الطلاعه والصباحيه... شاركونا

[المخاوي]

السلام عليكم ورحمة الله وبركاته...
مضيف الشئون الاسريه: مضيف له قيمته الاسريه والاجتماعيه ترى فيه مواضيع مفيده وفعلا جديره
بالنقاش وهي غالباً تتحدث عن محيطنا الاسري واشكر مضيفة هذا المضيف وايضاً الاخوان والاخوات
الاعضاء في التفاعل وابداء ارائهم في المواضيع هنا وعسى كل موضوع يطرح نطلع منه بفائده
ان شاء الله >>>> يبيكم تفاعلون مع موضوعه :eek::D (أقول عطنا اللي عندك انجز علينا:rolleyes::D).
بصراحه عندي موضوعين أرجوا منكم التعليق عليهما وابداء ارائكم ولاأدري الاصل من اين أتى..؟
ام انهما من العادات والتقاليد!!!!:D وهل نحن ملزمين بهما ؟

الموضوع الاول : (الطلاعه) :D
وهي للزوجه بعد ولادتها - ب 40 يوم - ( يلتزم ) الزوج المسكين المغلوب على أمره :( بالطلاعه
وهي عباره عن طقم (شريه) من الذهب يشتريها لزوجته طبعاً تحت اختيارها ....!!!
لاأدري ماهي سالفة الطلاعه هذي ومن اين أتت ومتى ؟ وهل هي موجوده عند القبائل الاخرى
ام لا ؟

الموضوع الثاني :(صباحية العروس ) :D
(حسب علمي أنها لازالت موجوده عند بعض شمر ولاأدري عن القبائل الاخرى).
وهي ان العريس في الصباح يعطي عروسه مبلغاً من المال ( غير محدد ) - يعني اذا أعجبتوه العروس يعطيها كل اللي بمخيباوه واذا ماأعجبتوه واجد عطاه مقسوم الله يعني مافيه فكه :D -
وهذا المبلغ اللي عطاوه عروسه هي بدورها توزعوه على عجزها وبعض قريباتها :eek::D

ماحق الزوجه في ذلك وهل نحن ملزمين بهذه الطلاعه والصباحيه.....؟
أرجوا من جميع الاخوان والاخوات المشاركه وابداء ارائهم ومناقشة هذا الامر لنطلع بفائده من هذا الموضوع ..

تقبلوا تحيات اخوكم / المخاوي

[الجازي]

وش نسوي بكم ,, الهدية ماتطلع منكم الا بطلعة الروح :)

موضوع حلو أخوي المخاوي

تقدر تقول انها مسميات للهدية في أوقات معينة ,, يعني الطلاعة هدية بمناسبة الولادة والرجعة للبيت بعد ماتركته مدة 40 يوم ,,

الصباحة هدية الزوج لزوجته في أول صباحية لها مع زوجها يعني لاتخاف ماراح تتكرر في الصباحيات الثانية :)

مافيه غير هالهديتين للزوجة يعني لاتستكثرهم عليها :) ,,

بعدين المسألة شكلية جدا ,, يعني المهم في الموضوع هو التعبير بالهدية عن مشاعرك تجاه زوجتك ,,

أتوقع لو تدخل عليها يوميا بابتسامة حلوة على خشتك راح تعتبرها منك أحلى هدية >>>> معليش كلمة خشتك خربت الجو :)

لو تقول لها كلمة شكر على خدمة قدمتها لك أو ثناء عطر أو كلمة حلوة في حقها ,, صدقني ماراح تخسر شيء قدام السعادة اللي بتحصلها على وجهها واللي راح تنعكس على حياتك ,,

باختصار ترى كلها هديتين لاتسوي منها قضية ,, وحدة ماتتكرر في حياتك مع زوجتك الا مرة وحدة اللي هي الصباحة :)

والثانية موسمية :) يعني متى مااشتقت للبزران ابدأ وفر في الراتب عشان تستعد للطلاعة :) ,, مافيه شيء ببلاش :)

تحياتي لك أخوي

[اخو سعدى]

المخاوي

موضوع حلو لانه يخص المراه..
واعتقد ان الصباحيه والطلاعه
ما زالت موجودة عند الاكثريه
ونسيت شئ اخوي وهي هديه
الذكرى السنويه للزواج !!!!
وكذلك الاسواق!! هههههه

تسلم ...

[جــواهــر]

مرحبا أخي الكريم المخاوي ..

بصراحة شدني عنوان موضوعك مما جعلني اجبر لقرائته ..

وفي الحقيقة أول مره أسمع بشيء اسمه الطلاعة والصباحية ..

فقد اعتقد بأنها شيء من نوع الطلاسم والدجل لكن من خلال شرحك الذي سردته اكتشفت شيء جديد وجميل كذلك ..

لكن كم جميل بأن تكون الهدية عن طيب خاطر ولا يكون فيها ما يكون مبالغ فيه ويحمل احد الطرفين أعباء هو في غني عنها ..

موضوع حقا جميل وجديد للغاية ..

سلمت يداك ..

تقبل تحياتي ..



جــواهــر

[متفاائل]

كل على همه سرى وانا على همي سريت

الله نسيت افكر اني بالسامريات

المخاوي

موضوع جميل تشكر عليه صراحة

احاول اوجز وان كانت الاخت جواهر قد اعطت الموضوع الاجابه الكافيه

هذه الامور ن الامور التي كانت تعطى من بعض الاشخاص هديه لاغير واستغلها من استغلها ممن

يحبون تحمل اثم من بعدهم حتى من احفادهم وهذه الهديه ومناسبتها والله يستحي الرجال

والنساء الخيروت من اعطائها او ذكرها فلو ان احد الاجداد وقف امامه اليوم وسأله عن سبب

اعطاءه هذا المال -اوسبب اخذها للمال لتلعثم الجميع فمناسبتهما وجهان لعملة واحدة اما مابين

الزوج وزوجته فله ان يعطيها كل مايملك بمناسبه او بدون وليكون من الاسرار العائليه ولكن الحاصل

الان هو ان العروس التي كان من المستحيل خروجها للناس قبل نهايه ثلاثة ايام على الاقل حتى

لامها بعض الاحيان الان صباح العرس والشبه عنده بالغرفه ليعرفن ويتفاخرنا بصباحيته اي صباحيه

واي بشر اعتقد ان المفابله في هذه السرعه لاتحصل الا عند بعض البهائم وليس الكل والله عيب.

وفتح باب للشيطان عند ضعاف العقول والموسوسين اعتقد كلامي واضح قد تجني بعدها نعايت

مأسويه بسبب كلمة هقوتنه او هقوتنواا بصراحه اقولها لان هذا حصل بالفعل بسبب اجتهاد اغديه ا

و اغديها . الدين لم يترك لنا شي به فائده الا ارشدنا اليه وحثنا . كذلك سلوم الطيبين من قبلنا

هم احرص من بكثير اذا من نحن الان الدين الله يرحم الحال والمراجل اموره مصلحه ونسن من

السنن الردئه والتي لم ننظر لها باي منظار بل اعمانا حب الماده واقتنمها ا فقط.

الادهى وان كانت اخف شي ماء هو خروج المراءة من اول يوم من الاربعين والبقاء في بيت اهلها

حتى تتم الاربعين وبيت الزوج يهجر ويتلف والمصاريف تضاعف كلنا نعلم ان وجود المراءة ببيت

زوجها له دور كبير جدا وللتواصل والتعاون بينها وبين جاراتها دور بالمجتمع .

انتظر لترى ؟؟؟؟؟؟؟؟ بقدرة قادر عندما تكون هذه الزوجه لها اولاد بالمدارس تقضيها باليت عادي

يعني اللا مبالات بالزوج راع الطلاعه . كذلكعندما يكون اهلها غير ماجودين اوالـــــــــــــــــــخ فهذا

يلغى ولا يلحق بها اي ضرر خله على الله ياما نبي نشوف مادمنا على هذا الحال والنتيجه بنات

واولاد بدون زواج فراغ انحراف رمله

[المخاوي]

الريم

ياهلا فيكي :)
اولا هي وليه تروح وتترك شريك حياته وحيداً متوحشاً بين اربع جدران :o :)
ثانياً ماهنا استكثار يالريم لاكن ماتكفيها خشتي اللي تسوى الطلاعه والصباحه :)

التعبير عن الود والحب والهدايا بين الزوجين يكون خاص بينهما مايكون علني وشرطي بحيث يدري فيه معظم الاهل والاقرباء وربما البعيدين شوي .
اما الصباحه خذتها الله لايخسر :D
اما الموسميه على قولتس :) مانقدر نوفر له شي لاننا متى ماشتقنا للبزران نبدا نوفر حق التمايم ومصاريف الطفل الجديد من ( بيت الطفل ):) ويالله نلحق :rolleyes:

تراني منت ولطشت من هالايقونات :)
الريم أشكرك على تعقيبك وابداء رأيك .

[ريم شمر]

بالنسبه لسؤالك هل هي موجوده نعم هذه العاده
موجوده والى الان ( الصباحيه والطلاعه )
ويمكن زادت الاعباء اكثر من اول

فالهديه اصبحت قيمتها اكبر

خصوصا الصباحيه اقلها طقم ذهب بخمس الاف وساعه بالف

كرأي شخصي اعتقد ان الالزام بتقديم الهديه
يفقدها معناها وجمالها

وكل ماكانت الهديه بسيطه ومن طيب نفس ومحبه كانت افضل

اما هديه تجي بالغصب وبطلعة الروح

مالها طعم ولالون حتى لو كانت حدائق بابل نفسها :)









ام انهما من العادات والتقاليد!!!! وهل نحن ملزمين بهما ؟

ايه انتم يالرجال تاخذون من العادات اللي يناسبكم

واللي مايصلح لكم تقولون محنا ملزمين بها :mad:






8
8
8
مجرد مزحه :)

[المخاوي]

اخو سعدى

ياهلا بك والاحلى هو مرورك وتعقيبك
طيب ماهي وجهت نظرك فيها ؟ وهل انت من المؤيدين لهذه العاده ؟

اما هدية الذكرى السنويه ابشرك ماوصلتنا لياهالحين :rolleyes: الا تسان هالربع عندنا يسوونه وانا مادريت :eek::D ( صارت هذي رسوم سنويه أعبر من الجوال :D ).
والاسواق حدث ولاحرج :cool:

لاهنت ياخو سعدى

[المخاوي]

هلا بالاخت جــواهــر
عاد بما انك اول مره تسمعين بالموضووع لاتعلمين حريمتس بهالطلاعه والصباحه لايطالبن رجالهن بهن :D لا بعد ماسمعتي شي لياهالحين الخافي اعظم :eek::D .


لكن كم جميل بأن تكون الهدية عن طيب خاطر ولا يكون فيها ما يكون مبالغ فيه ويحمل احد الطرفين أعباء هو في غني عنها ..
رأي جميل جداً ... ولكن هؤلاء النسوه جعلنها بشكل رسمي لدرجة التفاخر والتعالي على بعضهن بهذه الطلاعه مما زاد العبأ على الرجل وصرفه مبالغ هو في غنى عنها .

يسعدني تواجدك في الموضوع وابداء رأيك الجميل وحبذا لو تستفسرين لنا أكثر عن هالموضوع في مجتمعك لنرى مدى توسع هذه العاده.

[المخاوي]

حي الله اللي راع السامري :)
اخي متفاءل

السالفه صارت رسميه...من البنت النشميه...وخلتها ميه بالميه...ياحسافه يالبنات
لو كانت الدعوى سريه.تعطى من دون مشرطيه.داخل عش الزوجيه.ماصارت خلافات
لكن وقعنا بالمهمهيه.وجتنا ليالين سرمديه.من دون حقوق شرعيه.والدعوى سلامات

أجل بعضهن من اليوم الاول تجر شليله لياهله :D
وبعضهن تسوي شبه صباحية العرس :D يمكن راسه يوجعه تبي قهوه :eek::D نعم هذا مايحصل حالياً من فجر الله وهن هاجماتن على العروووس تشرهن من فليسات هالمسيكين :) ويمكن لهن ماَرب اخرى كما اوردت;) .
أما سالفت خروجها من اليوم الاول من 40 يوم لاهلها ماله داعي وين تبي تروح وتخلي زوجه وبيته .
اسعدني وجودك يامتفاءل وادراج رايك ومناقشتك للموضوع يعني برايك اننا مانعطيهن هالطلاعه والصباحيه هاللي مبلشاتنا عليه :D واودعنه من حقوقهن اللي مايفرطن بهن :rolleyes:

[المخاوي]

ياهلابالاخت ريم شمر
الا اكيد زادت الاعباء :D بما ان لها ذهب وهو المهر اللذي قدم اليها لماذا يقدم لها صباحيه طقم بخمسة الاف او يزيد ؟
انا اللي اعرفه انه مال يعطى العروس وبدورها توزعه على عجز الحاره ( يعني قامت تشره من اول يوم ) :D اما يكفي ماقدمه لها من مهر وتكاليف لايحصى ثمنها ؟
وبعدين هذي الهديه خيت الغصيبه :D يعني صارت رسميه بين النساء ويفرضنها على ازواجهن
من دون اي حق وتبرير :rolleyes:


ايه انتم يالرجال تاخذون من العادات اللي يناسبكم
واللي مايصلح لكم تقولون محنا ملزمين بها :mad:

لا ابداً الحق حق وماينغدي عنوه واضحٍ وضوح الشمس :rolleyes::D
مار لاتجيبن شي من روسكن وتفرضنوه علينا وتحملننا مالاطاقة لنا به :p:D
( لايكلف الله نفساً الا وسعها ):D
>
>
لاتصدقين ترين(ن) امزح :)

ريم شمر اسعدني مرورك وابداء رأيك .

[شموخ]

هلا بالمخاوي

الطلاعه والصباحيه

والله ياطويل العمر اعتقد انها موجوده لها الحين عند اغلب القبائل ، لا والبعض تكون الصباحيه ماهي من الزوج حتى الأهل مثل الوالد والوالده والاخوان والاخوات يقدمون لها هديتها بالصباح مو بالليل ، وعاد شوف صباحية عمك كيف لبنته ;) بعضهم يتكفل بشهر العسل على حسابه ولاي مكان بالعالم ;).

على فكرة الصباحيه بعض الزوجات مو الكل تقدم لزوجها هديه فيها يعنى تبادل هدايا بينهم ، فليش انتم بتبخلون علينا وحنا مانبخل عليكم ، مع إنه المفروض" وجهه نظري " ماتقدم له هديه في الصباحيه "ماهو بخل بس تخلي الهديه على الحول في ذكرى زواجهم علشان يكون لها طعم مو من الصبح وهي تناوشه بالهدايا الحين يقول ماصدقت ":)

ومثل ماقالوا الاخوات كل ماكانت بطيب نفس كانت افضل لكن اذا جابها بس لأجل انها عاده وتقاليد فصراحه مادري كيف نفسها بتقبل شئ تحس انه جايبه بدون نفس ...


اما الطلاعه ،فالمرأه تتعب في الحمل وفي الولاده ، فالأفضل انكم تختشوا على دمكم شويه وتجيبونها بطيبه نفس وتئدروا العالم اللي عمال تنتج ليكم " حشا صار مصنع مو ولاده ":) ومو شرط تكون غاليه الثمن أهم شئ تحس انه مانساها وبعد الولادة لاتنتظرون هدايا مثل الصباحيه وذكرى الزواج خلاص المولود اكبر هديه له ....

تحياتي لك
شموخ

[الجازي]

اولا هي وليه تروح وتترك شريك حياته وحيداً متوحشاً بين اربع جدران

يااااااااااي يامتوحش :) ,, ياخي كانه بيستاحش يجي معها عند أهلها :)

مقطعتكم الرومانسية الحين ,, يوم جاء وقت الولادة والراحة طلعت الرومانسية :)


ثانياً ماهنا استكثار يالريم لاكن ماتكفيها خشتي اللي تسوى الطلاعه والصباحه

والله على حسب الخشة :)

بعدين مسألة انها علنية محد قال كذا ,,

بالنسبة لمجتمعي المتعارف عليه ,,

ان الزوج يهدي أو يلبس زوجته في يوم صباحيتها طقم (( ألماس ,, ذهب ,, فالصو :) )) ونسميها الصباحة ,,والزوجة بعد تكون مجهزة له هدية اما ساعة أو طقم سبحة كهرمان مع قلم ومحفظة (( بوك )),,أو اللي يجي من الهدايا المناسبة للرجال ,,

أما الفلوس والتوزيع على الأهل فهذي ماهي موجودة عندنا ,,

الطلاعة نفس الشيء ,, هدية اما طقم أو ساعة أو رحلة سياحية :) أو أي فكرة ممكن تجي على بال الزوج ,, ونفس الشيء بعد مايحتاج انها تكون معلنة أبدا :)

يعني هدايا حلوة مافيها أي تكاليف ,, بس وانت تقدمها لاتحرمها من كشرتك :) ,, لأن الهدية من غير نفس اقرا عليها السلام :)

[ريم شمر]

8
8
8
8
ياحبني لتس وبس |9|


ريمو تصدقين بيجي يوم ويقولون مايحتاج
نشرب وناكل نخرب اقتصاد البلد :eek:

نصوم الدهر احسن
منها رشاقه ومنها اقتصاد وتوفير :D





ريمو وشموخ تعالوا ابيكم تحت
المخاوي خلك محلك |509|
7
7
7
7
7













هاليومين طارى علي اسوي عمليه استشهاديه

فيه هنا رؤوس اعينت وحان قطافها واني لصاحبتها |506|





بس المشكله الحزام الناسف لونه عنابي

وانا مااحب اللون العنابي |502|



ريمو ماعندتس حل |509|







:D

[متفاائل]

http://www.alm7abbah.com/vb/images/smilies/Police_car_3.gif






جانا تبليغ ان بهذا المكان ارهابيين






[align=left]http://www.alm7abbah.com/vb/images/smilies/Police_car_3.gif

[الجازي]

( فيه هنا رؤوس اعينت ))
^
^
^
دامها أعينت :) فما بعد حان وقت قطافها :) ,, اذا أينعت هاك الساعة يحين موعد قطافها :)

معليش ريوم فوتيها لي هالمرة :)

بالنسبة للحزام العنابي انا من رايي تغسلينه بكلوركس ,, بيطلع لونه وردي :) مهبوووول وبيعجبتس :)

عقبها فجري نفستس وعلمينا وش نتيجة العملية الاستشهادية في صفوف العدو :)

[ريم شمر]

اقول ياراعية الفصيح انتي |3|

صدق فاضيه

العالم تفجير واحزمه ناسفه وانتي قاعده تصححين الاخطاء الاملائيه |1|


عقبها فجري نفستس وعلمينا وش نتيجة العملية الاستشهادية في صفوف العدو


لا ريمو


انا اقترح انك انتي تفجرين نفسك |13|



وانا اقرا البيان حقنا



وبعدها نقطع راس المخاوي ونعلقه في مضيف الشؤون الاسريه :D






متفائل

خلك بعيد احسن |509|

انت منت من الروؤس اللي اينعت على قولة سيبويه المضايف :)




|106|

[الجازي]

ريوم أنا عارفة انك تبيني أفجر نفسي عشان أنتِ اللي تقرين البيان :)

بس ولا يهمك

اقريه أول وبنسجلك في شريط فيديو نعرضه بعد ماتنفجرين :)

كذا تحصّلين شرف الشهادة وقراءة البيان

بعدين أنا ماطقيت اعلان وقلت ودي أسوي عملية استشهادية :)

[راعي الوقيد]

هسس اقصروا حسكم
لاتسمعكم تذكار
|111|
تروه متمحزمة بلهله لهله ايييه ...


المخاوي ولايهون من يقرا
الله يمسيكم بالخير
بالنسبة لموضوعك يالغالي ،،
عندنا اختلاف بمسألة الطلاعة !!
الطلاعه نقصد به :-
الزوج من ليلة العرس ولمدة اسبوع
وهو عند اهل العروسة ،،
ومايحتاج اوصِّف لكم وش ياكل وش يشرب :)
<< جميع انواع الفتّ الخالة عسى الله يسلمه...
ومن عزيمة لعزيمة ومن قهوة لقهوة ...
وبآخر يوم يمشي من نسباه العصر ليجهز مع باقي الربع
اهله واخوته لـ ليلة الرحالة وهي الليلة اللي ترحل به العروس
من بيت اهله الى بيت زوجه ، طبعا هذه الليلة لا تقل عن ليلة العرس ..
طبعا يبقى مع العروس صباحية الرحالة غالبا من تسمى بالحجّارة وهي التي
تعتني بحجرة العروس سواء ايام العرس او ايام الرحالة ..
وتستمر العروس في بيت زوجها والذي هو بيت الحمولة << اهل العريّس والديه واخوانه ،،
لمدة اسبوع بالكثير ماتطلع ، وفي صباح اليوم المحدد يقوم العريس بالذهاب للسوق لشراء
القهوة والهيل والسكر والشاهي وذبيحتين على الأغلب وكيس الرز والطماط والبصل ومايتبعهن
من خضرة وفواكه وووو ويحمل السيارة همن يروح لبيتهم وياخذ عروسته وعلى بيت اهله يوديه وينزل
المشتريات ،، وهذا اليوم يسمى الطلاعه << طلاعة العروس من بيت زوجها واهله ـ ان كان يعيش عندهم ـ
ولأول مرة ..!!
انا متأكد بأن الغالبية غير مصدقين لمارويته عن هالسالفة ،،
اجل شلون لو تسمعون عن الإجراءات التي كانت متبعة إستعدادا ً للعرس من اول يوم يتم الإستعداد فيه الى الطلاعة إياها:eek:وأكثر!!!!
بس ماهو وقته << كل ذلك كان قبل 15 ــ 20 سنة مضت ،، اما هالحين الناس تطوروا وتمدنوا والتعقيدات بدت اكثر تعقيدا ً ....

تحياتي اخوي المخاوي

[الاصمعي]

بعيد عن محاولات الاخوات أرهابنا بسوالف الاحزمه المتفجره:)

أنا جاي أنبه أخي المخاوي ل(ثالثة الأثافي)<<هالكلمه لسيبويهة المضايف بس:)، أي نعم أخي المخاوي الا وهي الصقاعه أو الرضاوه وهي الهديه التي يدفعه الزوج لزوجته عن رضا وطيب خاطر;)<<وهي تستقبله بدون نفس:(

فأرجوا أدراجه من ضمن الموضوع وأعطاءه حقه من النقاش، سيما وانه ليست من الدين ولم تذكر عن قدوتنا صلى الله عليه وسلم:)

تحياتي

[الجازي]

أي نعم أخي المخاوي الا وهي الصقاعه أو الرضاوه وهي الهديه التي يدفعه الزوج لزوجته عن رضا وطيب خاطر;)<<وهي تستقبله بدون نفس:(


صقاعة !!!!!!!!!؟؟؟؟؟؟؟ بالله هذا اسم لهدية والا ضربة قاضية من محمد علي كلاي :)

أمحق رضاوة كان اسمها الثاني صقاعة :)

بالنسبة لي اللي أعرفه ان الرضاوة هي هدية من الزوج لزوجته بعد مايتزوج عليها :(

وماتنلام اذا خذتها من غير نفس :) احمدوا ربكم اللي رضت وخذتها >>>>>ايه هين :)


فأرجوا أدراجه من ضمن الموضوع وأعطاءه حقه من النقاش، سيما وانه ليست من الدين ولم تذكر عن قدوتنا صلى الله عليه وسلم:)

أصلا كل هالخرابيط اللي فوق ماذكرت عن النبي صلى الله عليه وسلم بهالمسميات ,, لأنها كانت كلها تندرج تحت مسمى واحد هو الهدية :) ,,

يعني باختصار لاتصرفونها وتقولن ماورد في الدين ولا الشرع ,, أنتم قدموا الهدايا ولا عليكم من مسمياتها :)

[المخاوي]

الاخت شموووخ
هذا البلى انها موجوده لياهالحين:o اما انها من والدها واخوانها فابركها والله من ساعه بكيفهم يعطونها اللي يبون بس فكوا الزوج من هالسالفه :D وشهر العسل من العم انعم واكرم :D هذولا وينهم نبي نقع بهم اغدينا ندور العالم :rolleyes:.
شمووخ ماعينا هديه لاصباح العرس ولا على الحول مغير ياخذن ولايعطن :rolleyes:وبعدين ماهي سالفة طيب نفس الدعوى اجباريه;).
وبعدين دمنا نشف مانقدر نختشي من هالطلبات :D وبعدين المولود هديه من رب العالمين ماهو منكن لاتمنن علينا :D .
شموووخ شكرا لابداء رايك وتعقيبك .

[المخاوي]

الريم
المراه بعد خروجها من بيت اهلها ليس لها الا بيت واحد الا وهو بيت زوجها :) اما قولتس انها تذهب الى اهلها فهذي عليكن سجل يالاصمعي ;):) يعني ماعندها (عشره) لزوجها ولاهمها ودشرتوه بهالبيت لحالوه يصارع هموم الدنيا وغسيل الملابس :D لاوبعد ذابحوه الجوع وهي تضرب من هالحلويات والكيك اللي يجيه منكن ونسيت الفارس المغوار :rolleyes::D .
الريم هذه العاده علنيه وصارت رسميه حتى عند بعض القبائل الاخرى كما اخبرني صديق لي ويقول نشفت ريقي المريه لدرجة اني استعطفها واطلب منها تاجيله للشهر اللي بعده ولاكن لافائده :D
تقول بيجني صديقاتي ويبن يشوفن طلاعتي :rolleyes:
اما اني اهديها فالصو ممكن:) بس بشرط وانا متلطم ماوريها كشرتي :) والصباحه اما فلوس او
ذهب وبعدين ماشفنا منكن الا جبنة (( بوك )) :D

[المخاوي]

ريم شمر

فيه هنا رؤوس اعينت وحان قطافها واني لصاحبتها |506|
هاهههههههههههههههههههههه
حلوه اعينت :D شكلتس انخرعتي من العمليه الانتحاريه اللي بتسوينها |13|:D اقول خوذي لتس قيلوله شوي |500| يمكن تهدى اعصابتس من الخرعه :D .
ريم شمر + الريم
اقول اسمعن يالانتحاريات ترنها نفس لاتستعجلن (على قولت عبدالله السدحان):D مار استخيرن وصلن لكن ركعتين لعل وعسى . يالله حط حيلهن بينهن :rolleyes: وفكنا شرهن اجل رويسي |109| :eek: وبعدين مالكن حق وحده تفجر والثانيه تقرا البيان مابيصير هيك الرجل عن امراتين:rolleyes: يعني كلكن تفجرني والا بلاش الحق حق وماينزعل منوه :eek::D >>>>مافيه فكه حتى بالموت :D والحزام الناسف اقترح انوه يكون حزام ذهبي :p

[المخاوي]

متفاءل
اجل جاكم بلاغ:)
سنايدي لاتخليني تحاشمن علي هالارهابيات|506||506| شف فتش خرجك تسان معك عبوه ناسفه:cool: والا طرطعان تروه ينفع :D

[شموخ]

[QUOTE=المخاوي]الاخت شموووخ
هذا البلى انها موجوده لياهالحين:o اما انها من والدها واخوانها فابركها والله من ساعه بكيفهم يعطونها اللي يبون بس فكوا الزوج من هالسالفه :

[lin
[font=Simplified Arabic][size=4]
هو حتى يعطى مو بس الأب والأخوان ...

تحياتي
شموخ

[المخاوي]

راعي الوقيد
اقول لاتسمعنا تذكااار تروه خطيره :rolleyes:عاد هي تلغم القطاوه بهالقذايف وتروحهن لنا ويادار مادخلتس شر:eek::D
الاختلاف وارد لكن لايفسد للود قضيه:D
هالحين العريس يرابط عند (الخاله) :D اهل العروس هو واهله لمدة اسبوع ...هل اهل العروس في مدينه واهله في مدينه اخرى ؟ وان كان كذلك هل اهل العروس من اقاربه ؟ ومادخل اخوانه واهله مرابطين معوه ؟نبيك توضحلنا شوي :)

[المخاوي]

ياهلا باخي الاصمعي
الله يذكرك بالشهاده ;):D
الصقاعه >>> عاد تصدق لو يعطيه ضربه قاضية من ضربات محمد علي كلاي الشهيره يمكن ترجع وهي تضحك:D والله انه مشكله هالحين ابن الحلال متخسر ومتبهذل وجايبن هالرضاوه :) وفوق هذا عابسن وجهه:mad: تصدق عاد ان عندنا شفقه ورحمه وطيبين لهن :eek::D وبعدين لياصار ماهي من الدين يعني عادات وتقاليد حاطاته من عندهن (ومسبطات):D الا يجدر بنا رفض ذلك;)>>> ريم شمر + الريم + شموخ :eek:|17| .

[المخاوي]

الريم
مدام انهن خرابيط وشبلاكن متجوداتن بهن وعاقبتننا يهالمساكين اللي نركض ليلنا مع نهارنا على شان نوفر لكن المعيشه :) ولاهو راضيلكن بعد:rolleyes: وبعدين هذللي ماهن هديه :)الهديه غير والطلاعه والصباحه غير ;) مار (لاتحصن) صايدينكن :):):):):):):):):):):):)

[ريم شمر]

شوفوا عاد

هالمره صدق اني ارى رؤوسا ( اعينت ) |12|

كيفي احط اينعت والا اعينت من اللي بيحاسبني |3|

انا اصلا ماكان معجبني اسلوب الهديه اللي بالغصب

وكنت انتقد هالشئ


لكن بعد ارائكم الحلوه

واللي فيها عنصريه وتحيز مع الرجل ضد المرأه

وهذا اللي انا مااحبه

ولايطري علي اني اهز راسي واتقبله :rolleyes:


فأنا غيرت رأيي

وهدية الغصب نبيها يعني نبيها |509|



رضيتوا والا مارضيتوا |112|


الحين عاده مالها قفا ولاراس ولاساس مثل وضع بقايا الاكل للحريم

شوي ويطق لكم عرق وانتم تدافعون عنها

وعادة جميله رائعه تزيد المحبه بين الزوجين

و هديه لاغلي انسانه عندك

زوجتك ام عيالك

في مناسبتين كل وحده احلى من الثانيه

واذا اهديتها كأنك تهدي نفسك

لان اللي لها لك واللي لك لها

مثل هالعاده الطيبه واللي كلها ذوق تعترضون عليها


يعني معنى هالكلام انكم تاخذون من العادات والتقاليد اللي

يناسبكم ويناسب غروركم

وتعترضون على اللي تعتقدون ان فيه ضرر لكم

يااااااااااااااعيني

اشوف عادات وتقاليد حسب الطلب :cool:




<<<< ترى قاعده تكتب وهي لابسه الحزام الناسف الذهبي |13|

[المخاوي]

ريم شمر
عاد انا ماعلي شاهدلي المشرف العام كاتبن حدر اسمي (ياقف عنده العلم):) يعني العلم مايتعدان(ن):rolleyes:>>> مصدق الرجال:D
أقول شيلي الحزام الناسف الذهبي :D خلينا نتفاهم بهدوء|512|
هالعاده هذي ماله لاراس ولاذيل ولاهي من حقوقكن علينا :p وبعدين ياريم شتان بين هاتين العادتين تاكلن بعدنا يعني تاكلن :p وسوف ننظر بامر الهنود والعماله اننا مانعزمهم بعدين :eek::D
هذا حل مؤقت وسوف نرفع القضيه للسلطات العليا :) والصباحه والطلاعه :D عطيني اي دليل انهن من حقكن علينا لاوبعد سمعت ان العروس تقعد اسبوعين ماتطبخ ولاتدخل المطبخ :eek::D بعد قولن لي هذي من حقه :rolleyes:

[المخاوي]

ألا ياجماعة الربع والربعات:D
ماعينتوا مشرفة هالمضيف (مجموعة انسان )هي وينهي مابينت :( عسى المانع خير ان تسان ان هالغيبه لاجل الاختبارات ;) ابي ادعيله:D يالله انك تنجحه وتجعله من المتفوقات >>>>> تروه مايبيه تعارض وتنشب بحلقوه وتأيد الطلاعه والصباحه :)

ريم شمر

فأنا غيرت رأيي
وهدية الغصب نبيها يعني نبيها |509|
رضيتوا والا مارضيتوا |112|

أقول من العجله نسيت لاأرد على هالمقوله :eek::D
مدامتس غيرتي رأيك اجل خوذي |110| الله يرحمه كانت طيبه بس عنيده |17|:D

[الجازي]

المخاوي

الشغالة وهي الشغالة اذا جت عندك تقعد لها يومين ماتشتغل الين تاخذ على الوضع وتعرف البيت :)

وانت تبي العروس تطبخ من أول يوم !!!؟؟ وش دعوى ذابحتن أمك ولا أبوك ,, شكلك حاقد عليها بقوة :)

الناس يسافرون شهر عسل ينبسطون ويهيصون وعقب الشهر شهرين وهم من مطعم لمطعم وعقب هالشهرين تدخل المطبخ عشان تتفرج على مواعينها وتعرف محلاتها :) ,, وعقبها تبدا تسوي الشاهي ثم القهوة ثم فطور وبعدين العشاء واذا جاء دور الغداء ولاها قد ولدت :) يعني الوعد عقب النفاس :)

كل هذا وهو طبعا اللي يغسل المواعين :) >>>>>> كني مصختها شوي ,, بس يالله ينفع فيك دامك تبيها تطبخ من أول يوم :)

تدري عاد بعذر ريوم فيك ناوية تعلق راسك هنا ,, بس والله حسافة نخسر ريوم ,, أنا من رأيي نلغم متفائل وبدل الراس راسين :) زيادة الخير خيرين :)

[متفاائل]

متفاءل
اجل جاكم بلاغ
سنايدي لاتخليني تحاشمن علي هالارهابيات شف فتش خرجك تسان معك عبوه ناسفه والا طرطعان تروه ينفع
ابشرررررر ياما عندك
ابشرك عندي من الاسلحه ماهو فتاك اشد وادهى من مايتبجح به بعض الناس .

بس تبي الحقيقه حز في خاطري ماقالته ريم شمر بالرد الاخير تمنيت لواني ماطلعت
عليه وان كنت اظن انها قالته للاغاظه فقط ولكن اخشى يحسب عليها اثم كل من اخذ بمقولته من الجهلة . واقول لها

اولا الهديه بين الرجل وزوجته او بين اي انسان واخر محببه وقيمتها المعنويه هي
المقياس وليس الماديه . ولا خلاف على هذا
ولكن تصوري انك تجبرين على الهديه شئتي او ابيتي وتحت شروط ومواصفات ومعايير ثابته . نعم هذا الحاصل انك ماتجيب صباحه اقل من اللي جاب فلا او طلاعه اقل من ...

هناء اقول هدية بين الزوج وزوجته شأنها اي امور زوجيه اخرى لماذا ظهر امر هذه الهديه للناس الا ترين ان العاقل يتردد مئة مره قبل ان يهدي زوجته لانه يخشى ان يلومه
الناس وان يلحقه اثم من هذا او يخشى من وصول العلم لرجل تدين منه هذا الزواج او لاهله او او والسبب الزوجات التي سرعان مايفشن هذا السر .
والمصيبه الاكبر والوباء الادهى ان بعضهن تضاعف قيمت ما اهدي لها اضعاف مضاعفه للتبجح وهذا حاصل . حتى على مستوي فستان تشتريه بمبلغ 20 واذا سألها احد وله فرصه قالت بمبلغ 80 او اكثر .... الـــــــــــــــــــــــخ
التعاون على البر والتقوى -- وليس على الاثم والعدوان

على زمن المصطفى (صلى الله عليه وسلم) وحتى الان
الاجتهاد والغلوا بالدين وهو صحيح مع هذا لم يجيزه خوفاً من ان ينقلب بدعه ومن هذا البناء على القبور ووضع العلامات علما انه يعلم بصحة نيت فاعلها انذاك ولكن كان يخشى من الاجيال المتتابعه بعده انها تعتقد ان هذا يفعل كذا وتصبح بدعه .
وجاء النهي وعظم ذنب من ابتدع بدعه لان عليه اثمها واثم من عمل بها الا يوم القيامه .

سبحان الله المخلوق ينتقد دستور خالقه . نعم
الحق حفظ حقوق الجميع حتى بعد الموت ماله وما عليه

اما ماقالته عن طريقة تقديم الطعام
فلا تعليق لي عليه لاني اعتقد انها غير جاده ولا مقتنعه بما قالته .
هذا جز بسيط يالمخاوي من ماعندي من الاسلحه والباقي اعظم واشد ولكني اعتقد اننا لانحتاج اليه انشاء الله

والسلام

[اخو سعدى]

اهلا ..

الطلاعه والصباحيه تهون عند الافتاشه ..

نعم (( الافتاشه ))
وهي ان تعطي ام العروس بعد اسبوع من الزواج هديه وغالبا
مبلغ من المال .. يختلف من شخص الى اخر .. لكي تكشف
لزوج بنتها .. وهذه العاده موجوده عند بعض الاسر
وما زالت الى وقتنا الحاضر ....

وش رايكم يا رجاله .. بهذا.. ههههههههه

[متفاائل]

اخو سعدى
هلا فيك وش تقول انت

:):d هههههههههههههه

يامن شراء له من حلاله عله

طيب وان ما عطاه ولا ريال ماتفتش له

وشوا فاقد هههههههههههه

هذه من البدع اللي تسي لتشريع الحق سبحانه وتسي لاهلها صحيح في حال كانت هذه

عادة يغتبرونها كالعباده عند بعض الاسر كما قلت طيب لو حصل انه مادفع له فتاشه ماذا

تفعل تبقى متغشيه الى الابد لانه ان كشفت صارت مضحكه لهم وان تغشت ارضتهم

وعصت امر من لاحول ولا قوة الا بالله . هناء محابل السوء من اعداء المسلم والمسلمه

ومحاولة ابعادهم عن المنهج السليم .

تحياتي

[المخاوي]

الريم:mad:
شهر العسل لياصار مصاريفه على العم ابو الزوج على ماقالت شموووخ مهناااش خلاف :) وبدل الشهر لو تبي ثلاث شهووور :p يابنت الحلال انتي وش بلاتس علينا لاتخربين حريمنا شهر عسل ومطاعم وسفرات فوق بعد هالطلاعه والصباحه :eek: لابالله الا رحنا فيها :) لابعد مانشوف نفعه وسواه الا عقب سنه :confused::D ماش مانتن مثل حريم اول هاللي الوحده من صبح عرسه تحلب وترضع وتمخض وتبقل وتطبخ وتغسل ..... الخ :D ولاعينت لاطلاعه ولاصباحه ;) ولياغاب عنه زوجها لو ايام قامت تقصدبوه وتمدحوه وتمنى رجعتوه :).
أقوووول يالريم اني لارى رؤوس قد اعينت |17| على قولت ريم >>>> ماراح ينسى هالكليمه :)
ان ماهداكن الله ان (نلم) :) نربط قريناتكن مع بعض انتي وريم ونشلوطهن بهالنار اللي شاعمه راعي الوقيد :)

[المخاوي]

متفاءل
أقول متفاءل ماعليك لايحز في خاطرك شي خذ وخل :D ريم مخرعه هالحزام الناسف |512| كل شوي له راي :rolleyes: :D
لافض فوووك يامتفاءل :) تصدق عاد بوه واحدن من الربع (تورط):D وجاب لزوجتوه طلاعه بمبلغ من المال ويوم شافته بنت الحلال ويطق عرقه :mad: (الظاهر جايبن له بس خاتم:p ) وهي تزعل عليه وتقول فلانه وفلانه هن ازين مني والا اطيب يوم رجالهن يجيبون لهن طلايع تقدر باضعاف اضعاف طلاعتك وهي تقووم الدعثه وتصير تليته زعل وخناق وهوشه وطلاعته ( عقال ):) قال هذي مار تليته قمتي تشرشحين(ن) على شان طلاعه وان فلان اطيب مني يقدر زوجته ويحترمه :eek::D نعم اخي متفاءل هذي مشكله ويمكن بعد فلانه ضاحكتن عليه وقايلتن له مبلغ خيالي ;) خبرك كل وحده تقهر الثانيه |17|:rolleyes: :eek:
متفاءل اسلحتك فتاكه ;) وعسانا نحتاج بعد زود :eek::D تسلم على اضافتك وتزويدنا ببعض تلك العادات اللي مالها داعي:p وسوف نحاربها حتى نخفف الحمل عن رب الاسره الله يعينه:)

[المخاوي]

اخو سعدى
سعدت برجوعك وتزويدنا بهذه الطااااااامه :D والله البلشه صحيح هالحين نبي نفتك من العروس طلعت لنا امه :( زين ماكفاااه الفليسات اللي عطيناه يوم (الملكه) :mad: هي ناشبتن لنا والا ناشبتن لنا :D أقول مانبيه تفتش عن وجهه الصبوووح :D أخاف تخرعنا بكشرته (وطجمته):D صايرتن تكل حصالة فلووووس بس فاتحتن افمه ونبلعه :eek::rolleyes: والا تلفون عمله ابو هلله مايعطيك وجه الا تحطبوه قرووووش :D عاد بعضهن ليامنك عطيته الفلوووس همن نطحتك فرته وقامت تشخفك شخف :D بعدها تفقد خشتك تشوف غدى منه شي والا لا :) تخيلوا ان واحدن مركب طقم سنون ويوم شخفتوه عمتوه ليامار لاصقاتن براطمه :D اثريه مهو حبن لك على شان هالفليسات;) مار من هنا ورايح كل ماتقلل الفلوس يقل الشخف:D

لاهنت ياخو سعدى ومر علينا كل ماهذا ;)

[بدر الشمال]

السلام علیکم یاآخوان ویآخوات

تراکم كثرتم الحديث وفتحتو ابواب كانت مسكرة. حدى الربعات قرأة الموضوع ونقزت لبعلها تطالبه بطلاعية عن السبع العيال. وصباحية جديدة لان اللى قدمها كانت 200 ريال بس, والحريم ياخذن 5000 ريال. والخيار ياطلاعية يابيت اهلى , يقول لابارك الله بالنت ولا بمن جاب النت. كنا نتحمل وندفع الأشتراك لجل نروح للشبات وصار الموضوع اكبر من قيمة الاشتراك.

حاول يرضيها بأن يأخذها بجولة سياحية ورمانسية على ضفاف رمال النفود الذهبية, بس ماجاز لها ... تبى طلاعيات والا بيت اهلها. وبلش خوينا ؟

الا وشلون تسمى هدية وهى اجبارية. سموها طلاعية صباحية مسائية لاكن مهو هدية. ام "الفتاشه" فهى ادهى وامر. الواحد يتزوج البنت وش دخل الام, الا خلوها متغشية للأبد اريح.

يعنى مهر وهديا زواج والفتاشية وقصر وشغالة وجوال واثاث متكامل وبعدين طلاعية وصباحية ورحلة سياحية (الى كوالامبور , واذا قرب علشان المصاريف فالى سوريا وان ماقدر خارجيا فاسبوعين باحد فنادق جدة) ,,,,حتى صار رجالنا مديونين لخمس مائة سنة جاية, يعنى الواحد يمكن يبى يقسط مهر زواج امة على ابوة الله يرحمهم

ويجينك بعدين ويقيلن وين المساوة وحقوق المراة. الا السؤال وين حقوق هالمساكين؟. مين يعيننا وننشى جمعية للدفاع عن حقوق المتزوجين المهدرة.

وها الحين "الجنس اللطيف" مرهبنا بأحزمة ناسفة .... والله اللى رحنا فيها

سلام

[المخاوي]

بدر الشمال
ياهلا فيك بين اخوانك واخواتك
هذا اللي يقول يامن شراله من حلاله عله :) الله يعينوه سبع طلايع وصباحيه 5000 ريال :D أقول خلوه يجيب له زوره غديه تسويلوه تخفيض :D والا تنازل عن المبلغ يغسل يدوه :eek::D
بس تصدق عاد راحت عليه هالجولة السياحية الرومانسية على ضفاف رمال النفود الذهبية:D
انت تشوف خلنه هديه وهي اجباريه :rolleyes:

اخي بدر الشمال اشكرك على تعقيبك وابداء رايك والحزام الناسف نبي نبطل مفعوله باذن الله :)

[الصيرمي]

بالخيرات
شلونك المخاوي
انت هنا الى الحين ماشاء الله عليك
انا ضد موضوعك من اساسه
لاتزعل وقلليش
انتم تخلون اللي مثل حالتي ابو عزاب
يدندنه خليلية المن يصفي مويهه
هالفلسا كله يدفعه عقبين
وشو علشانه
مره وتعنفص مثل الربعات الاريام علي
وع مابيه
الشام شامك لامن الدهر ضامك
ماعقب الضيم اعلاوه
متفاءل
صرت مجود معاميل
وحيد الله لايهينك
اعدل الكور
واميل عقيلي يسراوي
اووووووهااا
ويادهينتي لا تسيحين
اووووووهااا
السعوديات والله ماهن شين
هههههههههههههه

وانتن خلكن متربطاتن بحزامكن بلياكن

اروح مع العديل وعديله
الا وينهم به
نبي نعادلهم
ريم والريم
ماتعرفن تطبخن
ولاصار الرجل عندوه كرمه بعيرين ةعشر خرفان
تطبخن
والاتنتحرن
ازين
لاتبرن

[متفاائل]

كولمبو

توكل على الله سم

عسى فيك بركه توقع

بس والله اني ذال انك تنضام بشامك

يقولن بك بها الحزام الناسف ويصير كولمبو شلنججججججر

[الصيرمي]

والله مايضامن الى عند ربعك
ابعرس من شامي
ماهو شامك
وش بلاوه المضايف طافي
علمي بكم مبطي
شين زين
وشين شين
ياغميظه ابوغازي
من يهلي عقبوه
او اللي مايولي
سنجر يازين المسنجر
مش الويدزه
اصدمتن تقل بعزا

[مجموعة إنسان]

أخوي مخاوي

اول شئ هلا بك

وثاني شئ شكرا للمشاركه

وثالث شئ شكرا لسؤالك عنّي

وأهم شئ هذا هو ردي |501|


هالحين حنّا ماعندنا غير هالصباحيه وهالطلاعه ومنشبينهن بحلوقنا |8|

انا اعتقد إن الرجل يجيبهن بكل طيبة نفس لأنه إن ماجابهن بالزينه بيجيبهن بالشينه |507|

واللي بايع عمره يقول ماني بجااااااايب <<< كنها تهدد |501|


لا والله الجد :

العادات اللي نتوارثها من اهالينا فيها الصالح والطالح

وماهو بشرط ان كل عاده تكون زينه ولا انها بتكون شينه

فحنا نشوف العادة اللي يجي من وراها تآلف القلوب والمحبة وطيب النفوس

والقربا والمودة وماااا إلى ذلك من عواقب حميده فلازم نتمسك بها حتى لو كان وراها ديون < |501|

لا ولازم اننا نطورها بعد .. << نعم أعني مااقول |507|

اما العادات اللي من وراها قطيعه وزعل فنرميها بحــــــــــــر ونقول الله يرحم |16|



تحياتي لك ولكل من شارك برأيه ..