ابو خالد حولت لك الفلوس و...

[مفتاح14]

اكيد تقولون ..الله يخلف على مشرفنا الفلته:)


ابد يالربع جتن رساله على الجوال بالغلط من احد اعضاء المضايف(عاد مادري هو مشرف والا لا ;) ) تقول الرساله:
( ابو خالد حولت لك الفلوس وترى يمكن ازرق للامارات اخر الاسبوع كان لك وصات) <<- نقلته كما هي:)

عاد اتحداكم تعرفون منهو هالعضو..؟؟ :);)

ومنهو ابو خالد هاللي يبن يجنه هالفلسّا |504| <<-- الا على طاري ( الفلسّا)الله يذكرك بالخير ياعزوز :) << الا هو وينهو ؟؟|512| يقولون انه ضاع بالعجه اللي جتهم من ثالث يوم |513| ويقولون ان الصارم مسوي حالة استنفار هو وكحيلان:) يدورونه بقاع الصير:eek:

<<-- مسك خط :)

ونبي نعرف منهو ابوخالد هذا باي وسيلة؟؟|501|

وياترى ليش خوينا يبي يزرق للامارات؟؟ :)

ووشو يقصد يوم يقول .. تسان لك وصاة؟؟؟|14|


اخلصوا علينا يالربع والله اني ناقلن هم الغازي ومحارش مادري وشلون يبون ينامون الليله؟ :p:p:p

[راعي الوقيد]

والله من الشفايه :eek:
بعدين ابو خالد وشهوله يرسلك انت هاااه
اعترف منهو ابو خالد :D
اكييييد انكم مع الـ....إيّاهاا
اما من طرفي فأنا لااعرفه ولا ابيه يعرفن
تبي تورطنا بأمور مالها تااالي
:) << داخلن الذره
هههههههههه

[ابو خليف]

اقول الضاهر


اعدتك الريم ايقوناتك اكثر


من كلماتك

[سالم]

المهيني له علاقه بالموضوع :)

[الجازي]

ذيب شراف ,,

ينصر دينك على هالاعتراف القوي ..... <<< ترى هالنقط مكان الأيقونة ,, يدي تحكني ودي أحطها بس ماسكة نفسي .

[شموخ]

ياكثر الرسائل اللي تجي بالغلط :):) وبعضها تضحك .

جتني رساله بالغلط مكتوب فيها انصح محمد لايشتري نياق فقرته وحملته ديون ..:):) قلت في نفسي لو اعرف محمد نصحته ..:D

ابو خالد والله نفسي اعرف منهو ، ذبحتنى الشفايه .


تحياتي
شموخ

[وش نوحك]

ههههههههههههههههه يابو اربع طعش :)

اما هي تفوت علي ههههههههه وليه احد قايلك اني عبدالعزيز :)

المرسل هو ابن جشعم ولا ريب في ذلك :)
اما المرسل اليه فهو بلا شك ........... ومت من الشفايه يالغازي ولا يهونون بقية الشفايين اللي مسوين نفسهم مهم شفايين وخص المخاوي ههههههههههههه وقسم يالربع انه ثاني اكبر شفاي على وجه الارض :)

هاه وشلون الرمعه ؟؟

<<< الا يا نيم قبل ما يتأكد ان رمعته صحيح :)

[مفتاح14]

نجي لكم بعد حيي :)

ياعزيزي يا انا يا مفتاح14 <<-- قسم مطلع قصيده :)
هاه بشر ماعرفته الياهالحين؟؟؟

<<-- من زود الشفايه صار معه انفصام بالشخصيه :p


اللي بعدوووووو

[عبدالعزيز]

و وجععععععععععععععععععععععععععع

اقووووووووووووووول
ابوخالد وعرفته 100%
انتم طلعو لي المرسل وانا اقول لكم منهو ابوخالد

وياخوفي ان المرسل محارش هكا اللي لابغيت منه 100ريال قال سم بالرحمن وامسح على كيس هالحنطة ورجعهن لي 400

مفيتيح

انت عطن رقم المرسل وازهله ;)

[مفتاح14]

العزيز رااعي الوقيد

هههههههه والله مادري منهو الشفاي؟:)
اشوفك ماجيت اول واحد :)


انا عادي ماهمن.. بس ودي اوصيه يجيب لي جوال معه:)

[مفتاح14]

الذيب/ ذيب شراف

اتحددددددددددددددددى اذا ايقوناتي اكثر من ايقونات الريم:)

ياشيخ اقص يدي اذا ماعنده مشكله بجهازه.. والا تسان الصفحه كله وجيه.. تقل داخلن خريص بلازا بيوم الافتتاح:)

[مفتاح14]

==============



فاصل فطوووووووووووووور :)


==============

شوي وراجعين

[مفتاح14]

عدنااااااااااا :)

=========

اخوي سالم.. يامن دلعوك ابو السلم:)


مااالك لوا :)

حاول نوبتن ثانيه :)



الا انت يقولون لك ابو من؟؟؟؟ :):)

[مفتاح14]

ام ايقونات تعالي جاي ...<<- ايقونه تلوّح بيده


اعترفي ان جهازتس رايحن فيها ... <<- وجه يرفع حواجبه وينزلهن بطريقه استفزايزيه



الا وش صار على اقتراحي لمضيفتس:p؟؟

[مفتاح14]

الشامخه/ شموخ


ههههههههههههههه حتى انتي انتقلت لك عدوى الشفايه ههههههههه


طيب ما ارسلتي له قلتي منهو محمّد؟؟؟ :)

<<-- الحاله مستعصيه :)



لابد ماتكشف لنا الايام خافيها
............ ونعرف ابو خالد واللي مرسله منهو :) <<-- قسم بالله انه لي هالبيت.. مسّكوني طريق النبطي ..ووخروا عن وجهي :p :p

[مفتاح14]

ههههههههههههههههه يابو اربع طعش :)

اما هي تفوت علي ههههههههه وليه احد قايلك اني عبدالعزيز :)

المرسل هو ابن جشعم ولا ريب في ذلك :)
اما المرسل اليه فهو بلا شك ........... ومت من الشفايه يالغازي ولا يهونون بقية الشفايين اللي مسوين نفسهم مهم شفايين وخص المخاوي ههههههههههههه وقسم يالربع انه ثاني اكبر شفاي على وجه الارض :)

هاه وشلون الرمعه ؟؟

<<< الا يا نيم قبل ما يتأكد ان رمعته صحيح :)
======

الوشنوحي/ وش نوحك

انت ماينفع مع ردودك الا الاقتباس

ياخي رتّب افكارك.. قسم عجزت اركّز :)


ماظنيت انه ابن جشعم ..ابن جشعم اذا خرّبه راح يتسدح على الهاف مون :)
<<-- يقالك يمون على ابن جشعم :)

مالك لوا ياوشنوحك بالنسبة للمرسل ..اما المرسل اليه فاالبحث مازال جاري عنه:) تصدق يمكن انه جاري القرني :)

<<-- يقالك افكاره مرتبه هالحين :p



سوعال صغنطوط.. اذا المخاوي ثاني اكبر شفاي على وجه الارض.. طيب منهو اكبر شفاي؟ :)

[مفتاح14]

العزيز/ عزيز :)


هههههههههههههههههههه من وين طلعت انت ههههههههه

الظاهر فارطاتن عليك اكياس الحنطه هههههههههههههههههههههه


اما تعرف ابو خالد؟؟:eek:

طيب ارسله برساله خاصه وانا اعلمك باسم المرسل ماهو بس رقموه :)

وبعدين ابو خالد كثااار.. لايكون تقصد ريس النصر :)

<<-- ماهو منك من الشكشوكه اللي قبل شوي :p


العزّي..انجز علينا بعد حي :)

[راعي الوقيد]

اما تعرف ابو خالد؟؟
هذولا هم جايين ومعهم اللي انت خابر ف ق ا س هـ
ويدورون عليك |112|

[مفتاح14]

هذولا هم جايين ومعهم اللي انت خابر ف ق ا س هـ
ويدورون عليك |112|


راعي الوقيد..

انا داخلن على الله ثم عليك .. انت وش تقووول.. ؟؟:eek:

ماني خابر شي:rolleyes:



الا انت تحتسي علي والا على غيري :)؟

[راعي الوقيد]

اما تعرف << له معنى عندنا >> افقاسه
احسبك تقصد هذا الشي اللي على بالي ..
اثاريك ما انت بيمها ولا انت بحولها ..
انس الموضوع ....
اسلم ،، وين صرتوا ..؟؟
وياللي بعديييييييييييييي

[المخاوي]

المرسل هو ابن جشعم ولا ريب في ذلك :)
اما المرسل اليه فهو بلا شك ........... ومت من الشفايه يالغازي ولا يهونون بقية الشفايين اللي مسوين نفسهم مهم شفايين وخص المخاوي ههههههههههههه وقسم يالربع انه ثاني اكبر شفاي على وجه الارض :)
هاه وشلون الرمعه ؟؟
<<< الا يا نيم قبل ما يتأكد ان رمعته صحيح :)

وش نوحك >>>> منين طلعت انفض هالغبار اللي عليك :D

ماسمعت العجيز اللي توصي ولده تقول:D
( ولدي ياولدي خلك مع أول الرجال لو على زلق اللحى ) :D

ماقدامي الا انت واللي على بالك:rolleyes:............. والا بعدين:p والا اقول .... انشد اليم :eek:
لياحال الحول ياالله يعلمك :rolleyes:

مفتاح 14
اقول كم هالفلوس اللي محولهن الرجال واعلمك ابو خالد منهو :)
وهالرساله ماجت الا عندك :cool: باتسر هالزقرت عندوه ماعين خير :D

[شموخ]

[QUOTE=مفتاح14]الشامخه/ شموخ


ههههههههههههههه حتى انتي انتقلت لك عدوى الشفايه ههههههههه



[line]

كيف ماتنتقل العدوي من 24/8/2002 الى 1/5/2004

كم سنه بالله معكم ، يقول من عاشر القوم اربعين يوما صار منهم ، شئ اكيـــــــــــد بتنتقل العدوي .:)

تحياتي
شموخ

[ابو غازي]

احم احم |507|
من متى وإنتم مخيمين بهااه يابو جلمبووووووو :rolleyes:
وليه ماعلمتن وأنا إهترش تقل بلي مله كل هالوقت |10|
اقووووووووووووووول
ابوخالد وعرفته 100%
انتم طلعو لي المرسل وانا اقول لكم منهو ابوخالد

وياخوفي ان المرسل محارش هكا اللي لابغيت منه 100ريال قال سم بالرحمن وامسح على كيس هالحنطة ورجعهن لي 400
اقهرك بالله ياعزوز والله إنك صويدز 200 /200 :rolleyes:

انت عطن رقم المرسل وازهله
الرقم عندي ولا والله تفرحووون بوووه :)

مفتاح 14 لاتنسى الي تخبر خخخخخخخخ|507|
:eek:قال ..........|12|

[عبدالله المهيني]

الكاتب الأصلي : المخاوي

مفتاح 14
اقول كم هالفلوس اللي محولهن الرجال واعلمك ابو خالد منهو :)
وهالرساله ماجت الا عندك :cool: باتسر هالزقرت عندوه ماعين خير

الدرنفيس 14

كلهم سئلوا عن المرسل وعن ابو خالد راعي الدراهم

بس والله انا تسبدي به مرررررررر لكن جاوب على سوعال المخاوي

خلن ارتاح

بالله كم هالفلوس اللي حولهن لابو خالد ؟

وانا معاهدك بالله وأمان الله ماأسعلك من هو المرسل ومن هو ابو خالد

بس هن كم ؟؟؟؟؟؟ (( هههههههههههههههههههه ))

ملاحظة

ترى كل هذا ولا نعتبره شفايه بتاتاً البته

[اليم]

شموخ

بالله رقم راعي البعارين:)


عندي لي كم واحد ودي اوزلفهن بحلقوه|6|

[شموخ]

اليم شموخ

بالله رقم راعي البعارين:)


عندي لي كم واحد ودي اوزلفهن بحلقوه|6


[line]

عاد كاني اتذكر رقمه مسحت الرساله على طول :)

ولاتروح بعيد يارجال ارسل لك رقم خالي يحب شئ اسمه نياق بس بشرط نياقك من المزايين والا واحدات متقطعات وتبي تتفتك منها :) تراه يعرف في المزايين يعنى مو اي ناقه تدخل مزاجه ..

تحياتي
شموخ

[أبو مقرن]

الشيخ مفتاح14..
لايكون للرسالة علاقة بفيض الخواطر..
أو إنه خاطرة عابرة..وصدقته..:):)
<<<<يقطر ذكاء هالوليد..:D
بو لوه سالفة.ن. على طاري العجلة والارسال بالغلط..
مرة صار عندي لي سهرة.ن. خاصة لبعض الشباب..المهم قمت أرسل لبعضهم رسالة ..وكان فحواه:
(التعللة عندي الليلة..والعشاء الساعة 10:30..لا تأخر)
الوكاد ..وأنا أرسل فيه اسم وجه.ن. ودر..مالوه تسبد على العزيمة..وعلى الريحة على ماقالوا..
مادري وشلون أنا همزت اسمه وهي يتم (زعج الرسالة)..أتخطش ياولد..أبي أمكن..ياولله راحت..
قلت : خلن أرقعه..وأنا أحرفه على طووول وأرسله رسالة ثانية..نفس اللي قبله ولكن أضفت عليه:
محشش مرسل رسالة لخدمة (902)..<<<أدري بإنه بايخة ..بس الحاجة أم الاختراع لوهو مايصلح..
وأودعته نكتة..وليا يومك هذا وهووو يحسبنه نكتة..وكل مايشوفن يذكرن به و يقول : بايخة...
قلت: والله.......لو تدري وش سالفته..تسان ماتلومن..:)
***
عاد من هالمنطلق..توووووقعوا يابغيتوا ترسلون..

[الجازي]

أبو مقرن ,,

حسبي الله على ابليسك على هالتصريفة ,,, والله اثرك تقطر ذكاء من جد ,,

عاد تصدق شلت همك يوم دريت انك ماتبيه يحضر ,, بس اثرك منت هين :)