أين يجد الشباب متنفسهم؟؟

[نافع بن طواله]

في موضوع سابق كان عنوانه ليه كذا يالرياض؟
وهو على هذه الوصله

http://shmmr.net/vb/showthread.php?t=19452&page=1

وحينه وجدت أن هذا الموضوع يحتاج إلى تسليط الضوء أكثر

فأرجوا من الإخوان الإبتعاد عن التحيّز ,,,,,,,, هذا أولا

وثانيا أرجو من كل شخص أن يطرح وجهة نظره ورأيه وإقتراحه والإبتعاد عن تقليل شأن الرياض..

وكما قال المثل (( صديقك من صدقك وليس من صدّقك))



قد تتساؤلون وتقولون مادخل هذا الكويتي بالرياض
فسوف أجيب المتسائل أنني ولقلة المرافق في الرياض أكاد أحس أنني في سجن إذا سافرت للرياض..

فرجائي أن لا يزعل أحد من إسلوبي

وأرجو أيضا أن لا ينصحني أحد بالذهاب إلى روضة التنهات أو الصمان لأن الموضوع عن مدينة الرياض وليس ضواحيها



ودمتم

أخوكم

نافع الطواله

[الجازي]

بعيداً عن التحيز والعنصرية ,,

ماذا يوجد في الكويت من المرافق للشباب ؟؟ وبعدها قد نكمل النقاش معك أخي الفاضل ,,

[شموخ]

حيا الله ابو هدلا

لا ماراح نقول وش دخل هالكويتي بالرياض الكويتين عيال عمنا وعلى عينا وراسنا بس فيه شئ اذهلني

لها الدرجه تحس انك بسجن بالرياض ؟؟؟؟؟؟؟؟؟

سبحان الله ....


اتوقع والله اعلم ان هذا الاحساس اللي يصيبك اذا جيت الرياض علشانك بعيد عن الكويت حتى لو كانت مدة إقامتك يوم او يومين ، لان الشخص اذا بعد عن الارض اللي يحبها فيشعر بهذا الشعور حتى لو هو في جنه من جنات الدنيا مايحسن بالنعيم اللي هو فيه إسأل مجرب ولا تسأل طبيب ...

و لو نظرنا الى الكويت مااظن انها تزود عن الرياض ، حتى بالاجواء فمعروف عن مناخ الدولتين الحرارة في الصيف والبروده في الشتاء ، بل ان الكويت تهب عليها رياح الطوز ومعروفه انها رياح غباريه بعكس المملكه السموم والغبار يزعج اكثر من السموم :)


اما من ناحية المرافق والاماكن فصراحه مااقدر اعددها متنوعه مابين النوادي والاستراحات والحدائق وكل هذه بوسط الرياض يعنى مو بضواحيها ، اما الاسواق فانا اعتبرها ماهي مكان للترفيه والا التنفس لان بعض الشباب عنده المتنفس الوحيد السوق واذا منع من دخول الاسواق حس بالضيق ولا اقصدك بها الكلام بس هذه حقيقه بعض الشباب ...

واذا على ان بعض الحدائق ممنوعه على العزابيه فانت يابو هدلا منت عزابي وين ام هدلا الله يخليها لك ...والعزابي ياخذ امه او اخته اذا كان ناوي يتنفس بجد ..

اتمنى انك ماتزعل من كلامي والله يحييّك متى ماجيت للرياض....


تحياتي لك

شموخ

[محارش]

خلاص رح يم جده :)
<<< change the channel :)

والله اذا بغيت الصدز يالغالي فالرياض رغم حبي له الا اني اتضايق ليا جيته لانه زحمه وازعاج وشباب طايرين ( وقسم بالله تحس انك داخل بلي ستيشن :) )

اما المتنزهات وهالسوالف فما تهمن واحس انه حقت مصاريه وسوريين ولبنانيين , حنا ليا بغينا ننفس عن روحنا طلعنا يم اقرب طعس وشبينا نارنا ودلينا نتقهوى ونقصب خلق الله :)
وعلى قولة الشاعر ( كأننا ونحن فوق طعس ,,, طعسٌ كبير فوقه طعوس :) )

ههههههههه

لا تشره وانا اخوك توي طالعن من خنقه وقلت امزح شوين :)

[نافع بن طواله]

بعيداً عن التحيز والعنصرية ,,

ماذا يوجد في الكويت من المرافق للشباب ؟؟ وبعدها قد نكمل النقاش معك أخي الفاضل ,,


الريم واضح إني ضايقتك

والدليل إنك تردين على السؤال بسؤال

وانا آسف

بس صدقيني طرحي للموضوع والله ليس للمقارنه بين الكويت والرياض

طرحت الموضوع لأني بجد لا أعلم أين يقضي أبناء الرياض أوقاتهم

لأني عندما آتي للرياض أجد خوالي وأبناء عمّي وأصدقائي يومهم كأمس وكالذي قبله

وعندما أقول لهم دعونا نغيّر هذا الروتين يقولون مشينا لمطعم مثلوثه أو مطعم مشويات

أو مقهى الشلال أو الدانه أو مقهى فندق المطار لأنه فاتح 24 ساعه

وإذا خربوها قالوا مشينا للفيصليه ويوم نروح يطلع اليوم عوايل لأني ما أجي إلا خميس وجمعه

وإذا صدفت ودخلنا سوق مو مثل سوق الفيصليه أقصد السدحان تلاقين الهيئه على أهبة الإستعداد للإنقضاض عليك رغم إني بحالي وماني ملقوف على العوايل


أنا أقولك وين لقيت التسليه لقيتها بصالة بلياردو ووهذي كل التسليه اللي أنا إكتشفتها


لذا أنا طرحت الموضوع أبي النصيحه أبي الرأي ما أبي المقارنه بين الرياض والكويت

وإذا إنتي تبين المقارنه نزلي موضوع خاص بالمقارنه وراح تلقين منّي الإجابه اللي تريحك بس بشرط تكونين حاجزه للكويت

[الجازي]

أخوي قاسي الباس :


الريم واضح إني ضايقتك

والدليل إنك تردين على السؤال بسؤال

وليه فهمتها بهالشكل ؟؟

أنا سألتك لأني فعلا ماشفت فرق بين مرافق الرياض والكويت ,, قلت أسألك يمكن تذكر لنا محلات أو مرافق عندكم في الكويت موجود عندنا في الرياض على شاكلتها بس ماعندك خبر عنها .


وإذا إنتي تبين المقارنه نزلي موضوع خاص بالمقارنه وراح تلقين منّي الإجابه اللي تريحك

لا ياخوي ,, أنا ماأحب حركات المقارنة ,, لأن كل واحد يشوف ديرته أحسن ديرة ,, اذا ماودك تجاوبني هنا براحتك أنت حر .


بس بشرط تكونين حاجزه للكويت

ماله داعي هالشرط لأني فعلا زرت الكويت ,,مشكور على الدعوة أخوي ماتقصر .

تحياتي لك أخوي,,

[المخاوي]

خلاص رح يم جده :)
<<< change the channel :)

اما المتنزهات وهالسوالف فما تهمن واحس انه حقت مصاريه وسوريين ولبنانيين , حنا ليا بغينا ننفس عن روحنا طلعنا يم اقرب طعس وشبينا نارنا ودلينا نتقهوى ونقصب خلق الله :)
وعلى قولة الشاعر ( كأننا ونحن فوق طعس ,,, طعسٌ كبير فوقه طعوس :) )
ههههههههه


محارش
الليله اي الطعوس تبون تروحون له نبي نسير عليكم :D
القصد المشاهد ماهو (القصب) :rolleyes:>>> مبطين عنوه :)

قاسي الباس
أي واحد سكن الرياض وعاش فيها صعب عليه يروح منها وتعتبر احلى
المدن في ناظره >>> رأي بعض اخواننا اللي ساكنين الرياض

[بدر الشمال]

بالعربى ,
لقد كيف سكان الرياض نمط حياتهم وأسلوب معيشتهم على القليل "الموجود" من الوسائل الترفيهية والاماكن السياحية , حتى اضحت الرياض من اجمل المدن بأعين ساكنيها ومحبيها . وهذا ليس بعيب, فما يوجد بالرياض لايوجد بغيرة والعكس ربما صحيح. وأهل الرياض ادرى بشعابها ومرافقها ومقاهيها وطرقها السريعة وطعيساتها ......الخ

والنقطة الاخرى هو الناحية الأجتماعية المترابطة عند سكان الرياض, وهذا من الشروط الأساسية للحياه بهذة المدينة , ومن لايعرف اناسا او لايزور ولا يزار وبأستمرار فلن يستطيع الاستمرار بالرياض ولو معة مال بيل جيتس. انا لأقول ان لانحتاج بعضنا البعض فى باريس او لندن او النعيرية او لينة او الخطة, ولاكن يتأكد الموضوع بالرياض.

وسلامى الخاص ومحبتى الصادقة لسكان الرياض وللرياض ومن جاورها.

..... الا وش السالفة , واحد ملقوف لا له بالعجين ولا بالمفاطيح

سلامى

[ريم شمر]

طيب لندن وش فيها ؟؟!!!




فعلا وش التسليه اللي في لندن وباريس ومهي موجوده في الرياض ؟!!

انا اقولك

مراقص وملاهي وبارات

بس

يعني انا اذا رحت للندن يضيق صدري

ماالقى اي متنفس

وين اروح لاتقولي الهايد بارك
والا الشانزليزيه <<< هذي في موسكو عاصمه نيجيريا ياخبله |13|



المعنى ياقاسي الباس

انه سالفة المتنفس هذي مالها علاقه بالديره نفسها

لها علاقه بالانسان وطبيعته والاشياء اللي يحبها

اللي يبون الملاهي والمراقص والمسارح والاختلاااااااااااط

مايرتاحون الافي ديرة هز الوسط والوحدة ونص :rolleyes:

لو ان جوها حار

ولو انها زحمه

ولو انهم يتعرضون للنصب والسلب

كل هذا يهون علشان اللي يبون !!!!

واللي يحبون البحر والحدايق مايرتاحون الا في المدن الساحليه

ولو بيروح لاي مدينه مافيها بحر مهما كانت جميله

ماراح يرتاح فيها وبيطّلع فيها العذاريب


بالنسبه للرياض

وسؤال الريم لك مايعني المقارنه ابدا

لكن يعني انه الكويت ديرتك تحبها بكل مافيها

تعرف كل شبر فيها

فيه اشياء معينه تجذبك لها


لكن الرياض وكزائر لايعطيك ابدا المجال انك تعرف مافيها من مزايا لايراها الا من يحبها

ولاترتبط لديه بنوعيه التسليه او المتنفس بل بالراحه النفسيه

اخوي قاسي

مثلا انت سافرت الى لبنان او مصر وهي من الدول التي تعتبر

قمه في التسليه في نظر البعض

ماهي الاماكن التي ستزورها وماهي نوعيه التسليه

وش رايك نشوفها مع بعض



مسرح؟؟!!!


صراحه انا اعتقد انه قمة التخلف اني ادفع فلوس علشان
اقعد على كرسي ثلاث ساعات
اطالع في عالم قاعده تكذب علي واحيانا تهزئني |12|



سينما !!!

تخييييل احجز و اسافر علشان اشوف فيلم لوحده هبلا مسميه نفسها نجمة الجماهير
والا وحده اهبل منها مسميه نفسها نجمة الدريشه مدري الشباك|14|
هذا الناقص :cool:



مقاهي ومطاعم !!


مقاهينا ومطاعمنا انظف وارتب واكثر خصوصيه واحترام


اسواق !!!!


تفنن في طرق النصب وابشع استغلال لمجرد انك خليجي
يظنون ان في جيبك بئر بترول !!!!


البحر والشاليهات !!!!

منذ متى اهل الصحراء والبر يعشقون البحر

رمال الثمامه الذهبيه بكل مياه المحيطات

وعلى فكره الثمامه هي الرياض والرياض هي الثمامه

وليست من ضواحيها :rolleyes:

ثم بحار وشواطئ تدوس عليها ارجل اشباه العرات

لاتهمنا ولانبحث عنها




مراقص وملاهي !!!!!!!!!

بدون تعليق!!!|3|




ماذا بقي ؟!!!!

لاشئ

اذا فلتنفق ان المسأله نفسيه فقط

ورغبات معينه ومطالب اذا تحققت اصبح المكان جنه

واذا لم تتحقق فهو قطعه من الجحيم




شكرا لك اخي قاسي الباس



ريم

[الغيور]

وإذا خربوها قالوا مشينا للفيصليه ويوم نروح يطلع اليوم عوايل لأني ما أجي إلا خميس وجمعه

وإذا صدفت ودخلنا سوق مو مثل سوق الفيصليه أقصد السدحان تلاقين الهيئه على أهبة الإستعداد للإنقضاض عليك رغم إني بحالي وماني ملقوف على العوايل






المعنى ياقاسي الباس

انه سالفة المتنفس هذي مالها علاقه بالديره نفسها

لها علاقه بالانسان وطبيعته والاشياء اللي يحبها

اللي يبون الملاهي والمراقص والمسارح والاختلاااااااااااط

-------------------------

اذا فلتنفق ان المسأله نفسيه فقط

ورغبات معينه ومطالب اذا تحققت اصبح المكان جنه

واذا لم تتحقق فهو قطعه من الجحيم



(لكـل امـرئٍ مـن دَهـرِهِ مـا تَعـوَّدا)

فبارك الله لك في كويتك، وبارك لأهل الرياض رياضهم.

أخي الهيئه على أهبة الأستعداد للأنقضاض على الذئاب البشريه فقط، وهم موجودون للحفاظ على اعراض أخواتي وأخواتك ونساء المسلمين.

سلام