ساجر الرفدي

[راعي الوقيد]

عيني قزت من نومهـا واسهرتنـي = ماهي مريضـة ماربالقلـب ولـوال
واحسرتي مـن عشقتـي عايفتنـي = وشامت ونسيت مامضى لي بالأ فعال
تعطـرت يـوم إنـهـا باغيتـنـي = واليوم ماحطت علومي علـى البـال
وقرونهـا جـرد السبايـا تلتـنـي = وعطورها دم النشامـى ليـا سـال
عاهدتهـا بالله وهــي عاهدتـنـي = واليوم اشوف فعولها إقفاي وإقبـال
دنيـاي بحمـول العنـا ضاهدتنـي = والكبر يرث بالرجـل كـل غربـال
مـن مدهـا بالجـود يامـا عطتنـي = وياماركبنافـوق عـجـلات الازوال
وياماعلـى طيـب الفعايـل هدتنـي = وخليت عيرات النضا تهـذل هـذال
نمشـي علـى ماكـاد لوساعفتنـي = وإن عاضبت نذكر بها زين الأفعـال
وكـم سربـة جريتـهـا تابعتـنـي = وخليت غارتها علـى القـوم تنهـال
والله لاخـوض بحورهالوعـصـتني = مـادام جسمـي باقـي مابعـد زال
مالـي حسايـف كانهـا خالفتـنـي = للي يخلـط الخيـر والشـر عمـال
للفارس الشاعر
ساجر الرفدي
من قبيلة عنزه

وسلامتكم

[سعد الشمرى]

راعى الوقيد لاهنت وزنت ورحم الله ساجر الرفد بس ودى اسالك وش قصته هالقصيده الله لايهينك

[ريال الفسحه]

8

انت منوين تنخشهن :)

[شموخ]

تسلم ياراعي الوقيد على هالقصيده ...




راعى الوقيد لاهنت وزنت ورحم الله ساجر الرفد بس ودى اسالك وش قصته هالقصيده الله لايهينك


والله ان ريال صادق انت من وين طلعتها :)


بعد اذن ابو فيصل :)

القصيده في ظاهرها توحي انها قيلت بمحبوبته لكنها بالحقيقه في دنياه وخاصة بعد ماكبر بالسن ساجر وشعر ان مو مثل أول ايام الحروب ..


دنياي بحمول العنا ضاهدتني ..... والكبر يرث بالرجل كل غربال
من مدها بالجود ياما عطتني .... وياما ركبنا فوق عجلات الازوال

لاحظ انه يشكي بالبيت الاول من الكبر وضعف قوته ، ويتذكر بالبيت الاخير بطولاته وانتصاراته اثناء الحروب طبعا ايام الشباب :) ....

[راعي الوقيد]

الرطاب

ولا تهون يالغالي

ريال الفسحة

شفت شلون:)

شموخ

نعم هو يقصد بعشقته الدنيا

مشكورين يالاخوان على المرور

ولكم التحية

[خالد الشمري]

راعى الوقيد تسلم ويعطيك العافيه
لاهنت وزنت <<<<على قولة الرطاب

ورحم الله ساجر الرفدي