فول وطع100 وحبتين كوارع

[الجازي]

كان عنوان الموضوع جاوب وحط سؤال للي بعدك ,, بس الظاهر ان مفتاح استخدم نفوذه المتغلغل في الشبكة العنكبوتية وأرسل لي فيروسين من اللي تحبهم قلوبكم ,, ولأن الخوف مليح ,, غيّرت العنوان غصبن من ورا خشمي :)

عاد لاتستغربون اذا صار حتسيي ماهب مترابط>>>مع انه خلقه ماهب مترابط بس عادي :)
^
^
^
مدري ليه عندي إحساس إن مفتاح جاي مقلع وهو عاضن شليله :) وده يشوت موضوعي للمحذوفات ,, تسنه ماصدّق يلقى علي شيء :) ,, أو يسوي لي فيها فاهم ويقفل الموضوع :)

بس والله ماودي أفشلك وأخليك تقفل موضوعي وتطلع الفلة كلها مواضيعن مقفلة تسن حنا في مدينة الأبواب :)

عشان كذا جبت لك لعبة ثانية وخليت العنوان ماغيّرته :) >>> مثلك عارف الريم والزوالة تسنهم متلازمة داون :) >>> تسمع بهالمتلازمة ولا تدري وشي :)

المهم بصراحة اللعبة اللي عندي مافيه أمل تصير من اختراعاتي لأني معطية مخي إجازة سنوية يعني في الصيف بيات صيفي وفي الشتاء بيات شتوي :) >>> تراه معروض للتأجير تسان ودكم تستاجرونه :)

جوالي امتلى من رسايل الاختبارات ,, من طقة اللي تقول لك ,, لو صار لك كذا وكذا وش راح يكون موقفك ,, اختار رقم من واحد الى عشرة عشان تعرف موقفك >>> الله من زين الشرح بعد :)

عشان كذا قلت ورا ماأحلل هالرسايل وأمحط بها في الفلة ,, عشان نشوف فضايح الربع :)

أبمحط بالأولى وبعد ماتختارون أرقامكم وأعطيكم الجواب ,, اللي عنده رسالة في جواله مثل هالطقة يمحط بها بعدي ,, >>>> يعني نلف وندور ونرجع على امحط بجوابك واسأل اللي بعدك :) >>> اليوم المحط عندي عليه سوق :)

يالله أول اختبار :

لو عرضنا شخصيتك على أطباء نفسيين ,, وش راح يكون رأيهم فيك ؟؟ اختار من 1 إلى 10

يالله اختاروا عشان أعلمكم وش رايهم فيكم :).
.
.
.
سبيشل لريومة شمر :) >>> ماودي أقول برايفت عشان أصير متميزة :) :

ياويلك لو مرّيتي هنا ,, وان كان ولا بد من المرور ,, مرّي وانتي مغمضة ,, وان كان ولا بد من التفتيح تكفين لاتعلمينهم اني مرسلتها لتس :)

[ابو غازي]

ااالريم |13|

انا جاي بهااه بس ابي اتشمت بتس خخخخخخخخ|507|
7
7
7
وتساان ماقشعوووه ابو 14
تريني ابي اعووود نشوووف عاد هههههه|17|
:eek:

[الجازي]

خالي أبو غازي :)

ودي أعرف أنت تدخل مواضيعي وتتشمت وتطلع وبس :)

طيب اقراها على الأقل ,, وعقب خذ راحتك في الشماتة :)

ترى والله يشرفني حضورك ومشاركتك لاتحرمني منها >>>>>>> يقطع ابو الرسميات ,, على بالها بتحرجه :)

[مفتاح14]

مع ان الفكره جديده الا اني خايف ان الموضوع ينمط وينحرف عن الفكره الاساسيه:) ثم ينعتونه ب ابو طويله:)

وابا طويله هذي عياره يعاني منها الطوال..اما ابو عريش فلا يعاني منها:)

<<- لا تلومونه توه ماكل طع100 :)



انا اختار رقم 7... بس لاتغيرين الجواب:)




على فكره : ما اتوقع ان الموضوع يبي ينمط نظرا للظروف المناخيه هاليومين:) وفي حالة خروجه عن النص<<- صار ممثل:) .. سيتم التعامل معه بما يقتضيه الموقف:)

<<- جالس يتابع الجزيره:)

فتّكم بعافيه

[الـمـحـروووم]

أنا الضحية الثاني بعد مفتاح14
أنا أختار رقم 11 ههههههههه
11-6
يعني على بلاطة أختار رقم 5
قال المثل خير الامور أوسطها
بس إياني وإياك تغيرين الأختيارات
تراها عندي موجودة

[ابو مشاري الشمري]

ياماشاءلله متجمعين بهاذا
انا بعد أبختار رقم 9
اقول الفكرة نختار ارقام والا نحط آخر رسالة بالجوال ....اهم ..احم.. وش فيه مايفهم

[الجازي]

مفتاح14 ,,

عساه ينمط وسو اللي تبي اذا انمط زيادة عن اللازم :) >>> ودي أذكر في حياتي اني قد كتبت موضوع وانحكم عليه بالمطة المؤبدة :)

المهم ,, رح تابع الجزيرة الين يجي موعد اعلان النتائج :)

المحروووم ,,

ماعلي منك ,, تراني فيني عرق نذالة :) ,, يعني يمكن أروح وأشقلب في الخيارات وأخليك تطلع حركة :)

أبو مشاري ,,

بعذرك ماتدري وش السالفة :) مقابل موضوعك ماتتعداه أبد تسنه بيختطف :) >>>> على طاري الاختطاف هاليومين :)

تابعونا وأبقوا معنا ,, جديدنا قادم >>> اشتبكت الخطوط :)

[أبوريانه]

بالله أثنين طع 100 و (2) خبز تميس:)


ماشاء الله عليكم خوش لعبه:)


اصاله عن نفسي ونيابه عن زملائي أختار رقم (نص)<<< يبي يعقدكم:)


اختار رقم ((1)) واحد وبس والباقي خس



والله يستر |501|





:)

[الجازي]

اثنين طعمية واثنين تميس ؟؟

الله يخلف عليك :)

الناس يقولون :

اثنين طعمية وواحد فلافل :) >>>>> على بالها فاهمة :)

شرفتني مشاركتك يا لاتنقدون علي >>>>> معليش توني انتبه لاسمك :) وانا من الصبح وأنا ناقدة عليك :) بس مالي خلق أروح امسح اللي كتبته :)

اوقف مع الشباب في الطابور الين يجي يوم النتايج :) >>> اللي يختبر شكله اوجعه بطنه على طاري النتايج :)

[الـمـحـروووم]

تذلينا بها الموضوع متى يوم النتايج على كيفك
أعطيك فرصة لين باكر ولو ما أعلنتي النتائج
راح يصير شي
وش هالشي
ماأدري
لكن أنصحك لا تعصين أمري وبسرعة

[الجازي]

^
^
^
ترى أنا أستمد قوتي من تهديدات غيري :)

اصبر شوي بس ,, على الأقل لما تخلص الأرقام :) >>> طلع سحب على سيارة :)

ودي أشوف كل الشخصيات من واحد إلى عشرة :)

يعطيك العافية >>>>> ماذلت أبد :)

[الـمـحـروووم]

خلاص أعتقد أنك خوفتي الشباب
بعرق النذالة هذا اللي تقولينه
دايم
لكن أنا أقول لكل الشباب ماعليكم من
حتسيها أختاروا وأنا أخوكم

[ابو غازي]

خالتي ااالريم |13|
يبي يحرجه بخالتي .... مايدري إنه سعلوانيه مايهمه سين ... قصدي شين منخرع منه خخخخخخ|507|

اريتس وشو الرقم الباقي تريني ابيه |13|ماعندوووه غيره ههههه |17|

[سلطان الشمري]

ريمون...((الواو والنون بدل التنوين بالضم))...............هلا عربي



على العموم وش جايبن خشتس بهذا ؟؟؟؟


تريتس مضيعه...الفصيح تحت..تحت ياملا الفلال.....


اقول ....الله من زود التحليل النفسي...يا حضرت الكونتيسه((مع اني ما اعرف وش معناه بس شكله يجمّل حليو))


انا اختااااااااااااار رقم ((اربعه...4)) تسان مافي مانع

[الجازي]

باقي هالارقام ونعلن السحب :)

2 ,, 3 ,, 6 ,, 8 ,, 10

بسرعه أي واحد يجي يخمطهن :) عشان نخلص من هالسالفة :) تراها مصخت :)

أبو غازي شف لك واحدن من هالارقام وأنا خالتك :) >>>>>> جاز لها الاسم :)

مسيو نبراس :)

أنا جيت أتفقد أحوال الرعية في اللغة العربية :) لكن دام الموضوع فيه ريمون ,, فالظاهر أرجع لمضيفي أصرف :)

يالله في الانتظار ,, لايحوسنا المحروم :)

[عبدالله المهيني]

6

6

6

[الـمـحـروووم]

يـــــــالــــــــــيــــل مـــا أطــــولـــك
باقي2 3 8 10

بسرعة أختاروا الله يخلصنا على خير
من هذي وموضوعتها
بسرعة تراي بأنفجر بسرعة
بسرعة

[الجازي]

المحروم ,,

خلاص بكرة ان شاء الله النتايج :)

حتى لو ماخلصت الارقام :)

[الجازي]

النتيجة بالجملة :) عشان ماأحط نفسي في موقف محرج مع اللي طلعت نتايجهم حلوة :)

اللي طلع له رقم :

1/ يحتاج رعاية :)

2/ غيور .

3/ طيّب .

4/ حقود .

5/ حبّوب .

6/ مهبول :)

7/ مجنون :) >>> مدري وش الفرق بينها وبين اللي قبلها :)

8/ يحب الخير .

9/ عصبي .

10/ موسوس .

كل واحد يروح يشوف رقمه كم عشان يعرف رأي الأطباء النفسيين في شخصيته :)

[عبدالله المهيني]

قويه مهبول

مار هذا حظي مع فلة حجاج انا

لا بالموضوع هذا ولا بموضوع اوصف العضو اللي بعدك

مجنب عن كل الاوصاف الحلوه وشاطحن للأوصاف اللي ............


الريم كان حاولتي تشقلبين بالخيارات ههههههههههههههه

[الجازي]

:) :) :)

لايضيق صدرك يالمهيني :)

أنا رقمي المفضل 6 :)

بس تدري ,, اللي اكتشفته إنهم مايحطون على هالرقم إلا الصفات الشينة :)

عشان كذا دوّر لك رقم ثاني المرة الجاية :) >>>> هذا إنكان فيها مرة جاية :)

تبي الصراحة كنت ناوية أشقلب عشان المحروم كان واثق من اختياره ,, بس قلت حرام طيحة الوجه :)

مرة ثانية معليش يالمهيني تحصل في أحسن العوائل :)

[الـمـحـروووم]

محبوب ههههههههههههههه
الحمدلله على السلامة