البارحة كلن رقد ..

[راعي الوقيد]

اسأل كل من له معرفة بالعرضة ، عن العرضة التالية ..؟
البارحة كل رقد والعين عيت تنام = ياخوك يالغضبان كادتني مطاليبها
-
-
-
البيض جعل البيض ماتصفيلهن بالتمام = كم واحد ٍ حطن على قبره نواصيبها
وهي من العرضات الرائعة جدا ً ..
ليت اللي يعرف تاليها مايقصر ويزودنا ولو بجزء بسيط منها ..!
ولكم التحية والتقدير ..

[ريم شمر]

خل الاصمعي يفزع لك :)

[الجازي]

الله يقلع ابليسك ياريوم ناوية أقولها :)

يالله توارد خواطر :) تمونين يالغالية >> بالله :)

[الاصمعي]

البيض جعل البيض ماتصفيلهن بالتمام

آمين عسى تخرب كمبيوتراتهن:)

تشوف ياخوي ياراعي الوقيد هالي يقطعن سبيل المعروف، حتى الي وده يفزع عقب حتسيهن يبي يصير عنده ثاني حال:)

عاد ليتهن يفزعن ،مار ماعندهن الا التشمت ولا لايحذفن ولا يجمعن حصى;)

راعي الوقيد مر مضيف الفصيح تراني جاوبت على نشدتك الي هناك من كم يوم بس مااشوفك مريت على الموضوع:)

تحياتي

[راعي الوقيد]

مشكورين ياشباب وياشابات على التعاون
والعفو يالاصمعي هذي جيتي وانا رايح اشوف ردك
كنت خارج وصرت داخل هههههه

[سكاكا]

هذه عرضه للشاعر عيد الخمعلي من شعراء الجوف


البارحه كل رقد والعين عيت تنـام ........... ياخوك يالغضبان كادتنـي مطاليبـها

البيض جعل البيض ماتسنيعهن بالتمام ....... كم واحد عـرقن على كبده لواهيبـها

يا عل دار ما بها مضنـون عيني هدام ......... اربع طعش نجـم مع الصفرة يهديـها

ابو نهود بالمثايل مثل بيض الحمام .......... بصــدير منبوز الردايف توها ذي بهـا

وثنيوات مرهفات وصفهن يا سلام ........اسكر من السكر على سكرة مشاريبها

اخذت انا ومستورة الغيبة ثمانية عوام ............ غير الله اللي يكشف الاسرارما دريبها

اسهر معه بالبر والديرة بليل ظـلام ............. ما كني الا خيها واقـرب اقاريبها

هرجه على المطلوب من محبوب هرجة غرام....... والكلمه اللي تنطلق للشك ما اجيبها

جيت اتزوجها وعيا بها قليل الرحام ........ واقفت وانا ياحول اليا هالحين ودي بها

واقنب قنيب الذيب من فرقى لطيف الكلام ........ ياالله بنو الخير لاتجزي معازيبها

لا واهني منهو غشاهم باختلاط الظلام .............ثم انهبه وانا دليل الكل واسري بها

خلي رديف لي وانا من فوق ناب السنام............ والمزهبه والجود يالغضبان ما ليبها

[متفاائل]

تسلم ياراعي الوقيد


ويسلم سكاكا جابهااا

تحياتي للجميع

[راعي الوقيد]

تسلم اخي سكاكا على الهدية
ومشكورين الجميع على المرور
ولكم التحية

[الجازي]

الله !!

تو الإجابة توصل

بعد سبع سنين ونص :)

مشكورين جميعاً

ولو ان شفايتي اشتغلت ودي أعرف وش فينا أنا وريم حاقدات :7ayyoh:

[راعي الوقيد]

هههههههههااي
شكلك نسيتي يالله حسن الخاتمة:)

[الجازي]

إي والله نسيت

تسانك تذكر ذكرني

شكلك انت وابو خالد حزب وانا وريوم حزب بس وش المشكلة مدري :)

[راعي الوقيد]

اذكر بس مانا معلمhttp://forum.te3p.com/images/smilies/2009/t064.gif