أبو مقرن
27-05-2004, 22:01
لا وا حلولاتي يالبال الخلي..
بعد عدّة ساعات من مقابل الجهاز..وبعد ذلك الفعل التي فعلتهو تلك الشاشة اللعينة..من مزج.ن. للألوان..وخلط.ن.للمواضيع..كخلط بعض الأوادم هاليومين..:Dقررت (إعادة تشغيل الجهاز)..وفعلا تم ضبط الجهازعلى الوضعية الآنفة الذكر..
المهم..زان الجهاز..وقام بالدوران نوبة ً أخرى..وبعد تصفح عدة مواضيع نكس وقام يخلط..وكما قيل
(أبو طبيع مايخلي طبيعه)..فما كان مني إلا أن خطفت الفأرة وبسرعة البرق توجهت إلى ماسُمِّي بـ:
(إيقاف التشغيل)..وطراااااخ على خشة التشغيل أملا ً في إراحة الجهاز من همّه..وكالعادة تسحسلت عن الكريسي للخروج من الغريفة..إلا إنّ الجهاز على غير العادة مازال لوه وحيفة..وإدّوااااخ..:confused:
ولاّ ..أول مايمدينن آصل البويب إلا وهو ناهت.ن.تلك النهتة التي تدل على الارتياح..رجعت قلت أكيد إنّ بوه مشكلة..ولا وليه مايطفي..ومرة ثانية..
إيقاف تشغيل ..وإنتظار..ثم..يغمض بزعمي إنه يبي يطفي ..ياهو يشتغل مرة ثانية|3|
قمت بمحاولات عدة..لإيقاف ذلك اللعين..ولكن (خويك ماهو اللي يجي بالهيّن)..سرى ليلي وأنا مدزابلوه..وإندبلت تسبدي..وأنا أفوع وأخطف رويس التوصيلة وإتله من الفيش...وأحذفوه..ياهو أبعد ماتشوف عيني بالغريفة..:)
المهم إنه طولت مع جهازي هالحالة..وكل يوم مايطفي إلا بمصعة رويس التوصيلة من الفيش..
قلت: ياولد إغديه من هالفيروسات اللي يذكرون الربع..ومتوهلن.ن. جهازك..وأنت ياغافل لك ربك؟
وأفسر عن الذرعان<--- ياعل مهن ذرعان بعضهم..:o
وأقوم أشغل وأطفي وإحط هذا بمتسان هذا ..وأقوم أدنفس وأحوس بأنظمة هالحماية..قلت: يمكن العلة داخلية وأنا أجيب العدّة وكل ليلي على هالملوي ..أحل برغي..وإشد الثاني..ياولله مانا عارفن.ن. له وجه.ن.من قفا..
لهللمت الجهاز على بعضه..وكل.ن. سلك لولستوه مع لوه سلك.ن. آخر
..وكبرت الوسااااادة...وشخري لياما أصبحت..
وأزر الجهاز ..وبعض أسلاكه تجر..وبيدي لي صرة براااغيكمالقى لهن متسان
وبوجهي للفني اللي أتوقع إنه تعلم على جهازي..من كثر مايخرب وأجيبه لوه..مالكم بطوويل الهرج..
قلت: يا(وحيد)<-- فنّي فلبيني..دعستوه هكالسنة ..وصارت عشرة !:p
المهم قلت:ياوحيد..ياللي لولاي علومك هرابيد..هذا الجهاز..إجيك بعد العصر..!
قال: إيس فيه مسكلة؟؟
قلت: كل مشاكل أجهزة العالم العربي والإسلامي بووه..وبعدين من له حروة الإسبوع جايه لوه بلى مايطفي إلا عقب لهدة.ن.وكسافة..أسوي إيقاف تشغيل..ويرجع يشتغل..فكوه وحس بوه ياما يزين!
قال: مايكالف..بس انا إندي سؤال؟فيه نفر تاني سكل جهاز مال إنت..(بابا..أكو..صديق)؟
قلت: أبدا..مايلمسه غيري الوالي...
قال: أوكيه..
*** ماصدقت على الله إني صليت العصر..وإجيك طاير.ن. يم وحيد***
ياولله عندوه لوه ثنين من أشكالهم فاهمين..ويناقشون وحيد ..هذا هلون ..وهذاك كذا!
شافن سبيع الأبو: قال: هلااااااا ..ياكي إنت نفر مافيه مك<--- مخ!:confused:
قلت: لاتكون مستشار نفسي..وأنا ماااادري..|3|(وهم يقومون يتغتغون اللي عندوه)
قال: إنت كلام مافيه نفر يستئمل جهاز مال إنت..يعني بس إنت سكل ..طفي؟
قلت: إيه..
قال: طيب هذا جهاز مافيه مشكلة بس إنت يسوي ضبط على وضع(إعادة تشغيل)!!!وبعدين إنت يخرب جهاز..فك..ركب..شكل ..طفي..هالحين كرااااااب..لازم واهد جديد..
قلت: أيه ..يمكن أخوي هو اللي حاطوه على هالوضعية..ياولله يوم قاموا يراعون لي الثنين اللي عندوه
وتقل يقولون..(ولّ ماأتسذبك..وإنت تقول مايلمسه الوالي)..
لقطت..وجهي..وأعطيتوه مقفاي..ولسان حالي يقول:
( الله لايفشل مسلم)..
وبوجهي للمحل اللي بجنبووووووه..وجهاز جديد..:)
***
ومع الطريق ...وأنا راجع.ن. للبيت ..طرى عليّ هالطاري:
لا وحسايف ياجهاز.ن. بذرناه=يوم الخلايق نايمة ..مستريحه
جينا نكحل رمش عينه شلعناه=يالله نفسي عن خطاها تبيحه
بسكروب.ن.أسود في وريده طعناه=من سبته يشخرشخيرالذبيحه
الوقت يركض والمرض ماعرفناه=والديك صوت للشفق والصبيحه
لهلمت قشي..بوسط بطن.ن.فتحناه=أغراض مكسورة والأخرى جريحه
وياكم سلك.ن.من جهلنا عكسناه= وأسلاك واجد ماعرفنا نطيحه
وياكم برغي من مكانه ملصناه=وحاجات مدري من أي الأجزاء مطيحه
والمشكلة يومن(وحيد.ن.)نصيناه=العيد جابه..يالوجيه الفليحه
قال المشاكل إنت ساسه ومجناه=ونفسه يمينك جرتك للفضيحه
خذها نصيحة وهرجنا هاك معناه=ماكل ريح.ن. يافتى الجود شيحه
عطنا رغيفك نضبطه لو بقصناه=أخير من خبز.ن.غثى البال ريحه
وصلاة ربي عدّ حرف.ن.كتبناه=وعداد جوال السوا..والشريحه
على نبي.ن.جنة الخلد سكناه=راعي الدروب البينة والصحيحه
***
تحياتي للجميع....وعذرا على الإطالة
بعد عدّة ساعات من مقابل الجهاز..وبعد ذلك الفعل التي فعلتهو تلك الشاشة اللعينة..من مزج.ن. للألوان..وخلط.ن.للمواضيع..كخلط بعض الأوادم هاليومين..:Dقررت (إعادة تشغيل الجهاز)..وفعلا تم ضبط الجهازعلى الوضعية الآنفة الذكر..
المهم..زان الجهاز..وقام بالدوران نوبة ً أخرى..وبعد تصفح عدة مواضيع نكس وقام يخلط..وكما قيل
(أبو طبيع مايخلي طبيعه)..فما كان مني إلا أن خطفت الفأرة وبسرعة البرق توجهت إلى ماسُمِّي بـ:
(إيقاف التشغيل)..وطراااااخ على خشة التشغيل أملا ً في إراحة الجهاز من همّه..وكالعادة تسحسلت عن الكريسي للخروج من الغريفة..إلا إنّ الجهاز على غير العادة مازال لوه وحيفة..وإدّوااااخ..:confused:
ولاّ ..أول مايمدينن آصل البويب إلا وهو ناهت.ن.تلك النهتة التي تدل على الارتياح..رجعت قلت أكيد إنّ بوه مشكلة..ولا وليه مايطفي..ومرة ثانية..
إيقاف تشغيل ..وإنتظار..ثم..يغمض بزعمي إنه يبي يطفي ..ياهو يشتغل مرة ثانية|3|
قمت بمحاولات عدة..لإيقاف ذلك اللعين..ولكن (خويك ماهو اللي يجي بالهيّن)..سرى ليلي وأنا مدزابلوه..وإندبلت تسبدي..وأنا أفوع وأخطف رويس التوصيلة وإتله من الفيش...وأحذفوه..ياهو أبعد ماتشوف عيني بالغريفة..:)
المهم إنه طولت مع جهازي هالحالة..وكل يوم مايطفي إلا بمصعة رويس التوصيلة من الفيش..
قلت: ياولد إغديه من هالفيروسات اللي يذكرون الربع..ومتوهلن.ن. جهازك..وأنت ياغافل لك ربك؟
وأفسر عن الذرعان<--- ياعل مهن ذرعان بعضهم..:o
وأقوم أشغل وأطفي وإحط هذا بمتسان هذا ..وأقوم أدنفس وأحوس بأنظمة هالحماية..قلت: يمكن العلة داخلية وأنا أجيب العدّة وكل ليلي على هالملوي ..أحل برغي..وإشد الثاني..ياولله مانا عارفن.ن. له وجه.ن.من قفا..
لهللمت الجهاز على بعضه..وكل.ن. سلك لولستوه مع لوه سلك.ن. آخر
..وكبرت الوسااااادة...وشخري لياما أصبحت..
وأزر الجهاز ..وبعض أسلاكه تجر..وبيدي لي صرة براااغيكمالقى لهن متسان
وبوجهي للفني اللي أتوقع إنه تعلم على جهازي..من كثر مايخرب وأجيبه لوه..مالكم بطوويل الهرج..
قلت: يا(وحيد)<-- فنّي فلبيني..دعستوه هكالسنة ..وصارت عشرة !:p
المهم قلت:ياوحيد..ياللي لولاي علومك هرابيد..هذا الجهاز..إجيك بعد العصر..!
قال: إيس فيه مسكلة؟؟
قلت: كل مشاكل أجهزة العالم العربي والإسلامي بووه..وبعدين من له حروة الإسبوع جايه لوه بلى مايطفي إلا عقب لهدة.ن.وكسافة..أسوي إيقاف تشغيل..ويرجع يشتغل..فكوه وحس بوه ياما يزين!
قال: مايكالف..بس انا إندي سؤال؟فيه نفر تاني سكل جهاز مال إنت..(بابا..أكو..صديق)؟
قلت: أبدا..مايلمسه غيري الوالي...
قال: أوكيه..
*** ماصدقت على الله إني صليت العصر..وإجيك طاير.ن. يم وحيد***
ياولله عندوه لوه ثنين من أشكالهم فاهمين..ويناقشون وحيد ..هذا هلون ..وهذاك كذا!
شافن سبيع الأبو: قال: هلااااااا ..ياكي إنت نفر مافيه مك<--- مخ!:confused:
قلت: لاتكون مستشار نفسي..وأنا ماااادري..|3|(وهم يقومون يتغتغون اللي عندوه)
قال: إنت كلام مافيه نفر يستئمل جهاز مال إنت..يعني بس إنت سكل ..طفي؟
قلت: إيه..
قال: طيب هذا جهاز مافيه مشكلة بس إنت يسوي ضبط على وضع(إعادة تشغيل)!!!وبعدين إنت يخرب جهاز..فك..ركب..شكل ..طفي..هالحين كرااااااب..لازم واهد جديد..
قلت: أيه ..يمكن أخوي هو اللي حاطوه على هالوضعية..ياولله يوم قاموا يراعون لي الثنين اللي عندوه
وتقل يقولون..(ولّ ماأتسذبك..وإنت تقول مايلمسه الوالي)..
لقطت..وجهي..وأعطيتوه مقفاي..ولسان حالي يقول:
( الله لايفشل مسلم)..
وبوجهي للمحل اللي بجنبووووووه..وجهاز جديد..:)
***
ومع الطريق ...وأنا راجع.ن. للبيت ..طرى عليّ هالطاري:
لا وحسايف ياجهاز.ن. بذرناه=يوم الخلايق نايمة ..مستريحه
جينا نكحل رمش عينه شلعناه=يالله نفسي عن خطاها تبيحه
بسكروب.ن.أسود في وريده طعناه=من سبته يشخرشخيرالذبيحه
الوقت يركض والمرض ماعرفناه=والديك صوت للشفق والصبيحه
لهلمت قشي..بوسط بطن.ن.فتحناه=أغراض مكسورة والأخرى جريحه
وياكم سلك.ن.من جهلنا عكسناه= وأسلاك واجد ماعرفنا نطيحه
وياكم برغي من مكانه ملصناه=وحاجات مدري من أي الأجزاء مطيحه
والمشكلة يومن(وحيد.ن.)نصيناه=العيد جابه..يالوجيه الفليحه
قال المشاكل إنت ساسه ومجناه=ونفسه يمينك جرتك للفضيحه
خذها نصيحة وهرجنا هاك معناه=ماكل ريح.ن. يافتى الجود شيحه
عطنا رغيفك نضبطه لو بقصناه=أخير من خبز.ن.غثى البال ريحه
وصلاة ربي عدّ حرف.ن.كتبناه=وعداد جوال السوا..والشريحه
على نبي.ن.جنة الخلد سكناه=راعي الدروب البينة والصحيحه
***
تحياتي للجميع....وعذرا على الإطالة