لغز محير

[متفاائل]

هذا اللغز استلموه


انشدك عن بنت بسن الثمانين = ياشافها العاشق بعزه صباها
شبيهها مع البشر بالملايين = ولو عمرها عشرين ماحدٍ بغاها
يزفها خواتها بس ثنتين = قدامها وحده ووحده وراها

[ابوفيصل]

اخوى متفاءل

مساء الخير

هذى اخوى السيارات اكيد السيارات القديمه ما احد يبغاها

تحياتى

[ســــارا الرياض]

اخ متفاءل مساء الخير

دوبني داشه وقاعده اشيك على قسم الالغاز وبشوف
اللغز الي مو محلول عشان احله ولقيت لغزك ما رد عليه الا واحد
فقلت اكيد ما احد حله
عموما ما ابي اطولها وهي قصيرة

حل لغزك والي اكيد اول مره اسمع به

هذي اخوي

(( السيارة الجديده ))

وخواتها الي يزفونها وحده قدامها و وحده خلفها هي لوحاتها الثنتين

وصراحة ما راح اقول متاكدة بس اتوقع بشكل كبير ذى الحل ,,
واسفة اذا استعجلت بحل ,,

اختك سارا الرياض

[راعي الوقيد]

متفاءل
ودك الواحد مايقرا حلول اللي قبله
يقرا اللغز وبس يفتشر فيه
لكني قريت حل ابو فيصل << ماهو انا
وحل سارا الرياض << المشابه للحل السابق
وانا تأثرت بحلولهم وابي احوم حول حماهم
مثل ما يقولون السيارة رمعتي
وخواته اللي يزفنه >> إذا كانت هي موديل 2000 م
يكون اللي قدامها موديل 2001 م واللي وراها موديل 1999 م

او كيــــــــه

[متفاائل]

ابوفيصل

سارا الرياض

راعي الوقيد


اشكر مروركم الطيب والممتع وصح لسان الجميع نعم هي السيارة

اما الثنتين فكل حلولكم محصلت بعضها سواء اللوحات او المديل .


تحياتي لكم جميعاً