ضيعت مفتاح سيارتي

[عبدالله المهيني]

ياجماعة الخير الموضوع لا هو فكاهي ولا هو لأي شيء أخر

الموضوع جاد .. جاد بكل ماتحمله هالكلمة من معنى

وأنا هنا جاي أدور من يفيدني فيه

السالفه مثل ماهو واضح من العنوان ( ضيعت مفتاح سيارتي )

السيارة جبتها تصدير من اليابان للسعودية

وهي تابعة لوكالة تويوتا ( لكزس )

سنة الإنتاج 2000م

وضاع مني المفتاح

رحت للوكالة ورحت لكل مكان

يقولون مافيه أي فائدة

مالك إلا مراسلة المصنع باليابان عن طريق النت

وعجزت أوصل لهم عن طريق النت

ولا أعرف كيف الطريقة ولا وش أسوي

فا ياليت من عنده توجيه لي أو علم

فلا يبخل علينا وأتمنى أخذ الموضوع بعين الجد

ولكم مني كل إحترام

[ريم شمر]

ودي اضحك بس اخاف اضيع مفتاح بيتنا :D


يمكن يكون مقلب من واحد من معارفك او زملائك |509|


عموما هذا موقع شركة تويوتا على النت

والباقي اعتقد انه بسيط

http://www.toyota.com

مراسلة الموقع وشرح المشكله


ريم

[اخو سعدى]

المهيني

؟؟؟؟؟؟؟؟

؟؟؟؟؟؟؟؟

؟؟؟؟؟؟؟؟

ههههههه

[عبدالرحمن]

اهلا بالاخ العزيز عبدالله - من ضيع المفتاح واعزتى له( ابتسامة هنا ؟!!-

نفس الحكاية حصلت مع ولدى....ولكن؟

وجدنا حل ؟!

بعد ان كانت اجابة الشركة سلبية ونفس جواب شركتك...

بعد ان دخنا والسيارة جاثمة بلا حراك على الباب لمدة طويلة

وجدنا الحل - عطنا الحل دوختنا؟-

اكيد انت الان متشوق للحل؟...نعم متشوق هات من الاخر.....

طيب الحل !!!!بعد ان دخنا وحسنا وفرفرنا وماخلينا مكان

وجدنا الحل!!!

طيب اليك الحل... وجدنا .....

فنى قام بعمل مفتاح بديل عن المفتاح الضايع...لا اخاف عن الموجود!!!!

وبمبلغ 15 دينار

ونحن مستعدين لمساعدتك بسؤال هذا الفنى


كيف الحل مع من خارج الحدود..طرا على غوار وفلم الحدود؟


تحياتى عزيزى وصديقى وارجوا عدم المواخذة على الشطحات اللى بعد الغديات؟!!

[عبدالله المهيني]

أختي العزيزة

ريم شمر

السالفة طالت عن حدها

ولا أظنها الى الان بتبقى مقلب من صديق او قريب

تأكدي ماأعلنت هنا الا انها طالت حبة عن حدها

على العموم انا جربت الرابط اللي حطيتيه من اول بس ماوصلتني اي ردود

يعني قلت يمكن فيه روابط تكون أهدف للموضوع من الرابط العام للشركة


على العموم شاكر لك حضورك ومساهمتك

[عبدالله المهيني]

أخو سعدى

غرد في سماء سمعي

ابي تحكي وتطربني

زين انت ووجهك تضحك ترى الدنيا دواره

هههههههههههههه

[عبدالله المهيني]

اخوي الكبير

عبدالرحمن

فكرة الفني هذه ماهي طايفه علي

ولكنها فشلة .. حتى انه جربت الفني اللي في محلات الشايقي

أشهر محل في مدينة الرياض لكنها فشلة

لكن مو مشكلة اخوي نجرب حل حتى لو من خارج الحدود

ياليت لو تمدني بالمعلومات اللي عندك

وأكون شاكر لك

[اخو سعدى]

المهيني ..

دنياك غداره..
يا شمعه الحاره ..
ومفاتيحك ليش ضاعت ..
المهم السياره ..
هل السياره للبيع ..

المفاتيح عندي ..
ولا يهمك ..

المهم هل هي للبيع ..

تشكرات ..

[سرحــان]

هـــــــــــــلابك


عبدالله


الحل عندي وانا اخوك اشحن السياره وارسله لي


وانا ارسل المفتاح لك.


هاذي دعوة بعض الناس ايام الرافعيه توه تاصل

ههههههههه

اذا مالقيت حل عندك بالرياض عطني الو.

تحياتي

[الجازي]

هاه بشر يالمهيني عسى أزمتك انفرجت :)

<<<<<<< توها تنتبه للموضوع :)

[شنقل]

اخوي المهيني
اذا انقطعت بك جميع السبل

مالك الاتجطل السياره جطل

مع كسرة الدريشه اللي على الجنب

والدريشه قيمتها ماتعدى الالف

[الـمـحـروووم]

أخوي المهيني إما أنا ليس لدي من الحلول إلا الدعاء
لك وأرجو منك التوجه إلى الله سبحانه وتعالى بالدعاء
فهو خير وسيلة لحل المشاكل
فعسى الله الحي القيوم أن يحل مشكلتك ويفرج عليك
وعلى كل مسلم
وإليك هذا الدعاء الخاص بفقدان الضالة

(( اللهم ياجامع الناس ليوم لا ريب فيه أجمع بيني وبين ضالتي))

فعسى الله أن يرد ضالتك ويجمعك بها في أقرب وقت
والسلام عليكم ورحمة الله وبركاته

[عبدالله المهيني]

<<< سواء له سوات ماوده يقوله لكم

خايف والله تقولون ضايع هذا

بس المهم خلصت هالمحنه على خير

<<< تروه ماأشترى سيارة مصدومه وخذا كمبيوتراته هههههههههه

بس المهم خلصنا من هالسالفه وارتحنا

الف شكر للجميع

[ابن جشعم]

بكم شريت السيارة يافلان ؟؟

طيّب الكمبيوترات بانتيوم كم ؟؟

معه طابعه وسكنر ولا ضحكوا عليك :)

سلاااااام

[الاصمعي]

الحمد لله على نهاية مشكلتك أخوي عبدالله

ولو أنك تسببت لسميك بصدمه نفسيه، لأني مواعده أشتريله لكزس بس بعد مشكلة سيارتك هونت وابي أشتري له بيجو:)

تحياتي