مزودة شنقل الأخباريه

[شنقل]

مزودة شنقل الاخباريه

ترحب بكم ويسرها أن تعلن عن بداية بثها
على القمر (بساسات)
تردد77777\88888
بكيفكم عمودي او افقي حتى معلاق الثياب يجيبه
على مدار الساعه بث حي(ميت) ومباشر (للشفايين) من الغبشه للغبشه

أنواع الاخبار:

طازجه ( من البقره للمائده)
وبعضه نص استوا (بيض عيون)(تشريب)
اخبار خنفشاريه واخبار متموسه (عيش تمن وعيشه بيضا)
هههههههههههههههههههههههه
اخبار كورجيه
سوف ننقل مباريات اوروبا من البر تقان
اخبار اقتصاديه( اسعار الغنم) وتأثيرها على البورصه(داو جونز)

قناة شنقل الاخباريه خفيفه سهلة الهضم والزرط ونوب قرط


قناة شنقل :

تقدم لكم الوظايف (اللي مانشبوا للحين بطرق الملفات الخضر)
1- مذيعين:
الوسامه لاتعني لنا شئ مايعتاز خبره ولاسكبه
لوتطلع على الشاشه بفروتك00لانقبل الحريم (قناه محافظه)
2- مراسلين:
أهم شي يكون مسرد حتسي ولامانع لو زاد شوين


من لديه الرغبه الاكيده عليه التقدم بمركزنا الكائن
(تونجيقيا) هذي دولتنا الجديده توه فتحت

شنقل

[عبدالله المهيني]

اخبار اقتصاديه( اسعار الغنم) وتأثيرها على البورصه(داو جونز)

لا يسمعك واحدن بهذا

والله لا ينصفر على الكيبورد ههههههههههههههههههه



2- مراسلين:
أهم شي يكون مسرد حتسي ولامانع لو زاد شوين

أما مسرد هذه تبي لها موضوع لحاله

عزا الله صدقت يابو 14

ههههههههههههههههههههه

بس نشرة الاحوال الجويه مالها طاري ؟؟

[ابو خليف]

ههههههه

طيب انا اشوف بس دعيات ما جبت اخبار

والا يعني للحين ماسرتو حسي
اقصد ما وضفتو مسرد حسي


ككككككككككككككككك

[الاعلامي]

هههههههههههههههههههههههههه

ههههههههههههههه

هههههههه

هه




شنقل الله يرج ابليسك

على الموضوع الطريف

يعطيك الف عافيه

وماننحرم منكم






الاعلامي


.

.

[شموخ]

مزودة شنقل الاخباريه


اخبار اقتصاديه( اسعار الغنم) وتأثيرها على البورصه(داو جونز)


شنقل


ياهلا بشنقل :):)


ماعندكم وظايف للبنات :(:(

الا على طاري الاخبار الاقتصاديه واسعار الغنم كم وصل سعر الاغلاق اليوم ...:)

شنقل ابو جاكيت ارزق" اللي بتوقيعك " مالقيت له وظيفه ياهو يصلح في فيديو كليب مع نانسي عجرم :):)


تحياتي لاابو الشناقل ...


شموخ

[شنقل]

المهيني

مساك الله بالخير

مايعتاز نشره جويه
جونا معروف باصيف عجاج وسموم ولواهيب تصلخ الوجه
والشتاء بردن يكسر العظام

الا قلي وش سالفةابو 14
يوم تقول صدقت (صادوه)

تحياتي

شنقل

[شنقل]

شموخ
مساء الخير
اغسلي يدك من الوظايف للحريم
سياسة(المزوده) واضحه وصريحه
حريم(no)
شكللك انتي عضو بحقوق الحريم
يمكن نجيب حريم من السودان

عل فكره
ههههههههههههههههه
ههه
اهلك وش يدلعونك به

شمووووخه
والا
الشمخا
والا
شميخه
ااه ياتسبدي

تحياتي


شنقل

[شنقل]

الاعلامي


ثانكيو على الضحكه الحلوه

تحياتي

شنقل

[شنقل]

ذيب شراف

الاخبار
هذي مانبحل
اصبر شوين

وتشوف الدعثه

شنقوووول

[مفتاح14]

ويلوموني بشنقل.. ابي اقدم عليكم بس ترى شهادتي سادس وناجح دور ثاني:)

وبي لي عذروب هو اني ما اعرف احتسي الا وانا مرتكي:)

يعني لازم توفرون لي مركا وانا اقدم البرامج:)


وبعدين لازم يكون المخرج ذرب وسريع نبهه
لاني الله لايوريكم عندي حساسيه وبس اعاطس خاصة اذا جيت ابسوي به رسميات:) عشان كذا ياليت يكون المخرج ردت فعله سريعه ويقطع بعض المشاهد اللي ماهي كل هذا ;):)


<<-- الا ياقابلينك:)



ياليت تضيف لنا مميزات الوظائف والاغراءات الماديه..وهل تسلموني سياره مطبوع على بابه شعار القناة أم لا:) ( تخبر لزوووم الترزز هوني وهونيك:) )




يعطيك العافيه مستر شنقل..وسلملي على شمقل :)

ولا تبطي علينا بالذكريات;) <<- بلشه :)

[شنقل]

ابو 14
مساك الله بالبراد

انت يافلان وظيفتك محجوزه
بليا شهادات

نبي نحط مراسل لنا بجزر القمر
حسب مصادرنا يقولون( اذاعة يقولون شوف عيني مو قولن يقولونه)
ان الوضع هناك ماش



ونبي نسلمك

جيب مقفص 82
بس ماحنا حاطين عليه طمغه(شعار) القناه سبحان الله يمكن احد يستهدفنا
ونكتب عليه شنقل لنقل المدرسات (تمويه)
وجهاز كينوود
تخبر القناة وضعها المادي مش ولا بد
ياما الله يفرجه


على فكره يسلم عليك اخوي شمقل
امس سفرناه بسابتكو يم رفحاء
راح يتنشا لنا الاخبار بكا الديار

تحياتي
لك شنقل

[عبدالله المهيني]

عزا الله صدقت يابو 14




للتوضيح

للتوضيح

كان المقصود بما تم ذكره أعلاه <<< مو كني مدير بحدى هالادارات :)

بناء هلة ماقاله شيخنا أبو 14 بموضوع كلمتين عقدتن شنقل

والذي فيه يتنبى معالي حاكمنا << يبي يوهقه :D

من تنبى عن مقدم - بفتح الميم << هذه لخواطر أهل الفصيح وهذه ايقونتهم :)

عضو جديد مميز وسوف نورد نحن أهل الإحتياجات << مو كنه غصب يجيب لنفسه طاري :cool:

كلامات معالي أبو 14 وهو كالتالي


^
^
^

رد ينبئ عن مولد (ملتمس) جديد بفلة الحجاج:)

تصدق ان اسمك رومنسي ومن زود الرومانسيه ان اللي يقراوه يحس بتكّاك بالحويصلات الرؤيه:)





أخي العزيز شنقل

اتمنى ان يكون زال الالتباس الأن

وتأكد أخي العزيز أننا نكن لك كل إحترام

وننتظر منك كل ماهو جديد دائماً

وسجلني أحد متابعينك

أخوك - عبدالله المهيني

[عبدالله الجعيثن]

كان عندكم وضيفت مراسل

تروني اتونس ليا حطيتونن مراسل من ثانوية او كلية بنات

[شنقل]

المهيني


مساك الله بالبراد

تخبر الدنيا حر الحين

ايه الالتماس قصدي الالتباس مبطى
همز

الف شكر لك


تحياتي الحاره( تطبخ)

شنقل

[شنقل]

الغازي

هلا
هلا
بأثر هلا ياماتاصلك

بالنسبه لطلبك الترشيح على وظيفة مراسل

لازم ترسل لنا سيرتك الذاتيه واهم شي هواياتك
لان سياسة القناة تنص على
قل لي ماهوايتك اقول لك من انت

مع اننا مزنوقين هالوقت ماعندنا مراسلين

عيناك مراسلنا الدايم باي مكان تبيه

حتى لوكان
اللي قلته

تحياتي
شنقل

[رضا الزميلي]

شنقووولي

يالخير ياجذع

من الحين ترن حاجز مخرج البرامج

وعندي شهادة الكفاءة بالإخراج

بس عاد الله الله بالراتب

وألا توه جاين عرض من قناة( ........ ) ؟؟؟!

يالعزوة لا تنسى تسلم لي على أخوي شمقوووولي


المجهول

[شنقل]

المجهول

والله يافلان


ان الواسطات ذبحتنا

وين مانروح الا وهم ورانا

بس محد تفطن للاخراج ( والله انك ذهين )ولاحد قدم يبي يصير مخرج

اللي يبي مراسل قريب من اهله

واللي مذيع يبي يشبك له كم نفس بشريه

ونت مدام انك مصمل على الاخراج

ابشر به جتك وتستاهل




والراتب ماحنا مختلفين عليه


تحياتي لك


شنقل شقيق شمقل ابوغبوط ازرق

[نايف التومي]

هلاااا ياشنقل قناااااااة




اخباااريه



اقتصااااديه



ولا رياااضيهه






اووووووه لازم تشووفلي سنع ولابزززعل










شوفلي مراااسل سوااق الي يجي بس ابي اكوووون حولك حواااليك






انتظرررك ياحبي

[الشبث]

يا سلام اخيرا راح اتوظف


اخ شنقل انا ابيك توظفني عندك


مذيع لاني وسيم (ايه هين)

لاتمقلتن زين
روغة وجهي تقل جرج قرداحي

والزول ماعندك احلامنه

والاالحكي مسردن اكل اللي قدامي

وسان فيه عندكم مثل برنامج حتسي (كلام) نواعم

ياليت تحطن به


بس اهم شي توفرون لي هدوم
تخبر ثيابي كلهن الدفه (ولا افشلكم )

وتقلد
تحيات

الشبث

[رضا الزميلي]

أخوي /شنقل

بسرعة

قلي وش المغريات والشروط

بسااااااااع

العروض تنهال علي بشكل مغري

أنتظر ردك بأسرع وقت


المجهول

[شنقل]

المجهول

انا اقولك وش الشروط والمميزات



شروط التوظيف في مزودة شنقل الاخباريه :

1- اول شي لازم ملف علاقي اخضر وسمل (قديم )

2- ان يكون حاصل على شهادة العيال (سادس )

3- ان يكون راعي سبحه ( مايصفي الماء على ظهره )

4- رخصة سواقه سارية المفعول نقل ثقيل

5- خبره لا تقل عن شهرين حتى لو هو بكبينة اتصالات

6- ان يكون راعي خنقات وفزعات( يجيك مطسسس)

7- لابد ان يكون لديه جوال ( لوهي سوا ) والشحن علينا0

بس هذي شروطنا


اما بالنسبه للمميزات

1- راتب ( ماحنا مختلفين عليه)
2- سكن جماعي مع زملاه الموظفين عشان مايضيق صدره ( اهم شي عندنا النفسيه)
مع وسائل الترفيه ( بلوت 0هند0 ضومنه0 وكيرم) بس بشرط البودر عليه0
3- صرف سلاح شخصي لكل موظف ( قناه)
4-في حالةالزواج تصرف له عنية عرس تبيض الوجه (خروفين)
مع تكفلنا التام بالقهوجيه ليلة العرس وكذلك فرقة للعرضه والسامري (نقل مباشر وحصري للعرس)
وايضا بشت عليه طمغة(شعار) القناة
ولاننسى كرفاجة النوم ( غرفة النوم)
في حالة قدوم مولوده الاول ( ماعلينا من الثاني)
نتكفل بالحفايظ والحليب لمدة سنه (الحفايظ 49 ريال\ الحليب20 ريال)
5- بالنسبه للمتزوجين اذا طمحت زوجته (زعلت وراحت لاهله) نتكفل بشريه له (رضاوه)

6- في حالة فقدانه للذاكره لاسمح الله
نجحده ولاعلينا منه0

مع تحياتي

المدير العام لمزودة شنقل الاخباريه

شنقل اخو شمقل ابوغبوط ازرق

[شنقل]

[



الشبث
عاد جورج ابو قرداحي هذي اطلع منها
انت خطر على الجنس الناعم
ابخليك تعلق على المصارعه الحره



عاد الهدوم لازم نوفرها لك الشكوى لله
تبينا نصير مضحاكتن عند القنوات الثانيه


شنقل

[ابو غازي]

شنقل
شروط التوظيف في مزودة شنقل الاخباريه :

1- اول شي لازم ملف علاقي اخضر وسمل (قديم )

2- ان يكون حاصل على شهادة العيال (سادس )

3- ان يكون راعي سبحه ( مايصفي الماء على ظهره )

4- رخصة سواقه سارية المفعول نقل ثقيل

5- خبره لا تقل عن شهرين حتى لو هو بكبينة اتصالات

6- ان يكون راعي خنقات وفزعات( يجيك مطسسس)

7- لابد ان يكون لديه جوال ( لوهي سوا ) والشحن علينا0

بس هذي شروطنا


اما بالنسبه للمميزات

1- راتب ( ماحنا مختلفين عليه)
2- سكن جماعي مع زملاه الموظفين عشان مايضيق صدره ( اهم شي عندنا النفسيه)
مع وسائل الترفيه ( بلوت 0هند0 ضومنه0 وكيرم) بس بشرط البودر عليه0
3- صرف سلاح شخصي لكل موظف ( قناه)
4-في حالةالزواج تصرف له عنية عرس تبيض الوجه (خروفين)
مع تكفلنا التام بالقهوجيه ليلة العرس وكذلك فرقة للعرضه والسامري (نقل مباشر وحصري للعرس)
وايضا بشت عليه طمغة(شعار) القناة
ولاننسى كرفاجة النوم ( غرفة النوم)
في حالة قدوم مولوده الاول ( ماعلينا من الثاني)
نتكفل بالحفايظ والحليب لمدة سنه (الحفايظ 49 ريال\ الحليب20 ريال)
5- بالنسبه للمتزوجين اذا طمحت زوجته (زعلت وراحت لاهله) نتكفل بشريه له (رضاوه)

6- في حالة فقدانه للذاكره لاسمح الله
نجحده ولاعلينا منه0

مع تحياتي

المدير العام لمزودة شنقل الاخباريه

شنقل اخو شمقل ابوغبوط ازرق
_____________

ههههههههههههههههههههههههههههه|17|
هههههههههههههههههههههههههههههه|17|
هههههههههههههههههههههههههههههه|17|
حســــــــــبي الله عليك ياشنقل
وربي حديتن على ااالرد غصب على خشمي وانا مابي ارد ابد :cool:
شنقل ياشين تفدغت تسبدي وإنجضعت إنجضاااع من الضحتس إنت منين طلعت لنا
ياعله طلعة السعد ياهالوجه |507|
7
7
7
اقول شــــــنقلوووه :cool:
ماتوظفن محاســـــــب ترى القرش المسكين يتشهد تشهد عندي وهو ماطلع لقسم ااالرواتب
هههههههههههههههههههههههههه|17|


7
7

الشبث
عاد جورج ابو قرداحي هذي اطلع منها
انت خطر على الجنس الناعم
ابخليك تعلق على المصارعه الحره



عاد الهدوم لازم نوفرها لك الشكوى لله
تبينا نصير مضحاكتن عند القنوات الثانيه


شنقل

شــــــــــــــنقل :rolleyes:
جااااااااك الشبث |17|
هههههههههههههههههههههههه |17|
:eek:

شــــنقل إنت مكــسب كبير لفلة حجاااج

[رضا الزميلي]

أبو غازي

تر التسجيل عن طريق المخرج

يعني شنقل ما عليه ألا الرواتب

وألا أنا هنا الكل بالكل


المجهول

[شنقل]

المجهول
مساك الله بالخير


الا على فكره نسيت اقولك

شي مهم انكم






على بند الاجور








ياماتترسمون





بس انت تمون


لك كافة الصلاحيات

وظف اللي تبي




تحياتي لك


شنقل

[شنقل]

ابو غازي

بعد اجتماع مجلس الاداره
ومناقشة طلبك
على وظيفة محاسب (حصل به واسطات وقط شمغ وحب خشوم)

صدر القرار التالي

يعين المدعو ابوغازي




على وظيفة
\
\

\
\
\
\
\
\
\
\
\
\\\\\\\\

ممثل














الممثل المالي (احسن من محاسب) لمزودة شنقل الاخباريه


ويصرف له بدل نقل امتعه من تاريخه

ويصرف له جيب شاص موديل السنه ( مع جهاز ماجلان وكينوود)

ويصرف له جوال على الاقمار الصناعيه

مع تمنياتنا له بالتوفيق بالمنصب الجديدالمدير العام لمزودة شنقل الاخباريه


شنقل

[رضا الزميلي]

ألف ألف مبروك أبو غازي

طبعاً بعد التشاور صدر القرار أعلاه

وتر شنقل كان معيي

والواسطة هو أنا<<< أنت دور لك واسطة بعدين توسط لخلق الله

حياك الله من جديد يابو غازي


المجهول

[شنقل]

المجهول

مساك الله بالخير

انت لك كافة الصلاحيات

ومبروك لابو غازي المنصب الجديد



شنقل

[الشبث]

شنقل

انت وقناتك مهملين شريحه مهمه بالمجتمع

شريحه لايمكن احد ينساهم

الا وهم (الصمووووول)مثلي وشرواي

كذا نطلع من المولد بلا فول

وبعدين ترى معنا مميزات ومغريات وهي:

1/النباهه فالمتزوجين واللي حوله عرس تلقاه ماخوذ لكن حنا مستريحين البال

2/نظارة البشره لانه ماتعرضة لعوامل تعريه(ايه هين)

3/زين المبسم

4/عرض المنكبين

5/حدة الصوت واللي يعتبر اهم شي لقناة جديده(خذهم بالصوت)

6/وبعدين الصمل يدوم لك ليامات انت اللي تارثوه(هذا اذا خلى وراوه شين)
















وتقلد تحيات اخوك الشبث

[لسّاع]

الاخ:شنــــقل،،،ولاعليك امر ابي تحطن لنشرةلاحوال الجويه،،،تخبر وسيم واشخص زين ووجهي تقول خارطة ايطاليا:D ابجذب لك مشاهدين بالملاييييييييين،،،( ماهقـــيت) :D

[شنقل]

شبثااااااااااان

يوم انك ناشبن بحلقي
وشتبي
سياسة القناه واضحه وصريحه
الصمول مالهم مكان عندنا

وضفناك وبالواسطه بعد معلق مصارعه
تدري انك خطر على المجتمع
المفروض يسوون لك حظر تجول من بعد الصفره (المغرب)
تخرع الوغدان ( بسم الله على حمووودي)
وخطر على الحوامل 0
تشوفك لك حامل وتتوحم عليك
اقعد به حنا قاعدين
ههههههههههههههههههههههه
ههههههههههههه
نحسن النسل
وانت تبي تشوههم



شنقل

[شنقل]

لساع

طلبك تحت الدراسه
بنجتمع مع مجلس الداره

المجهول
وابوغازي


وراح ندق عليك (زي المووسات اللي يقولون رح وندق عليك)

المدير العام
لمزودة شنقل الاخباريه
شنقل اخو شمقل ابو غبوط ازرق

[اخو سعدى]

خبر عاجل :

علمن لفانا قبل ما نغرف عشانا
شنقل اخو شمقل وخوي الروح والطفوله ( الشبث)
دحدرو يم الشرقيه من شان شبوث ينشب بوظيفتن
متوسطن له شنقل اخو شمقل .
والله من زين هالواسطه .. اغسل يديك اذا توظف شبوووث
لكن من يدري يمكن على يد شنقل يتسنع شبووووث

وسنوافيكم باخر الاخبار لاحقا ..

صوره مع التحيه لابو غازي
صوره مع التحيه لمفتاح 14

تشكرااااااااااااااااااااااات

[رضا الزميلي]

بالنيابة عن إدارة مزودة شنقل

فإننا نتقدم بشكوى ضد المدعو أخو سعدى

بسبب تدخله بشؤون المزودة

ونشر أخبار بدون أخذ الإذن

وفي هذا الصدد

تنفي إدارة مزودة شنقل

ماجاء في الخبر أعلاه

والله ولي التوفيق

المشرف العام على التوظيف في مزودة شنقل


المجهول

[اخو سعدى]

ياااااااااويطي
خبرك قديم يا بعد حيي
معك رئيس مجلس الاداره
ما يطلع الا بيومن اقشر
هههههههههههه

[رضا الزميلي]

ايه يصير خير

أقول رح دور لك محامي

وأترك عنك الأحلام الوردية والذهبية

المشرف العام على التوظيف في مزودة شنقل


المجهول

[اخو سعدى]

تكمله للخبر العاجل :

وصول شنقل والشبث
للمنطقه الشرقيه
بحمد الله وسلامته

التفاصيل لاحقا ..

[رضا الزميلي]

شنقل

وينك ماتفكنا من هالآدمي اللي تولجنا

في محاولة منه للتأثير على أعضاء المزودة

الإدارة لازالت تنفي

المشرف العام على التوظيف بمزودة شنقل


المجهول

[اخو سعدى]

اخر الاخبار ..

الشبث ادى اختبارات القبول للوظيفه
وذلك بمساعده شنقل
وهم الان بطريقهم للرياض

اما انت يالمجهول
كل البارحه واليوم يدورون عليك ولم يجدوك
ههههههههههههه

[رضا الزميلي]

هذي اللي ما أكبر منه

أخو سعدى أنت وش بلاك

لا تكون تشتغل بالجزيرة وحنّا ما ندري

يابن الحلال شبوووث الحين مسير على شنقل بتنجونيقيا <<< هي هلّون

ومكلمن من هناك كل شي على ما يرام

المشرف العام على التوظيف بمزودة شنقل


المجهول

[صمت النفود]

طيب البنات مالهم وظايف |8||8|

ابي اطلب وظيفه تعرفون جديده على المضايف ومااتوقع تردوني <<<بدا التشرط
:)
ابي
^
^
^
^
^
^
^
^
^
^
^
^
^
^
^
^
^
^
وظيفة
^
^
^
^
^
^
^
^
^
^
^
^
^
^
^
^
^
مشاهده <<<بس اراعي لقناتكم وتعطوني راتب وياليت يكون على على مستوىىىىىىىى عااااالي

احتراماتي و تشكراتي شنقول

[الشبث]

الاخ اخو سعدى

انا مادري منين تجيب هالسوالف وهالاشاعات

انا رايح مع شنقل منهو يقولوه

وبعدين شنقل منين لوه الواسطه

فارجوا من قناتكم تحري الحقيقه

الا ياربي سترك

مايمدي الواحد يتمغط لوه شوين قالوا سوا كذا وعمل كذا

امحق قناه











وتقلدوا تحيات الشبث

[رضا الزميلي]

صمت النفود

والله ودنا نوظفك

لكن تعرفين المشرف العام على المزودة حط شروط وما نقدر نسوي شي بدونه

بالعربي القناة محافظة

بس سمعت أن مرته تبي تفتح قناة

إن فتحت شين أبشري بسعدك

المشرف العام على التوظيف بمزودة شنقل
المجهول

[رضا الزميلي]

شبوووث

هذا اللي حنّا خايفين منه

أخو سعدى

لا يمت للمزودة بصلة

وكلامه يعبر عن رايه

ولو تتبع مقالاته

تلقاه لا طلب يسجل ولا هم يحزنون

جاء من الباب للطاقة قال رئيس مجلس إدارة

أرجو من الأخوة عدم تشويه سمعة القناة

والقناة مستمرة بإذن الله

المشرف العام على التوظيف بمزودة شنقل


المجهول

[الشبث]

المجهول

الله يبشرك بالخير

عندي لي شبثتن تبي توظف

لا وتوه طايحتن بالديرم (الحمره )

الله يجيرك فرته غاديتن تقل واحدن اكلنلوه تسبدن نيه

وعنده شهادة رابع بالعلوم السياسيه

وتعرف الوسم (يعني تصلح راعية احوال جويه )

بس به عيب

صقها ماتسمع

يعني انس المداخلات والحوارات

بس مهي مشكله خلوه بوجهه















وتقلد تحيات الشبث

[رضا الزميلي]

الشبث

ما يخالف

نجري له عملية

على حساب حرم الشيخ شنقل<<< راح ملح

أهم شي يكون عنده خبرة بالوسم

وازهل الباقي

المشرف العام على التوظيف بمزودة شنقل


المجهول

[شنقل]

بيان من المدير العام لمزودة شنقل الاخبارية

نظرا لما تناقله وسائل الاعلام من اخبار تفيد
عن قيامنا برحله سريه مع المدعو السيد الشبث

عليه نفي ماجاء جملة وتفصيلا
كما نهيب بالقنوات الاخباريه
تحري المصداقيه في اخبارها


كما نشكر المجهول عن قيامه بالدفاع عن
القناة
فقد قررنا صرف مكافأة ماليه
وعليه مراجعة ابو غازي لاستلامها

المدير العام


شنقل

[المخاوي]

شنقل
نأسف على التأخير الخارج عن ارادتنا .........
>
>
>
>
ياملا العافيه على تزويدنا بهالمزوده الاخباريه العجيبه
وبانتظار ............. ابداع اَخر من ابداعاتك ........

[شنقل]

المخاااااوي
هلا

هلا

بأثر هلا ياما تاصلك

وينك فاتك التوضيف ( انواع الواسطات)

الاخبار هنيا بالكريك


تحياتي لك

شنقل