سمّي الذيب..جوووووّد لي..

[أبو مقرن]

سرحان ِ جوّد لي عسى اللاش يفداك=يابن الرجال الليّ عريب.ن. نسبها
ذيبك بأمان الله دعيته ولبّاك=وبأمان ربه فروته ماقلبها
واليوم أبو مقرن يصوت وينخاك=ولاجلك ثمان.ن. فوق سبع.ن. كتبها
بناءا على طلب( سمي الذيب)..قولبنا هالخويشة فوق وتحت..ولالقينا بهالمصافط
إلا هذولي..واللي عنده زود ..لايبخل علينا..
وتروا..جميع من يرد وصفه أدنااااه..أما يجيكم أحد ينشد عنوه..ترونن أنا ذبااااحوه..|110|
سرحان..جوّد لي :

1-هاللي ليامنك..وقفت عند الإشارة..وإلتفت تبي تشوف وشي هالسيارة اللي مع أيمنك.. ياولله ماتشوف ألا روس أصابع السواق..ويروس على الدركسون(طربان الرجال) المهم..يوم تبدق ياولله سادح.ن. المرتبة ومنسهل.ن. ياما هو ملوذ.ن. على الدبة..هذا ياصارت السيارة(بوكس)..
قل..وشولوه ماتطرق ظهرك على طووله..ياطاردزك الوجع..|3|
***
2-هاللي ياصرت مودي.ن. أهلك للسوق..همن جاء راعي هكالسيارة وحول..ياولله مزراب
الشماغ وجهه تحت يما هو مدزبل.ن. على حدري خشموه..وهمن سدل مسيبيحوه اللي بس هدبتوه يجي طوله عشر أمتار...وقم يلولوحه تقل ذنب معشررر عساه بالعشرة اللي يفرطون
على بطنووووه..
***
3-اللي يخاويك وبزعمك إنه وليدة.ن. ماصار.:).ويوم تفطن ياولله سادلن المشط ويقوم يعزل الكثلة..وخصوصا ياصار وقت لقط فقع ..والعالم تخترش.. :D
***
4- اللي ليا جاء عند (مغسلة الملابس) همن حذف عندوه له صرة شمغ.ن. ماتشوف ختومهن من الصنق..همن قال : يامحمد..غسيل وكوي .....<<<<وش إنت جايبهن لوه ياصار ماتبي
تغسلهن وتكويهن...ياتساوية تسبد شارون الجمرة..|3|
***
5-اللي ليا منوه هذا قام يتسرخ بلوه مجلس..وقام يسند عليك..وماقال: قال وهالرجل يخبره..
وطبعا إنت مجبور.ن. تسايروه..ولا يبي يطلع تسذوب..والتسذبان على ألايفه تلتم..:)
***
6-اللي ليامنوه هداه الله وجاء للمسجد..فتح البويب وخلاه على فتحتوه..وخصوصا وقت الشتاء
والمصيبة يلتفت لك (متصاغرك)..ويطير نواظروه..|512||512|مثل قولة.ن. قم سكروووه..:p
***
7-اللي ليامنوه بغى منك لك حويجة..أوذاك بكثر هالرسايل ياما يمتلي ملويك..وتقوم تمسح من
من صنيديز الحفظ والأرشيف..تبي تدبر لك متسين.ن. للرسالة اللي تنتظر..!! وليامنك بغيتوه ..قام يلوبد عنك..وإذا اتصلت عليه..قال: هالصامت ماخلدز عبث..همن غمتك..
ياغااااامتوه اللحاف اللي داحيه لوه صعيدي.ن. متعافي ومودعه ثقل هالجدار..:)
***
8- اللي يمشي دزامك..وليامنوه سحب بريك..همن ولعت هاللنبات تقل سيارة زفة..بعضهن يد.ن. ومكتوب عليه (stop)..وبعضهن لنبات تبارق..ياخوي ماحنا عميان يكفن لنبات البريك..
يابارتس.ن. على تسبدك..عريض الجنوب|12|
***
9-اللي ليا صرت بالسوق..همن سهجك..ومعلدز.ن. سماعة المسجل بإذانه ويتدودل السلك..
تقل رسن تسلب(أعزكم الله)..
***
10-اللي ليا منك صدفتوووه..قال: وينك يهالقاطع..وهو لو يحصلوه ملبد.ن. لبد عنك ولا واجهك..
وتتصل عليه تبي تعزموه..ويقولون نيم.|105|.يحسبك تبي منوه لوه حويجة..|13|
***
11-اللي يارتسب ملويته..أطلع يده..وسدله تقل يبي يصافح اللي يعقبونه..وهاليوم منتشرة.ن. ظاهرة تطليعة طرف الشميغ..ويقوم يبرى للسيارة..مالمشكلة هذه ..المصيبة ليامنك تعاقبت إنت وياه مع لك شارع.ن. تذل على المرايا إنهن يحكن بعضهن..وهو سادل.ن. يسراه..
وش تعمل بوووه؟؟|513|
***
12-اللي ليامنوه أقبل على التفتيش دّق الفلشر..مثل قولة.ن. هدوووا..والدولة الله يعزهم..
حاطين.ن. على سيارة الدولة سوفتي.ن. يشوفه العمى..وهو اللي ينبهك وإلا تسان ندك
(فلشر) الرجااااااال..عز الله تبي تجشم الدرامات والأوادم..:)
***
13- اللي ليامن أمه صارت مدرسة..همن طقت له ملوية.ن. موديل سنته..وقام ياخذ العالم
على يسراه..تقل شارطة.ن. عليه الوالدة..إنه مايتجاوز إلا من جهة اليمين ولاّ.. تاخذ السيارة منوه..|5|
***
14- اللي ليامنك تجاوزت لك واحد.ن. ياهوووو ملحم.ن. لك..ويكبس ويزمر يبيك تفتح لوه
وإنت لياهالحين بالمنصفة ماقضبت سيدك..؟؟مادري وشهو عجل.ن. عليه؟؟|512||513|
***
15- اللي ليامن الله قدر عليك..وجهازك الملوي صار بوه بلى..ورحت يم لك مقهى إنترنت
ويوم دخلت هالمقهى ياهذي مهايطتوه..تقل مابهالمقهى غيروه..ويوم تبردز ياهو راعي
المقهى متحضن.ن. لوه جهااز..والمشكلة إنوه معلدز.ن. لوه لوحة.ن. أكبر من المقهى و
مكتوب.ن. عليه ( نرجوا المحافظة على الهدووء..وعدم الإزعاج)..!!!|13|


***
تحيااااااااتي..

[متفاائل]

تسلم
ابو مقرن
على هذه الكلمات
المنتازه
والهادفه .

والله انت ما قصرت صراحه ولكن العوج اكثر واكثر على سبيل المثال

اللي يامن وقفت بالمسار الايمن عند الاشارة لك ثانية تنتظر فرصة تبي تلف اصلا همن علق البوري وقام يحترم تشوف براطمه ترامش ويامن لفيت يمين تنح وقام بس يلاخس الاشاره واللي وراه كلما طنب تحرك خطوة هو او المغسله ياجاء عرض قدام السيارات كله يعل يعترض بحلقه العظم .



او مثل هلى يمر من عندك تقول نقل جماعي محمل ولاتثبته ويلف يمين ويسار يجدع وهو محملن هالوغادين وهم بسط وهز وسط وكل يوم روح نعزي الفلان بولدهم صدم والخطاء على خصمه وش تنفع به هالسوالف .



واللا اللي ياجاء عند الحلاق اللي ماتاكل فضلته همن قال ابي تنظيف وصنفره عقب وكر على الكرسي وبداء يلطخ وجه من الخلطات اللي بعضه هو معجنه وبداء يفرك وجه باليدين اللي يغلثن وكم ياصديق 40 بس من شان انت صديق 35 ومن باكر وجهه تقل رضمة جدر شي منحفر وشي متدلقم وشي اسود وشي ابيض .



او اللي ما قدامه الا سيارتين عند الاشاره وتشوفه يكاهز على قطعته ويفتحت اقلع تقول اسعاف واخير وقف عند بيت اهله او عند الاستراحه .

[راعي الوقيد]

ابو مقرن..
صح لسانك ,,,
مقتطفات ومواقف روووووعة :D

اللي ليا جاء عند (مغسلة الملابس) همن حذف عندوه له صرة شمغ.ن. ماتشوف ختومهن من الصنق..همن قال : يامحمد..غسيل وكوي .....<<<<وش إنت جايبهن لوه ياصار ماتبي
تغسلهن وتكويهن...ياتساوية تسبد شارون الجمرة..
ههههههههههههههه
المغسلة اللي يجيه هذا واللي شرحه|512|
ودك تسوي عليه مقاطعة اوتضرب عن المغاسل كلهن على شانه|513|
__

واليوم أبو مقرن يصـوت وينخـاك
ولاجلك ثمان.ن. فوق سبع.ن. كتبها
وين هن الثمان اللي فوق السبع :)
او انا :eek:
ابدعت كعادتك
ابو مقرن تحياتي

[سرحــان]

ابــــو مقـــــرن


صح لسـانك


ابشر عندك بس اشرلي


ابو مقرن والله انك وافي



اكيد راجع مايبيله


تسلم يمينك

تحـــــيـــــــــــاتـــــــــــــــــي

[مفتاح14]

يامال العافيه يابو مقرن عدّك تحتسي بلساني:)

اي والله انهن تصرفات ترفع الضغط .!!

وكل يوم صايرن لي موقف مثلهن على اني ابكتبهن هنا بس البلشه انسى :)



تسلم يدياتك
تحياتي

[محارش]

وين هن الثمان اللي فوق السبع :)
او انا :eek:

راعي الوقيد

الله الله انت :eek: خخخخخخخخخخخخخ

ابو مقرن :

الظاهر انهم صاروا سطعش عقب سؤال المذكور اعلاه هههههههههههههه
سلمت اناملك ( اناملك وللا انا ولي عهد :) )

[أبو مقرن]

هلا وغلا بمتفاءل..

واللا اللي ياجاء عند الحلاق اللي ماتاكل فضلته همن قال ابي تنظيف وصنفره عقب وكر على الكرسي وبداء يلطخ وجه من الخلطات اللي بعضه هو معجنه وبداء يفرك وجه باليدين اللي يغلثن وكم ياصديق 40 بس من شان انت صديق 35 ومن باكر وجهه تقل رضمة جدر شي منحفر وشي متدلقم وشي اسود وشي ابيض ***
أوووووووه يالحلااقين..والله يإنهم لاعبين.ن. على خلق الله..وضاحتسين.ن. عليم الضحى سند النهار..
***
أشكر لك مرورك الطيب ..والتعليق الأطيب..
***
تحياتي

[أبو مقرن]

هلا وغلا براعي الوقيد..
وأنا هادزي.ن. إنك لو تشب نويرتك..وتودزه..تبي تفرق الثمان من السبع..
***
أشكر لك مرورك..ولا عدمنا حضورك..
***
تحياتي

[سرحــان]

ها لي ياصرت مودي.ن. أهلك للسوق..همن جاء راعي هكالسيارة وحول..ياولله مزراب
الشماغ وجهه تحت يما هو مدزبل.ن. على حدري خشموه..وهمن سدل مسيبيحوه اللي بس هدبتوه يجي طوله عشر أمتار...وقم يلولوحه تقل ذنب معشررر عساه بالعشرة اللي يفرطون
على بطنووووه..

ابومقرن المزراب الحين الله يخلف براحه مثل كفك الموضه

الجديده مافيه مزراب تقل ظهر سطحه وا لمسيبيح صار مسباح

حروة النص متربس بدون خرز من عذر الخرزه اصغر من عين

العصفورما ادري وشلون يسبح به والهدبه ســويم(ن) احيمر

وخويطين خضر ومحارش خابرهم0


ابومقرن العذروالسموحه منك علي التاخير الحساب عندي

مصيخين الله يشفيه0
ولكن الرد على واحد مثلك يشجع لو اني عليمي بالشعر

بس الرد واجب0



هـلا ابومقرن ريحة المسك يمناك

بعز وكـــرم ياحـظ منـهـو كسـبـهـا

حـلو الثمـان وسبع والنعم ممشاك

ذيــب ومـداهــيـله بـعيد وحسـبها

وا فـي وعزيز وغالي(ن) لاعدمناك

ذخـر لنا بسـود الليالي ونشبها


تحياتــــــــي
سرحــــــــــــــان

[بتول آل علي]

1-هاللي ليامنك..وقفت عند الإشارة..وإلتفت تبي تشوف وشي هالسيارة اللي مع أيمنك.. ياولله ماتشوف ألا روس أصابع السواق..ويروس على الدركسون(طربان الرجال) المهم..يوم تبدق ياولله سادح.ن. المرتبة ومنسهل.ن. ياما هو ملوذ.ن. على الدبة..هذا ياصارت السيارة(بوكس)..
قل..وشولوه ماتطرق ظهرك على طووله..ياطاردزك الوجع..|3|
***





يا بووه مقرن.ن. |513|

و ربي ما طلعت بقرار تعلم الحايلي الا من بعد ما شفت هالموضوع |513|

لأني حسيت فيه ظريف بس للي يفهمووه :)

على طاري الفهم :) اسمع المقطع التالي ،،، تسجيل شخصي لأحد معارفنا :)

في قراءته الأولى لهذا المقطع اللي محطووط.ن. بالاقتباس :):):)


http://shmmr.net/upload/up/up/7aili.ra


>>>>> يمكن ترأف بحالتنا و انت تكتب موضوع مرة ثانية |8||8||8|




تحياتي.ن.

الدهور.ن.

[عبدالله الجعيثن]

ابومقرن

اما الخامس هذا عدي اعرفه.

16ـ اللي لحيته اكثر من نصه شيب وتلقاه ليا قالوا اثنين غيرهم..قام يحبي من اخر المجلس...ايا ياحابي محرول.

17ـ اللي يلبسون نوع من الطواقي تقل قدرالله لايبلانا.. شوف عيني انه حازتن طرف اذنه..ايا محزوز وريده بسكين.

18ـ اللي يمرك لابس ثوب مخصر.. تتهول مادري وشلون لبسه..قسم بالله تشوف ضلوعه لاصقات..ايا ضايقت عليك الوسيعه..

وباقي ووواجد...

[المخاوي]

أبو مقرن

ياملا العافيه والله ماقصرت
واجد اللي يدبلون التسبد ومنغثينن منهم
لكن الشكوى لله.
تحياتي

[أبو مقرن]

الشيخ الغالي..مفتاح 14
المواقف كثيرة..ومن كثرهن ماتصمل على شين..:)
وإنت الصادق..
القلوب عند بعض ..وأدري إنك كنت تبي ترزحهن بهذا بس عامل فارق التوقيت يمكن كان عندي أسرع وسبقتك..:p
***
لك كل التقدير على الحضور..والتعقيب:)

[أبو مقرن]

الغالي ..محارش
سلمك الله..
وشكرا لتشريفك..وإطلالتك..وإنت ملك..:)
تحياااااتي

[أبو مقرن]

سمي الذيب ..يالله حيوووووه..
قل الموضة تغيرت..وأنا مادريت؟؟:)
يعني هالحين المزراب مثل راحتك..:p
الشكوى للي ماتنام عينووووه..
***
سرحان ..صح لسانك.وزادك الله شرفا بالدارين
لما منحتني من كريم الزيارة وجميل التعقيب...
***
دمت أخا..تحيااااتي

[أبو مقرن]

الدهور..
والله يانه مشكلة.ن. عويصة..معقولة صعب لهالدرجة..بس والله طرى علي مشروع..
وش رايتس..تقولين للي من معارفتس..أنا أكتب المواضيع وإرسلهن لوه وهو يقراهن وينزلهن مواضيع صوتية..
تصدقين عاد إني تقطعت من الضحتس على قرايتوه..تقول أول مرة أسمع هالموضوع
أقول خوذي بعض هالقواعد عله تفيدتس..وإن مافادت دوري الكتاب(أروجي..)
ياطويلة العمر..
-.ن. هالنون هذي ترمز لتنوين الكسر فقط..يعني الاسم المنون المكسور تضاف لآخره..
بس إنتي أشوفتس قمتي تضيفنه لأسماء ممنوعة من الصرف..فضلا.. عن إنه منونة..
-(تس) زي ماقالوا الشباب بالموضوع اللي هناك..هي لمخاطبة المفرد المؤنث..زي(إشحالتس)أي
(إشحالك)..ويمكن إضافتها لبعض المفردات مثل (الضحتس,الضحك)
-(دز) ترمز لحرف القاف ..في حالة كان الفعل(فعل أمر) مثل:
أودزد النار يارجل..(أوقد النار يارجل)..والمضارع ..(يودزد الرجل النار)..(يوقد)
ويبقى حرف القاف كما هو..في كون الفعل فعلا ماضيا:
أوقد الرجلُ النار..
<<<<<لو مكن زمان سيبويه..يمكن طلع نحو ثاني غير اللي معروف اليوم
أعتقد هذولي هن اللي مسويات الإشكال..وإذا فيه غيرهن..نحاول نوضحوه بالمواضيع القادمة
***
تحياتي..شاكر ومقدر لحضورتس وتعقيبتس..

[أبو مقرن]

الغازي..
أما اللي يقول اثنين..يإن نمونته وااااجد ..
***
تسلم والله..على هالثلاث المسكتات..
***
دمت ودام حضورك....أخي..
تقبل صادق ودي..وجزيل شكري..
***
(المعذرة على التأخير)

[أبو مقرن]

الغالي..المخاوي..
أشكر لك مامنحتني من كريم الزيارة..
وجميل التعقيب..
***
دمت ...ودام حضورك..يالبناخي..
***
تحياتي..والعذر منك على التأخير