التشجيع الأعمى

[مطرد الهبايب]

لقيت بالشارع تجمهر من النـــــاس
بغيت أمر وضيقوا لي مجالي
وطالعت وليا وسطهم خمسة أكياس
أكياس تبنٍ في تصور رجالي
وسألت عنهم قالوا الأمر محتـــــاس
ثلاث ساعات بهوش وقتالـــي
استخدموا مابينهم ضرب الأبقـــــاس
ثم الخشب من بعد حذف النعالي
هذاك مفلوقٍ على هامة الـــــــــراس
وهذاك منه الدم بلحيل سالـــــي
وهذا خنق هذا كتم فيه الأنفـــــــاس
وهذاك مكسورٍ بيده الشمالـــي
قلت العدواه بينهم مالها أجنـــــــاس
أكيد هذا قاتل لذاك غالــــــــي
قالوا على هونك عداوة بلا اســــاس
هذاك نصراوي وهذا هلالــــــي
هذا يقول إنا نبي ناخذ الكـــــــــاس
وهذا زعل ويقول ياهملالــــــي
قال انكتم مكسبك ماغير الإفــــلاس
الكاس بيدينا من أول وتالـــي
وزاد النزاع ووصل تحديد الأضـــراس
وتماسكوا بايدينهم بانفعالــي
قلت اسمعوا ياعبيد واحمد وعبـــاس
تعالوا احكم بينكم بالعدالـــــي
ياعبيد لو فزتوا حبايب ولا بـــــــاس
وان كان هم فازوا فلا ضاق بالي
حنا نشجعكم جميعاً بلا قيــــــــاس
وبلادنا وحده في كل حالــــــــي
حنا جسد واحد ويشعر بالاحســاس
من عائله وحده عمام وخوالــــــي
صيروا حبايب واتركوا شغل الأنجاس
واضحك وغن ألحان بين الدوالــي
وان كان في راسك شجاعه ونوماس
ماهي علينا منك يابن الحلالــــي
وأقفى وهو مليان حقدٍ ووســــــواس
يركض وهو راسه من العقل خالي


وسلااااااااااااااااااااااااااامتكم

[سعود بادي]

مطرد الهبايب



الله الله


رائعه ومعبرة


الف صح لسانك وجاد بنانك

[فيصل اللويش]

الغالي


مطرد الهبايب

مشاركه اولى جدا ناجحه ومميزه ورائعه


صح لسانك


وبأنتظار قادمك الجديد




اخوك... فيصل اللويش

[عبدالله الجعيثن]

مطرد الهبايب


مشاركه اولى ناجحه

ومميزه ورائعه و معبره


صح لسانك



بأنتظار الاجمل

[بتول آل علي]

الشااااعر الرائع

مطرد الهبايب


بصراحة كنت أقرأ بكل حماااس و أنتظر بشغف أن أعرف سبب هذا القتال

ههههههههههههه و في النهااااااية يطلع نصراوي و هلالي :)

و ربي ضحكتني ... ألف صح لسانك

و مع ذلك ... هذي حقيقة نتعايشها

و شررر البلية ما يضحك


أختك

الدهور