اللغز عن بنتين ما يستونا

[أهازيج شمر]

اللغز عن بنتين ما يستونا = مع إنهن نفس الشكل والمقاسي
لو استون في دورهن يفشلنا = لازم يجي ما بينهن انعكاسي
يا كثر منهو في عناهن تعنا = مع إنهن حيشاك تحت المداسي

[ابو خليف]

صح لسانك

ومادري وش رايك

((بالحذاء **النعول)) تكرم انت والقراء الكرام

[أهازيج شمر]

هلا والله بالعزيز ذيب شراف

مرور غالي ولا أنت بعيد ولكن مالك لواااااااااااااا

[مستور]

صح لسانك
ممكن القدمين
وحيشاك تحت المداسي (الاثر او الجره)
وتقبل تحياتي

[مستريح البال]

صح لسانك اهازيج شمر


(الشرابات او الكنادر) اجلكم الله

[عبدالله الجعيثن]

اهازيج شمر

حياك الله وتسلم على اللغز الجميل

تكرم " المواطي"

[متفاائل]

اهازيج شمر

تسلمي على اللغز الجميل

لا ازيد عن ماقال الربع وان كنت اميل لرمعة الغازي

تحياتي

[أهازيج شمر]

الأعزاء / مستور ، مستريح البال ، الغازي ، المتفائل

ألف هلا وغلا

ولكن يؤسفني ما لكم لوااااااااااااااااااااااااااااااا

لا تنسون ما يستونا و انعكاسي

[راعي الوقيد]

اهازيج شمر ،،،

حياك يابالالغاز ،،،

وتكرم ومن يقرا ،،،

لكن الحلول السابقة تنطبق عليهن قولتك >> مايستونا وانعكاسي !!؟

ماهي مشكلة ،،

نروح وننكس ...

سلام

[أهازيج شمر]

هلا والله بالوافي راعي الوقيد

اعتراض على العين والرأس ولكن عندما ترى الحل سيتضح الفارق

لا عدمنا جميل تواااصلكم

[متفاائل]

الكلتش والبريك بالسيارة

[راعي الوقيد]

راي متفاءل
فتح لنا باب
يمكن البريك والبنزين:rolleyes:

[اليم]

^
^
^
وخرو شوين عني بالله

بلا بريك وبانزين

الا وش رايك بالله بدواسات السيكل<<<ياما جرّفن رجليووه:)

[راعي الوقيد]

^
^
طيب لا تدف

انت وهالسيكل

[أهازيج شمر]

عز الله جبتها وصححح لسانك يا راعي السيكل

مع الشكر والتقدير لكل من شاركوا

[راعي الوقيد]

ولكن عندما ترى الحل سيتضح الفارق
ايييييييه وانا اقول وش بلاوه يدف هو وسيكله
اثاريه جايب السيكل يفقع بوه عين اللغز
صح لسانك يامشرفنا
وماقصرت اخ اهازيج شمر
وقد إتضحت الرؤية ..