راعي الوقيد
12-05-2004, 21:10
السلام عليكم والرحمة
يقول ابراهيم الرديعان : (( حورنيات كلمة تطلق على الشعر الخفيف والظريف ، والشعر الحورني يطلق على الشعر غير الهادف لا الى المدح ولا الى الذم ولا الى الهجاء .
فمثلا تطلب من شخص قصيدة فيقول لك لا يحضرني الآن شيئ فتقول له عطنا لو من هالحورنيات،
المقصد ان الشعر الحورني هو كأن يقصد احدهم بسيارته :
ياموتري غابت الشمسي ** ياما من الدرب قدامك
او كأن يقصد بناقته :
يافاطري وش علم حالك ضعيفي ** اشوف حالك وانية عقب الإردام
وهلم جرا ,,,,,
المهم عندي لكم من هالحورنيات هالحورنية ،، عساه تجوز وتحوز على رضاكم ،، هاكم إياه :
سلام سلام ياجماعة = ياهل القلوب العجيبة
في كل عام تجينا = منكم امور عجيبة
ناس على اهله تعبط = عند اخويانه يخرط
والوالدين احتقرهم = خلا صديقه حبيبه
الموضة يركض وراها = يفخر بها ويتباهى
قلد يهود ونصارى = يبغى الشباب تحكي به
سيارة ساحب سستها = خلا عاليها تحتها
من طلعت الشمس راكب = ماينزل الا بمغيبه
على الربع جاك مصرقع = على كفرتين مرفع
ويعدّله لا تورض = دب ٍ ورا ينتخي به
البوري بييب او بعد طاط = كفر مجنط مخطط
لاجل الكفر دوم يلمع = بالفيري بس يعتني به
واللي يجي بشارع الفر = باللسته اسمه بيظهر
سيارته ورقم اللوحه = ولكل شخص معيبه
بالبيت بعد الدراسه = ينام ويحط راسه
ويصحصح الساعه وحده = والإستراحه قريبه
وبالإستراحه سهاري = ماهو عن الناس داري
راحت حياته خسارة = مصيبه والله مصيبه
جالس على فلم صايع = فيه المناظر طبايع
يضحك ويبكي ويصرخ = صاير بحاله غريبه
جواله نغمة اغاني = دانه ودانه وداني
في كل مجلس ومسجد = تسمع رنينه بجيبه
شباب جو للحدايق = عكاس وللناس ضايق
لو شاف عنز تبعها = خوذي الرقم يالحبيبه
لابس عقود وسلاسل = يرقص على صوت مايكل
عزي لمن يرتجونه = ماحصلوا غير خيبه
شباب يكفي غوايه = عودوا لدرب الهداية
يكفي ذنوب ومعاصي = تروا المنية قريبه
عكاس : معاكس ، غزلي
دب وراء ينتخي به :D
وسلامتكم يابعد حيي ...
يقول ابراهيم الرديعان : (( حورنيات كلمة تطلق على الشعر الخفيف والظريف ، والشعر الحورني يطلق على الشعر غير الهادف لا الى المدح ولا الى الذم ولا الى الهجاء .
فمثلا تطلب من شخص قصيدة فيقول لك لا يحضرني الآن شيئ فتقول له عطنا لو من هالحورنيات،
المقصد ان الشعر الحورني هو كأن يقصد احدهم بسيارته :
ياموتري غابت الشمسي ** ياما من الدرب قدامك
او كأن يقصد بناقته :
يافاطري وش علم حالك ضعيفي ** اشوف حالك وانية عقب الإردام
وهلم جرا ,,,,,
المهم عندي لكم من هالحورنيات هالحورنية ،، عساه تجوز وتحوز على رضاكم ،، هاكم إياه :
سلام سلام ياجماعة = ياهل القلوب العجيبة
في كل عام تجينا = منكم امور عجيبة
ناس على اهله تعبط = عند اخويانه يخرط
والوالدين احتقرهم = خلا صديقه حبيبه
الموضة يركض وراها = يفخر بها ويتباهى
قلد يهود ونصارى = يبغى الشباب تحكي به
سيارة ساحب سستها = خلا عاليها تحتها
من طلعت الشمس راكب = ماينزل الا بمغيبه
على الربع جاك مصرقع = على كفرتين مرفع
ويعدّله لا تورض = دب ٍ ورا ينتخي به
البوري بييب او بعد طاط = كفر مجنط مخطط
لاجل الكفر دوم يلمع = بالفيري بس يعتني به
واللي يجي بشارع الفر = باللسته اسمه بيظهر
سيارته ورقم اللوحه = ولكل شخص معيبه
بالبيت بعد الدراسه = ينام ويحط راسه
ويصحصح الساعه وحده = والإستراحه قريبه
وبالإستراحه سهاري = ماهو عن الناس داري
راحت حياته خسارة = مصيبه والله مصيبه
جالس على فلم صايع = فيه المناظر طبايع
يضحك ويبكي ويصرخ = صاير بحاله غريبه
جواله نغمة اغاني = دانه ودانه وداني
في كل مجلس ومسجد = تسمع رنينه بجيبه
شباب جو للحدايق = عكاس وللناس ضايق
لو شاف عنز تبعها = خوذي الرقم يالحبيبه
لابس عقود وسلاسل = يرقص على صوت مايكل
عزي لمن يرتجونه = ماحصلوا غير خيبه
شباب يكفي غوايه = عودوا لدرب الهداية
يكفي ذنوب ومعاصي = تروا المنية قريبه
عكاس : معاكس ، غزلي
دب وراء ينتخي به :D
وسلامتكم يابعد حيي ...