مشروبها كوكتيل !!!!

[لسّاع]

الاخوه والاخوات في فلة الحجاج اسعد الله مسائكم بكل خير،،
اسف على الغياب في الفتره الماضيه نظرا لبعض الظروف ،،،،

بدون مقدمات حبيت اظمّن قصتي بالقصيده،، متمنيّا ان ترق له مشاعركم النبيله:(


ياليل خبّرني عن العنز والشات=والراعي اللي طس وابطى عليّه

(كومار) مع شاته فلاهم حسوفات=مار الحسوفة عنزتن لي ثنيّه
ياراكب اللي صممته الولايات=صاروخ باتريوت نِعم المطيّه
له سايقن ضاري بقطع المسافات=من عادته فزّاع.. راعي حميّه
ماهو من اللي راح يجمع شهادات=شهادته كم سجلّوها ادمويّه
يطوف لعيون (العنيزه) محطات=من دار (دكّا ) للرياض العذّيه
مشروبها كوكتيل والشفط بسكات=واليا اسفهلّت تزعج السامريّه
وماكولها في حزّة اعصير كتكات=واليا تغلّت نشتري له هديّه
لاهي نحيفة جسم ولاهي بدبّات=ولاهي ثقيلة دم ولاهي شقيّه
ومن الخجل ياكن بالخد صبغات=فيها الحلا والملح والجاذبيّه
ودّيتها الدكتور محمود فرحات=واعطاه حميه كنّه الجودليّه
قال انتي لازم تتركي السكريات=فيتس الحلا زايد بنسبه قويّه
صاحت وقالت: (ليه بئا هالهوالات؟)=طاحت وقالو: (ضغطها خمسميّه!!)
صرخت انا بالصوت : لاواحلولات=ضاع الحلال وشارة الكبتـنـيّه
وَعَت وهي متخدّره عقب ساعات=وانا احسب انه صادفتها المنيّه!
والطاقم الطبي تداول بشارات=كلٍ يبشر بالهواتف خويّه
كلٍ بدا يكتب له احلى بطاقات=واهدوا لها باقات وردن شذيّه
له شوفتن وحده وللناس شوفات!!=وكم باختلاف الراي تفسد قضيه!!
به عيب واحد لا زعلت عاد هيهات=ترضى،،وله دمعات تقل ابرديّه
ياليل شف (لسّاع) سهران مابات=ومن الفراق اليوم حاله رديّه

ومن

الفراق

اليوم

حاله

رديّه!!!!!!


اعذرونا عن القصور وعندي لكم من هالنمونه اذا انه جازت لكم:D

اخوكــــــــم/ لــــــــــــسّــــــــاع

[رضا الزميلي]

لساااعوه

ياملا العافية على هالقصيدة

عز الله خوش عنيزة

تسلم يالطربة

وتسان باقي عندك شي الله الله


المجهول

[اليم]

ياحظ هالعنز:)


عندي لي عنز ابي اعطيك اياه منيحه اغديه تربرب عندك;)

قل تم يامال الغنيمه|6|

لاهنت يالغالي وليه ماتجوووووووووووز


على قولت ابو مقرن

نتظر انفراط خرز السبحه:)يعني كثر من هالنمونه

[سرحــان]

لـــــــــــــــــــــــــــــــــــــــ ــسااااااااااااااااااااااااااااااااااااا ااااااااع






والله انك اثلجت صدري ياملا العافيه


اي والله تكــــــــــفا


لاهنت يالغالي

تقبل تحياتي

[شموخ]

ودّيتها الدكتور محمود فرحات=واعطاه حميه كنّه الجودليّه
قال انتي لازم تتركي السكريات=فيتس الحلا زايد بنسبه قويّه
صاحت وقالت: (ليه بئا هالهوالات؟)=طاحت وقالو: (ضغطها خمسميّه!!)
صرخت انا بالصوت : لاواحلولات=ضاع الحلال وشارة الكبتـنـيّه
وَعَت وهي متخدّره عقب ساعات=وانا احسب انه صادفتها المنيّه!
والطاقم الطبي تداول بشارات=كلٍ يبشر بالهواتف خويّه


ههههههههههههههههههههههه

ههههههههههههه

تسلم ايدك على هذه القصيده :):)

لاتطول الغيبه ...

تحياتي
شموخ

[ابو خليف]

ههههههههههه


انت كذااااا

صح لسانك


وكثر منها

[الجازي]

وش هالحركات يالساع :)

الله يستر لايجيك واحدن من هالمراجيج يخطبها منك :) >>>> ماينلام كل هالمدح ولا تبيه يعشقها :)

بس انتبه عاد لاتمدح تيس :) أخاف عقب طنزتي بالشباب أصير مثلهم :)

تحياتي أخوي وفي انتظار المزيد من هالمواضيع

[مفتاح14]

لسّاع

لسّاع

لسّاع


لسّاع


لسّاع


لسّاع


اشرب فنجالك بسااااااااع نبي ندور هالماخوذه:)


صح لسانك

مشاركه مميزه وخفيفة دم

وين عصير الكهرب يجي لعل وعسى يتهيض اليا شاف هالقصيده:)



لسّاع قلمك مميز وموضوعك يستاهل التثبيت|116|

بس لا تطول علينا ;)
تحياااااتي

[سلطان الشمري]

بالجرم المشهود



مسكناك ....وانا اقول وش هالعريب اللي ضيعوا معزانا


كل ماقلنا لهن شين ...يعين علينا نبي مثل عنز لساع


دور لساع


دور لساع


دور لساع


واثاريه هنا ياخي بلاش دلع معزى


مثل الدنمارك وبقرهم..وره العين الحمراء



..


ميرسي لساع على هالظرافه واللطافه



تحياتي ولا تستغيب

[المخاوي]

لسّاع
تسلم والله على هالمشاركه الجميله والطريفه
وعلى قولت اليم نقلا عن ابو مقرن ( نتظر انفراط خرز السبحهيعني كثر من هالنمونه ) هاههههه.

[عصير الكهرب]

|16||16|WILL BE BACK NEXT WEEK IN RIYADH INSHALLAH SLAAAAAM 2 U ALLLLLLLLLLLLL

[أبو مقرن]

الشاعر القدير..والكاتب المتميز(لساع) هنيئا لنا بهذا المقدم الميمون..
واسمح لي بهذه المواساة..اللي الله أعلم به...:)

ياراكب اللي ماصنع بالولايات=ولاشيف شكله غير حزّة مجيّه
وصل سلامي والغلا والتحيات=ولساس الوفا والطيب خذ هالتحيّه
اللي لهم بالعرف صولة وجولات=ولادنفسوا وسط العلوم الهفيّه
وخص بسلامي رجل كل المهمات=(لسّاع) لابار الصحيب بوليّه
ألبس لنا الفلة دروع ووسامات=ولنا الفخر بأمثال جنسه وزيّه
يذكرلنا من زين (عنزه)علامات=أم العيون الذابلة والنديّه
(عنز) الحضارة ماربت بالمراغات=ولاطبت شبوك.ن.حوت له شليّه
يقول له صوت.ن.غشى حلو الأصوات=ولحن.ن.تجــــرّه ماسمعنا شدّيه
من وصفها بنت الشرف والشكالات=حسبّتها بنت.ن.خجول ورضيّه
وآثر الوصايف والجمل والعبارات=كله بعنز.ن.راس ماله عطيّه
واليوم يلقى له كثير البديلات=عند الذي للسوق.. يجلب سميّه!
***
لك من الود أصدقه..ومن التقدير أكمله..ولاتطل الغياب..
(المعذرة..على تأخرنا بمعانقة هذه الدرة..)
تحياتي..
***

[لسّاع]

الأخ::المجهول،،،

الله يعافيك اخي،،

اشكرك لحضورك المبكر لموضوعي،،
وابشر باللي مثله يوم جاز لك:D

[لسّاع]

الأخ:: اليم،،،
ايه هذا الكلام،،هاته ما اقول لأ ومع الكتكات والكوكتيل مابه كلام تبي تربرب:D
ابشر بباقي الخرز بس خلك حول فلة حجاج ماتبعدش،،

[لسّاع]

الاخ::سرحان،،،

اهلا بيك،،ياعلّك دوم مستانس وهذا هدفنا من الكتابه عندكم،،،،
ابشر بسعدك وخلك حولنا:D
سلامي

[لسّاع]

الاخت::شموخ،،،

الله يسلمك ويعافيك اختي،،،
وشاكر لك متابعتك لمواضيعي(من كثرهن عاد)|17|
والقادم احلى،،،باذن الله

[لسّاع]

الأخ::ذيب شراف،،،
صح بدنك عزيزي
وانت بعد كذااااااا
تقديري واحترامي

[لسّاع]

الاخت::الريم::،،،،،،،،،،
اهلا بك،،،تستاهل (المدح) نجديه:D هذي بيني وبينه كتكات وكوكتيل(على وزن عيش وملح) بس الليالي فرقتنا:(
ولايهمك القصيده الجايه ان الله احيانا (بتيسن لي الله يرحمه سوى اضراب عن الاكل ياما مات يحسب انه انا السبب بابتعاد العنيزه المذكوره بالقصيده!!!) :)
انتظروووونا
تحيتي وتقديري

[لسّاع]

الاخ::مفتاح14،،،،،،،
نعم نعم نعم (يجاوبك)|17|
والله ياهقوتي انه ماينفع به دواره:(
صح بدنك وعلى طاري عصير الكهرب سمعت انه يبي يجي هو صحيح والا اشاعات؟؟:)
احترامي وتقديري

[لسّاع]

الاخ::نبراااس،،،،
والله ياهقوتي لو مادلعته كل هالدلع انه ماتروح مار خله طسّة الاولين(خربته بالاخير) |17|
ومعزاكم مالي دخل بهن،،،لاتحسسن بالذّنب مانا ناقص ضيقة صدر يابن الحلال،،
تصدق دلعته اكثر من دلع الدانمركيين لبقرهم،،بس ماااااااش مانفع:(

احترامي وتقديري

[لسّاع]

الاخ::المخاوي،،،،

الله يسلم عزيزي،،
وانا بعد كما قلت نقلاً عنّي|17| : (( الجايات اكثر بمشيئة الله))))
شكرا على متابعتك،،،،،،،،،،ولك احترامي وتقديري

[لسّاع]

الاخ::عصير الكهرب،،،، يعني لازم تحرجن بالانقليزي|17|
ياما استعنت بقاموس لترجمه:)،،،،،الرياض والسعوديه تنوّر بجيتك،،،
ننتظرررررررررررك،،،محبتي واحترامي

[لسّاع]

الاخ::ابومقرن،،،،
صح لسانك ،،،،اشهد انك شاعر كبير ،،،،،
اشكرك بعنف على هذه المواساة اللي غطّت على قصيدتي:D
(مدحك شجّعن وكبّر راسي بس لو كبر ماعلي منه منا مبعد عنكم:) ،،،،،،،
تقدير واحترامي لك،،،،،،،،

[أم_سرحان]

والطاقم الطبـي تـداول بشـاراتكـلٍ يبشـر بالهـواتـف خـويّـه
كلٍ بدا يكتب لـه احلـى بطاقـاتواهدوا لهـا باقـات وردن شذيّـه
له شوفتن وحده وللناس شوفـات!!وكم باختلاف الراي تفسد قضيـه!!
به عيب واحد لا زعلت عاد هيهاتترضى،،وله دمعات تقـل ابرديّـه
ياليل شف (لسّاع) سهـران مابـاتومن الفـراق اليـوم حالـه رديّـه

هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههه الليه يفرررررح قلبك مثل مافرحت قلبي بالقصيده الجميييييله اخووي لساااع عندي لك رااااي تاخذني بدال العنززززز خخخخخخخخخ تكسب فيني اجرررررررررررررررررر

[شريف روما]

ياسلام عليك يالساع عزالله شاعر
بس وينك الحين !!

على العموم اقولك يعطيك العافية

والموضوع يستاهل الرفع << مشاركة يشار لها بالبنان << مالي خلق ادور الايقونة :))