

تسلمين على الرائعه والمميزه


تحياتي
فيصل اللويش
11-06-2004, 01:29
الرائعه

السنافيه


عوده جميله


وقصيده حبكت بسعة مدارك جدا مميزه


صح لسانك

وتم تثبيت القصيده لقوة الحبكه الشعريه بها وتعدد طرق الانتقال بها


اخوك... فيصل اللويش
السنافية
11-06-2004, 01:42
الاخ

شنقل


شاكرة لك مرورك


هلابك



تحياتي



السنافية
أم نــــــــــواف
12-06-2004, 14:03
عزيزتي السنافية
قصيدة اشبه ماتكون بالغزال
رشاقة قفزاً وفتنه
حقيقة رائعه أنت وقصيدة ملفتة للأنظار
سلم بنانك
وصح لسانك
وأتحفينا بالمزيد
فنحن من الذين يأسرهم الجمال
عبدالله الجعيثن
12-06-2004, 16:30
واذا للهم مـيــدان وبـطـولـة
وربـي مااخـذت الا الـصـداره

السنافيه

ونحن نتمنى عكس ذلك

نتمناها لك بالافراح والمسرات

قصيده جدا جميله

قصائدك مميزه

وشهادتي لاتوفيها حقها
سلطان الشمري
12-06-2004, 18:45
السنافيه..


المطر كما يحلو للجميع تسميتك..


الله ..الله ...انقطاعك لا يعوضه الا مثل هذه الفاتنه..





صح لسانك..اخيتي..

وفكرت احتار بيت اعجبني ...واحترت مابينهن عن جد قمة الاناقه..






شكرا لعودتك..



تحياتي
بتول آل علي
12-06-2004, 22:37
الرائعة

السنافية


بعد طول غيااااب ...

أخيرا جاااء الغيث لنرتوي منهُ قراءا

شكرا من الأعماق و صح لسانك


تحياتي

الدهور
بو رائد
13-06-2004, 13:39
[quote]هذا الشعر لاقالوا الشعر له ذوق==فيه المشاعر والاحاسيس روعه يحفظك الله يابعد حيي
السنافية
14-06-2004, 04:22
ذيب شراف



صح بدنك


وشاكرة لك تواجدك وتعقيبك


تقبل تحياااااااااتي


لاهنت


السنافية
السنافية
14-06-2004, 04:26
الاخت




الغالية


خلود البراري


والف شكر على تعقيبك المميز


اطلاعك يشرفني جدا


تقبلي تحياتي


لاهنتي


السنافية
أبو ممدوح
14-06-2004, 09:46
لكـن ارجـوووك ياخلـي تركّـد
ولاتتبـع خفوقـي فـي قــراره
وجـودك فـي حياتـي ياحياتـي
ضروري في دمـاره او عمـاره


السنافيه :-

صح لسانك مليون مرة وتسلمين على ها القصيدة الرائعة والمعبرة والتي تمس أحاسيس كثير من الناس والأبيات التي سبقت تعليقي هذا خير ختام لهذه القصيدة ( أحسنتي ختامها و ختام موفق ).

ولك أطيب تحياتي وتقديري .,,,,,,,,,,,,,,,

أبو ممدوح
السنافية
15-06-2004, 01:12
صحيح اني احبك حيل لكن=عزيزة نفس وافهم بالاشاره
ولاني شفت زلاتك توالت=وصداتك وجفواتك تبارى
ولانك عاشق(ن) ذاتك. اناني=وفي قلبك من القسوة عُصاره
عنيد وقاسي وصلف المشاعر=شحيح(ن) يحسب القسوة شطاره
نزعت الحب من قلبي وعفتك = ترا النيران سبتها شراره

ياعيـــــــــــــــــــــــــني عليك ياالسنافيه وربي رهيبه


تسلمين ياعزيزة النفس والله على هالقصيده ....

السنافيه

صح لسانك
ولاتطولين الغياب ....

تحياتي
شمـــــــــــوخ


شمــــــــــوخ



مرورك بحد ذاته تشريف.. فما بالك بكلمات الاعجاب


وانشالله اني موجودة حسب ماتسمح لي الظروف


صح بدنك ملالالالالايين


تحياتي لك

السنافية
فلاح العماش
17-06-2004, 01:18
مازلت عند رأيي




بأن السنافيه من أخطر الأسماء النسائيه المتواجده

في الشبكه العنكبوتيه .....!!!

تكتب بترف وعذوبه متناهيه

وبساطه عميقه


تكتب على سليقتها بدون رتوش أو ميك آب


بأختصار


أنتي جداً مذهله سنافيه

صح الله لسانك


والى الأمام دائماً وأبداً
السنافية
17-06-2004, 18:35
ولانك عاشـق(ن) ذاتـك. انانـي
وفي قلبك من القسـوة عُصـاره


عنيد وقاسي وصلـف المشاعـر
شحيح(ن) يحسب القسوة شطـاره


نزعت الحب مـن قلبـي وعفتـك
تـرا النيـران سبتهـا شــراره


وعقب هالموقف اعطيك استقالـه
خفوقي رجعـه فـي وسـط داره

ابـي حريتـي منـك (حبيـبـي)
خفوقي حرره .. باصلح مسـاره




السنافيه

تسلمين على الرائعه والمميزه


تحياتي


الاخ


سرحان


ومرور لم يضف للمتصفح الا الجمــــال


الف شكر على التعقيب


لاهنت

تقبل تحياتي

اختك

السنافية
بركات الشمري
18-06-2004, 01:45
.
.
.
جزالة حرف ...
خيال واسع المدارك ...
عذوبة بصياغة الحروف ...
.
.
.
باختصار قصيدة تجبرك على قرائتها كثيراً ..
وعلى التصفيق .. أكثر ...
.
.
أختي الكريمه الشاعره المميزة ..
السنافية

أمتعتينا بهذا النص المورق ...
لاتحرمينا من جمال ماتخطين ..



ودمتي بخير ..



بركات ..
السنافية
22-06-2004, 01:36
الرائعه

السنافيه


عوده جميله


وقصيده حبكت بسعة مدارك جدا مميزه


صح لسانك

وتم تثبيت القصيده لقوة الحبكه الشعريه بها وتعدد طرق الانتقال بها


اخوك... فيصل اللويش


الاخ


فيصل اللويش


تشريفك وتواجدك ضمن المتصفحين اعتبره شرف كبير لي


فمابالك بتثبيت القصيدة وتسجيل اعجابك بها


كل الشكر لايكفي


تقبل تحياتي


السنافية