ياعين لك بالهوى لفته ...

[راعي الوقيد]

السلام عليكم ،،،
اليكم هالهجبنبة عسى ما اكون اخطيت به ...

ياعين لك بالهوى لفته = ما انتي على دين الإخواني
وجدك على واحد شفته = عوده من الزين روياني
الكحل بالعين سايفته = كن الهدب ريش غرباني
والثوب بالزري ناقشته = كنه طواريق ديباني
الأوله ليت ما شفته = والثانية ليت ما جاني
والثالثة يوم واجهته = تل المعاليق وابكاني

وسلامتكم ،،

[متفاائل]

راعي الوقيد

عداك العيب كمال وجمال تسلم على هذه الابيات

تحياتي لك

[راعي الوقيد]

يو ولكم متفاءل
عن الخطأ كذا رديت
اخاف تفهم ماهو قصدي

[مرزوق الشمري]

الاخ راعي الوقيد
شكرا لمشاركتك بس لو تكتب اسم صاحب هذة الهجينية افضل
تقبل تحياتي

[راعي الوقيد]

ياهلا والله بمرزوق الشمري

آسفين يابعدي على التأخير في الرد

تخبر عطلة :)

الشاعر يابعدحي هو فيحان الرقاص

وحيااااك الله

[سكاكا]

الاخ راعي الوقيد ........ السلام عليكم .. قرأت مره سؤالك عن عرضة ( البارحه كلن رقد والعين عيت تنام )
وقد حاولت ايصالها لك ولكن لم استطع . المنتدى لم يسمح لي بالمشاركه . وهاهي




البارحه كـل رقـــد والعيــن عيت تنـــــام=يــاخوك يالغضبان كادتنـي مطاليبــــــها
البيض جعل البيض ماتسنيعهن بالتمــــام=كـم واحد عــرقن على كبده لواهيبـــــها
يا عل دار ما بها مضنـون عيني هـــــدام = اربع طعش نجـم مع الصــــــفرة يهديبــــها
ابو نهود بالمثايل مثل بيض الحمــــــــام = بصدير منبوز الردايف توهــــــا ذي بهــــا
وثنيوات مرهفات وصفهـــن يا ســـــلام =اسكر من السكر على سكـــــــرة مشاريبها
اخذت انا ومستورة الغيبة ثمانية عوام =غير الله اللي يكشف الاسرارما دريبهـــــا
اسهر معه بالبر والديرة بليل ظـــــلام =ما كني الا خيها واقـرب اقاريبهــــــــــــا
هرجه على المطلوب من محبوب هرجة غرام=والكلمه اللي تنطلق للشك ما اجيبهـــــــا
جيت اتزوجها وعيا بها قليل الرحام = واقفت وانا ياحول اليا هالحين ودي بها
واقنب قنيب الذيب من فرقى لطيف الكلام = ياالله بنو الخير لاتجزي معازيبهـــــــــــا
لا واهني منهو غشاهم باختلاط الظلام =ثم انهبه وانا دليل الكل واسري بها
خلي رديف لي وانا من فوق ناب السنام=والمزهبه والجود يالغضبان ما ليبها

الشاعر عيد الخمعلي

[راعي الوقيد]

الله لا يهينك يالعزوة

والله انك وافي يالغالي

نسيت ارحب بك من الفرحة:)

الله يحييك اخوي الشاعر / عيد الخمعلي

ونتمنى ان نراك احد النجوم المتلألأءة في سماء الشعر

في مضايف شمر

ابرك الساعات هذا الحضور

والعرضة اخبر يرددونه زملاء الدراسة من هل الجوف

" الله يذكرهم بالخير "

لك التحية والتقدير

والسلااااااااام ...

[سكاكا]

شكرا على الترحيب اخي . ويشرفني تواجدي بينكم ... والشاعر الخمعلي هو الان مريض وكبير في السن

ادعو له بالشفاء ......... وسأحاول الحصول على بعض قصائده لان له قصايد سامري حلوه ...... كل الشكر

راعي الوقيد

[راعي الوقيد]

الله يشافيه وكل مسلم

انا على بالي انت عيد الخمعلي وليس شاعر القصيدة

:hala1:

[الحثربي]

نقل مميز وجميل تشكر علية اخي الكريم

[سالم الظفيري]

لاهنت يابو فيصل

خوش هجينية


دايم اختيار رائع


لك تحياتي