@@ المرأه والوظيفه @@ [الأرشيف]

مشاهدة النسخة كاملة : @@ المرأه والوظيفه @@

الوسي

31-12-2001, 04:50

اخواني واخواتي كما تعلمون اصبحت الوظيفه للمرأه بين مؤيد ومعارض . لذالك احببت فتح هذا الموضوع وهو وظيفة المرأه كما انني لم احب ان اناقشه انا ولكني فضلت طرحه عن طريق بعض النقاط لتتم مناقشتها من الجميع . والنقاط هي :

1- هل تحتاج المرأه للوظيفه ؟
2- هل الرجل يفضل المرأه الموظفه ؟
3- هل مادية المرأه الموظفه افضل ؟
4- ماهي الوظيفه الامثل للمرأه السعوديه ؟
5- كيف توفق المرأه الموظفه بين بيتها وزوجها واطفالها ووظيفتها ؟
6- اتب الموظفه من الذي له الحق فيه... هي لوحدها ؟
7- عمر المرأه الوظيفي ‍‍. والتقاعد ؟
8- خيانة الرجل للمرأه الموظفه فبعد ان تساعده ماديا يتزوج عليها ؟
9- الخادمه في حياة المرأه الموظفه ؟
10- السائق في حياة المرأه الموظفه ؟

معليش لاطالة النقاط لكن للفائده
تقبلوا تحيات اخوكم الووووووووووووووسي

الفيتو

31-12-2001, 05:41

شكرك الاخ الوسي على طرح مثل هذا الموضوع
ولكن الاجبات تكون حسب رايي:
1-لا.
2-لا.
3-اكيد.
4-المدرسة فقط.
5-لا توفق بينهم ابد.
6-لوحدها فقط.
7-؟؟؟.
8-هذي قمة الخيانة.
9-لازم.
10-ماله اي داعي ابد.
الوسي اعيد واكرر هذا رايي انا فقط

الوسي

31-12-2001, 06:54

يـــــــــــــــــــازينك ياابو مرزوق
ياناس القبله من الله مو من خلقله . وابو مرزوق انسان كله قبله.قبله يعني ( ملح ينثر ) يعني ( لما تشوفه ترتاح او لما يعقب عليك يريحك )
بغض النظر اني اوافقك والا لا ابو مرزوق الا ان طريقتك اعجبتني مررررررررره
شكرا لك اخوي

اخوك الووووووووووووسي

الفيتو

31-12-2001, 09:53

الاخ العزيز الوسي
مادري وش اقول الوكاد شدقن حموري اووووووه كل هذا من الحياء قصدي حمرن شدوقي وقمت ارمش كثير ووحطيت صبعي في افمي ونزلت راسي كل هذا مستحي .

موج البحر

31-12-2001, 23:16

الاخ الوسي

1- نعم تحتاج ولا كيف تعيش بين الوحوش.

2- بكل تأكيد...يموت فيها اخر الشهر.انا افضلها مديرة مستشفى

3- نعم ماديتها افضل اذا ماتزوجت..

4- ممرضات في المستشفيات....تحياااتي

5- خلهم يولون الزواج والاولاد.. الله يخليا الشغاله راعية البيت
اهم شي الوظيفه..

6- لا طبعاً..زوجها والمجتمع الديمقراطي والانفتاحي..

7- اذا تقاعدة من الوظيفه..ايضاً من الحياة الزوجيه راح تتقاعد...معاد لها فايه تذكر..

8-قمة الروعه والاخلاص للحياة العمليه والوظيفيه..

9-اعتذرك ليست خادمه..بلا راعية البيت.

10- سواق وسيم من جنوب شرق اسيا..تمام

مشكوووووووووووووووور اخوي على هذا الموضوع

تحيااااااااااااااااااااااااتي

الوسي

01-01-2002, 00:23

انت والله اللي تسلم على هالرود الحلوه
يااااااا موووووووجنا الغالي

ظيف

02-01-2002, 09:57

اخوي الوسي
انا برايي الشخصي اصلا المراه ماله الا البيت وعياله
يعني اصلا مالها داعي الوظيفه
مع احترامي لرايك

سلمان النبهان

02-01-2002, 21:34

الاخ العزيز الوســـي الموضوع حساس ومهم والاجابات دقيقه المضمون للخروج بالنتيجة المطلوبه 0وعند الانتهاء من الاجابات الواردة من المشاركين نامل عمل احصائيه بالجميع وتنشر بمعرفة المعد لتعميم الفائده ومعرفة الاتجاه العام للمشاركين0
الاجابة على الاسئله الواردة بالاستفتاء :ـ
1ـ حسب الظروف ووجود الوظيفة ونوعيتها 0
2ـ حسب هذا الرجل وشخصيته 0
3ـ حسب طريقتها بصرف ماتحصل عليه من راتب 0
4ـ وظيفه مستقله دون اختلاط 0
5ـ بان تختار بعلامناسب يقدر المراة العامله ويساعد في امور الحياة دون تحجر او عصبيه لجنسه 0
6ـ الاحقية حسب مايقوم به من دور معها ودرجة تفهمه لها 0
7ـ لايوجد عمر وظيفي للمراة العاملة ابدا 0
8ـ عدم احتواء المراة لهذا الرجل الاحتواء الشامل 0
9ـ حسب حجم الاعمال المنزلية الموجودة بالمنزل 0
10ـ ضروره لها والا سيكل 24 للمدرسه 0

هذا راي الشخصي ( رفقا بالقوارير)0

الوسي

03-01-2002, 00:03

اخوي ظيف
شكرا لمشاركتك معنا الموضوع
وابداء وجهة نظرك
تقبل تحيات
اخوك الووووسي

عبدالعزيز

06-01-2002, 19:42

وين راعيات الهودج عن هالموضوع أو ماحولك احد

بس ماهي مشكلة نشارك
أيوه ألوسي شتقول

1- هل تحتاج المرأه للوظيفه ؟
ج والله على حسب إتزان المرأه وقناعتها بما تملك من ثياب وغيره
2- هل الرجل يفضل المرأه الموظفه ؟
ج أيه
3- هل مادية المرأه الموظفه افضل ؟
ج أيه
4- ماهي الوظيفه الامثل للمرأه السعوديه ؟
ج مافيه غير التدريش شئ
5- كيف توفق المرأه الموظفه بين بيتها وزوجها واطفالها ووظيفتها ؟
ج بالشغالة
n6- راتب الموظفه من الذي له الحق فيه... هي لوحدها ؟
ج نعم لوحدها وتاخذ منك بعد
7- عمر المرأه الوظيفي ‍‍. والتقاعد ؟
أليييييييييين ماتخرف والدليل المدارس اللي داخل حايل كله عجز
8- خيانة الرجل للمرأه الموظفه فبعد ان تساعده ماديا يتزوج عليها ؟
ج شرع الله
9- الخادمه في حياة المرأه الموظفه ؟
ج أهم منها شخصيآ
10- السائق في حياة المرأه الموظفه ؟
ود عينهن بس على موافقة الزوج

عبدالعزيز

06-01-2002, 19:42

الوسي

06-01-2002, 20:53

الاخ سلمان النبهان
رأي في محله
فعلا فكرة الاحصائيه وارده وانشاءالله تطبق
شكرا لك اخوي على المشاركه
وعلى فكرة الاحصائيه
ودمت اخا
اخوك الوووووووسي

الوسي

06-01-2002, 21:00

هلا وغلا اخوي ابو صياح

كلامك كله حلو ووارد
بس فيه مشكله ياابو صياح

وبصراحه مشكله قويه

وهي انك انت وابو مرزوق راعيات الهودج مهن كل هاه معكم

تقل يعصفرن ياسمعن حكيكم

يقولن اسمائكم مهي موسيقيه ولاتناسب عصر 2002

عبدالعزيز

07-01-2002, 01:53

ليش ياخي
تدري أن به ناس بلبنان وسوريا يقالهم أبو صياح
على بالهم زيي
وبعدين ماسمعت عن أبوصياح اللي عن الحكم عيا
تره أنا
يعني هاللقب ماجا من فراغ
بعدين تعال تعال ألوسي
ألوسي وش معناه
صحيح أن هالأسم حلو زي مايقولون أهل الرياض(الله يحييك)
و يزغت زي مايقولون أهل حايل
بس وش معناوه

الوسي

07-01-2002, 03:18

ياحليلك يابو صياح

اقول ابو صياح

شف طال عمرك انا كني ماقريت تعقيبك علي

وكني مادري انك سألتن وشمعنى اسمي

وماكأن به موضوع اصلا ولاهودج ولاوظيفه ولابه حريم بعد

وانت نس نفسك وخلك كنك ماسألت ولاشيء

وبعدين ناظر وشف هو يحتاج اني اجاوب والا لا ؟

شفت مايحتاج
الحمدلله

فوفو

12-01-2002, 07:58

امممممممممممم...تقول اخوي المرأة والوظيفة هاه...اوكيشن

1_اكيد تحتاج للوظيفة وخاصه بالوقت هذا .

2_اتوقع ايه بعد تبي تفكه من مقاضيه وحوسته:D:D

3_مو شرط بس الاغلب ايه.

4_اممممممم اي وظيفه مابه اختلاط حلوووه ...بس اتوقع مهمة التدريس للمرأة المتزوجه افضل على شان وقت الدوام تطلع الظهر ..على وقت جيت عياله من مدارسهم ..وابو العيال ماهو بجاي الا العصر الا اذا دوامه شفتات هذي النكبه:D.

5_اممممممممم قلتلي كيف توق بين بيتها وزوجها واطفالها... بالنسبه لبيته ورجله انشاء الله مامن مشكله ماهي مشتغله طول الوقت والمره السنعه تبي تدبر عمره اما بالنسبه للأطفال ..فانا من وجهه نظري انه اول سنتين المفروض انه تقدم على اجازه من دون مرتب وبعدين عاد تشوف له صرفه ومااقدر اعطيك اخوي بالضبط وش لون تبي تتصرف بعد كذا لأن لكل امرأه بذاك الوقت ظروف تختلف عن الثانيه.

6_اكيد له هي بس اذا كان وده تتشارك هي وابو العيال وبمزاجه مامن مشكله====>احلىوالله طلعنا قويات:D:D:D

7_امممممممم مااعتقد ان له عمر معين!!

8_اممممممممممم ليه يتزوج عليه؟؟؟؟؟؟؟ مااتوقع انه اقدم على هالخطوه الا وفيه سبب مقنع اما اذا كانت طناخه كذا بس مشتهي يعرس ..فامعصي تجلس عنده راتبه عنده وتقدر تصرف على نفسه===>والله وطلعت هالموظفه شئ كانه مدرسه وهو الطالبه خررررررشD:D:D:D
9_امممممممم على حسب من بيت لبيت تختلف اهميته وبعض البيوت ماتحتاجه اذا ماكانت عائله كبيره
ابو صياح ....((اهم منه شخصيا)) موج البحر ((راعيه بيت)) ===>قوويه واحسه عيب تنقال
10_ماله داعي ولا عبالك صحفيه تبي تروح منا ومنا:D:D

اممممممممممم اخوي الوسي عسى بس وفقت بالأجابه .. ترى قاعده انتفض وانا اجاوب تكل على امتحان:D:D

مشكوووووووور اخوي على الموضوع الحلو والطرح الاحلى وننتظر تعقيبك انت على الموضوع اوكيشن؟!

الفيتو

12-01-2002, 17:37

لالالالالالالالالالالالالالالالالالالا ابد
اقول الوسي تعال ولا تهرب قلى وش معني اسمك لى
ابد مراح اعلم احد بس انت اعترف وش معناه هها يالله انجز قبل لا يدخل احد

الوسي

13-01-2002, 15:44

هلا والله وغلا باختنا الغاليه وعميدتنا فوفو

بالنسبه لردودك فهي صراحه ردود ( ايكسبيرينس)

وتعقيبك اكثر من رائع صراحه

ومافيه اي مشكله الا حاجه بسيطه

هي مشكله صغيره بس معليش بقولها

مشكلة تعقيبك انه جاي بين تعقيب ابو صياح وتعقيب ابو مرزوق . يعني اكسجين مافيه اختنق ياحرام .

لذالك اتمنى بالمرات الجايه تعقيبك مايكون سندويتش بين اثنين ماشاءالله اللهم لاحسد :) :)

الفيتو

14-01-2002, 05:23

اخوي الوسي
انت مراوغ ممتاز تصلح مع البرازيل
بس انا ماانسي ابد هاااااااه وش معني اسمك ممكن تشرحلي;););)
اخوي الوسي بسرعه علشان اذا قالو وش اسمه اقول معناه كذا
يالله انجز قل وش معني اسمك :D:D:D:D:D

الفيتو

30-01-2002, 11:33

اخوي الوسي
كيف الحال عساك بخير
بس ودي اعرف ليش تتهرب :D ;) :p ;) :)

الوسي

31-01-2002, 02:56

اوكي ابو مرزوق

بما انك مصمصم حاضر بقولك

ياخي انا النكنيم حقي الوسي

وهو سهل صراحه بس انت تبي شوية توضيح

حاضر ومن عيوني

هو تقدر تقول اسم دلع

خلاااااااااص ياااااااااخي

اشوفك بموضوع ثاني انشاءالله

تقبل تحيات اخوك الوووووووووسي